<p>ನಮ್ಮಂತಿದ್ದೂ ನಮ್ಮಂತಾಗದ<br /> ನಮ್ಮಂತಾಗಲು ಪರಿಪರಿ ಪರದಾಡುವ<br /> ನಿನ್ನ ಕಂಡರೆ ನಾನು ಮುಖ ತಿರುಗಿಸುತ್ತೇನೆ<br /> ಜಿಗುಪ್ಸೆಗಲ್ಲ ಸಿಟ್ಟಿಗಲ್ಲ ; ನಿನ್ನಅಸಹಾಯಕತೆಗೆ<br /> ನಿನಗೆ ಏನೂ ಮಾಡಲಾಗದ ನನ್ನ ಅಸಹಾಯಕತೆಯೂ ಬೆಸೆದು<br /> ಬೆಸೆದುದ್ದ ಬಚ್ಚಿಡಲು</p>.<p>ಕೈಕೈ ಹಿಸುಕಿಕೊಳ್ಳುತ್ತೇನೆ<br /> ನೀನು ವಿಚಿತ್ರವಾಗಿ ಮೇಕಪ್ಪು ಬಳಕೊಂಡು<br /> ನಿಂತ ಗಾಡಿಗಳ ಮುಂದೆಲ್ಲ ಚಪ್ಪಾಳೆ ತಟ್ಟುವಾಗ<br /> ಛಳೀರ್ ಛಟ್ ಛಳೀರ್ ಛಟ್ ಛಳೀರ್ ಛಟ್ ಛಳೀರ್ ಛಟ್<br /> ರಪ್ಪರಪ್ಪನೆ ತಟ್ಟಿದಂತಾಗುತ್ತದೆ ಸಕಲಸೃಷ್ಟೀ ಮುಖಕ್ಕೆ</p>.<p>ಹಾಗೆ ಮಾಡಬೇಡವೇ ಪ್ಲೀಸ್<br /> ಹೋಗು ಮನೆಗೆ ಹಿಟ್ಟೊ ಸೊಪ್ಪೊ ತಿಂದು ಒಳಗಿರು<br /> –ಹೀಗೆ ಗದರುವಂತಾಗುತ್ತದೆ ; ಗೊತ್ತು, ಗದರುವ ಅಧಿಕಾರವೂ ನನಗಿಲ್ಲ<br /> ಒಂದು ದಿನದ್ದಲ್ಲ ಒಪ್ಪೊತ್ತೂ ಹೊಟ್ಟೆ ಸುಮ್ಮನಿರುವುದಿಲ್ಲ<br /> ಕೋಳಿ ನಿನಗೊಬ್ಬಳಿಗೆ ಕೂಗದೆಯು ಇರುವುದಿಲ್ಲ</p>.<p>ಬಾ ಇಲ್ಲಿ ಕೆಲಸ ಕೊಡುತ್ತೇನೆ<br /> ಇಲ್ಲ ಹೀಗೆ ಹೇಳುವ ಗೈರತ್ತೂ ; ಹೆಚ್ಚೆಂದರೆ ಪಕ್ಕದ<br /> ಗಂಡನಿಗೆ ಗೊತ್ತಾಗದ ಹಾಗೆ ಕೈಗಿಕ್ಕಿ ಕೈಗೆ ಬಂದಷ್ಟು<br /> ನೀಗಿಕೊಳ್ಳುತ್ತೇನೆ ಆವೊತ್ತಿನ ರುಣ; ಇಕ್ಕಿ ಮುಖ ತಿರುಗಿಸುವ ಆ ಕ್ಷಣ<br /> ಯಾರೂ ಇರುವುದಿಲ್ಲ ನನ್ನ ವಕೀಲಿಕೆಗೆ<br /> ಆ ಪೂರ್ಣಸ್ಯ ಪೂರ್ಣಮಾದಾಯ ಪೂರ್ಣಮೇವನೂ</p>.<p>ಮುಂದಕ್ಕೆ ಹೋಗುತ್ತೀಯ<br /> ಇಲ್ಲದ ಉಬ್ಬಿನ ಸಂದಿಗೆ ರೂಪಾಯಿ ಸಿಕ್ಕಿಸಿ<br /> ಸುಮ್ಮಸುಮ್ಮನೆ ನಕ್ಕು ಮುಚ್ಚಿಕೊಳ್ಳುತ್ತೀಯ ಆದ ಅವಮಾನ<br /> ಅವನು ಕೈಯಿಳಿಸಿದ್ದೆ ಇಷ್ಟವೆಂಬಂತೆ ನಟಿಸುತ್ತ ಪೋಲೀಮಾತುದುರಿಸಿ<br /> ಕರೆದದ್ದು ಕೇಳಿಸದ ಹಾಗೆ ಸರಿಯುತ್ತ ಸಂತೋಷೀಮಾಳನ್ನೆ ಕಂಕುಳಲ್ಲಿಟ್ಟುಕೊಂಡವಳ<br /> ಹಾಗೆ ಒನೆಯುತ್ತ ಕೊನೆಗೆ ತೆಗೆಯುತ್ತೀಯ ಜಗಳ<br /> ಕೈ ಮೀರಿದ್ದಕ್ಕೆ ಹೊಟ್ಟೇಸಿಟ್ಟು ರಟ್ಟೆಗಿಳಿಯಲಾರದ ದುಃಖಕ್ಕೆ<br /> ಮತ್ತದೆ ಛಟ್ ಛಳೀರ್ ಛಟ್ ಛಳೀರ್ ಛಟ್ ಛಳೀರ್ ಛಟ್ ಛಳಿರ್</p>.<p>ನಾಳೆ ನಮ್ಮಲ್ಲೊಬ್ಬರ<br /> ವೀರ್ಯದಿಂದೊ ಯೋನಿದ್ವಾರದಿಂದೊ<br /> ಹುಟ್ಟಬಹುದಾದ ನಿನ್ನಂಥವಳ ಸಾಧ್ಯತೆ ಮರೆತೂ<br /> ಕಾರೆಮುಳ್ಳು ಚುಚ್ಚಿದ್ದಕ್ಕೂ ದೇವರ ಬೈಯ್ಕೊಳ್ಳುವ ನಾವು ಸಂಪನ್ನರು ನಗುತ್ತೇವೆ<br /> ಕಂಡರೂ ಕಾಣದ ಕಣ್ಣಕೊನೆಯಲ್ಲೆ ನಿನ್ನ ಪೂರ್ತಿ ಕಂಡು</p>.<p>ಭಾಷಣವಿಲ್ಲದೆ ವಿಷವುಂಡು ನಂಜುಂಡೆಯಾದರೂ ಪೂಜೆಗೊಳ್ಳದವಳೇ ಕೇಳು<br /> ನಮ್ಮಂತಿದ್ದೂ ನಮ್ಮಂತಾಗದೆ ಆಗಲು ಪರಿಪರಿ ಪರದಾಡುವವಳೇ ಕೇಳು<br /> ಇದ್ದಾನೆ ನಮ್ಮೊಳಗೂ ಒಬ್ಬ ಅವನು<br /> ಮತ್ತು ಅವನೊಳಗೂ ಒಬ್ಬ ಅವಳು<br /> ಏನೆಂದರೆ<br /> ನಿನಗೆ ಕೈಕೊಟ್ಟ ಅದೇ ಮೊಲೆಮುಡಿ ಗಡ್ಡಮೀಸೆ<br /> ಪುಣ್ಯಕ್ಕಿಲ್ಲಿ ನೆಟ್ಟಗಿವೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಮ್ಮಂತಿದ್ದೂ ನಮ್ಮಂತಾಗದ<br /> ನಮ್ಮಂತಾಗಲು ಪರಿಪರಿ ಪರದಾಡುವ<br /> ನಿನ್ನ ಕಂಡರೆ ನಾನು ಮುಖ ತಿರುಗಿಸುತ್ತೇನೆ<br /> ಜಿಗುಪ್ಸೆಗಲ್ಲ ಸಿಟ್ಟಿಗಲ್ಲ ; ನಿನ್ನಅಸಹಾಯಕತೆಗೆ<br /> ನಿನಗೆ ಏನೂ ಮಾಡಲಾಗದ ನನ್ನ ಅಸಹಾಯಕತೆಯೂ ಬೆಸೆದು<br /> ಬೆಸೆದುದ್ದ ಬಚ್ಚಿಡಲು</p>.<p>ಕೈಕೈ ಹಿಸುಕಿಕೊಳ್ಳುತ್ತೇನೆ<br /> ನೀನು ವಿಚಿತ್ರವಾಗಿ ಮೇಕಪ್ಪು ಬಳಕೊಂಡು<br /> ನಿಂತ ಗಾಡಿಗಳ ಮುಂದೆಲ್ಲ ಚಪ್ಪಾಳೆ ತಟ್ಟುವಾಗ<br /> ಛಳೀರ್ ಛಟ್ ಛಳೀರ್ ಛಟ್ ಛಳೀರ್ ಛಟ್ ಛಳೀರ್ ಛಟ್<br /> ರಪ್ಪರಪ್ಪನೆ ತಟ್ಟಿದಂತಾಗುತ್ತದೆ ಸಕಲಸೃಷ್ಟೀ ಮುಖಕ್ಕೆ</p>.<p>ಹಾಗೆ ಮಾಡಬೇಡವೇ ಪ್ಲೀಸ್<br /> ಹೋಗು ಮನೆಗೆ ಹಿಟ್ಟೊ ಸೊಪ್ಪೊ ತಿಂದು ಒಳಗಿರು<br /> –ಹೀಗೆ ಗದರುವಂತಾಗುತ್ತದೆ ; ಗೊತ್ತು, ಗದರುವ ಅಧಿಕಾರವೂ ನನಗಿಲ್ಲ<br /> ಒಂದು ದಿನದ್ದಲ್ಲ ಒಪ್ಪೊತ್ತೂ ಹೊಟ್ಟೆ ಸುಮ್ಮನಿರುವುದಿಲ್ಲ<br /> ಕೋಳಿ ನಿನಗೊಬ್ಬಳಿಗೆ ಕೂಗದೆಯು ಇರುವುದಿಲ್ಲ</p>.<p>ಬಾ ಇಲ್ಲಿ ಕೆಲಸ ಕೊಡುತ್ತೇನೆ<br /> ಇಲ್ಲ ಹೀಗೆ ಹೇಳುವ ಗೈರತ್ತೂ ; ಹೆಚ್ಚೆಂದರೆ ಪಕ್ಕದ<br /> ಗಂಡನಿಗೆ ಗೊತ್ತಾಗದ ಹಾಗೆ ಕೈಗಿಕ್ಕಿ ಕೈಗೆ ಬಂದಷ್ಟು<br /> ನೀಗಿಕೊಳ್ಳುತ್ತೇನೆ ಆವೊತ್ತಿನ ರುಣ; ಇಕ್ಕಿ ಮುಖ ತಿರುಗಿಸುವ ಆ ಕ್ಷಣ<br /> ಯಾರೂ ಇರುವುದಿಲ್ಲ ನನ್ನ ವಕೀಲಿಕೆಗೆ<br /> ಆ ಪೂರ್ಣಸ್ಯ ಪೂರ್ಣಮಾದಾಯ ಪೂರ್ಣಮೇವನೂ</p>.<p>ಮುಂದಕ್ಕೆ ಹೋಗುತ್ತೀಯ<br /> ಇಲ್ಲದ ಉಬ್ಬಿನ ಸಂದಿಗೆ ರೂಪಾಯಿ ಸಿಕ್ಕಿಸಿ<br /> ಸುಮ್ಮಸುಮ್ಮನೆ ನಕ್ಕು ಮುಚ್ಚಿಕೊಳ್ಳುತ್ತೀಯ ಆದ ಅವಮಾನ<br /> ಅವನು ಕೈಯಿಳಿಸಿದ್ದೆ ಇಷ್ಟವೆಂಬಂತೆ ನಟಿಸುತ್ತ ಪೋಲೀಮಾತುದುರಿಸಿ<br /> ಕರೆದದ್ದು ಕೇಳಿಸದ ಹಾಗೆ ಸರಿಯುತ್ತ ಸಂತೋಷೀಮಾಳನ್ನೆ ಕಂಕುಳಲ್ಲಿಟ್ಟುಕೊಂಡವಳ<br /> ಹಾಗೆ ಒನೆಯುತ್ತ ಕೊನೆಗೆ ತೆಗೆಯುತ್ತೀಯ ಜಗಳ<br /> ಕೈ ಮೀರಿದ್ದಕ್ಕೆ ಹೊಟ್ಟೇಸಿಟ್ಟು ರಟ್ಟೆಗಿಳಿಯಲಾರದ ದುಃಖಕ್ಕೆ<br /> ಮತ್ತದೆ ಛಟ್ ಛಳೀರ್ ಛಟ್ ಛಳೀರ್ ಛಟ್ ಛಳೀರ್ ಛಟ್ ಛಳಿರ್</p>.<p>ನಾಳೆ ನಮ್ಮಲ್ಲೊಬ್ಬರ<br /> ವೀರ್ಯದಿಂದೊ ಯೋನಿದ್ವಾರದಿಂದೊ<br /> ಹುಟ್ಟಬಹುದಾದ ನಿನ್ನಂಥವಳ ಸಾಧ್ಯತೆ ಮರೆತೂ<br /> ಕಾರೆಮುಳ್ಳು ಚುಚ್ಚಿದ್ದಕ್ಕೂ ದೇವರ ಬೈಯ್ಕೊಳ್ಳುವ ನಾವು ಸಂಪನ್ನರು ನಗುತ್ತೇವೆ<br /> ಕಂಡರೂ ಕಾಣದ ಕಣ್ಣಕೊನೆಯಲ್ಲೆ ನಿನ್ನ ಪೂರ್ತಿ ಕಂಡು</p>.<p>ಭಾಷಣವಿಲ್ಲದೆ ವಿಷವುಂಡು ನಂಜುಂಡೆಯಾದರೂ ಪೂಜೆಗೊಳ್ಳದವಳೇ ಕೇಳು<br /> ನಮ್ಮಂತಿದ್ದೂ ನಮ್ಮಂತಾಗದೆ ಆಗಲು ಪರಿಪರಿ ಪರದಾಡುವವಳೇ ಕೇಳು<br /> ಇದ್ದಾನೆ ನಮ್ಮೊಳಗೂ ಒಬ್ಬ ಅವನು<br /> ಮತ್ತು ಅವನೊಳಗೂ ಒಬ್ಬ ಅವಳು<br /> ಏನೆಂದರೆ<br /> ನಿನಗೆ ಕೈಕೊಟ್ಟ ಅದೇ ಮೊಲೆಮುಡಿ ಗಡ್ಡಮೀಸೆ<br /> ಪುಣ್ಯಕ್ಕಿಲ್ಲಿ ನೆಟ್ಟಗಿವೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
