<p>ಎಂದು ಬರುವಳೊ ಅಂತರಂಗದ ಗಂಗೆ</p>.<p>ಬಟಾಬಯಲ ಬಡವರ ತುಂಗೆ</p>.<p>ಕಾದಿರುವೆ ಅವಳದೇ ಅನುಗಾಲದ ಪಾದಕ್ಕೆ ನಮಿಸಿ</p>.<p>ಒತ್ತು ತಿರುಗುವೆ ದಿಗಂತಗಳ</p>.<p>ಸುತ್ತಿ ಮೆರೆಸಿ ಕುಣಿವೆ ಆಕಾಶದಗಲ</p>.<p>ಅವಳ ಹೆಜ್ಜೆ ಹೆಜ್ಜೆಗೂ ಮಣಿದು ಮುನ್ನಡೆವೆ</p>.<p>ಒಂದೊಂದು ನಕ್ಷತ್ರ ಅವಳ ಒಂದೊಂದು ಹೆಜ್ಜೆ</p>.<p>ಒತ್ತಿದಂತೆಲ್ಲ ಹೊತ್ತು ಮೂಡಿ ಅವಳ ಸೂರ್ಯೋದಯ</p>.<p>ಕಾಲಕಾಲದ ನನ್ನ ತಲೆ ಮೇಲೆ ಅವಳದೇ ಚಂದ್ರೋದಯ</p>.<p>ಕಾದಿರುವೆ, ನಾನೊಂದು ಅನಾದಿ ದೇಶದ ಎಕ್ಕಡ</p>.<p>ತುಳಿಯುತ್ತಿರುವವರ ಮೆಟ್ಟುತ್ತಿರುವವರ</p>.<p>ಎಂದಾದರೂ ದೂರ ತಳ್ಳಿರುವೆನೇ</p>.<p>ದಿಕ್ಕರಿಸಿ ದಂಗೆ ಎದ್ದಿರುವೆನೇ</p>.<p>ಹುಲ್ಲು ಕಡ್ಡಿಗಿಂತಲು ಹಗುರ ನಿಮ್ಮೆಲ್ಲರ ಪಾದ</p>.<p>ಧರೆಗೆ ಗಿರಿಯು ಭಾರವೇ ಅವಳ ಪಾದವಿನ್ನು ಹೊರೆಯೆ</p>.<p>ತುಳಿಯುತ್ತಲೇ ಬರಲಿ ಅವಳು ನನ್ನೆದೆಯ ಮೇಲೆಯೇ</p>.<p>ಆತ್ಮದ ಮೇಲೆಯೇ ಅಂತರಾಳದ ಜೀವದ ಮೇಲೆಯೇ</p>.<p>ಅವಳ ಒಂದೊಂದು ಪಾದವೂ ನನ್ನೆದೆಯ ನಾದದ ನದಿ</p>.<p>ನರ್ತಿಸಲು ಅವಳು ನನ್ನ ನೆತ್ತಿಯ ಮೇಲೆಯೇ</p>.<p>ಅಪಮಾನವಿಲ್ಲ ಬಹುಮಾನವಿಲ್ಲ ಬಹುಜನ್ಮವಿಲ್ಲ</p>.<p>ಸಾಕಾಯ್ತು ಜನ್ಮಾಂತರಗಳ ಎಕ್ಕಡದ ಬಾಳು</p>.<p>ನನ್ನೆದೆಯ ದಮನಿಗಳಲಿ ಬರುತ್ತಿರುವ ಅವಳ</p>.<p>ಹೆಜ್ಜೆಯ ಸಪ್ಪಳ ಆಕಾಶದಿಂದಿಳಿದು ಬಂದ ಗಂಗೆಯಂತೆ</p>.<p>ಭೂಮಿಯಾಳದಿಂದ ಚಿಮ್ಮಿ ಬಂದ ಚಿಲುಮೆಯಂತೆ</p>.<p>ನಾನೊಂದು ಅನಾದಿ ಕಾಲದ ಎಕ್ಕಡ ತಾಯೇ</p>.<p>ನಿನಗೀಗೋ ದೇಶ ಭಕ್ತರ ಸಂಭ್ರಮ</p>.<p>ದೇಶದ್ರೋಹಿಗಳ ಸಂಹಾರದ ಸಡಗರ</p>.<p>ಬಂದೇ ಬರುವಳೊ ಬರದೆ ಮರೆವಳೊ</p>.<p>ದೇಶದ ಎಲ್ಲ ಪಾದಗಳ ಅನಾದಿ ಎಕ್ಕಡ ತಾಯೇ</p>.<p>ಒಂದಿರುಳಿಗಾದರೂ ಬರಲಿ ಅವಳು</p>.<p>ಹೊತ್ತು ಮೆರೆಸುವೆ ಆಕಾಶದ ದಿಗಂತಗಳ</p>.<p>ತಾರಾಮಂಡಲದ ಸೌರವ್ಯೂಹದ</p>.<p>ಖಗೋಳ ಭ್ರಂಹಾಂಡವ</p>.<p>ಹೊತ್ತಾಯಿತು ತಾಯೇ, ನೀನಾದರೂ ಮೆಟ್ಟಿಕೊ, ಹೊತ್ತುಕೊಳ್ಳುವೆ ನಿನ್ನನೇ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಎಂದು ಬರುವಳೊ ಅಂತರಂಗದ ಗಂಗೆ</p>.<p>ಬಟಾಬಯಲ ಬಡವರ ತುಂಗೆ</p>.<p>ಕಾದಿರುವೆ ಅವಳದೇ ಅನುಗಾಲದ ಪಾದಕ್ಕೆ ನಮಿಸಿ</p>.<p>ಒತ್ತು ತಿರುಗುವೆ ದಿಗಂತಗಳ</p>.<p>ಸುತ್ತಿ ಮೆರೆಸಿ ಕುಣಿವೆ ಆಕಾಶದಗಲ</p>.<p>ಅವಳ ಹೆಜ್ಜೆ ಹೆಜ್ಜೆಗೂ ಮಣಿದು ಮುನ್ನಡೆವೆ</p>.<p>ಒಂದೊಂದು ನಕ್ಷತ್ರ ಅವಳ ಒಂದೊಂದು ಹೆಜ್ಜೆ</p>.<p>ಒತ್ತಿದಂತೆಲ್ಲ ಹೊತ್ತು ಮೂಡಿ ಅವಳ ಸೂರ್ಯೋದಯ</p>.<p>ಕಾಲಕಾಲದ ನನ್ನ ತಲೆ ಮೇಲೆ ಅವಳದೇ ಚಂದ್ರೋದಯ</p>.<p>ಕಾದಿರುವೆ, ನಾನೊಂದು ಅನಾದಿ ದೇಶದ ಎಕ್ಕಡ</p>.<p>ತುಳಿಯುತ್ತಿರುವವರ ಮೆಟ್ಟುತ್ತಿರುವವರ</p>.<p>ಎಂದಾದರೂ ದೂರ ತಳ್ಳಿರುವೆನೇ</p>.<p>ದಿಕ್ಕರಿಸಿ ದಂಗೆ ಎದ್ದಿರುವೆನೇ</p>.<p>ಹುಲ್ಲು ಕಡ್ಡಿಗಿಂತಲು ಹಗುರ ನಿಮ್ಮೆಲ್ಲರ ಪಾದ</p>.<p>ಧರೆಗೆ ಗಿರಿಯು ಭಾರವೇ ಅವಳ ಪಾದವಿನ್ನು ಹೊರೆಯೆ</p>.<p>ತುಳಿಯುತ್ತಲೇ ಬರಲಿ ಅವಳು ನನ್ನೆದೆಯ ಮೇಲೆಯೇ</p>.<p>ಆತ್ಮದ ಮೇಲೆಯೇ ಅಂತರಾಳದ ಜೀವದ ಮೇಲೆಯೇ</p>.<p>ಅವಳ ಒಂದೊಂದು ಪಾದವೂ ನನ್ನೆದೆಯ ನಾದದ ನದಿ</p>.<p>ನರ್ತಿಸಲು ಅವಳು ನನ್ನ ನೆತ್ತಿಯ ಮೇಲೆಯೇ</p>.<p>ಅಪಮಾನವಿಲ್ಲ ಬಹುಮಾನವಿಲ್ಲ ಬಹುಜನ್ಮವಿಲ್ಲ</p>.<p>ಸಾಕಾಯ್ತು ಜನ್ಮಾಂತರಗಳ ಎಕ್ಕಡದ ಬಾಳು</p>.<p>ನನ್ನೆದೆಯ ದಮನಿಗಳಲಿ ಬರುತ್ತಿರುವ ಅವಳ</p>.<p>ಹೆಜ್ಜೆಯ ಸಪ್ಪಳ ಆಕಾಶದಿಂದಿಳಿದು ಬಂದ ಗಂಗೆಯಂತೆ</p>.<p>ಭೂಮಿಯಾಳದಿಂದ ಚಿಮ್ಮಿ ಬಂದ ಚಿಲುಮೆಯಂತೆ</p>.<p>ನಾನೊಂದು ಅನಾದಿ ಕಾಲದ ಎಕ್ಕಡ ತಾಯೇ</p>.<p>ನಿನಗೀಗೋ ದೇಶ ಭಕ್ತರ ಸಂಭ್ರಮ</p>.<p>ದೇಶದ್ರೋಹಿಗಳ ಸಂಹಾರದ ಸಡಗರ</p>.<p>ಬಂದೇ ಬರುವಳೊ ಬರದೆ ಮರೆವಳೊ</p>.<p>ದೇಶದ ಎಲ್ಲ ಪಾದಗಳ ಅನಾದಿ ಎಕ್ಕಡ ತಾಯೇ</p>.<p>ಒಂದಿರುಳಿಗಾದರೂ ಬರಲಿ ಅವಳು</p>.<p>ಹೊತ್ತು ಮೆರೆಸುವೆ ಆಕಾಶದ ದಿಗಂತಗಳ</p>.<p>ತಾರಾಮಂಡಲದ ಸೌರವ್ಯೂಹದ</p>.<p>ಖಗೋಳ ಭ್ರಂಹಾಂಡವ</p>.<p>ಹೊತ್ತಾಯಿತು ತಾಯೇ, ನೀನಾದರೂ ಮೆಟ್ಟಿಕೊ, ಹೊತ್ತುಕೊಳ್ಳುವೆ ನಿನ್ನನೇ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
