<p>ಹೊತ್ತು ಹೊತ್ತಿಗೆ<br />ಗಸ್ತಿನ ಕೆಲಸವ ಹೊತ್ತು<br />ಶಿಸ್ತಿನ ಸಿಪಾಯಿಯಂತೆ<br />ನಡೆಯುತ್ತೇನೆ ಹೊರಳುತ್ತೇನೆ<br />ಏಳುತ್ತೇನೆ ಬೀಳುತ್ತೇನೆ ಕುಣಿಯುತ್ತೇನೆ<br />ಒಮ್ಮೊಮ್ಮೆ ಹಿಂದಿನವರನ್ನು<br />ಮತ್ತೊಮ್ಮೆ ಮುಂದಿನವರನ್ನು ತಿವಿಯುತ್ತೇನೆ<br />ಸಾಲುಗಳ ಬಾಲವನ್ಹಿಡಿದು!<br />ಚಲನೆಯ ಜೀವಂತ ಪ್ರತೀಕ ಅಮೃತ ನಾನು!<br />ನಿನ್ನಂತೆ ಜಡವಾಗಿ ನಿಂತಿರುವುದು ಎಷ್ಟು ದಿನ?<br />ಇರುವೆಯು ಕೇಳಿತು ಗೋಡೆಯನು!</p>.<p>ಜಡವಿಲ್ಲದೆ ಚಲನೆಯೇ<br />ಚಲನೆ ಇಲ್ಲದೆ ಜಡವೇ<br />ಒಂದಿಲ್ಲದೆ ಮತ್ತೊಂದಕ್ಕೆ<br />ಬೆಲೆಯು ಇಲ್ಲಿ ಎಲ್ಲಿದೆ?<br />ಗೋಡೆಯು ಕೇಳಿತು ಇರುವೆಯನು!</p>.<p>ನೋಡಲ್ಲಿ ಹಾರುತಿದೆ ಹಕ್ಕಿ<br />ಹರಿಯುತಿದೆ ನೀರು<br />ಆ ಮೂಲೆಯಿಂದ ಈ ಮೂಲೆಗೆ<br />ಬೀಸುತಿದೆ ಗಾಳಿ<br />ಎಲೆಎಲೆಗಳು ಚಿಗುರುತ್ತಿವೆ<br />ಹೂ-ಕಾಯಿ ಹಣ್ಣು ಪರಿಮಳವ ಬೀರುತ್ತಿವೆ<br />ಚಲನೆಯಲ್ಲಿದೆ ಬದುಕು!<br />ನಿಂತಲ್ಲೇ ನಿಂತಿರುವೆ ನೀನು!<br />ಹರಿದಾಡುವ ಹುಳ ಹುಪ್ಪಟೆಗಳ ನೋಡು<br />ಅವುಗಳ ಸಡಗರದ ಮಾತುಕತೆಯ ಕೇಳು!<br />ಅವುಗಳು ಹೇಳುತ್ತವೆ ಚಲನೆಯಲ್ಲಿದೆ ಬದುಕು!</p>.<p>ಕಲ್ಲು ಮಣ್ಣು ಜಡವಾಗದೆ ಹೋಗಿದ್ದರೆ<br />ನೀನು ಹೇಗೆ ಕಟ್ಟುತ್ತಿದ್ದೆ ಗೂಡು?<br />ನೀನು ಚಲಿಸುವ ಹಾದಿ ನಾನು<br />ಜಡವಾಗದೆ ಹೋಗಿದ್ದರೆ,<br />ನೀನು ಹೇಗೆ ಚಲಿಸುತ್ತಿದ್ದೆ?<br />ಮಳೆ ಬಿಸಿಲು ಚಳಿಗೆ<br />ಬೆಚ್ಚಗಿನ ಕಾವ ಕೊಟ್ಟು<br />ನೀನು ಕಟ್ಟಿದ ಗೂಡಿನೊಳಗೆ<br />ತಾಯಂತೆ ಮರದ ಬೇರಂತೆ<br />ಪೊರೆಯುವುದು ಜಡ!<br />ಚಲನೆಯ ಬದುಕು ಜಡದ ಮೇಲೆಯೇ ನಿಂತಿದೆ!</p>.<p>ಬಯಲಲ್ಲಿ ಕಾಡಲ್ಲಿ ಊರಲ್ಲಿ<br />ಹೊಲದಲ್ಲಿ ಅಷ್ಟ ದಿಕ್ಕುಗಳಲ್ಲಿ<br />ಚಲನೆಯದ್ದೇ ಪರಮಾಧಿಕಾರ!<br />ನಿನ್ನದೇನಿದೆ ಇಲ್ಲಿ ನೋಡು!<br />ಉಸಿರಿಲ್ಲದ ಹೆಸರಿಲ್ಲದ<br />ರೂಪವಿಲ್ಲದ, ನಿಂತಲ್ಲಿಯೇ ನಿಂತ<br />ಅಮೂರ್ತ ರೂಪಿ ಜಡ ನೀನು<br />ನಿರ್ಗತಿಕ ಜಡ ನೀನು!</p>.<p>ಕೇಳಿಲ್ಲಿ ಇರುವೆಯೇ<br />ನೋಡಲ್ಲಿ ವಸಂತದ ಋತುವಿಗೆ<br />ಎಲೆಎಲೆ ಚಿಗುರಿದರು<br />ನಿಂತಿಲ್ಲವೇ ಮರ ಕಾಡೊಳಗೆ?<br />ಹರಿವ ನೀರಿನ ತಳ ನೆಲ<br />ಜಡವಲ್ಲವೇನು?<br />ಬೆಳೆವ ಪೈರಿನ ಹೊಲ<br />ಜಡವಾಗಿ ನಿಂತಿಲ್ಲವೇನು?<br />ನೋಡುವವರ<br />ಕಣ್ಣೋಟದಲ್ಲಿದೆ ಬದುಕು!<br />ಭೂಮಿಯೇ ತಿರುಗುತ್ತಿರುವಾಗ<br />ಶಿಲಾಪದರದೊಳಗೆ ಬೇರೂರಿ ನಿಂತ<br />ನಾನು ಜಡವಾಗಿರಲು ಹೇಗೆ ಸಾಧ್ಯ?<br />ನಾನು ನಿಂತಲ್ಲಿಯೇ ತಿರುಗುತ್ತಿರುವೆ<br />ಓಡುತ್ತಿರುವೆ ಚಲಿಸುತ್ತಿರುವೆ ಹಾರಾಡುತ್ತಿರುವೆ!<br />ಧ್ಯಾನಸ್ಥ ಸ್ಥಿತಿಯಲ್ಲಿ ಗುನುಗುತ್ತಿರುವೆ<br />ಜಡವಿಲ್ಲದೆ ಚಲನೆ ಇಲ್ಲ!<br />ಚಲನೆ ಇಲ್ಲದೆ ಜಡವಿಲ್ಲ!<br />ನಾನಿಲ್ಲದೆ ನೀನಿಲ್ಲ,<br />ನೀನಿಲ್ಲದೆ ನಾನಿಲ್ಲ!<br />ಸುಪ್ತವಾಗಿ ಜಡದಲ್ಲಿ ಅಡಕವಾಗಿದೆ ಚಲನೆ!<br />ಚಲನೆಯ ಬದುಕು ಜಡದ ಮೇಲೆಯೇ ನಿಂತಿದೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹೊತ್ತು ಹೊತ್ತಿಗೆ<br />ಗಸ್ತಿನ ಕೆಲಸವ ಹೊತ್ತು<br />ಶಿಸ್ತಿನ ಸಿಪಾಯಿಯಂತೆ<br />ನಡೆಯುತ್ತೇನೆ ಹೊರಳುತ್ತೇನೆ<br />ಏಳುತ್ತೇನೆ ಬೀಳುತ್ತೇನೆ ಕುಣಿಯುತ್ತೇನೆ<br />ಒಮ್ಮೊಮ್ಮೆ ಹಿಂದಿನವರನ್ನು<br />ಮತ್ತೊಮ್ಮೆ ಮುಂದಿನವರನ್ನು ತಿವಿಯುತ್ತೇನೆ<br />ಸಾಲುಗಳ ಬಾಲವನ್ಹಿಡಿದು!<br />ಚಲನೆಯ ಜೀವಂತ ಪ್ರತೀಕ ಅಮೃತ ನಾನು!<br />ನಿನ್ನಂತೆ ಜಡವಾಗಿ ನಿಂತಿರುವುದು ಎಷ್ಟು ದಿನ?<br />ಇರುವೆಯು ಕೇಳಿತು ಗೋಡೆಯನು!</p>.<p>ಜಡವಿಲ್ಲದೆ ಚಲನೆಯೇ<br />ಚಲನೆ ಇಲ್ಲದೆ ಜಡವೇ<br />ಒಂದಿಲ್ಲದೆ ಮತ್ತೊಂದಕ್ಕೆ<br />ಬೆಲೆಯು ಇಲ್ಲಿ ಎಲ್ಲಿದೆ?<br />ಗೋಡೆಯು ಕೇಳಿತು ಇರುವೆಯನು!</p>.<p>ನೋಡಲ್ಲಿ ಹಾರುತಿದೆ ಹಕ್ಕಿ<br />ಹರಿಯುತಿದೆ ನೀರು<br />ಆ ಮೂಲೆಯಿಂದ ಈ ಮೂಲೆಗೆ<br />ಬೀಸುತಿದೆ ಗಾಳಿ<br />ಎಲೆಎಲೆಗಳು ಚಿಗುರುತ್ತಿವೆ<br />ಹೂ-ಕಾಯಿ ಹಣ್ಣು ಪರಿಮಳವ ಬೀರುತ್ತಿವೆ<br />ಚಲನೆಯಲ್ಲಿದೆ ಬದುಕು!<br />ನಿಂತಲ್ಲೇ ನಿಂತಿರುವೆ ನೀನು!<br />ಹರಿದಾಡುವ ಹುಳ ಹುಪ್ಪಟೆಗಳ ನೋಡು<br />ಅವುಗಳ ಸಡಗರದ ಮಾತುಕತೆಯ ಕೇಳು!<br />ಅವುಗಳು ಹೇಳುತ್ತವೆ ಚಲನೆಯಲ್ಲಿದೆ ಬದುಕು!</p>.<p>ಕಲ್ಲು ಮಣ್ಣು ಜಡವಾಗದೆ ಹೋಗಿದ್ದರೆ<br />ನೀನು ಹೇಗೆ ಕಟ್ಟುತ್ತಿದ್ದೆ ಗೂಡು?<br />ನೀನು ಚಲಿಸುವ ಹಾದಿ ನಾನು<br />ಜಡವಾಗದೆ ಹೋಗಿದ್ದರೆ,<br />ನೀನು ಹೇಗೆ ಚಲಿಸುತ್ತಿದ್ದೆ?<br />ಮಳೆ ಬಿಸಿಲು ಚಳಿಗೆ<br />ಬೆಚ್ಚಗಿನ ಕಾವ ಕೊಟ್ಟು<br />ನೀನು ಕಟ್ಟಿದ ಗೂಡಿನೊಳಗೆ<br />ತಾಯಂತೆ ಮರದ ಬೇರಂತೆ<br />ಪೊರೆಯುವುದು ಜಡ!<br />ಚಲನೆಯ ಬದುಕು ಜಡದ ಮೇಲೆಯೇ ನಿಂತಿದೆ!</p>.<p>ಬಯಲಲ್ಲಿ ಕಾಡಲ್ಲಿ ಊರಲ್ಲಿ<br />ಹೊಲದಲ್ಲಿ ಅಷ್ಟ ದಿಕ್ಕುಗಳಲ್ಲಿ<br />ಚಲನೆಯದ್ದೇ ಪರಮಾಧಿಕಾರ!<br />ನಿನ್ನದೇನಿದೆ ಇಲ್ಲಿ ನೋಡು!<br />ಉಸಿರಿಲ್ಲದ ಹೆಸರಿಲ್ಲದ<br />ರೂಪವಿಲ್ಲದ, ನಿಂತಲ್ಲಿಯೇ ನಿಂತ<br />ಅಮೂರ್ತ ರೂಪಿ ಜಡ ನೀನು<br />ನಿರ್ಗತಿಕ ಜಡ ನೀನು!</p>.<p>ಕೇಳಿಲ್ಲಿ ಇರುವೆಯೇ<br />ನೋಡಲ್ಲಿ ವಸಂತದ ಋತುವಿಗೆ<br />ಎಲೆಎಲೆ ಚಿಗುರಿದರು<br />ನಿಂತಿಲ್ಲವೇ ಮರ ಕಾಡೊಳಗೆ?<br />ಹರಿವ ನೀರಿನ ತಳ ನೆಲ<br />ಜಡವಲ್ಲವೇನು?<br />ಬೆಳೆವ ಪೈರಿನ ಹೊಲ<br />ಜಡವಾಗಿ ನಿಂತಿಲ್ಲವೇನು?<br />ನೋಡುವವರ<br />ಕಣ್ಣೋಟದಲ್ಲಿದೆ ಬದುಕು!<br />ಭೂಮಿಯೇ ತಿರುಗುತ್ತಿರುವಾಗ<br />ಶಿಲಾಪದರದೊಳಗೆ ಬೇರೂರಿ ನಿಂತ<br />ನಾನು ಜಡವಾಗಿರಲು ಹೇಗೆ ಸಾಧ್ಯ?<br />ನಾನು ನಿಂತಲ್ಲಿಯೇ ತಿರುಗುತ್ತಿರುವೆ<br />ಓಡುತ್ತಿರುವೆ ಚಲಿಸುತ್ತಿರುವೆ ಹಾರಾಡುತ್ತಿರುವೆ!<br />ಧ್ಯಾನಸ್ಥ ಸ್ಥಿತಿಯಲ್ಲಿ ಗುನುಗುತ್ತಿರುವೆ<br />ಜಡವಿಲ್ಲದೆ ಚಲನೆ ಇಲ್ಲ!<br />ಚಲನೆ ಇಲ್ಲದೆ ಜಡವಿಲ್ಲ!<br />ನಾನಿಲ್ಲದೆ ನೀನಿಲ್ಲ,<br />ನೀನಿಲ್ಲದೆ ನಾನಿಲ್ಲ!<br />ಸುಪ್ತವಾಗಿ ಜಡದಲ್ಲಿ ಅಡಕವಾಗಿದೆ ಚಲನೆ!<br />ಚಲನೆಯ ಬದುಕು ಜಡದ ಮೇಲೆಯೇ ನಿಂತಿದೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
