ಬಾಂಬೆ ಡೈಯಿಂಗ್‌ಗೆ ಸೆಬಿ ನಿಷೇಧ | ಎರಡು ವರ್ಷ ಸಾಲಪತ್ರ ಮಾರುಕಟ್ಟೆ ಪ್ರವೇಶ ಇಲ್ಲ

ನವದೆಹಲಿ : ಕಂಪನಿಯ ಹಣಕಾಸಿನ ವ್ಯವಹಾರದ ಕುರಿತು ತಪ್ಪು ಮಾಹಿತಿ ನೀಡಿರುವುದಕ್ಕೆ ಸಂಬಂಧಿಸಿದಂತೆ ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿಯು (ಸೆಬಿ) ಬಾಂಬೆ ಡೈಯಿಂಗ್ ಒಳಗೊಂಡು ಒಟ್ಟು 10 ಕಂಪನಿಗಳಿಗೆ ಸಾಲಪತ್ರ ಮಾರುಕಟ್ಟೆಯಿಂದ ಎರಡು ವರ್ಷಗಳವರೆಗೆ ನಿಷೇಧ ಹೇರಿದೆ.

. ಬಾಂಬೆ ಡೈಯಿಂಗ್ ಕಂಪನಿಗೆ ಸೇರಿದ ಫ್ಲ್ಯಾಟ್ಗಳನ್ನು ವಾಡಿಯಾ ಸಮೂಹದ ಕಂಪನಿ ಸ್ಕೇಲ್ ಸರ್ವೀಸಸ್ ಲಿಮಿಟೆಡ್ ನೈಜ ಮೌಲ್ಯಕ್ಕಿಂತ ಹೆಚ್ಚಿನ ಬೆಲೆಗೆ, ಅಂದರೆ ₹ 2,492.94 ಕೋಟಿಗೆ ಮಾರಾಟ ಮಾಡಿದ್ದು, ₹1,302 ಕೋಟಿ ಲಾಭ ಮಾಡಿಕೊಳ್ಳಲಾಗಿದೆ. ಆ ಮೂಲಕ ಬಾಂಬೆ ಡೈಯಿಂಗ್ ಕಂಪನಿಯ ಹಣಕಾಸಿನ ವ್ಯವಹಾರದ ಬಗ್ಗೆ ತಪ್ಪು ಮಾಹಿತಿ ನೀಡಲಾಗಿದೆ ಎನ್ನುವ ಆರೋಪದ ಮೇಲೆ ಈ ಕ್ರಮ ಕೈಗೊಂಡಿರುವುದಾಗಿ ಸೆಬಿ ತಿಳಿಸಿದೆ.

. 2011-12 ಮತ್ತು 2017–18ನೇ ಹಣಕಾಸು ವರ್ಷದ ಅವಧಿಯಲ್ಲಿ ಅವ್ಯವಹಾರ ನಡೆದಿರುವ ಬಗ್ಗೆ ದೂರುಗಳು ಬಂದಿದ್ದರಿಂದ ಸೆಬಿ ತನಿಖೆ ನಡೆಸಿದೆ.

. ಈ ಸಂಬಂಧ 10 ಕಂಪನಿಗಳಿಗೆ ಒಟ್ಟು ₹15.75 ಕೋಟಿ ದಂಡ ವಿಧಿಸಿದ್ದು, 45 ದಿನಗಳ ಒಳಗಾಗಿ ದಂಡ ಪಾವತಿಸುವಂತೆ ನಿರ್ದೇಶನ ನೀಡಿದೆ.

. ಬಾಂಬೆ ಡೈಯಿಂಗ್ ಮತ್ತು ಅದರ ಪ್ರವರ್ತಕರಾದ ನುಸ್ಲಿ ಎನ್. ವಾಡಿಯಾ ಮತ್ತು ಅವರ ಇಬ್ಬರು ಮಕ್ಕಳು ನೆಸ್ ಮತ್ತು ಜಹಂಗೀರ್ ಅವರು ಎರಡು ವರ್ಷಗಳವರೆಗೆ ಸೆಕ್ಯುರಿಟಿ ಮಾರುಕಟ್ಟೆಯಲ್ಲಿ ವಹಿವಾಟು ನಡೆಸುವಂತಿಲ್ಲ.

. ಸ್ಕೇಲ್ ಸರ್ವೀಸಸ್ ಲಿಮಿಟೆಡ್ ಮತ್ತು ಅದರ ಆಗಿನ ನಿರ್ದೇಶಕರಿಗೆ ಒಂದು ವರ್ಷದವರೆಗೆ ನಿಷೇಧ ಹೇರಲಾಗಿದೆ.

. ಸ್ಕೇಲ್ ಕಂಪನಿಯಲ್ಲಿ ಬಾಂಬೆ ಡೈಯಿಂಗ್ ಶೇ 19ರಷ್ಟು ಷೇರುಪಾಲು ಮಾತ್ರ ಹೊಂದಿದ್ದರೂ, ಸ್ಕೇಲ್ ಹೊಂದಿರುವ ಅಷ್ಟೂ ಷೇರುಬಂಡವಾಳದ ಮೇಲೆ ಪೂರ್ಣ ರೀತಿಯ ನಿಯಂತ್ರಣವು ಬಾಂಬೆ ಡೈಯಿಂಗ್ ಕೈಯಲ್ಲಿ ಇರುವಂತೆ ಮಾಡಲಾಗಿದೆ.

. ಬಾಂಬೆ ಡೈಯಿಂಗ್ ಜೊತೆ ಸ್ಕೇಲ್ ಕಂಪನಿಯ ಹಣಕಾಸು ವಹಿವಾಟಿನ ಮಾಹಿತಿ ಸೇರಿಸುವುದನ್ನು ತಪ್ಪಿಸಲು ಈ ರೀತಿ ಮಾಡಲಾಗಿದೆ. ಈ ಮೂಲಕ, ಸ್ಕೇಲ್ ಕಂಪನಿಗೆ ಮಾಡುವ ಮಾರಾಟ ಮತ್ತು ಅದರಿಂದ ಬರುವ ಲಾಭವನ್ನು ಬಾಂಬೆ ಡೈಯಿಂಗ್ನ ಸಮಗ್ರ ಹಣಕಾಸು ಮಾಹಿತಿಯಲ್ಲಿ ಸೇರಿಸುವುದರಿಂದ ತಪ್ಪಿಸಿಕೊಳ್ಳಲಾಗಿದೆ ಎಂದು ಸೆಬಿ ತನ್ನ ವರದಿಯಲ್ಲಿ ತಿಳಿಸಿದೆ.

. ಎಸ್ಎಟಿಗೆ ಮೇಲ್ಮನವಿ: ಸೆಬಿ ತನ್ನ ವಿರುದ್ಧ ನೀಡಿರುವ ಆದೇಶವನ್ನು ಪ್ರಶ್ನಿಸಿ ಸೆಕ್ಯುರಿಟಿ ಅಪಲೆಟ್ ಟ್ರಿಬ್ಯುನಲ್ (ಎಸ್ಎಟಿ) ಕದ ತಟ್ಟುವುದಾಗಿ ಬಾಂಬೆ ಡೈಯಿಂಗ್ ಕಂಪನಿ ಹೇಳಿದೆ.

. ಸೆಬಿ ಆದೇಶದ ವಿರುದ್ಧ ಮೇಲ್ಮನವಿ ಸಲ್ಲಿಸಲು ಕಂಪನಿಯು ತನ್ನ ಶಾಸನಬದ್ಧ ಹಕ್ಕನ್ನು ಚಲಾಯಿಸಲಿದೆ. ಎಸ್ಎಟಿಯಲ್ಲಿ ನ್ಯಾಯ ಸಿಗಲಿದ್ದು, ಆರೋಪಮುಕ್ತ ಆಗುವ ವಿಶ್ವಾಸವಿದೆ ಎಂದು ಕಂಪನಿಯ ವಕ್ತಾರರೊಬ್ಬರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಾಂಬೆ ಡೈಯಿಂಗ್‌ಗೆ ಸೆಬಿ ನಿಷೇಧ | ಎರಡು ವರ್ಷ ಸಾಲಪತ್ರ ಮಾರುಕಟ್ಟೆ ಪ್ರವೇಶ ಇಲ್ಲ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ನಟ ಡಾಲಿ ಧನಂಜಯ–ಡಾ.ಧನ್ಯತಾ ನಿಶ್ಚಿತಾರ್ಥ: ಫೆ.16 ರಂದು ಮದುವೆ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ: ಇಯಾನ್‌ ಅಮನ್ನ, ಪೂಜಾ ವೇಗದ ಓಟಗಾರರು

ಹಾಕಿ ಮಹಿಳಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ: ನಾಲ್ಕರ ಘಟ್ಟಕ್ಕೆ ಅಜೇಯ ಭಾರತ

ಫುಟ್‌ಬಾಲ್‌: ಸೌಹಾರ್ದ ಪಂದ್ಯ; ಭಾರತಕ್ಕೆ ಮಲೇಷ್ಯಾ ಸವಾಲು ಇಂದು

ಮುಂಬೈ ತಂಡಕ್ಕೆ ಶ್ರೇಯಸ್ ನಾಯಕ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ನಟ ಡಾಲಿ ಧನಂಜಯ–ಡಾ.ಧನ್ಯತಾ ನಿಶ್ಚಿತಾರ್ಥ: ಫೆ.16 ರಂದು ಮದುವೆ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ