<p><strong>ನವದೆಹಲಿ</strong>: ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಮೂಲಕ ಸ್ವಿಗ್ಗಿ ಕಂಪನಿಯು ₹11,327 ಕೋಟಿ ಬಂಡವಾಳ ಸಂಗ್ರಹಿಸಿದ ಬೆನ್ನಲ್ಲೇ, ಅದರ 500 ಉದ್ಯೋಗಿಗಳಿಗೆ ಕೋಟ್ಯಧಿಪತಿಗಳಾಗುವ ಭಾಗ್ಯ ಒಲಿದಿದೆ.</p>.<p>ಕಂಪನಿಯಲ್ಲಿ ಒಟ್ಟು 5 ಸಾವಿರ ಉದ್ಯೋಗಿಗಳು ಇದ್ದಾರೆ. ಉದ್ಯೋಗಿಗಳ ಷೇರು ಮಾಲೀಕತ್ವ ಯೋಜನೆಗಳ (ಇಎಸ್ಒಪಿ) ಮೂಲಕ ಎಲ್ಲಾ ಉದ್ಯೋಗಿಗಳಿಗೆ ₹9,000 ಕೋಟಿ ಮೌಲ್ಯದ ಷೇರುಗಳನ್ನು ಹಂಚಿಕೆ ಮಾಡಲಾಗಿದೆ. ಈ ಪೈಕಿ ಕಂಪನಿಯಲ್ಲಿ ನಿಷ್ಠೆಯಿಂದ ದುಡಿದ ಶೇ 10ರಷ್ಟು ಹಾಲಿ ಹಾಗೂ ಮಾಜಿ ನೌಕರರು ಒಂದೇ ದಿನದಲ್ಲಿ ಕೋಟ್ಯಧಿಪತಿಗಳಾಗಿದ್ದಾರೆ.</p>.<p>ಬುಧವಾರ ಕಂಪನಿಯು ಅಧಿಕೃತವಾಗಿ ಷೇರು ಮಾರುಕಟ್ಟೆ ಪ್ರವೇಶಿಸಿದೆ. ಐಪಿಒ ಮೂಲಕ ಷೇರು ಹಂಚಿಕೆ ದರವನ್ನು ₹371ರಿಂದ ₹390ಕ್ಕೆ ನಿಗದಿಪಡಿಸಲಾಗಿತ್ತು.</p>.<p>ಬಿಎಸ್ಇಯಲ್ಲಿ ಪ್ರತಿ ಷೇರು ಶೇ 5.64ರಷ್ಟು ಪ್ರೀಮಿಯಂ ದರದಲ್ಲಿ ₹412ಕ್ಕೆ ನಿಗದಿಯಾಗಿತ್ತು. ವಹಿವಾಟಿನ ಅಂತ್ಯಕ್ಕೆ ಶೇ 16.91ರಷ್ಟು ಏರಿಕೆಯಾಗಿದ್ದು, ಪ್ರತಿ ಷೇರಿನ ಬೆಲೆ ₹455.95 ಆಗಿದೆ.</p>.<p>ಎನ್ಎಸ್ಇಯಲ್ಲಿ ಪ್ರತಿ ಷೇರು ಶೇ 7.69ರಷ್ಟು ಪ್ರೀಮಿಯಂ ದರದಲ್ಲಿ ₹420ಕ್ಕೆ ನಿಗದಿಪಡಿಸಲಾಗಿತ್ತು. ಶೇ 16.92ರಷ್ಟು ಏರಿಕೆಯಾಗಿದ್ದು, ₹456 ಆಗಿದೆ. ಕಂಪನಿಯ ಮಾರುಕಟ್ಟೆ ಮೌಲ್ಯ ₹1.02 ಲಕ್ಷ ಕೋಟಿಗೆ ತಲುಪಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಮೂಲಕ ಸ್ವಿಗ್ಗಿ ಕಂಪನಿಯು ₹11,327 ಕೋಟಿ ಬಂಡವಾಳ ಸಂಗ್ರಹಿಸಿದ ಬೆನ್ನಲ್ಲೇ, ಅದರ 500 ಉದ್ಯೋಗಿಗಳಿಗೆ ಕೋಟ್ಯಧಿಪತಿಗಳಾಗುವ ಭಾಗ್ಯ ಒಲಿದಿದೆ.</p>.<p>ಕಂಪನಿಯಲ್ಲಿ ಒಟ್ಟು 5 ಸಾವಿರ ಉದ್ಯೋಗಿಗಳು ಇದ್ದಾರೆ. ಉದ್ಯೋಗಿಗಳ ಷೇರು ಮಾಲೀಕತ್ವ ಯೋಜನೆಗಳ (ಇಎಸ್ಒಪಿ) ಮೂಲಕ ಎಲ್ಲಾ ಉದ್ಯೋಗಿಗಳಿಗೆ ₹9,000 ಕೋಟಿ ಮೌಲ್ಯದ ಷೇರುಗಳನ್ನು ಹಂಚಿಕೆ ಮಾಡಲಾಗಿದೆ. ಈ ಪೈಕಿ ಕಂಪನಿಯಲ್ಲಿ ನಿಷ್ಠೆಯಿಂದ ದುಡಿದ ಶೇ 10ರಷ್ಟು ಹಾಲಿ ಹಾಗೂ ಮಾಜಿ ನೌಕರರು ಒಂದೇ ದಿನದಲ್ಲಿ ಕೋಟ್ಯಧಿಪತಿಗಳಾಗಿದ್ದಾರೆ.</p>.<p>ಬುಧವಾರ ಕಂಪನಿಯು ಅಧಿಕೃತವಾಗಿ ಷೇರು ಮಾರುಕಟ್ಟೆ ಪ್ರವೇಶಿಸಿದೆ. ಐಪಿಒ ಮೂಲಕ ಷೇರು ಹಂಚಿಕೆ ದರವನ್ನು ₹371ರಿಂದ ₹390ಕ್ಕೆ ನಿಗದಿಪಡಿಸಲಾಗಿತ್ತು.</p>.<p>ಬಿಎಸ್ಇಯಲ್ಲಿ ಪ್ರತಿ ಷೇರು ಶೇ 5.64ರಷ್ಟು ಪ್ರೀಮಿಯಂ ದರದಲ್ಲಿ ₹412ಕ್ಕೆ ನಿಗದಿಯಾಗಿತ್ತು. ವಹಿವಾಟಿನ ಅಂತ್ಯಕ್ಕೆ ಶೇ 16.91ರಷ್ಟು ಏರಿಕೆಯಾಗಿದ್ದು, ಪ್ರತಿ ಷೇರಿನ ಬೆಲೆ ₹455.95 ಆಗಿದೆ.</p>.<p>ಎನ್ಎಸ್ಇಯಲ್ಲಿ ಪ್ರತಿ ಷೇರು ಶೇ 7.69ರಷ್ಟು ಪ್ರೀಮಿಯಂ ದರದಲ್ಲಿ ₹420ಕ್ಕೆ ನಿಗದಿಪಡಿಸಲಾಗಿತ್ತು. ಶೇ 16.92ರಷ್ಟು ಏರಿಕೆಯಾಗಿದ್ದು, ₹456 ಆಗಿದೆ. ಕಂಪನಿಯ ಮಾರುಕಟ್ಟೆ ಮೌಲ್ಯ ₹1.02 ಲಕ್ಷ ಕೋಟಿಗೆ ತಲುಪಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
