<p class="title"><strong>ನವದೆಹಲಿ:</strong> ಭಾರತದ ಎರಡನೆಯ ಅತಿದೊಡ್ಡ ತೈಲ ಕಂಪನಿ ‘ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್’ನ (ಬಿಪಿಸಿಎಲ್) ಖರೀದಿಗೆ ಬಿಡ್ ಸಲ್ಲಿಸಲು ಇದ್ದ ಗಡುವನ್ನು ಕೇಂದ್ರ ಸರ್ಕಾರವು ನಾಲ್ಕನೆಯ ಬಾರಿಗೆ ವಿಸ್ತರಣೆ ಮಾಡಿದೆ.</p>.<p class="title">ಹೊಸ ಗಡುವಿನ ಅನ್ವಯ, ಬಿಡ್ ಸಲ್ಲಿಸಲು ನವೆಂಬರ್ 16ರವರೆಗೆ ಅವಕಾಶ ಇದೆ. ಬಿಪಿಸಿಎಲ್ನಲ್ಲಿ ಕೇಂದ್ರ ಸರ್ಕಾರವು ಶೇಕಡ 52.98ರಷ್ಟು ಷೇರುಗಳನ್ನು ಹೊಂದಿದೆ. ಅಷ್ಟೂ ಷೇರುಗಳ ಮಾರಾಟಕ್ಕೆ ಕೇಂದ್ರ ಸಚಿವ ಸಂಪುಟವು ಹಿಂದಿನ ವರ್ಷದ ನವೆಂಬರ್ನಲ್ಲಿ ಅನುಮೋದನೆ ನೀಡಿತ್ತು. ಈ ಷೇರುಗಳನ್ನು ಖರೀದಿಸುವ ಆಸಕ್ತಿ ಹೊಂದಿದವರಿಂದ ಬಿಡ್ ಸಲ್ಲಿಸಲು ಮಾರ್ಚ್ 7ರ ನಂತರ ಅವಕಾಶ ಕಲ್ಪಿಸಲಾಯಿತು.</p>.<p class="title">ಬಿಡ್ ಸಲ್ಲಿಸುವ ಕೊನೆಯ ದಿನವು ಮೇ 2 ಎಂದು ನಿಗದಿಯಾಗಿತ್ತು. ನಂತರ, ಅದನ್ನು ಜೂನ್ 13ರವರೆಗೆ ವಿಸ್ತರಿಸಲಾಯಿತು. ಅದಾದ ನಂತರ, ಜುಲೈ 31ರವರೆಗೆ ಹಾಗೂ ಸೆಪ್ಟೆಂಬರ್ 30ರವರೆಗೆ ವಿಸ್ತರಣೆ ಮಾಡಲಾಯಿತು.</p>.<p class="title">‘ಬಿಡ್ ಸಲ್ಲಿಸಲು ಆಸಕ್ತಿ ಇರುವವರಿಂದ ಮನವಿಗಳು ಬಂದಿರುವ ಕಾರಣ, ಕೋವಿಡ್–19 ಸಾಂಕ್ರಾಮಿಕದಿಂದಾಗಿ ಉಂಟಾಗಿರುವ ಪರಿಸ್ಥಿತಿಯನ್ನು ಗಮನದಲ್ಲಿ ಇರಿಸಿಕೊಂಡು ಗಡುವನ್ನು ನವೆಂಬರ್ 16ರವರೆಗೆ ವಿಸ್ತರಿಸಲಾಗುತ್ತಿದೆ’ ಎಂದು ಹೂಡಿಕೆ ಮತ್ತು ಸಾರ್ವಜನಿಕ ಆಸ್ತಿ ನಿರ್ವಹಣೆ ಇಲಾಖೆಯ ಪ್ರಕಟಣೆ ತಿಳಿಸಿದೆ.</p>.<p class="title">ಬಿಪಿಸಿಎಲ್ನ ಮಾರುಕಟ್ಟೆ ಬಂಡವಾಳದ ಮೊತ್ತ ₹ 78,300 ಕೋಟಿ. ಕಂಪನಿಯಲ್ಲಿ ಸರ್ಕಾರದ ಪಾಲಿನ ಮೊತ್ತವು ₹ 41,436 ಕೋಟಿಗಿಂತಲೂ ಹೆಚ್ಚು. ಸರ್ಕಾರದ ಬಳಿ ಇರುವ ಬಿಪಿಸಿಎಲ್ ಷೇರುಗಳನ್ನು ಖರೀದಿಸಲು ಸರ್ಕಾರಿ ಸ್ವಾಮ್ಯದ ಕಂಪನಿಗಳಿಗೆ ಅವಕಾಶ ನೀಡಿಲ್ಲ. ಭಾರತದ ತೈಲ ಮಾರುಕಟ್ಟೆಯಲ್ಲಿ ಬಿಪಿಸಿಎಲ್ನ ಪಾಲು ಸರಿಸುಮಾರು ನಾಲ್ಕನೆಯ ಒಂದರಷ್ಟು ಎನ್ನಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title"><strong>ನವದೆಹಲಿ:</strong> ಭಾರತದ ಎರಡನೆಯ ಅತಿದೊಡ್ಡ ತೈಲ ಕಂಪನಿ ‘ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್’ನ (ಬಿಪಿಸಿಎಲ್) ಖರೀದಿಗೆ ಬಿಡ್ ಸಲ್ಲಿಸಲು ಇದ್ದ ಗಡುವನ್ನು ಕೇಂದ್ರ ಸರ್ಕಾರವು ನಾಲ್ಕನೆಯ ಬಾರಿಗೆ ವಿಸ್ತರಣೆ ಮಾಡಿದೆ.</p>.<p class="title">ಹೊಸ ಗಡುವಿನ ಅನ್ವಯ, ಬಿಡ್ ಸಲ್ಲಿಸಲು ನವೆಂಬರ್ 16ರವರೆಗೆ ಅವಕಾಶ ಇದೆ. ಬಿಪಿಸಿಎಲ್ನಲ್ಲಿ ಕೇಂದ್ರ ಸರ್ಕಾರವು ಶೇಕಡ 52.98ರಷ್ಟು ಷೇರುಗಳನ್ನು ಹೊಂದಿದೆ. ಅಷ್ಟೂ ಷೇರುಗಳ ಮಾರಾಟಕ್ಕೆ ಕೇಂದ್ರ ಸಚಿವ ಸಂಪುಟವು ಹಿಂದಿನ ವರ್ಷದ ನವೆಂಬರ್ನಲ್ಲಿ ಅನುಮೋದನೆ ನೀಡಿತ್ತು. ಈ ಷೇರುಗಳನ್ನು ಖರೀದಿಸುವ ಆಸಕ್ತಿ ಹೊಂದಿದವರಿಂದ ಬಿಡ್ ಸಲ್ಲಿಸಲು ಮಾರ್ಚ್ 7ರ ನಂತರ ಅವಕಾಶ ಕಲ್ಪಿಸಲಾಯಿತು.</p>.<p class="title">ಬಿಡ್ ಸಲ್ಲಿಸುವ ಕೊನೆಯ ದಿನವು ಮೇ 2 ಎಂದು ನಿಗದಿಯಾಗಿತ್ತು. ನಂತರ, ಅದನ್ನು ಜೂನ್ 13ರವರೆಗೆ ವಿಸ್ತರಿಸಲಾಯಿತು. ಅದಾದ ನಂತರ, ಜುಲೈ 31ರವರೆಗೆ ಹಾಗೂ ಸೆಪ್ಟೆಂಬರ್ 30ರವರೆಗೆ ವಿಸ್ತರಣೆ ಮಾಡಲಾಯಿತು.</p>.<p class="title">‘ಬಿಡ್ ಸಲ್ಲಿಸಲು ಆಸಕ್ತಿ ಇರುವವರಿಂದ ಮನವಿಗಳು ಬಂದಿರುವ ಕಾರಣ, ಕೋವಿಡ್–19 ಸಾಂಕ್ರಾಮಿಕದಿಂದಾಗಿ ಉಂಟಾಗಿರುವ ಪರಿಸ್ಥಿತಿಯನ್ನು ಗಮನದಲ್ಲಿ ಇರಿಸಿಕೊಂಡು ಗಡುವನ್ನು ನವೆಂಬರ್ 16ರವರೆಗೆ ವಿಸ್ತರಿಸಲಾಗುತ್ತಿದೆ’ ಎಂದು ಹೂಡಿಕೆ ಮತ್ತು ಸಾರ್ವಜನಿಕ ಆಸ್ತಿ ನಿರ್ವಹಣೆ ಇಲಾಖೆಯ ಪ್ರಕಟಣೆ ತಿಳಿಸಿದೆ.</p>.<p class="title">ಬಿಪಿಸಿಎಲ್ನ ಮಾರುಕಟ್ಟೆ ಬಂಡವಾಳದ ಮೊತ್ತ ₹ 78,300 ಕೋಟಿ. ಕಂಪನಿಯಲ್ಲಿ ಸರ್ಕಾರದ ಪಾಲಿನ ಮೊತ್ತವು ₹ 41,436 ಕೋಟಿಗಿಂತಲೂ ಹೆಚ್ಚು. ಸರ್ಕಾರದ ಬಳಿ ಇರುವ ಬಿಪಿಸಿಎಲ್ ಷೇರುಗಳನ್ನು ಖರೀದಿಸಲು ಸರ್ಕಾರಿ ಸ್ವಾಮ್ಯದ ಕಂಪನಿಗಳಿಗೆ ಅವಕಾಶ ನೀಡಿಲ್ಲ. ಭಾರತದ ತೈಲ ಮಾರುಕಟ್ಟೆಯಲ್ಲಿ ಬಿಪಿಸಿಎಲ್ನ ಪಾಲು ಸರಿಸುಮಾರು ನಾಲ್ಕನೆಯ ಒಂದರಷ್ಟು ಎನ್ನಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
