<p><strong>ಆಲಮೇಲ:</strong>‘ಎಲ್ಲರೂ ಬೆನ್ನತ್ತುವ ಬೆಳೆಗೆ ಜೋತು ಬೀಳದೆ ಹೊಸ ಬೆಳೆ ಬೆಳೆಯಬೇಕು ಎಂಬ ಆಲೋಚನೆ ಮೂಡಿತು. ತಕ್ಷಣ ಕಾರ್ಯ ಪ್ರವೃತ್ತನಾದೆ. ಈ ಭಾಗಕ್ಕೆ ಪರಿಚಯವಿಲ್ಲದ ರೇಷ್ಮೆ ಕೃಷಿ ಆರಂಭಿಸಿದೆ. ಎರಡು ಎಕರೆಯಲ್ಲಿ ಸಮೃದ್ಧ ಬೆಳೆಯಿದೆ... ಇದೀಗ ನಾನೂ ಒಬ್ಬ ಯಶಸ್ವಿ ರೇಷ್ಮೆ ಕೃಷಿಕ.’</p>.<p>ಆಲಮೇಲ ಸಮೀಪದ ಕಡಣಿ ಗ್ರಾಮದ ರೈತ ಅಶೋಕ ತಾಂಬೆ ಅವರ ನುಡಿಗಳಿವು.</p>.<p>ತಾಂಬೆ ಜಮೀನು ನ್ಯಾಯಕ್ಕೆ ಬಿದ್ದು ಬೀಳು ಬಿದ್ದಿದೆ. ಇದರ ಬೆನ್ನತ್ತಿದರೆ ಬದುಕು ಕಷ್ಟ ಎಂಬುದನ್ನರಿತು ಬೇರೆಯವರ ನಾಲ್ಕು ಎಕರೆ ಜಮೀನನ್ನು ಗುತ್ತಿಗೆ ಪಡೆದು, ತಲಾ ಎರಡು ಎಕರೆಯಲ್ಲಿ ಕಬ್ಬು, ರೇಷ್ಮೆ ಬೆಳೆದು ಯಶಸ್ವಿಯಾಗಿದ್ದಾರೆ.</p>.<p>ರೇಷ್ಮೆ ಕಡಣಿ ಭಾಗದ ರೈತರಿಗೆ ಪರಿಚಯವಿಲ್ಲದ ಬೆಳೆ. ಇದಕ್ಕೆ ಕೈ ಹಾಕುವ ಮೊದಲು ರಾಮನಗರದಲ್ಲಿ ತರಬೇತಿ ಪಡೆದ ಅಶೋಕ, ವಿವಿಧೆಡೆ ಅಧ್ಯಯನ ಪ್ರವಾಸ ಕೈಗೊಂಡು ಬೆಳೆಯ ಮಾಹಿತಿ ಪಡೆದ ಬಳಿಕವಷ್ಟೇ ರೇಷ್ಮೆ ಕೃಷಿಗೆ ಇಳಿದದ್ದು. ಇಲಾಖೆಯೂ ತಾಂಬೆ ಬೆನ್ನಿಗೆ ನಿಂತಿದೆ.</p>.<p><strong>ಸುಸಜ್ಜಿತ ಶೆಡ್:</strong></p>.<p>₹ 1.20 ಲಕ್ಷ ವೆಚ್ಚದಲ್ಲಿ 30X40 ಅಳತೆಯಲ್ಲಿ ರೇಷ್ಮೆಹುಳುಗಳಿಗಾಗಿ ಸುಸಜ್ಜಿತ ಶೆಡ್ ನಿರ್ಮಿಸಲಾಗಿದೆ. ಗಾಳಿ–ಬೆಳಕಿನ ವ್ಯವಸ್ಥೆಯಿದೆ. ಎರಡು ಎಕರೆಯಲ್ಲಿ ರೇಷ್ಮೆ ಬೆಳೆದರೆ, ಶೆಡ್ನಲ್ಲಿ ಹುಳು ಸಾಕಿದ್ದಾರೆ. ರೇಷ್ಮೆ ಗಿಡದ ಸೊಪ್ಪನ್ನು ಇವುಗಳಿಗೆ ಆಹಾರವಾಗಿ ಪೂರೈಸುತ್ತಾರೆ.</p>.<p>ಹುಳುಗಳು ಗೂಡು ಕಟ್ಟಿವಿಕೆ ಆರಂಭಿಸಿದ 21 ದಿನಗಳಲ್ಲಿ ತನ್ನ ಸುತ್ತ ಕೋಶವನ್ನು ರಚಿಸಿಕೊಳ್ಳುತ್ತವೆ. ಗೂಡಿನೊಳಗೆ ರೇಷ್ಮೆ ಉತ್ಪಾದಿಸುವ ಹುಳು ಅದರೊಳಗೆ ಅಂತಿಮ ವಿದಾಯ ಹೇಳುತ್ತದೆ. ಇದು ರೇಷ್ಮೆ ಬೆಳೆಯ ಪದ್ಧತಿ.</p>.<p>ಒಂದು ಲಕ್ಷ ರೇಷ್ಮೆ ಹುಳಗಳು ಗೂಡು ಕಟ್ಟುತ್ತಿದ್ದು, ಇನ್ನೂ ಕೆಲ ದಿನಗಳಲ್ಲಿ ಗೂಡು ಮಾರುಕಟ್ಟೆಗೆ ಹೋಗಲಿದೆ. ಕೈಗೆ ಕಾಸು ಸಿಗಲಿದೆ ಎಂಬ ಖುಷಿ ಪಾರ್ವತಿ–ಅಶೋಕ ದಂಪತಿಯದ್ದು.</p>.<p>ಶೆಡ್ನೊಳಗೆ ಹುಳುಗಳು ಗೂಡು ಕಟ್ಟುವ ಪ್ರಕ್ರಿಯೆಯಲ್ಲಿವೆ. ಯಾವುದೇ ಖರ್ಚಿಲ್ಲ. ಇಲ್ಲಿಗೆ ಸಮೀಪದ ಅಹಿರಸಂಗ, ಗೊಬ್ಬೂರಿನ ರೇಷ್ಮೆ ಕೇಂದ್ರಗಳಿಂದ ಹುಳು ತಂದು ಸಾಕುತ್ತಿರುವೆ. 50% ಸಬ್ಸಿಡಿಯಿದೆ. ಶೆಡ್ ನಿರ್ಮಾಣಕ್ಕೂ ₹ 21000 ಸಬ್ಸಿಡಿ ದೊರಕಿದ್ದು, ರೇಷ್ಮೆ ಅಧಿಕಾರಿಗಳು ಫಾರಂಗೆ ಭೇಟಿ ನೀಡಿ, ಸಲಹೆ ನೀಡುತ್ತಾರೆ ಎಂದು ಅಶೋಕ ತಮ್ಮ ಬೆಳೆ ಬಗ್ಗೆ ಮಾಹಿತಿ ನೀಡಿದರು.</p>.<p>ಎರಡು ಎಕರೆಯಲ್ಲಿ ಫೀ 1, ವಿಶಾಲ ತಳಿಯ ರೇಷ್ಮೆ ಬೆಳೆದಿದ್ದೇನೆ. ಎಂಟು ಅಡಿವರೆಗೆ ಗಿಡ ಸಮೃದ್ಧವಾಗಿ ಬೆಳೆದಿವೆ. ಇದಕ್ಕೆ ತಿಪ್ಪೇ ಗೊಬ್ಬರ ಮಾತ್ರ ಹಾಕಿದ್ದೇನೆ. ಯಾವುದೇ ಕ್ರಿಮಿನಾಶಕ, ರಸಗೊಬ್ಬರ ಬಳಸಿಲ್ಲ. ಇವೆರಡರ ವಾಸನೆ ಹುಳುಗೆ ತಾಕಿದರೆ ಸಾಕು ಸಾಯುತ್ತವೆ. ಎಕರೆಗೆ ₹ 15000 ಖರ್ಚಾಗಿದೆ. ಇದೊಂದು ಸರಳ ಬೆಳೆ ಎಂದು ತಾಂಬೆ ಹೇಳಿದರು.</p>.<p><strong>ಕೃಷಿ ಉಪಕರಣ ಶೋಧಕ</strong></p>.<p>ಎತ್ತರದ ರೇಷ್ಮೆ ಗಿಡದ ತಪ್ಪಲು ಕತ್ತರಿಸಲು ತಾಂಬೆ ತಾನೇ ಒಂದು ಯಂತ್ರ ಶೋಧಿಸಿದ್ದಾರೆ. 12 ವೋಲ್ಟ್ಸ್ ಬ್ಯಾಟರಿ ಸಹಾಯದಿಂದ ಈ ಯಂತ್ರ ಕಾರ್ಯ ನಿರ್ವಹಿಸುತ್ತದೆ. ಎಲೆಯ ತುದಿಗಳನ್ನು, ರೋಗ ಬಂದ ಬೆಳೆಯ ಎಲೆಯನ್ನು ಸರಿಯಾಗಿ ಕತ್ತರಿಸಲು ಅನುಕೂಲವಾಗುವಂತೆ ತಾವೇ ವಿನ್ಯಾಸ ಮಾಡಿಕೊಂಡಿದ್ದಾರೆ.</p>.<p>ಇದರ ಜತೆಗೆ ರೇಷ್ಮೆಗೂಡುಗಳನ್ನು ಪ್ರತ್ಯೇಕ ಮಾಡಲು, ಸ್ವಚ್ಛಗೊಳಿಸುವುದಕ್ಕಾಗಿಯೂ ಯಂತ್ರವನ್ನು ಶೋಧಿಸಿದ್ದಾರೆ. ಇದೇ 16ರ ಮಂಗಳವಾರ ಹೊಲದಲ್ಲೇ ರೈತರಿಗಾಗಿ ಪ್ರದರ್ಶನ ಹಮ್ಮಿಕೊಂಡಿದ್ದಾರೆ.</p>.<p><strong>ಮಾರುಕಟ್ಟೆ</strong></p>.<p>ರೇಷ್ಮೆ ಹುಳುಗಳು 21 ದಿನಕ್ಕೆ ಗೂಡು ಕಟ್ಟುತ್ತವೆ. ಈ ಗೂಡುಗಳನ್ನು ರಾಮನಗರ, ಚಿಕ್ಕಬಳ್ಳಾಪುರದ ಶಿಡ್ಲಘಟ್ಟದ ವ್ಯಾಪಾರಿಗಳು ಹೊಲಕ್ಕೆ ಬಂದು ಖರೀದಿಸುತ್ತಾರೆ. ಸದ್ಯ ಮಾರುಟಕ್ಟೆಯಲ್ಲಿ ಒಂದು ಕೆ.ಜಿ. ರೇಷ್ಮೆ ಗೂಡಿನ ಧಾರಣೆ ₹ 500 ಇದೆ. ಒಮ್ಮೊಮ್ಮೆ ₹ 700 ಸಿಗಲಿದೆ ಎನ್ನುತ್ತಾರೆ ಅಶೋಕ.</p>.<p>ಈಗ ಮೊದಲ ಗೂಡು ಕಳಿಸಿದ್ದೇನೆ. ₹ 25000 ಸಿಕ್ಕಿದೆ. ಇನ್ಮುಂದೆ ಪ್ರತಿ ಮೂರು ವಾರಕ್ಕೊಮ್ಮೆ ರೇಷ್ಮೆಗೂಡು ಮಾರುಕಟ್ಟೆಗೆ ಹೋಗುತ್ತದೆ. ವರ್ಷಕ್ಕೆ ಕನಿಷ್ಠ ಏನಿಲ್ಲವೆಂದರೂ; ಒಂದು ಎಕರೆಗೆ ₹ 1 ಲಕ್ಷ ಲಾಭ ಸಿಗಲಿದೆ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಆಲಮೇಲ:</strong>‘ಎಲ್ಲರೂ ಬೆನ್ನತ್ತುವ ಬೆಳೆಗೆ ಜೋತು ಬೀಳದೆ ಹೊಸ ಬೆಳೆ ಬೆಳೆಯಬೇಕು ಎಂಬ ಆಲೋಚನೆ ಮೂಡಿತು. ತಕ್ಷಣ ಕಾರ್ಯ ಪ್ರವೃತ್ತನಾದೆ. ಈ ಭಾಗಕ್ಕೆ ಪರಿಚಯವಿಲ್ಲದ ರೇಷ್ಮೆ ಕೃಷಿ ಆರಂಭಿಸಿದೆ. ಎರಡು ಎಕರೆಯಲ್ಲಿ ಸಮೃದ್ಧ ಬೆಳೆಯಿದೆ... ಇದೀಗ ನಾನೂ ಒಬ್ಬ ಯಶಸ್ವಿ ರೇಷ್ಮೆ ಕೃಷಿಕ.’</p>.<p>ಆಲಮೇಲ ಸಮೀಪದ ಕಡಣಿ ಗ್ರಾಮದ ರೈತ ಅಶೋಕ ತಾಂಬೆ ಅವರ ನುಡಿಗಳಿವು.</p>.<p>ತಾಂಬೆ ಜಮೀನು ನ್ಯಾಯಕ್ಕೆ ಬಿದ್ದು ಬೀಳು ಬಿದ್ದಿದೆ. ಇದರ ಬೆನ್ನತ್ತಿದರೆ ಬದುಕು ಕಷ್ಟ ಎಂಬುದನ್ನರಿತು ಬೇರೆಯವರ ನಾಲ್ಕು ಎಕರೆ ಜಮೀನನ್ನು ಗುತ್ತಿಗೆ ಪಡೆದು, ತಲಾ ಎರಡು ಎಕರೆಯಲ್ಲಿ ಕಬ್ಬು, ರೇಷ್ಮೆ ಬೆಳೆದು ಯಶಸ್ವಿಯಾಗಿದ್ದಾರೆ.</p>.<p>ರೇಷ್ಮೆ ಕಡಣಿ ಭಾಗದ ರೈತರಿಗೆ ಪರಿಚಯವಿಲ್ಲದ ಬೆಳೆ. ಇದಕ್ಕೆ ಕೈ ಹಾಕುವ ಮೊದಲು ರಾಮನಗರದಲ್ಲಿ ತರಬೇತಿ ಪಡೆದ ಅಶೋಕ, ವಿವಿಧೆಡೆ ಅಧ್ಯಯನ ಪ್ರವಾಸ ಕೈಗೊಂಡು ಬೆಳೆಯ ಮಾಹಿತಿ ಪಡೆದ ಬಳಿಕವಷ್ಟೇ ರೇಷ್ಮೆ ಕೃಷಿಗೆ ಇಳಿದದ್ದು. ಇಲಾಖೆಯೂ ತಾಂಬೆ ಬೆನ್ನಿಗೆ ನಿಂತಿದೆ.</p>.<p><strong>ಸುಸಜ್ಜಿತ ಶೆಡ್:</strong></p>.<p>₹ 1.20 ಲಕ್ಷ ವೆಚ್ಚದಲ್ಲಿ 30X40 ಅಳತೆಯಲ್ಲಿ ರೇಷ್ಮೆಹುಳುಗಳಿಗಾಗಿ ಸುಸಜ್ಜಿತ ಶೆಡ್ ನಿರ್ಮಿಸಲಾಗಿದೆ. ಗಾಳಿ–ಬೆಳಕಿನ ವ್ಯವಸ್ಥೆಯಿದೆ. ಎರಡು ಎಕರೆಯಲ್ಲಿ ರೇಷ್ಮೆ ಬೆಳೆದರೆ, ಶೆಡ್ನಲ್ಲಿ ಹುಳು ಸಾಕಿದ್ದಾರೆ. ರೇಷ್ಮೆ ಗಿಡದ ಸೊಪ್ಪನ್ನು ಇವುಗಳಿಗೆ ಆಹಾರವಾಗಿ ಪೂರೈಸುತ್ತಾರೆ.</p>.<p>ಹುಳುಗಳು ಗೂಡು ಕಟ್ಟಿವಿಕೆ ಆರಂಭಿಸಿದ 21 ದಿನಗಳಲ್ಲಿ ತನ್ನ ಸುತ್ತ ಕೋಶವನ್ನು ರಚಿಸಿಕೊಳ್ಳುತ್ತವೆ. ಗೂಡಿನೊಳಗೆ ರೇಷ್ಮೆ ಉತ್ಪಾದಿಸುವ ಹುಳು ಅದರೊಳಗೆ ಅಂತಿಮ ವಿದಾಯ ಹೇಳುತ್ತದೆ. ಇದು ರೇಷ್ಮೆ ಬೆಳೆಯ ಪದ್ಧತಿ.</p>.<p>ಒಂದು ಲಕ್ಷ ರೇಷ್ಮೆ ಹುಳಗಳು ಗೂಡು ಕಟ್ಟುತ್ತಿದ್ದು, ಇನ್ನೂ ಕೆಲ ದಿನಗಳಲ್ಲಿ ಗೂಡು ಮಾರುಕಟ್ಟೆಗೆ ಹೋಗಲಿದೆ. ಕೈಗೆ ಕಾಸು ಸಿಗಲಿದೆ ಎಂಬ ಖುಷಿ ಪಾರ್ವತಿ–ಅಶೋಕ ದಂಪತಿಯದ್ದು.</p>.<p>ಶೆಡ್ನೊಳಗೆ ಹುಳುಗಳು ಗೂಡು ಕಟ್ಟುವ ಪ್ರಕ್ರಿಯೆಯಲ್ಲಿವೆ. ಯಾವುದೇ ಖರ್ಚಿಲ್ಲ. ಇಲ್ಲಿಗೆ ಸಮೀಪದ ಅಹಿರಸಂಗ, ಗೊಬ್ಬೂರಿನ ರೇಷ್ಮೆ ಕೇಂದ್ರಗಳಿಂದ ಹುಳು ತಂದು ಸಾಕುತ್ತಿರುವೆ. 50% ಸಬ್ಸಿಡಿಯಿದೆ. ಶೆಡ್ ನಿರ್ಮಾಣಕ್ಕೂ ₹ 21000 ಸಬ್ಸಿಡಿ ದೊರಕಿದ್ದು, ರೇಷ್ಮೆ ಅಧಿಕಾರಿಗಳು ಫಾರಂಗೆ ಭೇಟಿ ನೀಡಿ, ಸಲಹೆ ನೀಡುತ್ತಾರೆ ಎಂದು ಅಶೋಕ ತಮ್ಮ ಬೆಳೆ ಬಗ್ಗೆ ಮಾಹಿತಿ ನೀಡಿದರು.</p>.<p>ಎರಡು ಎಕರೆಯಲ್ಲಿ ಫೀ 1, ವಿಶಾಲ ತಳಿಯ ರೇಷ್ಮೆ ಬೆಳೆದಿದ್ದೇನೆ. ಎಂಟು ಅಡಿವರೆಗೆ ಗಿಡ ಸಮೃದ್ಧವಾಗಿ ಬೆಳೆದಿವೆ. ಇದಕ್ಕೆ ತಿಪ್ಪೇ ಗೊಬ್ಬರ ಮಾತ್ರ ಹಾಕಿದ್ದೇನೆ. ಯಾವುದೇ ಕ್ರಿಮಿನಾಶಕ, ರಸಗೊಬ್ಬರ ಬಳಸಿಲ್ಲ. ಇವೆರಡರ ವಾಸನೆ ಹುಳುಗೆ ತಾಕಿದರೆ ಸಾಕು ಸಾಯುತ್ತವೆ. ಎಕರೆಗೆ ₹ 15000 ಖರ್ಚಾಗಿದೆ. ಇದೊಂದು ಸರಳ ಬೆಳೆ ಎಂದು ತಾಂಬೆ ಹೇಳಿದರು.</p>.<p><strong>ಕೃಷಿ ಉಪಕರಣ ಶೋಧಕ</strong></p>.<p>ಎತ್ತರದ ರೇಷ್ಮೆ ಗಿಡದ ತಪ್ಪಲು ಕತ್ತರಿಸಲು ತಾಂಬೆ ತಾನೇ ಒಂದು ಯಂತ್ರ ಶೋಧಿಸಿದ್ದಾರೆ. 12 ವೋಲ್ಟ್ಸ್ ಬ್ಯಾಟರಿ ಸಹಾಯದಿಂದ ಈ ಯಂತ್ರ ಕಾರ್ಯ ನಿರ್ವಹಿಸುತ್ತದೆ. ಎಲೆಯ ತುದಿಗಳನ್ನು, ರೋಗ ಬಂದ ಬೆಳೆಯ ಎಲೆಯನ್ನು ಸರಿಯಾಗಿ ಕತ್ತರಿಸಲು ಅನುಕೂಲವಾಗುವಂತೆ ತಾವೇ ವಿನ್ಯಾಸ ಮಾಡಿಕೊಂಡಿದ್ದಾರೆ.</p>.<p>ಇದರ ಜತೆಗೆ ರೇಷ್ಮೆಗೂಡುಗಳನ್ನು ಪ್ರತ್ಯೇಕ ಮಾಡಲು, ಸ್ವಚ್ಛಗೊಳಿಸುವುದಕ್ಕಾಗಿಯೂ ಯಂತ್ರವನ್ನು ಶೋಧಿಸಿದ್ದಾರೆ. ಇದೇ 16ರ ಮಂಗಳವಾರ ಹೊಲದಲ್ಲೇ ರೈತರಿಗಾಗಿ ಪ್ರದರ್ಶನ ಹಮ್ಮಿಕೊಂಡಿದ್ದಾರೆ.</p>.<p><strong>ಮಾರುಕಟ್ಟೆ</strong></p>.<p>ರೇಷ್ಮೆ ಹುಳುಗಳು 21 ದಿನಕ್ಕೆ ಗೂಡು ಕಟ್ಟುತ್ತವೆ. ಈ ಗೂಡುಗಳನ್ನು ರಾಮನಗರ, ಚಿಕ್ಕಬಳ್ಳಾಪುರದ ಶಿಡ್ಲಘಟ್ಟದ ವ್ಯಾಪಾರಿಗಳು ಹೊಲಕ್ಕೆ ಬಂದು ಖರೀದಿಸುತ್ತಾರೆ. ಸದ್ಯ ಮಾರುಟಕ್ಟೆಯಲ್ಲಿ ಒಂದು ಕೆ.ಜಿ. ರೇಷ್ಮೆ ಗೂಡಿನ ಧಾರಣೆ ₹ 500 ಇದೆ. ಒಮ್ಮೊಮ್ಮೆ ₹ 700 ಸಿಗಲಿದೆ ಎನ್ನುತ್ತಾರೆ ಅಶೋಕ.</p>.<p>ಈಗ ಮೊದಲ ಗೂಡು ಕಳಿಸಿದ್ದೇನೆ. ₹ 25000 ಸಿಕ್ಕಿದೆ. ಇನ್ಮುಂದೆ ಪ್ರತಿ ಮೂರು ವಾರಕ್ಕೊಮ್ಮೆ ರೇಷ್ಮೆಗೂಡು ಮಾರುಕಟ್ಟೆಗೆ ಹೋಗುತ್ತದೆ. ವರ್ಷಕ್ಕೆ ಕನಿಷ್ಠ ಏನಿಲ್ಲವೆಂದರೂ; ಒಂದು ಎಕರೆಗೆ ₹ 1 ಲಕ್ಷ ಲಾಭ ಸಿಗಲಿದೆ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
