ನಂದಿನಿ ಹೆದ್ದುರ್ಗ ಬರೆದ ಕವಿತೆ: ಮತ್ತೆ ಹುಟ್ಟಿ ಬರುತ್ತೇವೆ

ಆ ಸಂಜೆಗಳೂ ಈಗಿನಂತೇ

. ಇದ್ದವು

. ಚೈತ್ರಕ್ಕೆ ಒಣಗಿ ಬಾಗಿದ

. ಹುಲ್ಲುಕಣೆ

. ಶ್ರಾವಣದಲ್ಲಿ ಹನಿಸೇಕ ತಾಕಿದ

. ಎಸಳು

. ಮಾಗಿಗೆ ಬರೀ ಕಚಗುಳಿ

. ಅದೇ ಅಂಗಳ…ಅದೇ ದಾಸವಾಳ

. ಮಾತು ಅವ್ಯಾಹತ

. ತಂತು ತಕಧಿಮಿತ

. ಗಿಳಿಹಿಂಡು ಹಾರಿದ್ದು

. ಹೊಸ ಹೂವು ಅರಳಿದ್ದು

. ಹಳೆ ಹುಡುಗಿ ನಕ್ಕಿದ್ದು

. ಮಂತ್ರದ ಮತ್ತೊಂದು

. ಅರ್ಥ ಹೊಳೆದಿದ್ದು

. ನಮಾಝಿನಲ್ಲೇ ನೆನಪು

. ನುಗ್ಗಿ ಬಂದದ್ದು

. ಮಸೀದಿಗೆ ನಮಸ್ಕರಿಸಿದ್ದು

. ಕವಿತೆ ಹುಟ್ಟಿದ್ದು

. ಕತೆಯೇ ಎದುರಾದದ್ದು

. ಜೀವ ಹಗುರೆನಿಸಿದ್ದು ದೂರ ಭಾರವಾದದ್ದು

. ನಡುನಡುವೆ ಧುಮ್ಮಿಕ್ಕಿ ನೆರೆಯೆದ್ದು

. ಲವ್ ಯೂ ಹೇಳಿಕೊಂಡಿದ್ದು

. ಮುತ್ತುಗಳ ತೂರಿಬಿಟ್ಟಿದ್ದು

. ಬಿಕ್ಕಿದ್ದು ಸೊಕ್ಕಿದ್ದು ಉಕ್ಕಿದ್ದು ನಕ್ಕಿದ್ದು..

. ಈಗಲೂ ಹಾಗೇ

. ಅದೇ ಹೊರ ಅಂಗಳದಲ್ಲಿ

. ನಡೆದೂ..ನಿಂತು...ಕುಂತು

. ಮಾತಾಗುತ್ತೇವೆ

. ಅಂದಿನಂತೆ

. ಸರ್ವಶಕ್ತನಿಗೊಂದು

. ರೂಪಿಟ್ಟರೆ ಪರಿಮಿತಿ ಸಿಕ್ಕಂತೆ,

. ನಾವು ನಿರಾಕಾರನಿಗೊಲಿದವರು

. ಎನ್ನುತ್ತಾನವನು

. ಬರುವ ತಿಂಗಳು ಯೋಗಮಾಸ

. ಸೂರ್ಯನಮಸ್ಕಾರ ಇನ್ನಾದರೂ ಕಡ್ಡಾಯ

. ಮಾಡಲಿ

. ಎನ್ನುತ್ತೇನೆ ನಾನು

. ಸೂರ್ಯ ಸೃಷ್ಟಿಯಲ್ಲಿ ಸಾಯುವ ಸರಕು

. ನಮಸ್ಕರಿಸುವುದು ಧರ್ಮಕ್ಕಪಚಾರ

. ಎನ್ನುತ್ತಾನೆ ಅವನು

. ತುಟಿಯೊಣಗಿ ಕಣ್ಣು ತುಂಬಿ

. ಇವನವನಲ್ಲವಾ ನೋಡುತ್ತೇನೆ ನಾನು

. ಹರಿದ ಕಲ್ಲಂಗಡಿಯಿಂದ ಸುರಿದಿದ್ದು

. ನೆತ್ತರು ಎನ್ನುತ್ತಾನವನು

. ಸತ್ತವನ ತೊಡೆಯಿಂದ ಹರಿದಿದ್ದು

. ರಸವಾ ಎನ್ನುತ್ತೇನೆ ನಾನು

. ನಿನ್ನ ಜನ್ನತ್ತಿನಿಂದಲೇ ಈ

. ಅಪಸವ್ಯವೆಲ್ಲ ಗೊಣಗುತ್ತೇನೆ

. ನಾನು

. ಚಡ್ಡಿಗುಂಪಿಗೆ ಯಾವಾಗ ದೋಸ್ತಿಯಾದೆ

. ಕೆಣಕುತ್ತಾನೆ ಅವನು

. ಕರಿ ಬಟ್ಟೆ ಕಾರಣ ನಿಷೇದ

. ಹಲಾಲು ತೆರವು ಇತ್ಯಾದಿ

. ಎನ್ನುತ್ತೇನೆ ನಾನು

. ಆಳುವವರಲ್ಲಿ ತಾಯೆದೆಯಿರದಿದ್ದರೆ

. ಹೀಗೇ ರಕ್ತಪಾತ ಎನ್ನುತ್ತಾನೆ ಅವನು

. ಮಸೀದಿ ಮುಗಿಯುತ್ತಲೂ

. ಮಚ್ಚು ಸಾಣಿ ಹಿಡಿಯುವ ಕೆಲಸಕ್ಕೆ

. ಹೊರಡುತ್ತಾರೆ ಮಕ್ಕಳು

. ಸಿಡಿಮದ್ದು ತಯಾರಿಸುವ ರಸವಿದ್ಯೆ

. ಹೇಳಿರಬಹುದೇ ಉಪನಿಷತ್ತು

. ಹುಡುಕುತ್ತಾರೆ ಇವರು

. ಸಮನ್ವಯ ಮಂತ್ರದ ಮೊದಲ

. ಬೆಳೆಯನ್ನೇ ಹೊಳೆವ ಮಚ್ಚಿನಿಂದ

. ತರಿದು ಸಾಣಿ ಕೆಲಸ ಬೇಷಾಯಿತೇ

. ನೋಡುವಾಗೆಲ್ಲ

. ಕೊಸರಾಡುವ ಹೊಸಬಾಂಬು

. ಬಿತ್ತಲು ದಟ್ಟಣೆಯತ್ತ

. ಚಿತ್ತೈಸುತ್ತಾರೆ ಇವರು

. ಬ್ರಾಹ್ಮಿ ಕಾಲಕ್ಕೆ

. ಒತ್ತಿಕೊಂಡು ಬೀಳುತ್ತಿದ್ದ ಮಳೆಬಿಲ್ಲಿನಂಥ

. ಹೊಸಮುಗುಳಿನಂಥ

. ಕನಸುಗಳಿಗೆಲ್ಲ ಗಾಯವಾಗಿ ನೆತ್ತರಿಳಿಯುತ್ತಿದೆ ಈಗ

. ಮುದ್ದಿನ

. ಮದ್ದು ದೊರಕಬಹುದೆಂದು

. ದಿಟ್ಟಿ ಕೂಡಿಸದೆ ಒಬ್ಬರನ್ನೊಬ್ಬರು ನೋಡಿ

. ಕಾಯುತ್ತೇವೆ, ಕಂಗಾಲಾಗುತ್ತೇವೆ.

. ಎದೆಯೊಳಗೆ ವಿಷಾದ, ರುದ್ರಭೂಮಿ ಅಂಗಳ

. ಮಚ್ಚು ಹಿಡಿದು ಸರ್ಕೀಟು ಮಾಡುವ

. ಹೆಣಗಳಿಗೆ ಕೆರೆ ದಡ ಆಡಿಸುವ ಖಯಾಲಿ

. ಸಂಜೆಯ ಹೊಂಬಣ್ಣದ ಮಾತು ರದ್ದಿ

. ನಡುವೆ ಜುಳುಜುಳು ರಾಜಾಕಾಲುವೆ

. ಇದೋ...ಈಗ

. ನಿನ್ನದೇ ಅಹಮ್ಮಿನ ಮಚ್ಚು ನಿನ್ನ ಕೊರಳು ಕತ್ತರಿಸಲಾರಂಬಿಸಿದೆ

. ಬಿಕ್ಕಬೇಡ ಎನ್ನುತ್ತಾ ವ್ಯಂಗ್ಯದ ನಗು

. ನಕ್ಕ ನನ್ನ ಮೇಲರಿಮೆಯ ಉಸುಬು

. ಏಳದಂತೆ ಸೆಳೆದುಕೊಳ್ಳುತ್ತಿದೆ

. ಅಗಲುತ್ತಾ ಅಸಹಾಯಕರಾಗುತ್ತಿದ್ದೇವೆ

. ‘ಒಲುಮೆ ಕಾಯಬೇಕಿತ್ತಲ್ಲಾ’ ಬಡಬಡಿಸುತ್ತೇವೆ

. ಸಖ...

. ಏಳುಯುಗ ಕಳೆದು ಏಳುದಿನ ಮುಗಿದು

. ಏಳುಘಳಿಗೆಗೆ ಸರಿಯಾಗಿ ಹುಟ್ಟಿಬರುತ್ತೇವೆ

. ಮತ್ತೆ ನಾವು

. ಹೊಳೆಹೊಳೆಯುತ್ತ

. ಬೆಳಕಿನಂತೆ ಬತ್ತಲಿನಂತೆ ಪರಿಮಳದಂತೆ

. ಪರಿಶುದ್ಧದಂತೆ!

. ಒಬ್ಬರನ್ನೊಬ್ಬರು ಪ್ರೇಮಿಸುವುದಕ್ಕಾಗಿಯೇ;

. ಇನ್ನಿಲ್ಲದಂತೆ!!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಂದಿನಿ ಹೆದ್ದುರ್ಗ ಬರೆದ ಕವಿತೆ: ಮತ್ತೆ ಹುಟ್ಟಿ ಬರುತ್ತೇವೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ