ಕೊರೊನಾ ಲಾಕ್‌ಡೌನ್‌ ಪ್ರಭಾವ: ಬೈಕ್‌ ರ‍್ಯಾಲಿ ಕೂಡ ಆನ್‌ಲೈನ್‌ನಲ್ಲಿ!

ಕೊರೊನಾ ಲಾಕ್ಡೌನ್ನಿಂದಾಗಿ ಎಲ್ಲೆಡೆ ಈಗ ಆನ್ಲೈನ್ನಲ್ಲಿಯೇ ಮಕ್ಕಳಿಗೆ ಪಾಠ, ಹಿರಿಯರಿಗೆ ಪ್ರವಚನ, ಸಂಗೀತ ಕಛೇರಿ, ನೃತ್ಯ ಕಾರ್ಯಕ್ರಮ, ಪುಸ್ತಕ ಬಿಡುಗಡೆ ನಡೆಯುತ್ತಿವೆ. ಆದರೆ, ಇದುವರೆಗೂ ಆನ್ಲೈನ್ ರ್ಯಾಲಿಗಳು ನಡೆದಿರಲಿಲ್ಲ.

. ‘ಎಲ್ಲವೂ‘ ಆನ್ಲೈನ್ನಲ್ಲಿ ನಡೆಯುತ್ತಿರುವಾಗ ‘ನಾವೂ ಏಕೆ ಆನ್ಲೈನ್ನಲ್ಲಿ ರ್ಯಾಲಿ ನಡೆಸಬಾರದು‘ ಎಂದು ಯೋಚಿಸಿದ್ದು ಜಾಗತಿಕ ಬೈಕ್ ಕಂಪನಿ ಹಾರ್ಲೆ ಡೇವಿಡ್ಸನ್ ಇಂಡಿಯಾ. ಯೋಚಿಸಿದ್ದೇ ತಡ, ಮೊದಲ ಬಾರಿಗೆ ಅಂಥದ್ದೊಂದು ವರ್ಚುವಲ್ ಬೈಕ್ ರ್ಯಾಲಿ ಆಯೋಜಿಸಿ ಯಶಸ್ವಿಯೂ ಆಯಿತು.

. ಅಂದ ಹಾಗೆ, ಈ ಮಾರ್ಚ್ನಲ್ಲಿ ಹಾರ್ಲೆ ಡೇವಿಡ್ಸನ್ ಬೈಕ್ ಸವಾರರ (ಎಚ್ಒಜಿ) ಈಶಾನ್ಯ ವಲಯದ ರ್ಯಾಲಿ ನಿಗದಿಯಾಗಿತ್ತು. ಆದರೆ, ಲಾಕ್ಡೌನ್ನಿಂದಾಗಿ ಕೊನೆಯ ಕ್ಷಣದಲ್ಲಿ ರದ್ದಾಗಿತ್ತು. ಹಾಗಾಗಿ ಅದೇ ಕಾರ್ಯಕ್ರಮವನ್ನು ಈಗ ವರ್ಚುವಲ್ ಬೈಕ್ ರ್ಯಾಲಿ ಮೂಲಕ ಕಂಪನಿ ಸಾಕಾರಗೊಳಿಸಿತು.

. 60 ನಿಮಿಷಗಳ ಕಾಲ ನಡೆದ ಈ ಬೈಕ್ ರ್ಯಾಲಿಯನ್ನು ಫೇಸ್ಬುಕ್, ಟ್ವಿಟರ್, ಇನ್ಸ್ಟಾಗ್ರಾಂ ಮತ್ತು ಯೂಟ್ಯೂಬ್ನಲ್ಲಿ ನೇರ ಪ್ರಸಾರ ಮಾಡಲಾಯಿತು. ಅಂದಾಜು 5.7 ಲಕ್ಷ ಜನರು ಈ ವರ್ಚುವಲ್ ರ್ಯಾಲಿ ವೀಕ್ಷಿಸಿದ್ದಾರೆ.ಹಾರ್ಲೆ ಡೇವಿಡ್ಸನ್ ಹೊಸದಾಗಿ ಮಾರುಕಟ್ಟೆಗೆ ಪರಿಚಯಿಸಿದ ಲೋ ರೈಡರ್ ಎಸ್ ಮಾಡೆಲ್ ಬೈಕ್ ಸವಾರರು ರ್ಯಾಲಿಯಲ್ಲಿ ಭಾಗವಹಿಸಿದ್ದರು.

. ‘ಲಾಕ್ಡೌನ್ನಂತಹ ಕಠಿಣ ಸಮಯದಲ್ಲೂ ಹಾರ್ಲೆ ಡೇವಿಡ್ಸನ್ ಆಯೋಜಿಸಿದ್ದ ಬೈಕ್ ಸವಾರರ ವರ್ಚುವಲ್ ರ್ಯಾಲಿ ಹೊಸ ಅನುಭವ ಮತ್ತು ಸಾಧ್ಯತೆಗಳನ್ನು ತೆರೆದಿಟ್ಟಿದೆ‘ ಎಂದು ಸವಾರರು ಅನುಭವ ಹಂಚಿಕೊಂಡರು. ಇದಕ್ಕೂ ಮೊದಲು ಇದೇ ಫೆಬ್ರುವರಿಯಲ್ಲಿ ಗೋವಾದಲ್ಲಿ ನಡೆದಿದ್ದ ರ್ಯಾಲಿಯಲ್ಲಿ 2500 ಬೈಕರ್ಗಳು ಭಾಗವಹಿಸಿದ್ದರು.

. ಹಾರ್ಲೆ ಡೇವಿಡ್ಸನ್ ಓನರ್ಸ್ ಗ್ರೂಪ್ (ಎಚ್ಒಜಿ)– ಇದು ಹಾರ್ಲೆ ಡೇವಿಡ್ಸನ್ ಬೈಕ್ ಮಾಲೀಕರ ಅಧಿಕೃತ ಕ್ಲಬ್. 35 ವರ್ಷಗಳ ಹಿಂದೆ ಸ್ಥಾಪನೆಯಾದ ಈ ಕ್ಲಬ್ 140 ರಾಷ್ಟ್ರಗಳಲ್ಲಿ 1,400ಕ್ಕೂ ಹೆಚ್ಚು ಶಾಖೆಗಳನ್ನು ಹೊಂದಿದೆ. ಹತ್ತು ಲಕ್ಷಕ್ಕೂ ಹೆಚ್ಚು ಸದಸ್ಯರಿರುವ ಎಚ್ಒಜಿ ವಿಶ್ವದ ಅತಿ ದೊಡ್ಡ ಬೈಕ್ ರೈಡರ್ಸ್ ಕ್ಲಬ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

. ಭಾರತದಲ್ಲಿ 2010ರಲ್ಲಿ ಅಸ್ತಿತ್ವಕ್ಕೆ ಬಂದ ಕ್ಲಬ್ 20 ಸಾವಿರ ಸದಸ್ಯರನ್ನು ಹೊಂದಿದೆ. ಆ ಪೈಕಿ 7,500 ಸದಸ್ಯರು ಕ್ರಿಯಾಶೀಲರಾಗಿದ್ದಾರೆ. ಆಗಾಗ ಕ್ಲಬ್ ಸದಸ್ಯರೆಲ್ಲ ಒಂದೆಡೆ ಸೇರಿಲಾಂಗ್ ಡ್ರೈವ್, ರ್ಯಾಲಿ, ಟ್ರೆಕ್ಕಿಂಗ್, ಗುಡ್ಡಗಾಡು ರೇಸಿಂಗ್ನಂತಹ ಚಟುವಟಿಕೆಗಳಲ್ಲಿ ತೊಡಗಿರುತ್ತಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೊರೊನಾ ಲಾಕ್‌ಡೌನ್‌ ಪ್ರಭಾವ: ಬೈಕ್‌ ರ‍್ಯಾಲಿ ಕೂಡ ಆನ್‌ಲೈನ್‌ನಲ್ಲಿ!

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024

ಚುರುಮುರಿ: ಕ್ಷಮಿಸಿಬುಡಿ...

ದಿನ ಭವಿಷ್ಯ: ಈ ರಾಶಿಯವರಿಗೆ ನಿಜವಾದ ಗೆಳೆಯ ಯಾರೆಂಬುದು ತಿಳಿಯಲಿದೆ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಮಂಗಳೂರು ವಿವಿಗೆ ಚಾಂಪಿಯನ್ ಪಟ್ಟ

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ | ಇಯಾನ್‌, ಸಂಹಿತಾಗೆ ಚಿನ್ನದ ಪದಕ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌ ಟೂರ್ನಿ | ಜಾಂಗ್‌ಗೆ ಅನುಪಮಾ ಆಘಾತ

ಹಾಕಿ | ಜಪಾನ್ ವಿರುದ್ಧ 2–0 ಜಯ; ಭಾರತ ಫೈನಲ್‌ಗೆ: ಚೀನಾ ಎದುರಾಳಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024

ಚುರುಮುರಿ: ಕ್ಷಮಿಸಿಬುಡಿ...

ದಿನ ಭವಿಷ್ಯ: ಈ ರಾಶಿಯವರಿಗೆ ನಿಜವಾದ ಗೆಳೆಯ ಯಾರೆಂಬುದು ತಿಳಿಯಲಿದೆ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024