ದಿಲ್ಲಿಯೆಂಬ ನಾಯಕಸಾನಿಗೆ

ಕೆಂಪು ಹೂವ ಹಾಸಿಗೆ ಕೆಂಪು, ಕೆಂಪು ಕಡುಗೆಂಪು ಗುಲಾಬಿ ಕೆಂಪು ಬಣ್ಣದ ಕೋಟೆ ಕೊತ್ತಳಗಳೊಡತಿ ಎಲೆ ದಿಲ್ಲಿಯೆಂಬ ನಾಯಕಸಾನಿ ನಿನ್ನ ಸೆರಗಿನ ನೂಲುಗಳ ಬಿಡಿಸಿದರೆ ರಕ್ತಸಿಕ್ತ ಎಳೆಗಳು ಒಂದೊಂದೆ ಕಳಚಿ ಕೆಳಗಿಳಿದು ಈ ಇಂಡಿಯಾದ ಚರಿತ್ರೆಯ ಪುಟಗಳು ಸರಸರನೆ ತೆರೆದುಕೊಳ್ಳುತ್ತವೆ ಕಿರ್ರನೆ ಮುರಿದ ಮಾಯಾದಿಡ್ಡಿಗಳಂತೆ.

. ನಿನ್ನನ್ನೇ ಏಕಪತ್ನಿಯೆಂದು ನಂಬಿ ಕೂಡಲೇ ಇಲ್ಲ ಯಾವ ಗಂಡನೂ ದಿಲ್ಲಿಯೆಂಬ ದರ್ಬಾರಲ್ಲಿ. ನೀನೂ ಯಾವನನ್ನೂ ನಂಬಿ ಗೆಜ್ಜೆ ಕಟ್ಟಲಿಲ್ಲ ಮತ್ತೆ ಮತ್ತೆ ಕತ್ತಿವರಸೆ, ಫಿರಂಗಿ ಗುಂಡು ನೆತ್ತಿಯ ಮೇಲೆ ನುಂಗಿ ನೀರು ಕುಡಿವ ಬಾಂಬುಗಳಿವೆ ವಿಷಮ ದಾಂಪತ್ಯದಲ್ಲಿ ಜಾರುವ ಪಿಂಡಗಳಂತೆ.

. ಇತಿಹಾಸವೆಂದರೆ ಮುಖ ಮೈ ಮೊಲೆ ಕೆತ್ತಿಸಿಕೊಂಡ ಭಗ್ನಮೂರ್ತಿಗಳು, ರಾತ್ರಿ ಜೀವ ತಳೆಯುವ ಭೂತ ಪ್ರೇತಗಳು ಎಲ್ಲಿ ನಿನ್ನ ಕೋಮಲತೆ ಕುಡಿಯೊಡೆಯುತ್ತಿತ್ತೋ ಅಲ್ಲೇ ಚಿಮ್ಮುತ್ತಿತ್ತು ಅಂಬುಗಳೆಂಬ ರಕ್ತತೀರ್ಥ ಎಲ್ಲಿ ನಿನ್ನ ಸರದಿ ಆರಂಭವಾಗುತ್ತಿತ್ತೋ ಅಲ್ಲೇ ದಿನ ಮುಗಿಯುತ್ತಿತ್ತು ಅತ್ಯಾಚಾರದೊಂದಿಗೆ.

. ಇತಿಹಾಸವೆಂದರೆ ನಿನ್ನ ಪ್ರಣಯ ಲೀಲೆಗಳು ನಿನ್ನ ಕಾಡಿದ, ತುಳಿದ, ಕನ್ನೆತನ ಕಳಕೊಂಡ ಅತ್ಯಾಚಾರದ ಸರಮಾಲೆಗಳು.

. ಗೆಲ್ಲಲು ಬಂದವನಿಗೆ ಮೋಹವುಕ್ಕಿಸಿದ ಸ್ತನದಾಯಿನಿಯೇ ಹಸಿದು ಬಂದ ಕಂದಮ್ಮನಿಗೆ ಮೊಲೆಯೂಡಿಸಿದ ಮಾತೃವಾತ್ಸಲ್ಯವೇ ಕಾಮನೆಂದರು, ಕರುಳೆಂದರೂ ಮತ್ತೆ ಮತ್ತೆ ದಾಳಿಯಲಿ ನಲುಗಿ ಮಾಟಗಾತಿಯಂತೆ ಮದ್ದು ಅರೆದವಳೇ ಒಡಲಲ್ಲಿ ಇಂಗಿಹೋದದ ರಕ್ತಕೂಪವನ್ನು ಅಡಗಿಸಿಕೊಂಡವಳೇ.

. ಸೀತೆಗಾಗಿ, ದ್ರೌಪದಿಗಾಗಿ ಯುದ್ಧವೇ ಯುದ್ಧ ಜಗತ್ತಿನಾದ್ಯಂತ ಮಾನಿನಿಗಾಗಿಯೇ ಚರಿತ್ರೆ ಕಟ್ಟಲ್ಪಟ್ಟಿದೆ ಎಳೆಬಾಳೆ ಸುಳಿಯಂಥ ಕನ್ನೆಯರ ಕನ್ನೆತನವನ್ನು ಸುಲಿಸುಲಿದು ಬೀದಿಗೆಸೆಯುತ್ತಿದ್ದಾರೆ ತಿಂದಾದ ಮೇಲೆ ಹಣ್ಣನು ಮೂಲೆಗೆಸೆವ ತಿಪ್ಪೆಯಂತೆ.

. ಹೆಣ್ಣು ಹಣ್ಣಾಗಿ, ರಾಜಕಾರಣದ ವ್ಯಂಜನವಾಗಿ ನಾಲಿಗೆಯ ಮೇಲೂ, ಚರಿತ್ರೆಯ ಪುಟಗಳ ಮೇಲೂ ಹೊರಳುತ್ತಿದ್ದಾಳೆ

. ದಿಲ್ಲಿಯೆಂಬ ನಾಯಕಸಾನಿಯ ಕೆಂಪು ಮಣ್ಣಿನಲಿ ನಿರಂತರ ರಕ್ತಪಾತ, ಗಂಡಮಿಂಡರೆಂಬ ಜಗಭಂಡರ ಬೇಟೆಯೆಂಬ ಕೊಂದು ತಣಿಯುವ ಆಟ ಈ ಮಾಟಗಾತಿ ಮುದಿ ನಾಯಕಸಾನಿ ಎದೆ ಮುಚ್ಚಿದ ಕಣ್ಣಲ್ಲೇ ಅರೆಯುತ್ತಿದ್ದಾಳೆ ಮದ್ದು ಅತ್ಯಾಚಾರವೆಂಬ ಗಂಡಾಟಕ್ಕೆ

. ಅಂದು ನೀನು ನೀನೆಂಬ ನಾಯಕಸಾನಿ ಹಸ್ತದ, ಕಮಲದ, ನೇಗಿಲಿನ ಘಾತಕ್ಕೆ ಒಳಗಾಗಿಯೂ ಮತ್ತೆ ಮತ್ತೆ ಗದ್ದುಗೆಯ ಪೊರೆಯುತ್ತಾ ಹೋದೆ ಇಂದು ಅಭಯಗಳಿಲ್ಲದ ನಿರ್ಭಯಗಳೆಂಬ ಕುಸುಮಗಳು ಪಕಳೆ ಕಳೆದು ಉದುರುತ್ತಿವೆ ಮಣ್ಣ ಮಡಿಲಿಗೆ.

. ಇತಿಹಾಸವೆಂದರೆ ಇಷ್ಟೇ ಮುಖ ಮೈ ಮೊಲೆ ಕೆತ್ತಿಸಿಕೊಂಡ ಭಗ್ನಮೂರ್ತಿಗಳು ಕೊಳೆತು ನಾರುವ ಕೂಪದೊಳಗಿನ ಹೆಣಗಳು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿಲ್ಲಿಯೆಂಬ ನಾಯಕಸಾನಿಗೆ

ಚುರುಮುರಿ | ನಿಶ್ಶಕ್ತಿ ಯೋಜನೆ!

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ದಿನ ಭವಿಷ್ಯ: ಅಚ್ಚರಿಯೆನಿಸುವ ಸುದ್ದಿಯೊಂದು ಅನ್ಯರ ಮೂಲಕ ತಿಳಿಯಲಿದೆ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ಮಹಿಳೆಯರ ಏಷ್ಯನ್ ಚಾಂಪಿಯನ್ಸ್ ಹಾಕಿ: ಭಾರತಕ್ಕೆ ಶರಣಾದ ಚೀನಾ

Pro Kabaddi League: ತಲೈವಾಸ್‌ಗೆ ಮಣಿದ ವಾರಿಯರ್ಸ್‌

ದಕ್ಷಿಣ ಆಫ್ರಿಕಾದಲ್ಲಿ ಸರಣಿ ಜಯ ವಿಶೇಷ ಸಾಧನೆ: ವಿವಿಎಸ್ ಲಕ್ಷ್ಮಣ್ ಸಂತಸ

ಬಾಕ್ಸಿಂಗ್‌: ಪಾಲ್‌ಗೆ ಮಣಿದ ಮೈಕ್ ಟೈಸನ್‌

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚುರುಮುರಿ | ನಿಶ್ಶಕ್ತಿ ಯೋಜನೆ!

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ದಿನ ಭವಿಷ್ಯ: ಅಚ್ಚರಿಯೆನಿಸುವ ಸುದ್ದಿಯೊಂದು ಅನ್ಯರ ಮೂಲಕ ತಿಳಿಯಲಿದೆ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ