<p><strong>ಇಸ್ಲಾಮಾಬಾದ್ (ಪಿಟಿಐ):</strong> ಯೂಕಿ ಭಾಂಬ್ರಿ ಮತ್ತು ಸಾಕೇತ್ ಮೈನೇನಿ ಜೋಡಿಗೆ ನಿರಾಯಾಸ ಜಯ ಹಾಗೂ ನಿಕಿ ಪೂಣಚ್ಚ ಅವರ ಚೊಚ್ಚಲ ಗೆಲುವಿನೊಂದಿಗೆ ಭಾರತ ಡೇವಿಸ್ ಕಪ್ ತಂಡ ಭಾನುವಾರ ಪಾಕಿಸ್ತಾನವನ್ನು 4–0 ಅಂತರದಿಂದ ಸೋಲಿಸಿತು.</p><p>60 ವರ್ಷಗಳ ಬಳಿಕ ಪಾಕಿಸ್ತಾನ ಪ್ರವಾಸ ಕೈಗೊಂಡಿದ್ದ ಭಾರತ ಡೇವಿಸ್ ಕಪ್ ತಂಡ ವಿಶ್ವ ಪ್ರಥಮ ಗುಂಪಿನಲ್ಲಿ ಸ್ಥಾನ ಪಡೆದಿದೆ. </p><p>ಡಬಲ್ಸ್ ವಿಭಾಗದಲ್ಲಿ ಭಾಂಬ್ರಿ ಮತ್ತು ಮೈನೇನಿ ಜೋಡಿ 6-2, 7-6 (5) ಸೆಟ್ಗಳಿಂದ ಮುಝಾಮಿಲ್ ಮುರ್ತಾಝ ಮತ್ತು ಅಖೀಲ್ ಖಾನ್ ಅವರನ್ನು ಮಣಿಸಿ ಟೂರ್ನಿಯಲ್ಲಿ ಪಾಕಿಸ್ತಾನ ವಿರುದ್ಧ ಭಾರತದ ಪ್ರಾಬಲ್ಯ ವಿಸ್ತರಿಸಿತು.</p><p>ಬಕರ್ತ್ ಉಲ್ಲಾ ಬದಲಿಗೆ ಅಖೀಲ್ ಖಾನ್ ಕಣಕ್ಕಿಳಿದಿದ್ದರು. ‘ಮಾಡು ಇಲ್ಲವೇ ಮಡಿ’ ಪಂದ್ಯವಾಗಿದ್ದರಿಂದ ಅನುಭವಿ ಆಟಗಾರನನ್ನು ಕಣಕ್ಕಿಳಿಸುವ ಯೋಜನೆ ಮಾಡಿತ್ತು. ಒಂದೊಮ್ಮೆ ಪಂದ್ಯ ಸೋತಿದ್ದರೆ ಭಾರತದ ಹಾದಿ ಕಠಿಣವಾಗುತ್ತಿತ್ತು. ಆದರೆ, ಭಾಂಬ್ರಿ ಮತ್ತು ಮೈನೇನಿ ಪ್ರಬಲ ಹೋರಾಟ ಮಾಡಿದರು.</p><p>ಮೈನೇನಿ ಅವರ ಪ್ರಬಲ ಸರ್ವ್ಗಳು ಆತಿಥೇಯ ತಂಡಕ್ಕೆ ಭಾರಿ ಹೊಡೆತ ನೀಡಿದವು. ಅವರು ತನ್ನ ಸರ್ವ್ನಲ್ಲಿ ಒಂದೂ ಪಾಯಿಂಟ್ ಕಳೆದುಕೊಳ್ಳಲಿಲ್ಲ ಮತ್ತು ನೆಟ್ ಬಳಿಯ ಆಟದಲ್ಲಿಯೂ ಉತ್ತಮವಾಗಿ ಆಡಿದರು. ಭಾರತ ಆಟಗಾರರು ಉತ್ತಮ ರಿಟರ್ನ್ಗಳನ್ನು ನೀಡಿದರು.</p><p>28ರ ವರ್ಷದ ನಿಕಿ ಪೂಣಚ್ಚ ಅವರು ಮೊಹಮ್ಮದ್ ಶೋಯೆಬ್ ಅವರನ್ನು 6-3, 6-4ರ ನೇರ ಸೆಟ್ಗಳಿಂದ ಸೋಲಿಸಿದರು.</p><p>ಶೋಯೆಬ್ ತನ್ನ ಸರ್ವ್ನಲ್ಲಿ ಹೆಣಗಾಡಿದರು ಹಾಗೂ ತಪ್ಪುಗಳನ್ನು ನಿಯಂತ್ರಿಸಲು ಪರದಾಡಿದರು. ಎದುರಾಳಿ ಸುಲಭವಾಗಿ ಪಾಯಿಂಟ್ಸ್ ಗಳಿಸಲು ಅವಕಾಶ ನೀಡಿದರು. </p><p>ಡೇವಿಸ್ ಕಪ್ ಟೂರ್ನಿಯಲ್ಲಿ ಇದು ಭಾರತಕ್ಕೆ ಎಂಟನೇ ಜಯವಾಗಿದೆ. ಟೆನಿಸ್ ವಿಶ್ವಕಪ್ ಎಂದೇ ಹೇಳಲಾಗುವ ಈ ಟೂರ್ನಿಯ ವಿಶ್ವ ಪ್ರಥಮ ಗುಂಪಿಗೆ ಭಾರತ ಅರ್ಹತೆ ಗಿಟ್ಟಿಸಿದೆ. ಇದೇ ವರ್ಷ ಸೆಪ್ಟೆಂಬರ್ನಲ್ಲಿ ಪ್ರಥಮ ಗುಂಪಿನ ಸ್ಪರ್ಧೆ ನಡೆಯಲಿದೆ. ಪಾಕ್ ತಂಡವು ಎರಡನೇ ಗುಂಪಿನಲ್ಲಿ ಇರಲಿದೆ.</p><p>‘ಎಲ್ಲಾ ವ್ಯವಸ್ಥೆಗಳು ಉತ್ತಮವಾಗಿದ್ದವು. ಅದ್ಭುತ ಆತಿಥ್ಯ ವಹಿಸಿದ್ದಕ್ಕಾಗಿ ಪಾಕಿಸ್ತಾನ ಟೆನಿಸ್ ಫೆಡರೇಷನ್ಗೆ ಧನ್ಯವಾದಗಳು’ ಎಂದು ಭಾರತ ತಂಡದ ಆಟವಾಡದ ನಾಯಕ ಜೀಶಾನ್ ಅಲಿ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಇಸ್ಲಾಮಾಬಾದ್ (ಪಿಟಿಐ):</strong> ಯೂಕಿ ಭಾಂಬ್ರಿ ಮತ್ತು ಸಾಕೇತ್ ಮೈನೇನಿ ಜೋಡಿಗೆ ನಿರಾಯಾಸ ಜಯ ಹಾಗೂ ನಿಕಿ ಪೂಣಚ್ಚ ಅವರ ಚೊಚ್ಚಲ ಗೆಲುವಿನೊಂದಿಗೆ ಭಾರತ ಡೇವಿಸ್ ಕಪ್ ತಂಡ ಭಾನುವಾರ ಪಾಕಿಸ್ತಾನವನ್ನು 4–0 ಅಂತರದಿಂದ ಸೋಲಿಸಿತು.</p><p>60 ವರ್ಷಗಳ ಬಳಿಕ ಪಾಕಿಸ್ತಾನ ಪ್ರವಾಸ ಕೈಗೊಂಡಿದ್ದ ಭಾರತ ಡೇವಿಸ್ ಕಪ್ ತಂಡ ವಿಶ್ವ ಪ್ರಥಮ ಗುಂಪಿನಲ್ಲಿ ಸ್ಥಾನ ಪಡೆದಿದೆ. </p><p>ಡಬಲ್ಸ್ ವಿಭಾಗದಲ್ಲಿ ಭಾಂಬ್ರಿ ಮತ್ತು ಮೈನೇನಿ ಜೋಡಿ 6-2, 7-6 (5) ಸೆಟ್ಗಳಿಂದ ಮುಝಾಮಿಲ್ ಮುರ್ತಾಝ ಮತ್ತು ಅಖೀಲ್ ಖಾನ್ ಅವರನ್ನು ಮಣಿಸಿ ಟೂರ್ನಿಯಲ್ಲಿ ಪಾಕಿಸ್ತಾನ ವಿರುದ್ಧ ಭಾರತದ ಪ್ರಾಬಲ್ಯ ವಿಸ್ತರಿಸಿತು.</p><p>ಬಕರ್ತ್ ಉಲ್ಲಾ ಬದಲಿಗೆ ಅಖೀಲ್ ಖಾನ್ ಕಣಕ್ಕಿಳಿದಿದ್ದರು. ‘ಮಾಡು ಇಲ್ಲವೇ ಮಡಿ’ ಪಂದ್ಯವಾಗಿದ್ದರಿಂದ ಅನುಭವಿ ಆಟಗಾರನನ್ನು ಕಣಕ್ಕಿಳಿಸುವ ಯೋಜನೆ ಮಾಡಿತ್ತು. ಒಂದೊಮ್ಮೆ ಪಂದ್ಯ ಸೋತಿದ್ದರೆ ಭಾರತದ ಹಾದಿ ಕಠಿಣವಾಗುತ್ತಿತ್ತು. ಆದರೆ, ಭಾಂಬ್ರಿ ಮತ್ತು ಮೈನೇನಿ ಪ್ರಬಲ ಹೋರಾಟ ಮಾಡಿದರು.</p><p>ಮೈನೇನಿ ಅವರ ಪ್ರಬಲ ಸರ್ವ್ಗಳು ಆತಿಥೇಯ ತಂಡಕ್ಕೆ ಭಾರಿ ಹೊಡೆತ ನೀಡಿದವು. ಅವರು ತನ್ನ ಸರ್ವ್ನಲ್ಲಿ ಒಂದೂ ಪಾಯಿಂಟ್ ಕಳೆದುಕೊಳ್ಳಲಿಲ್ಲ ಮತ್ತು ನೆಟ್ ಬಳಿಯ ಆಟದಲ್ಲಿಯೂ ಉತ್ತಮವಾಗಿ ಆಡಿದರು. ಭಾರತ ಆಟಗಾರರು ಉತ್ತಮ ರಿಟರ್ನ್ಗಳನ್ನು ನೀಡಿದರು.</p><p>28ರ ವರ್ಷದ ನಿಕಿ ಪೂಣಚ್ಚ ಅವರು ಮೊಹಮ್ಮದ್ ಶೋಯೆಬ್ ಅವರನ್ನು 6-3, 6-4ರ ನೇರ ಸೆಟ್ಗಳಿಂದ ಸೋಲಿಸಿದರು.</p><p>ಶೋಯೆಬ್ ತನ್ನ ಸರ್ವ್ನಲ್ಲಿ ಹೆಣಗಾಡಿದರು ಹಾಗೂ ತಪ್ಪುಗಳನ್ನು ನಿಯಂತ್ರಿಸಲು ಪರದಾಡಿದರು. ಎದುರಾಳಿ ಸುಲಭವಾಗಿ ಪಾಯಿಂಟ್ಸ್ ಗಳಿಸಲು ಅವಕಾಶ ನೀಡಿದರು. </p><p>ಡೇವಿಸ್ ಕಪ್ ಟೂರ್ನಿಯಲ್ಲಿ ಇದು ಭಾರತಕ್ಕೆ ಎಂಟನೇ ಜಯವಾಗಿದೆ. ಟೆನಿಸ್ ವಿಶ್ವಕಪ್ ಎಂದೇ ಹೇಳಲಾಗುವ ಈ ಟೂರ್ನಿಯ ವಿಶ್ವ ಪ್ರಥಮ ಗುಂಪಿಗೆ ಭಾರತ ಅರ್ಹತೆ ಗಿಟ್ಟಿಸಿದೆ. ಇದೇ ವರ್ಷ ಸೆಪ್ಟೆಂಬರ್ನಲ್ಲಿ ಪ್ರಥಮ ಗುಂಪಿನ ಸ್ಪರ್ಧೆ ನಡೆಯಲಿದೆ. ಪಾಕ್ ತಂಡವು ಎರಡನೇ ಗುಂಪಿನಲ್ಲಿ ಇರಲಿದೆ.</p><p>‘ಎಲ್ಲಾ ವ್ಯವಸ್ಥೆಗಳು ಉತ್ತಮವಾಗಿದ್ದವು. ಅದ್ಭುತ ಆತಿಥ್ಯ ವಹಿಸಿದ್ದಕ್ಕಾಗಿ ಪಾಕಿಸ್ತಾನ ಟೆನಿಸ್ ಫೆಡರೇಷನ್ಗೆ ಧನ್ಯವಾದಗಳು’ ಎಂದು ಭಾರತ ತಂಡದ ಆಟವಾಡದ ನಾಯಕ ಜೀಶಾನ್ ಅಲಿ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
