<p><strong>ಬ್ಯೂನಸ್ ಐರಿಸ್:</strong> ಭಾರತದ ಕುಸ್ತಿಪಟು ಸಿಮ್ರನ್ ಅವರು ಯೂತ್ ಒಲಿಂಪಿಕ್ಸ್ನಲ್ಲಿ ಬೆಳ್ಳಿಯ ಪದಕಕ್ಕೆ ಕೊರಳೊಡ್ಡಿದ್ದಾರೆ.</p>.<p>ಶನಿವಾರ ರಾತ್ರಿ ನಡೆದ ಮಹಿಳೆಯರ 43 ಕೆ.ಜಿ.ಫ್ರೀಸ್ಟೈಲ್ ವಿಭಾಗದಲ್ಲಿ ಅವರಿಂದ ಈ ಸಾಧನೆ ಮೂಡಿಬಂದಿದೆ.</p>.<p>ಫೈನಲ್ನಲ್ಲಿ ಸಿಮ್ರನ್ 6–11 ಪಾಯಿಂಟ್ಸ್ನಿಂದ ಅಮೆರಿಕದ ಎಮಿಲಿ ಶಿಲ್ಸನ್ ವಿರುದ್ಧ ಪರಾಭವಗೊಂಡರು.</p>.<p>ಮೊದಲ ಅವಧಿಯಲ್ಲಿ ಶಿಲ್ಸನ್ ಪ್ರಾಬಲ್ಯ ಮೆರೆದರು. ಬಿಗಿಪಟ್ಟುಗಳ ಮೂಲಕ ಭಾರತದ ಜಟ್ಟಿಯನ್ನು ಮ್ಯಾಟ್ ಮೇಲೆ ಉರುಳಿಸಿದ ಅವರು 9–2ರ ಮುನ್ನಡೆ ಗಳಿಸಿದರು.</p>.<p>ಎರಡನೇ ಅವಧಿಯಲ್ಲಿ ಸಿಮ್ರನ್ ಉತ್ತಮ ಸಾಮರ್ಥ್ಯ ತೋರಿದರು. ನಾಲ್ಕು ಪಾಯಿಂಟ್ಸ್ ಗಳಿಸಿದ ಅವರು ಹಿನ್ನಡೆ ತಗ್ಗಿಸಿಕೊಳ್ಳಲಷ್ಟೇ ಶಕ್ತರಾದರು.</p>.<p>ಸಿಮ್ರನ್ ಅವರು 2017ರ ಕೆಡೆಟ್ ವಿಶ್ವ ಚಾಂಪಿಯನ್ಷಿಪ್ನ 40 ಕೆ.ಜಿ.ವಿಭಾಗದಲ್ಲಿ ಕಂಚಿನ ಪದಕ ಜಯಿಸಿದ್ದರು. ಶಿಲ್ಸನ್ 2018ರ ಚಾಂಪಿಯನ್ಷಿಪ್ನಲ್ಲಿ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದರು.</p>.<p>ಮಾನಸಿ ಅವರು ಎಂಟನೇ ಸ್ಥಾನ ಪಡೆದರು. 57 ಕೆ.ಜಿ.ವಿಭಾಗದ ಕ್ಲಾಸಿಫಿಕೇಷನ್ ಪಂದ್ಯದಲ್ಲಿ ಮಾನಸಿ, ಈಜಿಪ್ಟ್ನ ಇಮಬಾಬಿ ಅಹ್ಮದ್ ವಿರುದ್ಧ ಸೋತರು.</p>.<p>ಫೈನಲ್ಗೆ ಭಾರತ ತಂಡಗಳು: 5 ಎ ಸೈಡ್ ಹಾಕಿಯಲ್ಲಿ ಭಾರತದ ಪುರುಷರ ಮತ್ತು ಮಹಿಳೆಯರ ತಂಡದವರು ಫೈನಲ್ ಪ್ರವೇಶಿಸಿದರು.</p>.<p>ಶನಿವಾರ ನಡೆದ ಸೆಮಿಫೈನಲ್ನಲ್ಲಿ ಪುರುಷರ ತಂಡ 3–1 ಗೋಲುಗಳಿಂದ ಅರ್ಜೆಂಟೀನಾವನ್ನು ಮಣಿಸಿತು.</p>.<p>ರಾಹುಲ್ ಕುಮಾರ್ ರಾಜಭರ್ ಮೂರನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಸೇರಿಸಿದರು. ನಂತರ ಸುದೀಪ್ ಚಿರಮಾಕೊ ಕೈಚಳಕ ತೋರಿದರು. ಅವರು 12 ಮತ್ತು 18ನೇ ನಿಮಿಷಗಳಲ್ಲಿ ಗೋಲು ಗಳಿಸಿದರು.</p>.<p>ಮಹಿಳಾ ವಿಭಾಗದ ನಾಲ್ಕರ ಘಟ್ಟದ ಹೋರಾಟದಲ್ಲಿ ಭಾರತ 3–0 ಗೋಲುಗಳಿಂದ ಚೀನಾ ಎದುರು ಗೆದ್ದಿತು.</p>.<p>ಮುಮ್ತಾಜ್ ಖಾನ್ ಮೊದಲ ನಿಮಿಷದಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದರು. ರೀತ್ ಮತ್ತು ಲಾಲ್ರೆಮ್ಸಿಯಾಮಿ ಕ್ರಮವಾಗಿ 5 ಮತ್ತು 13ನೇ ನಿಮಿಷಗಳಲ್ಲಿ ಗೋಲು ದಾಖಲಿಸಿದರು.</p>.<p>ಫೈನಲ್ನಲ್ಲಿ ಪುರುಷರ ತಂಡ ಮಲೇಷ್ಯಾ ಎದುರೂ, ಮಹಿಳಾ ತಂಡ ಅರ್ಜೆಂಟೀನಾ ವಿರುದ್ಧವೂ ಸೆಣಸಲಿವೆ.</p>.<p><strong>ಪ್ಯಾಟ್ರಿಕ್ ನಿಧನ: </strong>ಯೂತ್ ಒಲಿಂಪಿಕ್ಸ್ನಲ್ಲಿ ಭಾಗವಹಿಸಿದ್ದ ಅಂತರರಾಷ್ಟ್ರೀಯ ಬ್ಯಾಸ್ಕೆಟ್ಬಾಲ್ ಫೆಡರೇಷನ್ನ (ಫಿಬಾ) ಮಹಾಕಾರ್ಯದರ್ಶಿ ಪ್ಯಾಟ್ರಿಕ್ ಬವುಮನ್ (51) ಭಾನುವಾರ ಹೃದಯಸ್ತಂಭನದಿಂದ ನಿಧನರಾದರು.</p>.<p>1994ರಲ್ಲಿ ಫಿಬಾ ವಕೀಲರಾಗಿ ಕೆಲಸ ಮಾಡಿದ್ದ ಸ್ವಿಟ್ಜರ್ಲೆಂಡ್ನ ಪ್ಯಾಟ್ರಿಕ್ ಅವರನ್ನು 2002ರಲ್ಲಿ ಮಹಾಕಾರ್ಯದರ್ಶಿಯಾಗಿ ನೇಮಿಸಲಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬ್ಯೂನಸ್ ಐರಿಸ್:</strong> ಭಾರತದ ಕುಸ್ತಿಪಟು ಸಿಮ್ರನ್ ಅವರು ಯೂತ್ ಒಲಿಂಪಿಕ್ಸ್ನಲ್ಲಿ ಬೆಳ್ಳಿಯ ಪದಕಕ್ಕೆ ಕೊರಳೊಡ್ಡಿದ್ದಾರೆ.</p>.<p>ಶನಿವಾರ ರಾತ್ರಿ ನಡೆದ ಮಹಿಳೆಯರ 43 ಕೆ.ಜಿ.ಫ್ರೀಸ್ಟೈಲ್ ವಿಭಾಗದಲ್ಲಿ ಅವರಿಂದ ಈ ಸಾಧನೆ ಮೂಡಿಬಂದಿದೆ.</p>.<p>ಫೈನಲ್ನಲ್ಲಿ ಸಿಮ್ರನ್ 6–11 ಪಾಯಿಂಟ್ಸ್ನಿಂದ ಅಮೆರಿಕದ ಎಮಿಲಿ ಶಿಲ್ಸನ್ ವಿರುದ್ಧ ಪರಾಭವಗೊಂಡರು.</p>.<p>ಮೊದಲ ಅವಧಿಯಲ್ಲಿ ಶಿಲ್ಸನ್ ಪ್ರಾಬಲ್ಯ ಮೆರೆದರು. ಬಿಗಿಪಟ್ಟುಗಳ ಮೂಲಕ ಭಾರತದ ಜಟ್ಟಿಯನ್ನು ಮ್ಯಾಟ್ ಮೇಲೆ ಉರುಳಿಸಿದ ಅವರು 9–2ರ ಮುನ್ನಡೆ ಗಳಿಸಿದರು.</p>.<p>ಎರಡನೇ ಅವಧಿಯಲ್ಲಿ ಸಿಮ್ರನ್ ಉತ್ತಮ ಸಾಮರ್ಥ್ಯ ತೋರಿದರು. ನಾಲ್ಕು ಪಾಯಿಂಟ್ಸ್ ಗಳಿಸಿದ ಅವರು ಹಿನ್ನಡೆ ತಗ್ಗಿಸಿಕೊಳ್ಳಲಷ್ಟೇ ಶಕ್ತರಾದರು.</p>.<p>ಸಿಮ್ರನ್ ಅವರು 2017ರ ಕೆಡೆಟ್ ವಿಶ್ವ ಚಾಂಪಿಯನ್ಷಿಪ್ನ 40 ಕೆ.ಜಿ.ವಿಭಾಗದಲ್ಲಿ ಕಂಚಿನ ಪದಕ ಜಯಿಸಿದ್ದರು. ಶಿಲ್ಸನ್ 2018ರ ಚಾಂಪಿಯನ್ಷಿಪ್ನಲ್ಲಿ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದರು.</p>.<p>ಮಾನಸಿ ಅವರು ಎಂಟನೇ ಸ್ಥಾನ ಪಡೆದರು. 57 ಕೆ.ಜಿ.ವಿಭಾಗದ ಕ್ಲಾಸಿಫಿಕೇಷನ್ ಪಂದ್ಯದಲ್ಲಿ ಮಾನಸಿ, ಈಜಿಪ್ಟ್ನ ಇಮಬಾಬಿ ಅಹ್ಮದ್ ವಿರುದ್ಧ ಸೋತರು.</p>.<p>ಫೈನಲ್ಗೆ ಭಾರತ ತಂಡಗಳು: 5 ಎ ಸೈಡ್ ಹಾಕಿಯಲ್ಲಿ ಭಾರತದ ಪುರುಷರ ಮತ್ತು ಮಹಿಳೆಯರ ತಂಡದವರು ಫೈನಲ್ ಪ್ರವೇಶಿಸಿದರು.</p>.<p>ಶನಿವಾರ ನಡೆದ ಸೆಮಿಫೈನಲ್ನಲ್ಲಿ ಪುರುಷರ ತಂಡ 3–1 ಗೋಲುಗಳಿಂದ ಅರ್ಜೆಂಟೀನಾವನ್ನು ಮಣಿಸಿತು.</p>.<p>ರಾಹುಲ್ ಕುಮಾರ್ ರಾಜಭರ್ ಮೂರನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಸೇರಿಸಿದರು. ನಂತರ ಸುದೀಪ್ ಚಿರಮಾಕೊ ಕೈಚಳಕ ತೋರಿದರು. ಅವರು 12 ಮತ್ತು 18ನೇ ನಿಮಿಷಗಳಲ್ಲಿ ಗೋಲು ಗಳಿಸಿದರು.</p>.<p>ಮಹಿಳಾ ವಿಭಾಗದ ನಾಲ್ಕರ ಘಟ್ಟದ ಹೋರಾಟದಲ್ಲಿ ಭಾರತ 3–0 ಗೋಲುಗಳಿಂದ ಚೀನಾ ಎದುರು ಗೆದ್ದಿತು.</p>.<p>ಮುಮ್ತಾಜ್ ಖಾನ್ ಮೊದಲ ನಿಮಿಷದಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದರು. ರೀತ್ ಮತ್ತು ಲಾಲ್ರೆಮ್ಸಿಯಾಮಿ ಕ್ರಮವಾಗಿ 5 ಮತ್ತು 13ನೇ ನಿಮಿಷಗಳಲ್ಲಿ ಗೋಲು ದಾಖಲಿಸಿದರು.</p>.<p>ಫೈನಲ್ನಲ್ಲಿ ಪುರುಷರ ತಂಡ ಮಲೇಷ್ಯಾ ಎದುರೂ, ಮಹಿಳಾ ತಂಡ ಅರ್ಜೆಂಟೀನಾ ವಿರುದ್ಧವೂ ಸೆಣಸಲಿವೆ.</p>.<p><strong>ಪ್ಯಾಟ್ರಿಕ್ ನಿಧನ: </strong>ಯೂತ್ ಒಲಿಂಪಿಕ್ಸ್ನಲ್ಲಿ ಭಾಗವಹಿಸಿದ್ದ ಅಂತರರಾಷ್ಟ್ರೀಯ ಬ್ಯಾಸ್ಕೆಟ್ಬಾಲ್ ಫೆಡರೇಷನ್ನ (ಫಿಬಾ) ಮಹಾಕಾರ್ಯದರ್ಶಿ ಪ್ಯಾಟ್ರಿಕ್ ಬವುಮನ್ (51) ಭಾನುವಾರ ಹೃದಯಸ್ತಂಭನದಿಂದ ನಿಧನರಾದರು.</p>.<p>1994ರಲ್ಲಿ ಫಿಬಾ ವಕೀಲರಾಗಿ ಕೆಲಸ ಮಾಡಿದ್ದ ಸ್ವಿಟ್ಜರ್ಲೆಂಡ್ನ ಪ್ಯಾಟ್ರಿಕ್ ಅವರನ್ನು 2002ರಲ್ಲಿ ಮಹಾಕಾರ್ಯದರ್ಶಿಯಾಗಿ ನೇಮಿಸಲಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
