ನಂದಿನಿ ಹೆದ್ದುರ್ಗ ಅವರ ಕವಿತೆ: ಅಷ್ಟು ಸಾಕು ನನಗೆ

ಹೊಸಬೆಟ್ಟ ಅದರ ನೆತ್ತಿ ಬೋಳು ಮೈ ಕಾದ ಕರಿಕಲ್ಲ ಬಂಡೆ ಹತ್ತುವ ಕೊರಕಲು ಹಾದಿ ಆಸೆ ಹುಟ್ಟಿಸುತ್ತಿವೆ ನಿನಗೆ

. ತುತ್ತತುದಿಯಲ್ಲಿ ಬೆಳೆದ ಒಂದೇ ಒಂದು ಮುಳ್ಳುಕಂಟಿ ಅಲ್ಲಿ ಅರಳಿರುವ ಎರಡು ದಳದ ಹೂವು ಅದರ ಪೇಲವ ಬಣ್ಣ ಹೊಸ ವಾಸನೆ ಆಸೆ ಹುಟ್ಟಿಸುತ್ತಿವೆ ನಿನಗೆ

. ಎಂದೋ ಓದಿದ ಸಂಗಮೂಲದ ಕಥೆ ತಿಂದರೆ ಸೊಕ್ಕುವ ಒಗರು ಹಣ್ಣು ಸುಟ್ಟರೆ ಮೊಳೆಯುವ ಬೀಜ ತಿಂದೆ ಎಂಬೋ ಹಮ್ಮು ಆಸೆ ಹುಟ್ಟಿಸುತ್ತಿವೆ ನಿನಗೆ

. ಹಳೆಯ ಬೆಟ್ಟದ ತಪ್ಪಲಲ್ಲೆ ಮತ್ತೆಮತ್ತೆ ಸುತ್ತುವ ಹುಚ್ಚು ಹೆಣ್ಣು ನಾನು. ಚಿತ್ರದ ರಾಜಹಂಸೆಗೆ ಚಿತ್ತಾರದ ನೀಲಿಕೊಳ ಮುತ್ತು ನುಂಗಿದ್ದು ಚಿತ್ತಲಿಖಿತ

. ಆಸೆ ಕಳೆಯಲು ಹತ್ತಿದ ಮೇಲೆ ಸುತ್ತೂ ನೋಡಿ ತತ್ತರಿಸಬೇಡ ಗೆಳೆಯ

. ಕಳೆದಿರುಳು ಇಲ್ಲಿ ಮಳೆ ಬರಲಿಲ್ಲ ಮತ್ತು ಹೊತ್ತು ಬಲು ದೀರ್ಘವಿತ್ತು ಎಂದರೆ ಹಮ್ಮಿನಲಿ ಮತ್ತೇನೊ ಊಹಿಸಬೇಡ

. ಕಳೆಯಿತೆಂಬ ಆಲಸಿಸುಖ ನರಳಲೊಂದು ಖಾಸಗಿ ನೋವು ಮೈಯ ವ್ಯಾಪಿಸಿದೆ ಬೀದಿಯೇ ಬೆಳಕು ಚೆಲ್ಲುತ್ತದೆ ನನ್ನ ಹಾದಿಗೆ ನಾಳೆ ಮೊಳೆಯಲು ಅಷ್ಟು ಸಾಕು ನನಗೆ

. ಕೇಳಿಲ್ಲಿ ಒಮ್ಮೆ... ಈ ಬೆಟ್ಟದ ತಪ್ಪಲಲ್ಲೂ ಹುತ್ತವಿದೆ, ಜೊತೆಗೆ ಬೆತ್ತವೂ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.