<p><strong>ಚಾಮರಾಜನಗರ:</strong> ‘ಜಿಲ್ಲಾಡಳಿತವು ಉತ್ತಮ ಚಿಕಿತ್ಸೆ ಕೊಡಿಸಿ ನಮ್ಮನ್ನು ಬದುಕಿಸಿತು. ಆದರೆ, ಈಗ ಎದುರಿಸುತ್ತಿರುವ ಕಷ್ಟ ನೋಡಿದರೆ ನಾವು ಆಗಲೇ ಸತ್ತಿದ್ದರೆ ಚೆನ್ನಾಗಿರುತ್ತಿತ್ತು...’</p>.<p>–ಹನೂರು ತಾಲ್ಲೂಕಿನ ಸುಳ್ವಾಡಿಯ ಕಿಚ್ಚುಗುತ್ತಿ ಮಾರಮ್ಮ ದೇವಸ್ಥಾನದಲ್ಲಿ ಕಳೆದ ಡಿಸೆಂಬರ್ 14ರಂದು ಸಂಭವಿಸಿದ್ದ ವಿಷಪ್ರಸಾದ ದುರಂತದಲ್ಲಿ ಬದುಕುಳಿದ, ಬಿದರಹಳ್ಳಿಯ ಸಂತ್ರಸ್ತರ ಮಾತು ಇದು.</p>.<p>ಈ ದುರ್ಘಟನೆಯಲ್ಲಿ 17 ಜನರು ಮೃತಪಟ್ಟು 110ಕ್ಕೂ ಹೆಚ್ಚು ಜನರು ಅಸ್ವಸ್ಥಗೊಂಡಿದ್ದರು. ಇದಾಗಿ ಒಂದು ವರ್ಷ ಕಳೆದರೂ ಸಂತ್ರಸ್ತರು ಇನ್ನೂ ಆ ಆಘಾತದಿಂದ ಹೊರ ಬಂದಿಲ್ಲ. ಮಾನಸಿಕವಾಗಿ ಕುಗ್ಗಿ ಹೋಗಿದ್ದಾರೆ. ಘಟನೆಯಲ್ಲಿ ಮೃತಪಟ್ಟಿದ್ದ 17 ಜನರ ಕುಟುಂಬದವರು ಚೇತರಿಸಿಕೊಳ್ಳಲು ಇನ್ನೂ ಹೆಣಗುತ್ತಿದ್ದಾರೆ.</p>.<p class="Subhead"><strong>ಕಾಡುತ್ತಿದೆ ಅನಾರೋಗ್ಯ:</strong> ‘ದೇವರ ಪ್ರಸಾದವೆಂದು ತಿಂದೆವು. ಅದು ನಮ್ಮ ಬದುಕನ್ನೇ ಹಾಳು ಮಾಡಿದೆ. ಚಿಕಿತ್ಸೆ ಪಡೆದು ಬಂದ ನಂತರ ಪದೇ ಪದೇ ಅನಾರೋಗ್ಯ ಕಾಡುತ್ತಿದೆ’ ಎಂದು ಸಂತ್ರಸ್ತರು ದುಃಖಿಸುತ್ತಾರೆ.</p>.<p>‘ವಿಪರೀತ ಸುಸ್ತು. ಕೆಲಸ ಮಾಡಲು ಆಗುತ್ತಿಲ್ಲ. ಆಗಾಗ ವಾಂತಿ– ಭೇದಿ ಆಗುತ್ತದೆ. ತಲೆ ಸುತ್ತು ಬರುತ್ತದೆ. ಹೊಟ್ಟೆ ಉರಿ ಜಾಸ್ತಿ, ಊಟ ಮಾಡಿದ ತಕ್ಷಣಹೊಟ್ಟೆ ಉಬ್ಬರಿಸುತ್ತಿದೆ. ಹಸಿವೇ ಆಗುವುದಿಲ್ಲ’ ಎಂದು ಬಿದರಹಳ್ಳಿಯ ರುಕ್ಕಮ್ಮ ತಾವು ಎದುರಿಸುತ್ತಿರುವ ಆರೋಗ್ಯ ಸಮಸ್ಯೆಗಳನ್ನು ಬಿಚ್ಚಿಟ್ಟರು.</p>.<p>‘ಆರೋಗ್ಯ ಸರಿ ಇಲ್ಲ ಎಂದು ಯಾರೂ ನಮ್ಮನ್ನು ಕೂಲಿಗೂ ಕರೆಯುತ್ತಿಲ್ಲ. ಮನೆಯಲ್ಲೇ ದಿನ ಕಳೆಯುತ್ತಿದ್ದೇವೆ. ಜೀವನ ನಡೆಸುವುದು ಕಷ್ಟವಾಗುತ್ತಿದೆ' ಎಂದು ವಿಷಣ್ಣರಾದರು.</p>.<p><strong>ರುಕ್ಕಮ್ಮ ಒಬ್ಬರೇ ಅಲ್ಲ; </strong>ಬಿದರಹಳ್ಳಿ, ವಡ್ಡರದೊಡ್ಡಿ, ಮಾರ್ಟಳ್ಳಿ ಸುತ್ತಮುತ್ತಲಿನ ಸಂತ್ರಸ್ತರೆಲ್ಲ ಇದೇ ಆರೋಗ್ಯ ಸಮಸ್ಯೆಗಳನ್ನು ಮುಂದಿಡುತ್ತಾರೆ.</p>.<p>‘ಎರಡನೇ ತರಗತಿ ಓದುವ ನನ್ನ ಮಗ ಅನಾರೋಗ್ಯದಿಂದಾಗಿ ಆಗಾಗ ಶಾಲೆಗೆ ರಜೆ ಹಾಕುತ್ತಾನೆ. ಆದರೆ, ವೈದ್ಯರಲ್ಲಿ ತೋರಿಸಿದರೆ ಏನೂ ಸಮಸ್ಯೆ ಇಲ್ಲವೆಂದು ಹೇಳಿ ಕಳುಹಿಸುತ್ತಾರೆ’ ಎಂದು ಸಂತ್ರಸ್ತೆ ರೂಪಾ ಅಳಲು ತೋಡಿಕೊಂಡರು.</p>.<p class="Subhead"><strong>ಸಾಲಗಾರರ ಪಾಲಾಯಿತು: </strong>ದುರಂತದಲ್ಲಿ ಮೃತಪಟ್ಟವರ ಕುಟುಂಬಕ್ಕೆ ಪರಿಹಾರ ಮೊತ್ತವಾಗಿ, ರಾಜ್ಯ ಸರ್ಕಾರ ತಲಾ ₹5 ಲಕ್ಷ, ಅಸ್ವಸ್ಥಗೊಂಡಿದ್ದವರಿಗೆ ತಲಾ ₹1 ಲಕ್ಷ ಕೊಟ್ಟಿತ್ತು. ಕೇಂದ್ರ ಸರ್ಕಾರದಿಂದ ಕ್ರಮವಾಗಿ ₹2 ಲಕ್ಷ ಮತ್ತು ₹50 ಸಾವಿರ ಪರಿಹಾರ ಬಂದಿತ್ತು. ಪರಿಶಿಷ್ಟ ಜಾತಿಗೆ ಸೇರಿದ ಸಂತ್ರಸ್ತ ಕುಟುಂಬಗಳಿಗೆ ಎಸ್ಟಿ, ಎಸ್ಸಿ ದೌರ್ಜನ್ಯ ತಡೆ ಕಾಯ್ದೆಯ ಅಡಿಯಲ್ಲಿ ತಲಾ ₹8.25 ಲಕ್ಷ ಪರಿಹಾರ ಸಿಕ್ಕಿದೆ.</p>.<p>‘ಮಕ್ಕಳ ಮದುವೆಗಾಗಿ ಸಾಲ ಮಾಡಿದ್ದೆವು. ನಾವೆಲ್ಲ ಇನ್ನು ಹೆಚ್ಚು ದಿನ ಬದುಕುವುದಿಲ್ಲ ಎಂದುಕೊಂಡು ಸಾಲಕೊಟ್ಟವರು ಬಂದು ಬಡ್ಡಿ ಮೊತ್ತ ಬಿಟ್ಟು, ಬಲವಂತವಾಗಿ ಅಸಲು ತೆಗೆದುಕೊಂಡು ಹೋದರು. ಹಾಗಾಗಿ ಸಿಕ್ಕಿದ ಪರಿಹಾರದಿಂದಲೂ ನಮಗೆ ಉಪಯೋಗವಾಗಿಲ್ಲ’ ಎಂದು ರುಕ್ಕಮ್ಮ ಹೇಳಿದರು.</p>.<p>‘ನಿವೇಶನ ಮತ್ತು ಎರಡು ಎಕರೆ ಜಮೀನು ನೀಡುವುದಾಗಿ ಹೇಳಿದ್ದ ಸರ್ಕಾರ, ಇದುವರೆಗೂ ಹಂಚಿಕೆ ಮಾಡಿಲ್ಲ’ ಎಂದು ಘಟನೆಯಲ್ಲಿ ಮೃತಪಟ್ಟಿದ್ದ ಶಾಂತರಾಜು ಎಂಬುವವರ ಪತ್ನಿ ಶಿವಗಾಮಿ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p><strong>ಗಂಭೀರ ಸಮಸ್ಯೆ ಇಲ್ಲ: ಡಿಎಚ್ಒ</strong></p>.<p>ಸಂತ್ರಸ್ತರ ಆರೋಗ್ಯ ಸಮಸ್ಯೆಗಳ ಕುರಿತಾಗಿ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಎಂ.ಸಿ.ರವಿ, ‘ಅವರಿಗಾಗಿ ಪ್ರತಿ ತಿಂಗಳು ಆರೋಗ್ಯ ಶಿಬಿರ ನಡೆಸುತ್ತಿದ್ದೇವೆ. ಗಂಭೀರ ಸಮಸ್ಯೆಗಳೇನಿಲ್ಲ. ಸ್ವಲ್ಪ<br />ಮನಸ್ಸಿಗೆ ಹಚ್ಚಿಕೊಂಡಿದ್ದಾರೆ. ಅವರು ಭಯದಿಂದ ಇನ್ನೂ ಹೊರಬಂದಿಲ್ಲ. ಅಗತ್ಯ ಬಿದ್ದರೆ ಕೊಳ್ಳೇಗಾಲದಲ್ಲಿ ಚಿಕಿತ್ಸೆ ನೀಡುತ್ತೇವೆ’ ಎಂದು ಅವರು ಹೇಳಿದರು.</p>.<p>‘ಸಂತ್ರಸ್ತರ ಪೈಕಿ ಬಹುತೇಕರು ಮದ್ಯವ್ಯಸನಿಗಳು. ಇದರಿಂದಾಗಿಯೂ ಅವರಿಗೆ ಹೊಟ್ಟೆ ಉರಿ ಹಾಗೂ ಇನ್ನಿತರ ಆರೋಗ್ಯ ಸಮಸ್ಯೆಗಳು ಕಾಡಬಹುದು’ ಎಂದು ಅವರು ಹೇಳಿದರು.<br />***</p>.<p>ಮೊದಲು ಕ್ರಿಕೆಟ್ ಆಡುತ್ತಿದ್ದೆ.ಈಗ ಆಗುತ್ತಿಲ್ಲ. ಹೊಟ್ಟೆ ಉರಿ ಬರುತ್ತದೆ. ಕಣ್ಣು ಮಂಜು ಮಂಜಾಗುತ್ತದೆ</p>.<p><strong>- ಸ್ವಾಮಿ ದೊರೆ, ಸಂತ್ರಸ್ತ ಯುವಕ, ವಡ್ಡರದೊಡ್ಡಿ</strong></p>.<p>***</p>.<p>ಸಂತ್ರಸ್ತರಿಗೆ ಮಾನಸಿಕ ತಜ್ಞರಿಂದ ಕೌನ್ಸೆಲಿಂಗ್ ಕೂಡ ಮಾಡಿಸಿದ್ದೇವೆ. ಅವರಿನ್ನೂ ಭಯದಿಂದ ಹೊರಗೆ ಬಂದಿಲ್ಲ</p>.<p><strong>- ಡಾ.ಎಂ.ಸಿ.ರವಿ, ಜಿಲ್ಲಾ ಆರೋಗ್ಯಾಧಿಕಾರಿ</strong></p>.<p>***</p>.<p>ಸಂತ್ರಸ್ತರಿಗೆ ನಿವೇಶನ ನೀಡಲು ಬಿದರಹಳ್ಳಿಯಲ್ಲಿ 2 ಎಕರೆ ಜಮೀನು ಗುರುತಿಸಲಾಗಿದ್ದು, ರಾಜೀವ್ ಗಾಂಧಿ ವಸತಿ ನಿಗಮದಿಂದ ಹಂಚಿಕೆ ಮಾಡಲಾಗುವುದು</p>.<p><strong>- ಬಿ.ಬಿ.ಕಾವೇರಿ, ಜಿಲ್ಲಾಧಿಕಾರಿ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಾಮರಾಜನಗರ:</strong> ‘ಜಿಲ್ಲಾಡಳಿತವು ಉತ್ತಮ ಚಿಕಿತ್ಸೆ ಕೊಡಿಸಿ ನಮ್ಮನ್ನು ಬದುಕಿಸಿತು. ಆದರೆ, ಈಗ ಎದುರಿಸುತ್ತಿರುವ ಕಷ್ಟ ನೋಡಿದರೆ ನಾವು ಆಗಲೇ ಸತ್ತಿದ್ದರೆ ಚೆನ್ನಾಗಿರುತ್ತಿತ್ತು...’</p>.<p>–ಹನೂರು ತಾಲ್ಲೂಕಿನ ಸುಳ್ವಾಡಿಯ ಕಿಚ್ಚುಗುತ್ತಿ ಮಾರಮ್ಮ ದೇವಸ್ಥಾನದಲ್ಲಿ ಕಳೆದ ಡಿಸೆಂಬರ್ 14ರಂದು ಸಂಭವಿಸಿದ್ದ ವಿಷಪ್ರಸಾದ ದುರಂತದಲ್ಲಿ ಬದುಕುಳಿದ, ಬಿದರಹಳ್ಳಿಯ ಸಂತ್ರಸ್ತರ ಮಾತು ಇದು.</p>.<p>ಈ ದುರ್ಘಟನೆಯಲ್ಲಿ 17 ಜನರು ಮೃತಪಟ್ಟು 110ಕ್ಕೂ ಹೆಚ್ಚು ಜನರು ಅಸ್ವಸ್ಥಗೊಂಡಿದ್ದರು. ಇದಾಗಿ ಒಂದು ವರ್ಷ ಕಳೆದರೂ ಸಂತ್ರಸ್ತರು ಇನ್ನೂ ಆ ಆಘಾತದಿಂದ ಹೊರ ಬಂದಿಲ್ಲ. ಮಾನಸಿಕವಾಗಿ ಕುಗ್ಗಿ ಹೋಗಿದ್ದಾರೆ. ಘಟನೆಯಲ್ಲಿ ಮೃತಪಟ್ಟಿದ್ದ 17 ಜನರ ಕುಟುಂಬದವರು ಚೇತರಿಸಿಕೊಳ್ಳಲು ಇನ್ನೂ ಹೆಣಗುತ್ತಿದ್ದಾರೆ.</p>.<p class="Subhead"><strong>ಕಾಡುತ್ತಿದೆ ಅನಾರೋಗ್ಯ:</strong> ‘ದೇವರ ಪ್ರಸಾದವೆಂದು ತಿಂದೆವು. ಅದು ನಮ್ಮ ಬದುಕನ್ನೇ ಹಾಳು ಮಾಡಿದೆ. ಚಿಕಿತ್ಸೆ ಪಡೆದು ಬಂದ ನಂತರ ಪದೇ ಪದೇ ಅನಾರೋಗ್ಯ ಕಾಡುತ್ತಿದೆ’ ಎಂದು ಸಂತ್ರಸ್ತರು ದುಃಖಿಸುತ್ತಾರೆ.</p>.<p>‘ವಿಪರೀತ ಸುಸ್ತು. ಕೆಲಸ ಮಾಡಲು ಆಗುತ್ತಿಲ್ಲ. ಆಗಾಗ ವಾಂತಿ– ಭೇದಿ ಆಗುತ್ತದೆ. ತಲೆ ಸುತ್ತು ಬರುತ್ತದೆ. ಹೊಟ್ಟೆ ಉರಿ ಜಾಸ್ತಿ, ಊಟ ಮಾಡಿದ ತಕ್ಷಣಹೊಟ್ಟೆ ಉಬ್ಬರಿಸುತ್ತಿದೆ. ಹಸಿವೇ ಆಗುವುದಿಲ್ಲ’ ಎಂದು ಬಿದರಹಳ್ಳಿಯ ರುಕ್ಕಮ್ಮ ತಾವು ಎದುರಿಸುತ್ತಿರುವ ಆರೋಗ್ಯ ಸಮಸ್ಯೆಗಳನ್ನು ಬಿಚ್ಚಿಟ್ಟರು.</p>.<p>‘ಆರೋಗ್ಯ ಸರಿ ಇಲ್ಲ ಎಂದು ಯಾರೂ ನಮ್ಮನ್ನು ಕೂಲಿಗೂ ಕರೆಯುತ್ತಿಲ್ಲ. ಮನೆಯಲ್ಲೇ ದಿನ ಕಳೆಯುತ್ತಿದ್ದೇವೆ. ಜೀವನ ನಡೆಸುವುದು ಕಷ್ಟವಾಗುತ್ತಿದೆ' ಎಂದು ವಿಷಣ್ಣರಾದರು.</p>.<p><strong>ರುಕ್ಕಮ್ಮ ಒಬ್ಬರೇ ಅಲ್ಲ; </strong>ಬಿದರಹಳ್ಳಿ, ವಡ್ಡರದೊಡ್ಡಿ, ಮಾರ್ಟಳ್ಳಿ ಸುತ್ತಮುತ್ತಲಿನ ಸಂತ್ರಸ್ತರೆಲ್ಲ ಇದೇ ಆರೋಗ್ಯ ಸಮಸ್ಯೆಗಳನ್ನು ಮುಂದಿಡುತ್ತಾರೆ.</p>.<p>‘ಎರಡನೇ ತರಗತಿ ಓದುವ ನನ್ನ ಮಗ ಅನಾರೋಗ್ಯದಿಂದಾಗಿ ಆಗಾಗ ಶಾಲೆಗೆ ರಜೆ ಹಾಕುತ್ತಾನೆ. ಆದರೆ, ವೈದ್ಯರಲ್ಲಿ ತೋರಿಸಿದರೆ ಏನೂ ಸಮಸ್ಯೆ ಇಲ್ಲವೆಂದು ಹೇಳಿ ಕಳುಹಿಸುತ್ತಾರೆ’ ಎಂದು ಸಂತ್ರಸ್ತೆ ರೂಪಾ ಅಳಲು ತೋಡಿಕೊಂಡರು.</p>.<p class="Subhead"><strong>ಸಾಲಗಾರರ ಪಾಲಾಯಿತು: </strong>ದುರಂತದಲ್ಲಿ ಮೃತಪಟ್ಟವರ ಕುಟುಂಬಕ್ಕೆ ಪರಿಹಾರ ಮೊತ್ತವಾಗಿ, ರಾಜ್ಯ ಸರ್ಕಾರ ತಲಾ ₹5 ಲಕ್ಷ, ಅಸ್ವಸ್ಥಗೊಂಡಿದ್ದವರಿಗೆ ತಲಾ ₹1 ಲಕ್ಷ ಕೊಟ್ಟಿತ್ತು. ಕೇಂದ್ರ ಸರ್ಕಾರದಿಂದ ಕ್ರಮವಾಗಿ ₹2 ಲಕ್ಷ ಮತ್ತು ₹50 ಸಾವಿರ ಪರಿಹಾರ ಬಂದಿತ್ತು. ಪರಿಶಿಷ್ಟ ಜಾತಿಗೆ ಸೇರಿದ ಸಂತ್ರಸ್ತ ಕುಟುಂಬಗಳಿಗೆ ಎಸ್ಟಿ, ಎಸ್ಸಿ ದೌರ್ಜನ್ಯ ತಡೆ ಕಾಯ್ದೆಯ ಅಡಿಯಲ್ಲಿ ತಲಾ ₹8.25 ಲಕ್ಷ ಪರಿಹಾರ ಸಿಕ್ಕಿದೆ.</p>.<p>‘ಮಕ್ಕಳ ಮದುವೆಗಾಗಿ ಸಾಲ ಮಾಡಿದ್ದೆವು. ನಾವೆಲ್ಲ ಇನ್ನು ಹೆಚ್ಚು ದಿನ ಬದುಕುವುದಿಲ್ಲ ಎಂದುಕೊಂಡು ಸಾಲಕೊಟ್ಟವರು ಬಂದು ಬಡ್ಡಿ ಮೊತ್ತ ಬಿಟ್ಟು, ಬಲವಂತವಾಗಿ ಅಸಲು ತೆಗೆದುಕೊಂಡು ಹೋದರು. ಹಾಗಾಗಿ ಸಿಕ್ಕಿದ ಪರಿಹಾರದಿಂದಲೂ ನಮಗೆ ಉಪಯೋಗವಾಗಿಲ್ಲ’ ಎಂದು ರುಕ್ಕಮ್ಮ ಹೇಳಿದರು.</p>.<p>‘ನಿವೇಶನ ಮತ್ತು ಎರಡು ಎಕರೆ ಜಮೀನು ನೀಡುವುದಾಗಿ ಹೇಳಿದ್ದ ಸರ್ಕಾರ, ಇದುವರೆಗೂ ಹಂಚಿಕೆ ಮಾಡಿಲ್ಲ’ ಎಂದು ಘಟನೆಯಲ್ಲಿ ಮೃತಪಟ್ಟಿದ್ದ ಶಾಂತರಾಜು ಎಂಬುವವರ ಪತ್ನಿ ಶಿವಗಾಮಿ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p><strong>ಗಂಭೀರ ಸಮಸ್ಯೆ ಇಲ್ಲ: ಡಿಎಚ್ಒ</strong></p>.<p>ಸಂತ್ರಸ್ತರ ಆರೋಗ್ಯ ಸಮಸ್ಯೆಗಳ ಕುರಿತಾಗಿ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಎಂ.ಸಿ.ರವಿ, ‘ಅವರಿಗಾಗಿ ಪ್ರತಿ ತಿಂಗಳು ಆರೋಗ್ಯ ಶಿಬಿರ ನಡೆಸುತ್ತಿದ್ದೇವೆ. ಗಂಭೀರ ಸಮಸ್ಯೆಗಳೇನಿಲ್ಲ. ಸ್ವಲ್ಪ<br />ಮನಸ್ಸಿಗೆ ಹಚ್ಚಿಕೊಂಡಿದ್ದಾರೆ. ಅವರು ಭಯದಿಂದ ಇನ್ನೂ ಹೊರಬಂದಿಲ್ಲ. ಅಗತ್ಯ ಬಿದ್ದರೆ ಕೊಳ್ಳೇಗಾಲದಲ್ಲಿ ಚಿಕಿತ್ಸೆ ನೀಡುತ್ತೇವೆ’ ಎಂದು ಅವರು ಹೇಳಿದರು.</p>.<p>‘ಸಂತ್ರಸ್ತರ ಪೈಕಿ ಬಹುತೇಕರು ಮದ್ಯವ್ಯಸನಿಗಳು. ಇದರಿಂದಾಗಿಯೂ ಅವರಿಗೆ ಹೊಟ್ಟೆ ಉರಿ ಹಾಗೂ ಇನ್ನಿತರ ಆರೋಗ್ಯ ಸಮಸ್ಯೆಗಳು ಕಾಡಬಹುದು’ ಎಂದು ಅವರು ಹೇಳಿದರು.<br />***</p>.<p>ಮೊದಲು ಕ್ರಿಕೆಟ್ ಆಡುತ್ತಿದ್ದೆ.ಈಗ ಆಗುತ್ತಿಲ್ಲ. ಹೊಟ್ಟೆ ಉರಿ ಬರುತ್ತದೆ. ಕಣ್ಣು ಮಂಜು ಮಂಜಾಗುತ್ತದೆ</p>.<p><strong>- ಸ್ವಾಮಿ ದೊರೆ, ಸಂತ್ರಸ್ತ ಯುವಕ, ವಡ್ಡರದೊಡ್ಡಿ</strong></p>.<p>***</p>.<p>ಸಂತ್ರಸ್ತರಿಗೆ ಮಾನಸಿಕ ತಜ್ಞರಿಂದ ಕೌನ್ಸೆಲಿಂಗ್ ಕೂಡ ಮಾಡಿಸಿದ್ದೇವೆ. ಅವರಿನ್ನೂ ಭಯದಿಂದ ಹೊರಗೆ ಬಂದಿಲ್ಲ</p>.<p><strong>- ಡಾ.ಎಂ.ಸಿ.ರವಿ, ಜಿಲ್ಲಾ ಆರೋಗ್ಯಾಧಿಕಾರಿ</strong></p>.<p>***</p>.<p>ಸಂತ್ರಸ್ತರಿಗೆ ನಿವೇಶನ ನೀಡಲು ಬಿದರಹಳ್ಳಿಯಲ್ಲಿ 2 ಎಕರೆ ಜಮೀನು ಗುರುತಿಸಲಾಗಿದ್ದು, ರಾಜೀವ್ ಗಾಂಧಿ ವಸತಿ ನಿಗಮದಿಂದ ಹಂಚಿಕೆ ಮಾಡಲಾಗುವುದು</p>.<p><strong>- ಬಿ.ಬಿ.ಕಾವೇರಿ, ಜಿಲ್ಲಾಧಿಕಾರಿ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
