ನಕಲಿ ಉತ್ಪನ್ನಗಳಿಂದ ಕೈಗಾರಿಕೆಮೇಲೆ ದುಷ್ಪರಿಣಾಮ:‘ಫಿಕ್ಕಿ’ವರದಿ

ನವದೆಹಲಿ: ನಕಲಿ ಉತ್ಪನ್ನಗಳು ದೇಶಿ ಕೈಗಾರಿಕಾ ವಲಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತಿದ್ದು, ಏಳು ಪ್ರಮುಖ ವಲಯಗಳಲ್ಲಿನ ನಷ್ಟದ ಮೊತ್ತ ₹ 1.05 ಲಕ್ಷ ಕೋಟಿಗಳಷ್ಟಿದೆ ಎಂದು ಅಂದಾಜಿಸಲಾಗಿದೆ.

. ಭಾರತೀಯ ವಾಣಿಜ್ಯೋದ್ಯಮ ಮಹಾಸಂಘಗಳ ಒಕ್ಕೂಟ (ಫಿಕ್ಕಿ) ಮತ್ತು ಅದರ ಕಳ್ಳಸಾಗಣೆ ತಡೆ ಹಾಗೂ ನಕಲಿ ಉತ್ಪನ್ನ ತಡೆ ಘಟಕವು ಜಂಟಿಯಾಗಿ ಸಿದ್ಧಪಡಿಸಿದ ವರದಿಯಲ್ಲಿ ಈ ವಿವರಗಳಿವೆ. ಕಾನೂನುಬಾಹಿರವಾಗಿ ನಡೆಯುವ ಇಂತಹ ಚಟುವಟಿಕೆಗಳಿಂದ ಸರ್ಕಾರದ ವರಮಾನಕ್ಕೂ ಖೋತಾ ಬೀಳಲಿದೆ. ಏಳು ಕೈಗಾರಿಕಾ ವಲಯಗಳಿಂದ ಬೊಕ್ಕಸಕ್ಕೆ ₹ 39,239 ಕೋಟಿ ನಷ್ಟ ಉಂಟಾಗಲಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.

. ವಿವಿಧ ಸರಕುಗಳ ನಕಲಿ ತಯಾರಿಕೆಯು ದೇಶದಾದ್ಯಂತ ಹಲವಾರು ವಲಯಗಳಲ್ಲಿ ವ್ಯಾಪಕವಾಗಿ ಹಬ್ಬಿದೆ. ಕಾನೂನುಬಾಹಿರ ವಹಿವಾಟು ಮತ್ತು ಕ್ರಿಮಿನಲ್ ಸ್ವರೂಪದ ವಾಣಿಜ್ಯ ಚಟುವಟಿಕೆಗಳಿಂದ ಜಾಗತಿಕ ಒಟ್ಟು ಆಂತರಿಕ ಉತ್ಪನ್ನದಲ್ಲಿಯೂ (ಜಿಡಿಪಿ) ಶೇ 8 ರಿಂದ ಶೇ 15ರಷ್ಟು ನಷ್ಟ ತಗುಲಲಿದೆ. ದೇಶಿ ಕೈಗಾರಿಕೆಗೂ ತೀವ್ರ ಸ್ವರೂಪದ ನಷ್ಟ ಉಂಟಾಗಲಿದೆ. ಕಾನೂನುಬದ್ಧವಾದ ಲಕ್ಷಾಂತರ ಉದ್ಯೋಗ ಅವಕಾಶಗಳಿಗೂ ಗಂಡಾಂತರ ತಂದೊಡ್ಡಲಿದೆ.

. ವಾಹನ ಬಿಡಿಭಾಗ ತಯಾರಿಕೆ, ಮದ್ಯ, ಕಂಪ್ಯೂಟರ್ ಹಾರ್ಡ್ವೇರ್, ತ್ವರಿತವಾಗಿ ಬಿಕರಿಯಾಗುವ ಗ್ರಾಹಕ ಉತ್ಪನ್ನ (ಎಫ್ಎಂಸಿಜಿ), ಪ್ಯಾಕೇಜ್ಡ್ ಉತ್ಪನ್ನ, ತಂಬಾಕು, ಮೊಬೈಲ್ ತಯಾರಿಕಾ ಕ್ಷೇತ್ರದಲ್ಲಿ ನಕಲಿ ಹಾವಳಿ ವ್ಯಾಪಕವಾಗಿದೆ.

. ಗರಿಷ್ಠ ದರದ ಸುಂಕ, ಬ್ರ್ಯಾಂಡ್ ಪ್ರಜ್ಞೆ, ತಿಳಿವಳಿಕೆ ಅಭಾವ, ಅಗ್ಗದ ಬದಲಿ ಉತ್ಪನ್ನ ಮತ್ತು ಬೇಡಿಕೆ – ಪೂರೈಕೆ ಅಂತರ ಮುಂತಾದವು ವಿದೇಶಿ ಉತ್ಪನ್ನಗಳನ್ನು ದೇಶದ ಒಳಗೆ ಅಕ್ರಮವಾಗಿ ಸಾಗಿಸುವುದಕ್ಕೆ ಪ್ರಮುಖ ಕಾರಣಗಳಾಗಿವೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಕಲಿ ಉತ್ಪನ್ನಗಳಿಂದ ಕೈಗಾರಿಕೆಮೇಲೆ ದುಷ್ಪರಿಣಾಮ:‘ಫಿಕ್ಕಿ’ವರದಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು