ಅಮೆರಿಕ ಓಪನ್‌ ಟೆನಿಸ್‌ ಫೈನಲ್‌: ಸಾಂಪ್ರಾಸ್‌ ದಾಖಲೆ ಸರಿಗಟ್ಟಿದ ಜೊಕೊವಿಚ್‌

ನ್ಯೂಯಾರ್ಕ್ : ಸರ್ಬಿಯಾದ ನೊವಾಕ್ ಜೊಕೊವಿಚ್ ಅವರು ಅಮೆರಿಕ ಓಪನ್ ಟೆನಿಸ್ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದಿದ್ದಾರೆ.

. ಇದರೊಂದಿಗೆ ಅತಿ ಹೆಚ್ಚು ಗ್ರ್ಯಾನ್ಸ್ಲಾಮ್ ಟ್ರೋಫಿ ಮುಡಿಗೇರಿಸಿಕೊಂಡವರ ಪೈಕಿ ಅಮೆರಿಕದ ಪೀಟ್ ಸಾಂಪ್ರಾಸ್ ದಾಖಲೆಯನ್ನು ಸರಿಗಟ್ಟಿದ್ದಾರೆ. ನೊವಾಕ್ ಗೆದ್ದ 14ನೇ ಗ್ರ್ಯಾನ್ಸ್ಲಾಮ್ ಟ್ರೋಫಿ ಇದಾಗಿದೆ.

. ಅಮೆರಿಕ ಓಪನ್ನಲ್ಲಿ ಆರನೇ ಬಾರಿ ಫೈನಲ್ ಪ್ರವೇಶಿಸಿದ್ದ ಜೊಕೊವಿಚ್ ಪ್ರಶಸ್ತಿಗೆ ಮುತ್ತಿಕ್ಕಿದ್ದು ಮೂರನೇ ಬಾರಿ. 2011 ಮತ್ತು 2015ರಲ್ಲೂ ಚಾಂಪಿಯನ್ ಆಗಿದ್ದರು.

. ಗಾಯದ ಕಾರಣ ಹೋದ ವರ್ಷ ಟೂರ್ನಿಗೆ ಅಲಭ್ಯರಾಗಿದ್ದ ನೊವಾಕ್, ಆರ್ಥರ್ ಆ್ಯಷ್ ಕ್ರೀಡಾಂಗಣದಲ್ಲಿ ಸೋಮವಾರ ನಡೆದ ಪುರುಷರ ಸಿಂಗಲ್ಸ್ ಫೈನಲ್ನಲ್ಲಿ 3–0 ಯಿಂದ ಅರ್ಜೆಂಟೀನಾದ ವುವಾನ್ ಮಾರ್ಟಿನ್ ಡೆಲ್ ಪೊಟ್ರೊ ಅವರನ್ನು ಸೋಲಿಸಿದರು.

. ವುವಾನ್ ಎದುರು ನೊವಾಕ್ ಗೆದ್ದ 15ನೇ ಪಂದ್ಯ ಇದಾಗಿದೆ.

. ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿರುವ ಪೊಟ್ರೊ, ಗ್ರ್ಯಾನ್ಸ್ಲಾಮ್ನಲ್ಲಿ ಎರಡನೇ ಬಾರಿ ಫೈನಲ್ ಪ್ರವೇಶಿಸಿದ್ದರು. 2009ರ ಅಮೆರಿಕ ಓಪನ್ ಟೂರ್ನಿಯಲ್ಲಿ ಮೊದಲ ಬಾರಿಗೆ ಪ್ರಶಸ್ತಿ ಜಯಿಸಿದ್ದರು.

. ಜೊಕೊವಿಚ್ ಗೆದ್ದಿದ್ದು ಹೀಗೆ...

. ಮೊದಲ ಸೆಟ್ : 6–3

. *ಆರಂಭದಲ್ಲಿ ಒತ್ತಡಕ್ಕೆ ಒಳಗಾದಂತೆ ಕಂಡ ನೊವಾಕ್, ನಂತರ ಮಿಂಚಿದರು. ತಾವು ಸರ್ವ್ ಮಾಡಿದ ಎರಡೂ ಗೇಮ್ಗಳನ್ನು ಜಯಿಸಿ 2–1ರ ಮುನ್ನಡೆ ಗಳಿಸಿದರು.

. *ಎಂಟನೇ ಗೇಮ್ನಲ್ಲಿ ಜಿದ್ದಾಜಿದ್ದಿನ ಪೈಪೋಟಿ ಕಂಡುಬಂತು. ಇಬ್ಬರೂ 22 ಶಾಟ್ಸ್ಗಳ ರ್ಯಾಲಿ ಆಡಿದರು. ಈ ಹಂತದಲ್ಲಿ ಬ್ರೇಕ್ ಪಾಯಿಂಟ್ ಕಲೆಹಾಕಿದ ಜೊಕೊವಿಚ್, ಗೇಮ್ ಜಯಿಸಿ ಮುನ್ನಡೆಯನ್ನು 5–3ಕ್ಕೆ ಹೆಚ್ಚಿಸಿಕೊಂಡರು.

. *ಒಂಬತ್ತನೇ ಗೇಮ್ನಲ್ಲೂ ಜೊಕೊವಿಚ್ ಆಟ ರಂಗೇರಿತು. ಮತ್ತೊಮ್ಮೆ ಇಬ್ಬರೂ ದೀರ್ಘ ರ್ಯಾಲಿಗಳನ್ನು ಆಡಿದರು. ರೋಚಕ ಘಟ್ಟದಲ್ಲಿ ಡೆಲ್ಪೊಟ್ರೊ ಎಡವಟ್ಟು ಮಾಡಿದರು. ಡ್ರಾಪ್ ಮಾಡುವ ಭರದಲ್ಲಿ ಅವರು ಚೆಂಡನ್ನು ನೆಟ್ಗೆ ಬಾರಿಸಿ ಗೇಮ್ ಕೈಚೆಲ್ಲಿದರು.

. ಎರಡನೇ ಸೆಟ್: 7–6

. *ಮೊದಲ ಗೇಮ್ನಲ್ಲಿ 0–30ರಿಂದ ಹಿನ್ನಡೆ ಕಂಡಿದ್ದ ಪೊಟ್ರೊ, ನಂತರ ಎರಡು ಬ್ರೇಕ್ ಪಾಯಿಂಟ್ಸ್ ಉಳಿಸಿಕೊಂಡು ಗೇಮ್ ಕೈವಶ ಮಾಡಿಕೊಂಡರು.

. *ನಾಲ್ಕನೇ ಗೇಮ್ನಲ್ಲಿ ಪೊಟ್ರೊ ಹಲವು ತಪ್ಪುಗಳನ್ನು ಮಾಡಿದರು. ಹೀಗಾಗಿ ನೊವಾಕ್ 3–1ರಿಂದ ಮುನ್ನಡೆ ಪಡೆದರು.

. *ನಂತರದ ಮೂರು ಗೇಮ್ಗಳಲ್ಲಿ ಪೊಟ್ರೊ ಪ್ರಾಬಲ್ಯ ಮೆರೆದರು. ಅಮೋಘ ಏಸ್ಗಳನ್ನು ಸಿಡಿಸಿ 4–3ಯಿಂದ ಮುನ್ನಡೆ ಗಳಿಸಿದರು.

. *ಎಂಟನೇ ಗೇಮ್ನಲ್ಲಿ ಜೊಕೊವಿಚ್ ತಿರುಗೇಟು ನೀಡಿದರು. 20 ನಿಮಿಷಗಳ ಮ್ಯಾರಥಾನ್ ಹೋರಾಟದಲ್ಲಿ ಮೇಲುಗೈ ಸಾಧಿಸಿ 4–4ರಲ್ಲಿ ಸಮಬಲ ಮಾಡಿಕೊಂಡರು. ನಂತರದ ನಾಲ್ಕು ಗೇಮ್ಗಳಲ್ಲೂ ಜಿದ್ದಾಜಿದ್ದಿನ ಹೋರಾಟ ಕಂಡುಬಂತು.

. *‘ಟೈ ಬ್ರೇಕರ್’ನಲ್ಲಿ ಅರ್ಜೆಂಟೀನಾದ ಪೊಟ್ರೊ ಹಲವು ತಪ್ಪುಗಳನ್ನು ಮಾಡಿ ಜೊಕೊವಿಚ್ಗೆ ಶರಣಾದರು.

. *ಮೊದಲ ಎರಡು ಸೆಟ್ಗಳ ಪೈಪೋಟಿ 2 ಗಂಟೆ 47 ನಿಮಿಷ ನಡೆಯಿತು.

. ಮೂರನೇ ಸೆಟ್: 6–3

. *ನಿರ್ಣಾಯಕ ಸೆಟ್ನಲ್ಲಿ ಜೊಕೊವಿಚ್ ದೀರ್ಘ ರ್ಯಾಲಿಗಳನ್ನು ಆಡುವುದಕ್ಕೆ ಹೆಚ್ಚು ಒತ್ತು ನೀಡಿದರು. ನಾಲ್ಕನೇ ಗೇಮ್ನಲ್ಲಿ 22 ಶಾಟ್ಗಳ ರ್ಯಾಲಿಯನ್ನು ಗೆದ್ದು 3–1ರ ಮುನ್ನಡೆ ಗಳಿಸಿದರು.

. *ಐದನೇ ಗೇಮ್ನಲ್ಲಿ ಬ್ಯಾಕ್ಹ್ಯಾಂಡ್ ವ್ಯಾಲಿ ವಿನ್ನರ್ಗಳನ್ನು ಸಿಡಿಸಿದ ಪೊಟ್ರೊ, ಎದುರಾಳಿಯನ್ನು ಕಂಗೆಡಿಸಿ ಹಿನ್ನಡೆಯನ್ನು 2–3ಕ್ಕೆ ತಗ್ಗಿಸಿಕೊಂಡರು.

. *ನಂತರ ನೊವಾಕ್ ಪ್ರಾಬಲ್ಯ ಮೆರೆದರು. ಕ್ರಾಸ್ಕೋರ್ಟ್ ಸ್ಮ್ಯಾಷ್ಗಳನ್ನು ಸಿಡಿಸಿದ ಅವರು ಬ್ರೇಕ್ ಪಾಯಿಂಟ್ಸ್ಗಳನ್ನು ಕಾಪಾಡಿಕೊಂಡು ಸತತ ಎರಡು ಗೇಮ್ ಗೆದ್ದರು. ಹೀಗಾಗಿ ಮುನ್ನಡೆ 5–3ಕ್ಕೆ ಹೆಚ್ಚಿತು.

. *ಒಂಬತ್ತನೇ ಗೇಮ್ನಲ್ಲೂ ಪರಿಣಾಮಕಾರಿ ಸಾಮರ್ಥ್ಯ ತೋರಿದ ಜೊಕೊವಿಚ್ ಸಂಭ್ರಮದ ಹೊಳೆಯಲ್ಲಿ ಮಿಂದೆದ್ದರು.

. ಇದನ್ನೂ ಓದಿ

. ರಫೆಲ್ ನಡಾಲ್ಗೆ ‘ಸೋಲಿನ’ ನೋವು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಮೆರಿಕ ಓಪನ್‌ ಟೆನಿಸ್‌ ಫೈನಲ್‌: ಸಾಂಪ್ರಾಸ್‌ ದಾಖಲೆ ಸರಿಗಟ್ಟಿದ ಜೊಕೊವಿಚ್‌

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚುರುಮುರಿ: ಸಂಪುಟ ಸರ್ಜರಿ!

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024