ಬೆಂಗಳೂರು: ಕರುಣ್ ನಾಯರ್ (ಅಜೇಯ 118) ಅವರ ಶತಕದ ನೆರವಿನಿಂದ ಕರ್ನಾಟಕ ತಂಡ ಇಲ್ಲಿ ನಡೆಯುತ್ತಿರುವ ಸಿ.ಕೆ. ನಾಯ್ಡು ಟ್ರೋಫಿ ಎಲೈಟ್ `ಎ~ ಕ್ರಿಕೆಟ್ ಪಂದ್ಯದಲ್ಲಿ ಹಿಮಾಚಲ ಪ್ರದೇಶ ವಿರುದ್ಧ ಇನಿಂಗ್ಸ್ ಮುನ್ನಡೆ ಸಾಧಿಸಿದೆ.
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದ ಎರಡನೇ ದಿನದಾಟದ ಅಂತ್ಯಕ್ಕೆ ಕರ್ನಾಟಕ ಮೊದಲ ಇನಿಂಗ್ಸ್‌ನಲ್ಲಿ 85 ಓವರ್‌ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 342 ರನ್ ಗಳಿಸಿದೆ. ಹಿಮಾಚಲ ಪ್ರದೇಶ ಮೊದಲ ಇನಿಂಗ್ಸ್‌ನಲ್ಲಿ 92.3 ಓವರ್‌ಗಳಲ್ಲಿ 296 ರನ್‌ಗಳಿಗೆ ಎಲ್ಲಾ ವಿಕೆಟ್ ಕಳೆದುಕೊಂಡಿತು.
ಸ್ಕೋರ್: ಹಿಮಾಚಲ ಪ್ರದೇಶ: 92.3 ಓವರ್‌ಗಳಲ್ಲಿ 296 (ಎನ್.ಆರ್. ಗ್ಯಾಂಗ್ಟ 129; ಎಚ್.ಎಸ್. ಶರತ್ 59ಕ್ಕೆ 3, ಕೆ. ಗೌತಮ್ 84ಕ್ಕೆ 2, ಆದಿತ್ಯ ಸಾಗರ್ 30ಕ್ಕೆ3); ಕರ್ನಾಟಕ: ಮೊದಲ ಇನಿಂಗ್ಸ್ 85 ಓವರ್‌ಗಳಲ್ಲಿ 4 ವಿಕೆಟ್‌ಗೆ 342 (ಮಯಾಂಕ್ ಅಗರ್‌ವಾಲ್ 91, ಕರುಣ್ ನಾಯರ್ ಬ್ಯಾಟಿಂಗ್ 118, ಶ್ರೇಯಸ್ ಗೋಪಾಲ್ ಬ್ಯಾಟಿಂಗ್ 59).
