<p class="title">ಜಮ್ಮು (ಪಿಟಿಐ): ಸ್ವಾತಂತ್ರ್ಯ ಹೋರಾಟಗಾರ ಭಗತ್ ಸಿಂಗ್ ಅವರನ್ನು ‘ಭಯೋತ್ಪಾದಕ’ನೆಂದು ಜಮ್ಮು ವಿಶ್ವವಿದ್ಯಾಲಯದ ಪ್ರೊಫೆಸರ್ ಮೊಹಮ್ಮದ್ ತಾಜುದ್ದೀನ್ ಹೇಳಿದ್ದು, ಇದು ಈಗ ವಿವಾದದ ಕಿಡಿ ಹೊತ್ತಿಸಿದೆ. ಪ್ರೊಫೆಸರ್ ವಿರುದ್ಧ ಜಮ್ಮು ವಿಶ್ವವಿದ್ಯಾಲಯ ತನಿಖೆಗೆ ಆದೇಶಿಸಿದೆ.</p>.<p>ರಾಜಕೀಯ ವಿಜ್ಞಾನ ವಿಭಾಗದಲ್ಲಿ ಗುರುವಾರ ಉಪನ್ಯಾಸ ನೀಡುವಾಗ ಅವರು ಸ್ವಾತಂತ್ರ್ಯ ಸಂಗ್ರಾಮದ ಕ್ರಾಂತಿಕಾರಿಯನ್ನು ಭಯೋತ್ಪಾದಕ ಎಂದಿರುವುದಾಗಿ ಆರೋಪಿಸಿ ವಿ.ವಿಯ ವಿದ್ಯಾರ್ಥಿಗಳು ಕುಲಪತಿಗೆ ದೂರು ನೀಡಿದ್ದಾರೆ.</p>.<p>ತಕ್ಷಣ ಕ್ರಮ ತೆಗೆದುಕೊಂಡಿರುವ ವಿ.ವಿ ಕುಲಪತಿ ಪ್ರೊ.ಮನೋಜ್ ಕೆ. ಧಾರ್ ಅವರು ಪ್ರಕರಣದ ತನಿಖೆಗೆ ಆದೇಶಿಸಿದ್ದು, ತನಿಖಾ ವರದಿ ಬರುವವರೆಗೆ ಆರೋಪಿತ ಪ್ರೊ. ತಾಜುದ್ದೀನ್ ವಿ.ವಿಯಲ್ಲಿ ಬೋಧನೆ ಮಾಡದಂತೆ ಸೂಚಿಸಿದ್ದಾರೆ.</p>.<p>‘ರಾಜಕೀಯ ವಿಜ್ಞಾನ ವಿಭಾಗದ ಕೆಲವು ವಿದ್ಯಾರ್ಥಿಗಳು ಗುರುವಾರ ಸಂಜೆ ಕುಲಪತಿಯನ್ನು ಭೇಟಿ ಮಾಡಿ, ಈ ಬಗ್ಗೆ ದೂರು ನೀಡಿದ್ದಾರೆ. ಘಟನೆ ಬಗ್ಗೆ ಸಿಡಿ ಮತ್ತು ಕೆಲವು ದಾಖಲೆಗಳನ್ನು ಕೊಟ್ಟಿದ್ದಾರೆ’ ಎಂದು ವಿಶ್ವವಿದ್ಯಾಲಯದ ವಕ್ತಾರ ಡಾ.ವಿನಯ್ ತುಸೂ ತಿಳಿಸಿದ್ದಾರೆ.</p>.<p>‘ತನಿಖೆಗೆ ವಿ.ವಿಯ ಶೈಕ್ಷಣಿಕ ವಿಷಯಗಳ ವಿಭಾಗದ ಡೀನ್ ಪ್ರೊ.ಕೇಶಿವ್ ಶರ್ಮಾ ಅವರ ನೇತೃತ್ವದಲ್ಲಿಆರು ಮಂದಿಯ ಸಮಿತಿ ರಚಿಸಲಾಗಿದೆ. ಏಳು ದಿನಗಳ ಒಳಗೆ ವರದಿ ನೀಡುವಂತೆ ಸಮಿತಿಗೆ ಸೂಚಿಸಲಾಗಿದೆ’ ಎಂದು ಅವರು ತಿಳಿಸಿದ್ದಾರೆ.</p>.<p>ಪ್ರೊ.ಮೊಹಮ್ಮದ್ ತಾಜುದ್ದೀನ್ ಸುಮಾರು 2 ಗಂಟೆ ನೀಡಿದ ಉಪನ್ಯಾಸದಲ್ಲಿ ಭಗತ್ ಸಿಂಗ್ ಅವರನ್ನು ಭಯೋತ್ಪಾದಕ ಎಂದು ಉಲ್ಲೇಖಿಸಿರುವ 25 ಸೆಕೆಂಡ್ಗಳ ವಿಡಿಯೊ ತುಣುಕನ್ನು ಕುಲಪತಿಗೆ ನೀಡಿದ ದೂರಿನ ಜತೆಗೆ ಸಲ್ಲಿಸಿರುವ ವಿದ್ಯಾರ್ಥಿಗಳು, ತಾಜುದ್ದೀನ್ ಅವರ ಅಮಾನತಿಗೆ ಒತ್ತಾಯಿಸಿ ಪ್ರತಿಭಟನೆ ನಡೆಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title">ಜಮ್ಮು (ಪಿಟಿಐ): ಸ್ವಾತಂತ್ರ್ಯ ಹೋರಾಟಗಾರ ಭಗತ್ ಸಿಂಗ್ ಅವರನ್ನು ‘ಭಯೋತ್ಪಾದಕ’ನೆಂದು ಜಮ್ಮು ವಿಶ್ವವಿದ್ಯಾಲಯದ ಪ್ರೊಫೆಸರ್ ಮೊಹಮ್ಮದ್ ತಾಜುದ್ದೀನ್ ಹೇಳಿದ್ದು, ಇದು ಈಗ ವಿವಾದದ ಕಿಡಿ ಹೊತ್ತಿಸಿದೆ. ಪ್ರೊಫೆಸರ್ ವಿರುದ್ಧ ಜಮ್ಮು ವಿಶ್ವವಿದ್ಯಾಲಯ ತನಿಖೆಗೆ ಆದೇಶಿಸಿದೆ.</p>.<p>ರಾಜಕೀಯ ವಿಜ್ಞಾನ ವಿಭಾಗದಲ್ಲಿ ಗುರುವಾರ ಉಪನ್ಯಾಸ ನೀಡುವಾಗ ಅವರು ಸ್ವಾತಂತ್ರ್ಯ ಸಂಗ್ರಾಮದ ಕ್ರಾಂತಿಕಾರಿಯನ್ನು ಭಯೋತ್ಪಾದಕ ಎಂದಿರುವುದಾಗಿ ಆರೋಪಿಸಿ ವಿ.ವಿಯ ವಿದ್ಯಾರ್ಥಿಗಳು ಕುಲಪತಿಗೆ ದೂರು ನೀಡಿದ್ದಾರೆ.</p>.<p>ತಕ್ಷಣ ಕ್ರಮ ತೆಗೆದುಕೊಂಡಿರುವ ವಿ.ವಿ ಕುಲಪತಿ ಪ್ರೊ.ಮನೋಜ್ ಕೆ. ಧಾರ್ ಅವರು ಪ್ರಕರಣದ ತನಿಖೆಗೆ ಆದೇಶಿಸಿದ್ದು, ತನಿಖಾ ವರದಿ ಬರುವವರೆಗೆ ಆರೋಪಿತ ಪ್ರೊ. ತಾಜುದ್ದೀನ್ ವಿ.ವಿಯಲ್ಲಿ ಬೋಧನೆ ಮಾಡದಂತೆ ಸೂಚಿಸಿದ್ದಾರೆ.</p>.<p>‘ರಾಜಕೀಯ ವಿಜ್ಞಾನ ವಿಭಾಗದ ಕೆಲವು ವಿದ್ಯಾರ್ಥಿಗಳು ಗುರುವಾರ ಸಂಜೆ ಕುಲಪತಿಯನ್ನು ಭೇಟಿ ಮಾಡಿ, ಈ ಬಗ್ಗೆ ದೂರು ನೀಡಿದ್ದಾರೆ. ಘಟನೆ ಬಗ್ಗೆ ಸಿಡಿ ಮತ್ತು ಕೆಲವು ದಾಖಲೆಗಳನ್ನು ಕೊಟ್ಟಿದ್ದಾರೆ’ ಎಂದು ವಿಶ್ವವಿದ್ಯಾಲಯದ ವಕ್ತಾರ ಡಾ.ವಿನಯ್ ತುಸೂ ತಿಳಿಸಿದ್ದಾರೆ.</p>.<p>‘ತನಿಖೆಗೆ ವಿ.ವಿಯ ಶೈಕ್ಷಣಿಕ ವಿಷಯಗಳ ವಿಭಾಗದ ಡೀನ್ ಪ್ರೊ.ಕೇಶಿವ್ ಶರ್ಮಾ ಅವರ ನೇತೃತ್ವದಲ್ಲಿಆರು ಮಂದಿಯ ಸಮಿತಿ ರಚಿಸಲಾಗಿದೆ. ಏಳು ದಿನಗಳ ಒಳಗೆ ವರದಿ ನೀಡುವಂತೆ ಸಮಿತಿಗೆ ಸೂಚಿಸಲಾಗಿದೆ’ ಎಂದು ಅವರು ತಿಳಿಸಿದ್ದಾರೆ.</p>.<p>ಪ್ರೊ.ಮೊಹಮ್ಮದ್ ತಾಜುದ್ದೀನ್ ಸುಮಾರು 2 ಗಂಟೆ ನೀಡಿದ ಉಪನ್ಯಾಸದಲ್ಲಿ ಭಗತ್ ಸಿಂಗ್ ಅವರನ್ನು ಭಯೋತ್ಪಾದಕ ಎಂದು ಉಲ್ಲೇಖಿಸಿರುವ 25 ಸೆಕೆಂಡ್ಗಳ ವಿಡಿಯೊ ತುಣುಕನ್ನು ಕುಲಪತಿಗೆ ನೀಡಿದ ದೂರಿನ ಜತೆಗೆ ಸಲ್ಲಿಸಿರುವ ವಿದ್ಯಾರ್ಥಿಗಳು, ತಾಜುದ್ದೀನ್ ಅವರ ಅಮಾನತಿಗೆ ಒತ್ತಾಯಿಸಿ ಪ್ರತಿಭಟನೆ ನಡೆಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
