<p><strong>ನವದೆಹಲಿ</strong>: ಪೆಟ್ರೋಲ್ ಮತ್ತು ಡೀಸೆಲ್ ಮೇಲಿನ ಎಕ್ಸೈಸ್ ಸುಂಕ ಸಂಗ್ರಹವು 2019–20ನೇ ಹಣಕಾಸು ವರ್ಷಕ್ಕೆ ಹೋಲಿಸಿದರೆ 2020–21ನೇ ಹಣಕಾಸು ವರ್ಷದಲ್ಲಿ ಎರಡು ಪಟ್ಟು ಹೆಚ್ಚಾಗಿದೆ ಎಂದು ಹಣಕಾಸು ಖಾತೆ ರಾಜ್ಯ ಸಚಿವ ಪಂಕಜ್ ಚೌಧರಿ ರಾಜ್ಯಸಭೆಗೆ ಮಾಹಿತಿ ನೀಡಿದ್ದಾರೆ.</p>.<p>2019–20ರಲ್ಲಿ ಎಕ್ಸೈಸ್ ಸುಂಕದಿಂದ ₹ 1.78 ಲಕ್ಷ ಕೋಟಿ ವರಮಾನ ಸಂಗ್ರಹಿಸಲಾಗಿತ್ತು. ಇದು 2020–21ರಲ್ಲಿ ₹ 3.72 ಲಕ್ಷ ಕೋಟಿಗಳಿಗೆ ಏರಿಕೆ ಆಗಿದೆ ಎಂದು ಅವರು ತಿಳಿಸಿದ್ದಾರೆ.</p>.<p>ಪೆಟ್ರೋಲ್, ಡೀಸೆಲ್ ಮೇಲಿನ ತೆರಿಗೆ ಹೆಚ್ಚಳ ಮಾಡಿರುವುದೇ ಸುಂಕ ಸಂಗ್ರಹದಲ್ಲಿ ಹೆಚ್ಚಳ ಆಗಲು ಕಾರಣ. 2019ರಲ್ಲಿ ಪೆಟ್ರೋಲ್ ಮೇಲಿನ ಎಕ್ಸೈಸ್ ಸುಂಕ ಪ್ರತಿ ಲೀಟರಿಗೆ ₹ 19.98ರಷ್ಟು ಇತ್ತು. ಕೇಂದ್ರ ಸರ್ಕಾರವು ಕಳೆದ ವರ್ಷ ಇದನ್ನು ಪ್ರತಿ ಲೀಟರಿಗೆ ₹ 32.98ಕ್ಕೆ ಹೆಚ್ಚಿಸಿತು. ಅದೇ ರೀತಿ ಡೀಸೆಲ್ ಮೇಲಿನ ಎಕ್ಸೈಸ್ ಸುಂಕವನ್ನು ಸಹ ಪ್ರತಿ ಲೀಟರಿಗೆ ₹ 15.83 ರಷ್ಟು ಇದ್ದಿದ್ದು ₹ 31.83ಕ್ಕೆ ಏರಿಕೆ ಆಯಿತು. ಆ ಬಳಿಕ ಈ ವರ್ಷದ ಬಜೆಟ್ನಲ್ಲಿ ಪೆಟ್ರೋಲ್ ಮೇಲಿನ ಸುಂಕವನ್ನು ಪ್ರತಿ ಲೀಟರಿಗೆ ₹ 32.90 ಮತ್ತು ಡೀಸೆಲ್ ಮೇಲಿನ ಸುಂಕವನ್ನು ಪ್ರತಿ ಲೀಟರಿಗೆ ₹ 31.80ಕ್ಕೆ ಅಲ್ಪ ಇಳಿಕೆ ಮಾಡಲಾಯಿತು.</p>.<p>ದೇಶದಾದ್ಯಂತ ಪೆಟ್ರೋಲ್ ಮತ್ತು ಡೀಸೆಲ್ ದರಗಳು ಗರಿಷ್ಠ ಮಟ್ಟಕ್ಕೆ ತಲುಪಿದ್ದರಿಂದ ಕೇಂದ್ರ ಸರ್ಕಾರವು ನವೆಂಬರ್ನಲ್ಲಿ ಪೆಟ್ರೋಲ್ ಮೇಲಿನ ಸುಂಕವನ್ನು ಲೀಟರಿಗೆ ₹ 5 ಮತ್ತು ಡೀಸೆಲ್ ಮೇಲಿನ ಸುಂಕವನ್ನು ಲೀಟರಿಗೆ ₹ 10ರಷ್ಟು ಇಳಿಕೆ ಮಾಡಿತು. ಇದರಿಂದಾಗಿ ಸದ್ಯ ಪೆಟ್ರೋಲ್ ಮೇಲಿನ ಎಕ್ಸೈಸ್ ಸುಂಕ ಲೀಟರಿಗೆ ₹ 27.90 ಮತ್ತು ಡೀಸೆಲ್ ಮೇಲಿನ ಎಕ್ಸೈಸ್ ಸುಂಕ ಲೀಟರಿಗೆ ₹ 21.80 ಇದೆ.</p>.<p>2020–21ನೇ ಹಣಕಾಸು ವರ್ಷದಲ್ಲಿ ಎಕ್ಸೈಸ್ ಸುಂಕದಿಂದ ಸಂಗ್ರಹ ಆಗಿರುವ ಒಟ್ಟಾರೆ ಮೊತ್ತದಲ್ಲಿ ರಾಜ್ಯಗಳಿಗೆ ₹ 19,972 ಕೋಟಿ ನೀಡಲಾಗಿದೆ ಎಂದು ಚೌಧರಿ ತಿಳಿಸಿದ್ದಾರೆ. ಕೇಂದ್ರವು ಸಂಗ್ರಹಿಸುವ ಸುಂಕದಲ್ಲಿ ಮೂಲ ಎಕ್ಸೈಸ್ ಸುಂಕದ ಪಾಲು ಮಾತ್ರವೇ ರಾಜ್ಯಗಳಿಗೆ ಸಿಗುತ್ತದೆ. ಸದ್ಯ ಲೀಟರಿಗೆ ಪೆಟ್ರೋಲ್ ಮೇಲಿನ ಮೂಲ ಎಕ್ಸೈಸ್ ಸುಂಕ ₹ 1.40 ಮತ್ತು ಡೀಸೆಲ್ ಮೇಲಿನ ಮೂಲ ಎಕ್ಸೈಸ್ ಸುಂಕ ಲೀಟರಿಗೆ ₹ 1.80 ಇದೆ.</p>.<p><strong>ಅಂಕಿ–ಅಂಶ</strong></p>.<p>ಸುಂಕ ಸಂಗ್ರಹ ವಿವರ (₹ ಲಕ್ಷ ಕೋಟಿಗಳಲ್ಲಿ)</p>.<p>2018–19; 2.13</p>.<p>2019–20; 1.78</p>.<p>2020–21; 3.72</p>.<p><strong>ಎಕ್ಸೈಸ್ ಸುಂಕ (ಪ್ರತಿ ಲೀಟರಿಗೆ)</strong></p>.<p>ಪೆಟ್ರೋಲ್; ₹ 27.90</p>.<p>ಡೀಸೆಲ್; ₹ 21.80</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಪೆಟ್ರೋಲ್ ಮತ್ತು ಡೀಸೆಲ್ ಮೇಲಿನ ಎಕ್ಸೈಸ್ ಸುಂಕ ಸಂಗ್ರಹವು 2019–20ನೇ ಹಣಕಾಸು ವರ್ಷಕ್ಕೆ ಹೋಲಿಸಿದರೆ 2020–21ನೇ ಹಣಕಾಸು ವರ್ಷದಲ್ಲಿ ಎರಡು ಪಟ್ಟು ಹೆಚ್ಚಾಗಿದೆ ಎಂದು ಹಣಕಾಸು ಖಾತೆ ರಾಜ್ಯ ಸಚಿವ ಪಂಕಜ್ ಚೌಧರಿ ರಾಜ್ಯಸಭೆಗೆ ಮಾಹಿತಿ ನೀಡಿದ್ದಾರೆ.</p>.<p>2019–20ರಲ್ಲಿ ಎಕ್ಸೈಸ್ ಸುಂಕದಿಂದ ₹ 1.78 ಲಕ್ಷ ಕೋಟಿ ವರಮಾನ ಸಂಗ್ರಹಿಸಲಾಗಿತ್ತು. ಇದು 2020–21ರಲ್ಲಿ ₹ 3.72 ಲಕ್ಷ ಕೋಟಿಗಳಿಗೆ ಏರಿಕೆ ಆಗಿದೆ ಎಂದು ಅವರು ತಿಳಿಸಿದ್ದಾರೆ.</p>.<p>ಪೆಟ್ರೋಲ್, ಡೀಸೆಲ್ ಮೇಲಿನ ತೆರಿಗೆ ಹೆಚ್ಚಳ ಮಾಡಿರುವುದೇ ಸುಂಕ ಸಂಗ್ರಹದಲ್ಲಿ ಹೆಚ್ಚಳ ಆಗಲು ಕಾರಣ. 2019ರಲ್ಲಿ ಪೆಟ್ರೋಲ್ ಮೇಲಿನ ಎಕ್ಸೈಸ್ ಸುಂಕ ಪ್ರತಿ ಲೀಟರಿಗೆ ₹ 19.98ರಷ್ಟು ಇತ್ತು. ಕೇಂದ್ರ ಸರ್ಕಾರವು ಕಳೆದ ವರ್ಷ ಇದನ್ನು ಪ್ರತಿ ಲೀಟರಿಗೆ ₹ 32.98ಕ್ಕೆ ಹೆಚ್ಚಿಸಿತು. ಅದೇ ರೀತಿ ಡೀಸೆಲ್ ಮೇಲಿನ ಎಕ್ಸೈಸ್ ಸುಂಕವನ್ನು ಸಹ ಪ್ರತಿ ಲೀಟರಿಗೆ ₹ 15.83 ರಷ್ಟು ಇದ್ದಿದ್ದು ₹ 31.83ಕ್ಕೆ ಏರಿಕೆ ಆಯಿತು. ಆ ಬಳಿಕ ಈ ವರ್ಷದ ಬಜೆಟ್ನಲ್ಲಿ ಪೆಟ್ರೋಲ್ ಮೇಲಿನ ಸುಂಕವನ್ನು ಪ್ರತಿ ಲೀಟರಿಗೆ ₹ 32.90 ಮತ್ತು ಡೀಸೆಲ್ ಮೇಲಿನ ಸುಂಕವನ್ನು ಪ್ರತಿ ಲೀಟರಿಗೆ ₹ 31.80ಕ್ಕೆ ಅಲ್ಪ ಇಳಿಕೆ ಮಾಡಲಾಯಿತು.</p>.<p>ದೇಶದಾದ್ಯಂತ ಪೆಟ್ರೋಲ್ ಮತ್ತು ಡೀಸೆಲ್ ದರಗಳು ಗರಿಷ್ಠ ಮಟ್ಟಕ್ಕೆ ತಲುಪಿದ್ದರಿಂದ ಕೇಂದ್ರ ಸರ್ಕಾರವು ನವೆಂಬರ್ನಲ್ಲಿ ಪೆಟ್ರೋಲ್ ಮೇಲಿನ ಸುಂಕವನ್ನು ಲೀಟರಿಗೆ ₹ 5 ಮತ್ತು ಡೀಸೆಲ್ ಮೇಲಿನ ಸುಂಕವನ್ನು ಲೀಟರಿಗೆ ₹ 10ರಷ್ಟು ಇಳಿಕೆ ಮಾಡಿತು. ಇದರಿಂದಾಗಿ ಸದ್ಯ ಪೆಟ್ರೋಲ್ ಮೇಲಿನ ಎಕ್ಸೈಸ್ ಸುಂಕ ಲೀಟರಿಗೆ ₹ 27.90 ಮತ್ತು ಡೀಸೆಲ್ ಮೇಲಿನ ಎಕ್ಸೈಸ್ ಸುಂಕ ಲೀಟರಿಗೆ ₹ 21.80 ಇದೆ.</p>.<p>2020–21ನೇ ಹಣಕಾಸು ವರ್ಷದಲ್ಲಿ ಎಕ್ಸೈಸ್ ಸುಂಕದಿಂದ ಸಂಗ್ರಹ ಆಗಿರುವ ಒಟ್ಟಾರೆ ಮೊತ್ತದಲ್ಲಿ ರಾಜ್ಯಗಳಿಗೆ ₹ 19,972 ಕೋಟಿ ನೀಡಲಾಗಿದೆ ಎಂದು ಚೌಧರಿ ತಿಳಿಸಿದ್ದಾರೆ. ಕೇಂದ್ರವು ಸಂಗ್ರಹಿಸುವ ಸುಂಕದಲ್ಲಿ ಮೂಲ ಎಕ್ಸೈಸ್ ಸುಂಕದ ಪಾಲು ಮಾತ್ರವೇ ರಾಜ್ಯಗಳಿಗೆ ಸಿಗುತ್ತದೆ. ಸದ್ಯ ಲೀಟರಿಗೆ ಪೆಟ್ರೋಲ್ ಮೇಲಿನ ಮೂಲ ಎಕ್ಸೈಸ್ ಸುಂಕ ₹ 1.40 ಮತ್ತು ಡೀಸೆಲ್ ಮೇಲಿನ ಮೂಲ ಎಕ್ಸೈಸ್ ಸುಂಕ ಲೀಟರಿಗೆ ₹ 1.80 ಇದೆ.</p>.<p><strong>ಅಂಕಿ–ಅಂಶ</strong></p>.<p>ಸುಂಕ ಸಂಗ್ರಹ ವಿವರ (₹ ಲಕ್ಷ ಕೋಟಿಗಳಲ್ಲಿ)</p>.<p>2018–19; 2.13</p>.<p>2019–20; 1.78</p>.<p>2020–21; 3.72</p>.<p><strong>ಎಕ್ಸೈಸ್ ಸುಂಕ (ಪ್ರತಿ ಲೀಟರಿಗೆ)</strong></p>.<p>ಪೆಟ್ರೋಲ್; ₹ 27.90</p>.<p>ಡೀಸೆಲ್; ₹ 21.80</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
