<p>“ಅಕ್ಕೋ ಸಿದ್ರಾಮೇಸ್ವರ ಒಂಟೊದ್ನಾ”</p>.<p>ಎಗರೆಗರಿ ಬೆನ್ನಿಗೆರಗಿದ ಪ್ರಶ್ನೆಗೆ ಉತ್ತರಿಸುವುದಕು ಮೊದಲು<br /> ಚಿತ್ತ ನೆನೆದು ಮೆತ್ತಗಾಯ್ತು; ಆಹಾ ಆ ಲಯನಾಂಟ್ಯ ಆ ರಚನಾವಿನ್ಯಾಸ<br /> ಆ ಸ್ವರಪ್ರಸ್ತಾರ ಅಹಹಾ ಬಿದ್ದಿತೇ ಕಿವಿಗೆ<br /> ಇದೇ ಇದೇ ನನ್ನ ಮಾತು<br /> ಹಲವು ಕನ್ನಡಂಗಳಲ್ಲಿ ಇದು ನನ್ನ ಕನ್ನಡ ಇದೇ ನನ್ನ ಕನ್ನಡ<br /> ಇದು ಮಾತ್ರ ನನ್ನ ಕನ್ನಡ<br /> ಇದೊಂದೇ ಮಾತು ಇದೊಂದೇ ಮಾತಿಗೆ<br /> ಗೆಳತಿಯರಾಗಿಬಿಟ್ಟೆವು ನಾವು</p>.<p>ಬಸ್ಟಾಂಡಿನ ಆ ತಲೆಹೊಲದ ತೆನೆನಡುವೆಯೆ ಹೊರಚ್ಚಿಗೆ ಕುಂತು<br /> ಶುರುವಾಯಿತು ಬೈಠಕ್ಕು; ಪಿಚ್ಚರು ಸೂಟಿಂಗಿಗೆ ಚೆಂಡುಹುವ್ವಿನ<br /> ಲಾರಿಲೋಡುಗಳ ತಂದದ್ದು, ಪೇಮೆಂಟಾದ ಮೇಲೆ ಊರಕಡೆ ಹೊಂಟದ್ದು<br /> ಗಂಡನೊಬ್ಬನ್ನೆ ಕಳುಹಿದರೆ ದುಡ್ಡು ಅರ್ಧ ಗಡಂಗಿಗೆ ಜಮಾ<br /> ಬಂದ ಸೊಸೆ ಹೋದ ಮಗಳು ಇರುವ ನಗೆಹೊಗೆಗಳ<br /> ಇತ್ತೇಪಾರ ನಡೆದು ಮಲೆತಿದ್ದ ಎದೆಕೆರೆಯ ತೂಬೆತ್ತಿ<br /> ಕಿಟ್ಟಗಟ್ಟಿದ್ದ ಭಾವಕಾಲುವೆ ಸ್ವಚ್ಛಗೊಳ್ಳುವ ಹೊತ್ತಿಗೆ<br /> ಥಟ್ಟನೆ ಅಂದಳು</p>.<p>“ಅಕ್ಕೊ ನಿನ್ ಪೇಸ್ಕಟ್ಟು ಎಲ್ಲೊ ನೋಡ್ದಂಗೈತೆ<br /> ಕಾಡಯ್ಯನೋರ ಮನೆತಾವು ಇದ್ದೋರಲ್ವ ನೀವು<br /> ಅಯ್ಯೊ... ಮಕಾವಲಿಕೆ ನೋಡ್ದೇಟ್ಗೆ ಅಂದ್ಕಂಡೆ<br /> ನಾನಲ್ವ ಮಣೆಮ್ಮ ಬಾರೆಮನೆ ಮಣೆಮ್ಮಾ<br /> ತೋ ಗುರ್ತು ಮರೆತಾ... ಚೆಂಡುಮಣಿ ಚೆಂಡುಮಣಿ”</p>.<p>ಹ್ಹೊಹ್ಹೊಹ್ಹೊಹ್ಹೊಹ್ಹೊಹ್ಹೊಹ್ಹೊ<br /> ನಕ್ಕೆವು ನಕ್ಕೆವು ದಿಕ್ಕಾಪಾಲಾದರು ದಿಕ್ಪಾಲಕರು<br /> ನೆತ್ತಿಗುಣಿಗೆ ಹರಳೆಣ್ಣೆ, ಜಡೆಬುಡಕ್ಕೆ ತಪ್ಪದೆ ಚೆಂಡುವ್ವ</p>.<p>ಅದೇ ಕಾರಣವಾಗಿ ಅಡ್ಡಹೆಸರು ಚೆಂಡುಮಣಿ<br /> ಮೈನೆರೆದ ದೆಸೆಯಿಂದ ಏಳನೇ ಕ್ಳಾಸಿಗೇ ಸ್ಕೂಲು<br /> ತೊರೆಸಲ್ಪಟ್ಟ ಚಿಂತಾಮಣಿ<br /> ಅಲ್ಲಿಂದಾಚೆಗೆ ನಮ್ಮ ಮಾತೆಲ್ಲ ‘ಲೇ’ ಕಾರಾದಿಯಾಗಿ<br /> ‘ಕಣೇ’ ಪ್ರತ್ಯಯಾಂತ್ಯ!!</p>.<p>ಬಸ್ಸು ಹತ್ತುವಾಗ ಅಂದಳು<br /> ಮಚ್ಚಲ್ಲಿ ಕೊಚ್ಚಿದಂತೆ “ಏನ್ ಬೇವರ್ಸಿ ಊರೇ ಇದು<br /> ನಂ ಬಾಸೆ ಆಡೊ ಒಂದ್ ನಾಯ್ಕುನ್ನಿ ಸೈತ ಇಲ್ಲ<br /> ಥೋ ಎಲ್ಲೊ ಕಳದೋದಂಗಾಗಿತ್ತು ಕಣೇ ನೆನ್ನ್ಯಿಂದ ನಂಗೆ<br /> ನೋಡು ಒಂದ್ ಮಾತಿಂದ ನೀನು ಸಿಕ್ದೆ<br /> ಏನ್ ಪವ್ವರಲ್ವ ಮಾತಿಗೆ”</p>.<p>ಮುತ್ತಿನಂಥ ಮಾತಾಡಿದ್ದಳು ಮಣೆಮ್ಮ<br /> ಒಂದು ಮಾತಿಗೆ ಎಂಥ ಶಕ್ತಿ ಅಲ್ಲವಾ<br /> ಹುಡುಕಿಕೊಡುತ್ತದೆ ಬೇರುಗಳ ತಡವುತ್ತದೆ ಬದುಕುಗಳ<br /> ಬೇರುಗಳೇ ಬೇಡ ಅಂದರೆ...<br /> ತೆಗಿರೀ ಎಂಥ ಮಾತು, ಅದೊಂದು ಜನ್ಮವಾ</p>.<p>೧. ಪೇಸ್ಕಟ್ಟು = ಫೇಸ್ ಕಟ್<br /> ೨. ಇತ್ತೇಪಾರ= ಇತ್ಯೋಪರಿ<br /> ೩. ಮಕಾವಲಿಕೆ = ಮುಖಹೋಲಿಕೆ<br /> ೪. ಬಾಸೆ = ಭಾಷೆ<br /> ೩. ಪವ್ವರ್ = ಪವರ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>“ಅಕ್ಕೋ ಸಿದ್ರಾಮೇಸ್ವರ ಒಂಟೊದ್ನಾ”</p>.<p>ಎಗರೆಗರಿ ಬೆನ್ನಿಗೆರಗಿದ ಪ್ರಶ್ನೆಗೆ ಉತ್ತರಿಸುವುದಕು ಮೊದಲು<br /> ಚಿತ್ತ ನೆನೆದು ಮೆತ್ತಗಾಯ್ತು; ಆಹಾ ಆ ಲಯನಾಂಟ್ಯ ಆ ರಚನಾವಿನ್ಯಾಸ<br /> ಆ ಸ್ವರಪ್ರಸ್ತಾರ ಅಹಹಾ ಬಿದ್ದಿತೇ ಕಿವಿಗೆ<br /> ಇದೇ ಇದೇ ನನ್ನ ಮಾತು<br /> ಹಲವು ಕನ್ನಡಂಗಳಲ್ಲಿ ಇದು ನನ್ನ ಕನ್ನಡ ಇದೇ ನನ್ನ ಕನ್ನಡ<br /> ಇದು ಮಾತ್ರ ನನ್ನ ಕನ್ನಡ<br /> ಇದೊಂದೇ ಮಾತು ಇದೊಂದೇ ಮಾತಿಗೆ<br /> ಗೆಳತಿಯರಾಗಿಬಿಟ್ಟೆವು ನಾವು</p>.<p>ಬಸ್ಟಾಂಡಿನ ಆ ತಲೆಹೊಲದ ತೆನೆನಡುವೆಯೆ ಹೊರಚ್ಚಿಗೆ ಕುಂತು<br /> ಶುರುವಾಯಿತು ಬೈಠಕ್ಕು; ಪಿಚ್ಚರು ಸೂಟಿಂಗಿಗೆ ಚೆಂಡುಹುವ್ವಿನ<br /> ಲಾರಿಲೋಡುಗಳ ತಂದದ್ದು, ಪೇಮೆಂಟಾದ ಮೇಲೆ ಊರಕಡೆ ಹೊಂಟದ್ದು<br /> ಗಂಡನೊಬ್ಬನ್ನೆ ಕಳುಹಿದರೆ ದುಡ್ಡು ಅರ್ಧ ಗಡಂಗಿಗೆ ಜಮಾ<br /> ಬಂದ ಸೊಸೆ ಹೋದ ಮಗಳು ಇರುವ ನಗೆಹೊಗೆಗಳ<br /> ಇತ್ತೇಪಾರ ನಡೆದು ಮಲೆತಿದ್ದ ಎದೆಕೆರೆಯ ತೂಬೆತ್ತಿ<br /> ಕಿಟ್ಟಗಟ್ಟಿದ್ದ ಭಾವಕಾಲುವೆ ಸ್ವಚ್ಛಗೊಳ್ಳುವ ಹೊತ್ತಿಗೆ<br /> ಥಟ್ಟನೆ ಅಂದಳು</p>.<p>“ಅಕ್ಕೊ ನಿನ್ ಪೇಸ್ಕಟ್ಟು ಎಲ್ಲೊ ನೋಡ್ದಂಗೈತೆ<br /> ಕಾಡಯ್ಯನೋರ ಮನೆತಾವು ಇದ್ದೋರಲ್ವ ನೀವು<br /> ಅಯ್ಯೊ... ಮಕಾವಲಿಕೆ ನೋಡ್ದೇಟ್ಗೆ ಅಂದ್ಕಂಡೆ<br /> ನಾನಲ್ವ ಮಣೆಮ್ಮ ಬಾರೆಮನೆ ಮಣೆಮ್ಮಾ<br /> ತೋ ಗುರ್ತು ಮರೆತಾ... ಚೆಂಡುಮಣಿ ಚೆಂಡುಮಣಿ”</p>.<p>ಹ್ಹೊಹ್ಹೊಹ್ಹೊಹ್ಹೊಹ್ಹೊಹ್ಹೊಹ್ಹೊ<br /> ನಕ್ಕೆವು ನಕ್ಕೆವು ದಿಕ್ಕಾಪಾಲಾದರು ದಿಕ್ಪಾಲಕರು<br /> ನೆತ್ತಿಗುಣಿಗೆ ಹರಳೆಣ್ಣೆ, ಜಡೆಬುಡಕ್ಕೆ ತಪ್ಪದೆ ಚೆಂಡುವ್ವ</p>.<p>ಅದೇ ಕಾರಣವಾಗಿ ಅಡ್ಡಹೆಸರು ಚೆಂಡುಮಣಿ<br /> ಮೈನೆರೆದ ದೆಸೆಯಿಂದ ಏಳನೇ ಕ್ಳಾಸಿಗೇ ಸ್ಕೂಲು<br /> ತೊರೆಸಲ್ಪಟ್ಟ ಚಿಂತಾಮಣಿ<br /> ಅಲ್ಲಿಂದಾಚೆಗೆ ನಮ್ಮ ಮಾತೆಲ್ಲ ‘ಲೇ’ ಕಾರಾದಿಯಾಗಿ<br /> ‘ಕಣೇ’ ಪ್ರತ್ಯಯಾಂತ್ಯ!!</p>.<p>ಬಸ್ಸು ಹತ್ತುವಾಗ ಅಂದಳು<br /> ಮಚ್ಚಲ್ಲಿ ಕೊಚ್ಚಿದಂತೆ “ಏನ್ ಬೇವರ್ಸಿ ಊರೇ ಇದು<br /> ನಂ ಬಾಸೆ ಆಡೊ ಒಂದ್ ನಾಯ್ಕುನ್ನಿ ಸೈತ ಇಲ್ಲ<br /> ಥೋ ಎಲ್ಲೊ ಕಳದೋದಂಗಾಗಿತ್ತು ಕಣೇ ನೆನ್ನ್ಯಿಂದ ನಂಗೆ<br /> ನೋಡು ಒಂದ್ ಮಾತಿಂದ ನೀನು ಸಿಕ್ದೆ<br /> ಏನ್ ಪವ್ವರಲ್ವ ಮಾತಿಗೆ”</p>.<p>ಮುತ್ತಿನಂಥ ಮಾತಾಡಿದ್ದಳು ಮಣೆಮ್ಮ<br /> ಒಂದು ಮಾತಿಗೆ ಎಂಥ ಶಕ್ತಿ ಅಲ್ಲವಾ<br /> ಹುಡುಕಿಕೊಡುತ್ತದೆ ಬೇರುಗಳ ತಡವುತ್ತದೆ ಬದುಕುಗಳ<br /> ಬೇರುಗಳೇ ಬೇಡ ಅಂದರೆ...<br /> ತೆಗಿರೀ ಎಂಥ ಮಾತು, ಅದೊಂದು ಜನ್ಮವಾ</p>.<p>೧. ಪೇಸ್ಕಟ್ಟು = ಫೇಸ್ ಕಟ್<br /> ೨. ಇತ್ತೇಪಾರ= ಇತ್ಯೋಪರಿ<br /> ೩. ಮಕಾವಲಿಕೆ = ಮುಖಹೋಲಿಕೆ<br /> ೪. ಬಾಸೆ = ಭಾಷೆ<br /> ೩. ಪವ್ವರ್ = ಪವರ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
