ಹೋರಾಟಗಾರರ ಬಂಧನ: ದಾಳಿ ಮಾಡಿದ ಪೊಲೀಸರಿಗೆ ಬಿಸಿ ಚಹಾದ ಆತಿಥ್ಯ!

ಮುಂಬೈ: ಭೀಮಾ ಕೋರೆಗಾಂವ್ ಹಿಂಸಾಚಾರಕ್ಕೆ ಕುಮ್ಮಕ್ಕು ನೀಡಿದ ಆರೋಪದ ಮೇಲೆ ಪುಣೆಯ ಪೊಲೀಸರು ಬಂಧಿಸಿದ್ದ ಮಾನವ ಹಕ್ಕುಗಳ ಹೋರಾಟಗಾರ ವರ್ನಾನ್ ಗೊನ್ಸಾಲ್ವೆಸ್ ಅವರ ಪುತ್ರ ಸಾಗರ್ ಅಬ್ರಾಹಂ ಗೊನ್ಸಾಲ್ವೆಸ್ ತಮ್ಮ ಫೇಸ್ಬುಕ್ನಲ್ಲಿ ಖಾತೆಯಲ್ಲಿ ಅಸಹಾಯಕ ಸ್ಥಿತಿಯನ್ನು ತೋಡಿಕೊಂಡಿದ್ದಾರೆ. ಅದರ ಪೂರ್ಣ ಪರಿಪಾಠ ಇಲ್ಲಿದೆ.

. ಆಗಸ್ಟ್ ನಮ್ಮ ಪಾಳಿಗೆ ಕರಾಳ ತಿಂಗಳ. ಸರಿಯಾಗಿ ಹತ್ತು ವರ್ಷಗಳ ತರುವಾಯ ಪೊಲೀಸರು ಮತ್ತೆ ಮುಂಬೈನ ನಮ್ಮ ಮನೆಯ ಬಾಗಿಲು ತಟ್ಟಿದರು.

. ಆಗಸ್ಟ್ 28 ರಂದು ಬೆಳಿಗ್ಗೆ 6ಗಂಟೆಗೆ ಮನೆಯ ಕರೆಗಂಟೆ ಸದ್ದಾಯಿತು. ನೋಡಿದಾಗ...ಹತ್ತಕ್ಕೂ ಹೆಚ್ಚು ಪುಣೆಯ ಪೊಲೀಸರು ಬಾಗಿಲು ಬಳಿ ನಿಂತಿದ್ದರು. ಸ್ಥಳೀಯ ಪೊಲೀಸರೂ ಜತೆಗಿದ್ದರು.

. ಮನೆಯನ್ನು ಜಾಲಾಡಿ, ಅಪ್ಪನನ್ನು ಬಂಧಿಸಿ ಕರೆದೊಯ್ಯಲು ಅವರು ಬಂದಿದ್ದರು. ಮೊಬೈಲ್ ಕಸಿದುಕೊಂಡರು. ಲ್ಯಾಂಡ್ಲೈನ್ ಫೋನ್ ಸಂಪರ್ಕ ಕಡಿತಗೊಳಿಸಿದರು. ಪರ್ಸನಲ್ ಕಂಪ್ಯೂಟರ್, ಸಿ.ಡಿ., ಪೆನ್ಡ್ರೈವ್ ಜಾಲಾಡಿದರು.

. ಮನೆಯಲ್ಲಿದ್ದ ಕಪಾಟುಗಳಲ್ಲಿದ್ದ ಹಲವು ಪುಸ್ತಕಗಳನ್ನು ತಿರುವಿ ಹಾಕಿದರು. ಮಾವೊ, ನಕ್ಸಲ್ ಅಥವಾ ಮಾರ್ಕ್ಸ್ ಹೆಸರಿದ್ದ ಎಲ್ಲ ಪುಸ್ತಕಗಳನ್ನು ಸಾಕ್ಷಿಗಾಗಿ ತಮ್ಮೊಂದಿಗೆ ಕೊಂಡೊಯ್ದರು. ಸಾಮಾನ್ಯವಾಗಿ ಎಲ್ಲ ಗ್ರಂಥಾಲಯ ಮತ್ತು ಆನ್ಲೈನ್ನಲ್ಲಿ ಸುಲಭವಾಗಿ ಸಿಗುವ ಪುಸ್ತಕಗಳವು. ನಾನು ಖರೀದಿಸಿದ್ದ ಇ ಎಚ್ ಕಾರ್ ಅವರ ಬೊಲ್ಸ್ಶೆವಿಕ್ ರೆವಲ್ಯೂಷನ್ ಸಂಪುಟ–1 ಪುಸ್ತಕವನ್ನೂ ಕೊಂಡೊಯ್ದರು.

. ಮಂಗಳವಾರ ಏಳು ತಾಸು ಪುರಾವೆಗಳಿಗಾಗಿ ಮನೆಯ ಮೂಲೆ, ಮೂಲೆಗಳನ್ನೂ ಜಾಲಾಡಿದರೆ, ಇನ್ನೂ ಕೆಲವು ಪೊಲೀಸರು ಮನೆಯ ಗೇಟ್ ಬಳಿ ಕಾವಲು ನಿಂತಿದ್ದರು. ಮಧ್ಯಾಹ್ನ 1.45ರವರೆಗೆ ನಮಗೆ ಮನೆಯಿಂದ ಹೊರ ಹೋಗಲು ಅವರಿಕಾಶ ನೀಡಲಿಲ್ಲ.

. ಪೊಲೀಸರು ಅಪ್ಪ ಮತ್ತು ಅಮ್ಮನನ್ನು ನೂರೆಂಟು ಪ್ರಶ್ನೆ ಕೇಳುತ್ತಿದ್ದರು. ತಹರೇವಾರಿ ಪ್ರಶ್ನೆಗಳಿಗೆ ಅಪ್ಪ, ಅಮ್ಮ ಅಷ್ಟೇ ಸಹಜವಾಗಿ ಉತ್ತರಿಸುತ್ತಿದ್ದರು. ಅದನೆಲ್ಲ ನೋಡುತ್ತ ನಾನು ಅಸಹಾಯಕನಾಗಿ ನಿಂತಿದ್ದೆ.

. ಎಲ್ಲ ತಲೆಬಿಸಿಯ ನಡುವೆಯೇ ಅಮ್ಮ ಬೇಸರಿಸಿಕೊಳ್ಳದೆ ಎಲ್ಲ ಪೊಲೀಸ್ ಸಿಬ್ಬಂದಿಗೂ ಬಿಸಿ, ಬಿಸಿ ಚಹಾ ತಯಾರಿಸಿಕೊಟ್ಟರು. ‘ಪೊಲೀಸರು ಕೂಡ ನಮ್ಮ ಅತಿಥಿಗಳು’ ಎಂದಳು.ಅಪ್ಪ ಸೌಜನ್ಯದಿಂದ ಅವರೊಂದಿಗೆ ವರ್ತಿಸುತ್ತಿದ್ದರು.

. ಸರ್ವಶಕ್ತವಾದ ಸರ್ಕಾರ ಮತ್ತು ಅದರ ಆಡಳಿತ ಯಂತ್ರದ ವಿರುದ್ಧ ಅಸಹಾಯಕರಾದ ನಾವು ಏನೂ ಮಾಡುವಂತಿರಲಿಲ್ಲ. ಆಗಾಗ ನಗು ಚೆಲ್ಲುತ್ತ ಪೊಲೀಸರೊಂದಿಗೆ ಸಹಕರಿಸುವುದೊಂದನ್ನು ಬಿಟ್ಟು! ** ಅತಿಥಿ ಸತ್ಕಾರ, ಆಶಾವಾದದ ಪಾಠ ಕಲಿಸಿದ ಕರಾಳ ಘಟನೆ! 2007ರ ಆಗಸ್ಟ್ ತಿಂಗಳಲ್ಲಿ ಹಲವಾರು ಸುಳ್ಳು ಆರೋಪಗಳ ಮೇಲೆ ನನ್ನ ಅಪ್ಪನನ್ನು ಬಂಧಿಸಲಾಗಿತ್ತು. ಅಂದು ಮಧ್ಯ ರಾತ್ರಿ 12 ಗಂಟೆಯಿಂದ ಬೆಳಗಿನ ಜಾವ 6 ಗಂಟೆಯವರೆಗೆ ಪೊಲೀಸರು ಮನೆ ಜಾಲಾಡಿದ್ದರು. ನಾನಾಗ ಕೇವಲ 12ರ ಹರೆಯದ ಬಾಲಕ. ಸಹಕಾರ ನೀಡದಿದ್ದರೆ ಅಮ್ಮನನ್ನೂ ಬಂಧಿಸುವುದಾಗಿ ಪೊಲೀಸರು ಆವಾಜ್ ಹಾಕಿದ ಕಾರಣ ವಕೀಲರಾಗಿದ್ದುಕೊಂಡು ಅಮ್ಮ ಅಸಹಾಯಕಳಾಗಿದ್ದಳು.

. ತನ್ನದಲ್ಲದ ತಪ್ಪಿಗೆ ಜೀವನದ ಅಮೂಲ್ಯ ಐದುವರೆ ವರ್ಷಗಳನ್ನು ಜೈಲಿನಲ್ಲಿ ಕಳೆದ ಅಪ್ಪ ಎಲ್ಲ ಆರೋಪಗಳಿಂದ ಮುಕ್ತರಾಗಿ ಹೊರ ಬಂದರು. ** ಆಗಸ್ಟ್ ಎಂಬ ಅಶುಭ ಸರಿ ಸುಮಾರು ಹತ್ತು ವರ್ಷಗಳ ನಂತರ ಮತ್ತೆ ಆಗಸ್ಟ್ ತಿಂಗಳಲ್ಲಿಯೇ ಮತ್ತದೇ ಪರಿಸ್ಥಿತಿ ಎದುರಾಗಿದೆ. ಆಗಸ್ಟ್ ತಿಂಗಳು ನಮ್ಮ ಕುಟುಂಬಕ್ಕೆ ಶುಭ ಶಕುನವಲ್ಲ! ಆಗ ಮಧ್ಯರಾತ್ರಿ ಮನೆಯ ಬಾಗಿಲನ್ನು ಬಡಿದ ಕಟಕಟ ಶಬ್ದ ಕೇಳಿಸಿತ್ತು. ಈ ಬಾರಿ ಮುಂಜಾನೆ ಮನೆಯ ಕರೆಗಂಟೆ ಬಾರಿಸಿತು.

. ಅಪ್ಪನನ್ನು ಪೊಲೀಸರು ಕರೆದೊಯ್ಯುವಾಗ ಬಿಗಿಯಾಗಿ ತಬ್ಬಿಕೊಂಡು ಧೈರ್ಯ ತುಂಬಿದೆ. ಅಸಹಾಯಕತೆಯ ಹೊರತಾಗಿ ನನ್ನಲ್ಲಿ ಏನೂ ಇರಲಿಲ್ಲ. ‘ಏನೂ ಚಿಂತಿಸಬೇಡ. ಜೈಲಿನಲ್ಲಿ ಹಲವು ಸ್ನೇಹಿತರು ಸಿಗುತ್ತಾರೆ’ ಎಂದ ಅಪ್ಪ, ಪೊಲೀಸರೊಂದಿಗೆ ಹೆಜ್ಜೆ ಹಾಕಿದ.

. ಮಂಗಳವಾರದ ಆ ಕರಾಳ ಘಟನೆ ಜೀವನದಲ್ಲಿ ನನಗೆ ಎರಡು ಹೊಸ ಪಾಠಗಳನ್ನು ಕಲಿಸಿದೆ. ಅತಿಥಿ ಸತ್ಕಾರ ಮತ್ತು ಆಶಾವಾದ! ** ಇದನ್ನೂ ಓದಿರಿ * ನಕ್ಸಲರೊಂದಿಗೆ ಬಂಧಿತ ಹೋರಾಟಗಾರರ ನಂಟು: ಮಹಾರಾಷ್ಟ್ರ ಪೊಲೀಸರ ಸಮರ್ಥನೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೋರಾಟಗಾರರ ಬಂಧನ: ದಾಳಿ ಮಾಡಿದ ಪೊಲೀಸರಿಗೆ ಬಿಸಿ ಚಹಾದ ಆತಿಥ್ಯ!

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌

ಚುರುಮುರಿ: ಎಲೆಕ್ಷನ್‌ ಹರಾಜು!

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಆಸ್ಟ್ರೇಲಿಯಾ ಸರಣಿಗೆ ವೇಗಿ ಮೊಹಮ್ಮದ್ ಶಮಿ?

IND vs SA: ಸರಣಿ ಗೆಲುವಿನತ್ತ ಭಾರತದ ಚಿತ್ತ

ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್‌ ಟೂರ್ನಿ: ಪಾಕಿಸ್ತಾನಕ್ಕೆ ತಲುಪಿದ ಟ್ರೋಫಿ

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ: ತಮಿಳುನಾಡು, ದೆಹಲಿ ಚಾಂಪಿಯನ್

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌

ಚುರುಮುರಿ: ಎಲೆಕ್ಷನ್‌ ಹರಾಜು!

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ