ಪ್ರಶ್ನೊತ್ತರ: ಕೃಷಿ ಆದಾಯಕ್ಕೆ ಎಷ್ಟರ ತನಕ ತೆರಿಗೆ ವಿನಾಯಿತಿ ಇದೆ?

ಪ್ರಶ್ನೆ: ನನ್ನ ಸ್ನೇಹಿತನೊಬ್ಬನಿಗೆ ₹ 25 ಸಾವಿರ ಕೈಗಡವಾಗಿ ಕೊಟ್ಟು ಆತನಿಂದ ₹ 25 ಸಾವಿರಕ್ಕೆ ಚೆಕ್ ಪಡೆದಿದ್ದೇನೆ. ಆತ ಹಣ ಕೊಡುತ್ತಿಲ್ಲ. ಕಾನೂನು ಕ್ರಮ ಕೈಗೊಳ್ಳಲು ಸಲಹೆ ನೀಡಿ.

. –ಚಂದ್ರಮೋಹನ್, ಬಳ್ಳಾರಿ

. ಉತ್ತರ: ಚೆಕ್, ಡಿ.ಡಿ. ನಗದೀಕರಿಸಲು ಇರುವ ಅವಧಿ 90 ದಿನಗಳು ಮಾತ್ರ. ನೀವು ಪಡೆದ ಚೆಕ್ನ ತಾರೀಕಿನಿಂದ ಇದುವರೆಗೆ 90 ದಿನಗಳು ಆಗದೇ ಇರುವಲ್ಲಿ ನೆಗೋಷಿಯೇಬಲ್ ಇನ್ಸ್ಟ್ರುಮೆಂಟ್ಸ್ ಆ್ಯಕ್ಟ್ನ 138ನೇ ಸೆಕ್ಷನ್ ಅಡಿ ಚೆಕ್ ಅನ್ನು ಬ್ಯಾಂಕ್ಗೆ ನೀಡಿ. ಅದು ಬೌನ್ಸ್ ಆದಲ್ಲಿ ನ್ಯಾಯಾಲಯದಲ್ಲಿ ಹಣ ವಸೂಲಾತಿಗೆ ದಾವೆ ಹೂಡಬಹುದು. ಚೆಕ್ ಬೌನ್ಸ್ ಆದಲ್ಲಿ ಅದಕ್ಕೆ ಕಾರಣವೇನೆಂದು ಬ್ಯಾಂಕ್ ನೀಡುವ ಮೆಮೊವನ್ನು ಕೋರ್ಟ್ಗೆ ಹಾಜರುಪಡಿಸಬೇಕಾಗುತ್ತದೆ. ಹೀಗೆ ಚೆಕ್ ಬೌನ್ಸ್ ಆದ 15 ದಿನಗಳೊಳಗೆ ದಾವೆ ದಾಖಲು ಮಾಡಬೇಕು. ದಾವೆ ದಾಖಲು ಮಾಡುವ ಮುನ್ನ ಚೆಕ್ ಮತ್ತು ಬ್ಯಾಂಕ್ ಮೆಮೊ ನಕಲು ಪ್ರತಿ ಇಟ್ಟುಕೊಳ್ಳಿ. ಸಾಧ್ಯವಾದರೆ ಇತರರಿಗೆ ಸಾಲ ನೀಡುವುದಾಗಲಿ, ನೀವು ಇತರರಿಂದ ಸಾಲ ಪಡೆಯುವುದಾಗಲಿ ಮಾಡದಿರಿ. ಹಣದ ವ್ಯವಹಾರದ ಅಜಾಗರೂಕತೆಯಿಂದಾಗಿ ಜೀವನದ ನೆಮ್ಮದಿ ಭಂಗವಾಗುತ್ತದೆ.

. ಪ್ರಶ್ನೆ: ನೀವು ಬಹು ಉಪಯುಕ್ತವಾದ ಸಲಹೆಗಳನ್ನು ನೀಡುತ್ತೀರಿ. ನಿಮ್ಮ ಪ್ರಶ್ನೋತ್ತರದಿಂದ ಪ್ರಭಾವಿತನಾಗಿ ನಾನು ಕಳೆದ ವರ್ಷ ಎರಡು ಎಕರೆ ಜಮೀನು ಕೊಂಡಿದ್ದೇನೆ. ಇದನ್ನು ಅಡಿಕೆ ತೋಟ ಮಾಡಬೇಕೆಂದಿದ್ದೇನೆ. ನನಗೆ ಈಗಾಗಲೇ ಮೂರು ಎಕರೆ ಅಡಿಕೆ ತೋಟ ಇದೆ. ಉಪ ಬೆಳೆ; ಬಾಳೆ, ಕಾಳುಮೆಣಸು ಹಾಗೂ ಏಲಕ್ಕಿ ಇದೆ. ಎಲ್ಲಾ ಕೃಷಿ ಉತ್ಪನ್ನಗಳಿಂದ ನನ್ನ ವಾರ್ಷಿಕ ಕನಿಷ್ಠ ಆದಾಯ ₹ 4 ಲಕ್ಷದಿಂದ ₹ 5 ಲಕ್ಷ. ಕೃಷಿ ಆದಾಯಕ್ಕೆ ಎಷ್ಟರ ತನಕ ತೆರಿಗೆ ವಿನಾಯಿತಿ ಇದೆ? ನನ್ನ ಮಗ ನನ್ನೊಡನೆ ಇದ್ದು ಕೃಷಿ ಮಾಡುತ್ತಾನೆ. ಉತ್ತಮ, ಭದ್ರವಾದ ಉಳಿತಾಯ ಯೋಜನೆ ತಿಳಿಸಿ.

. –ಶ್ರೀಪಾದ ಹೆಗಡೆ, ಸಿದ್ದಾಪುರ, ಉ.ಕ.

. ಉತ್ತರ: ಸೆಕ್ಷನ್ 10 (1) ಆಧಾರದ ಮೇಲೆ ಕೃಷಿ ಆದಾಯಕ್ಕೆ ಯಾವುದೇ ಮಿತಿ ಇಲ್ಲದೆ ಸಂಪೂರ್ಣ ತೆರಿಗೆ ವಿನಾಯಿತಿ ಇದೆ. ನಿಮ್ಮದು ವಾರ್ಷಿಕವಾಗಿ ಬರುವ ಆದಾಯವಾದ್ದರಿಂದ ಮುಂದಿನ ವರ್ಷ ಕೃಷಿ ಮಾಡಲು ಬರುವ ಖರ್ಚು ಕಳೆದು ಉಳಿದ ಹಣ ಎರಡು ಭಾಗ ಮಾಡಿ. ತಿಂಗಳಿಗೆ ಖರ್ಚು ಆಗುವಂತೆ ಒಂದು ಭಾಗವನ್ನು ಅಂಚೆ ಕಚೇರಿ ತಿಂಗಳ ಬಡ್ಡಿ ಪಡೆಯುವ (MIS) ಯೋಜನೆಯಲ್ಲಿ ಇಡಿ. ಇಲ್ಲಿ ವ್ಯಕ್ತಿಯೊಬ್ಬ ಗರಿಷ್ಠ ₹ 4.50 ಲಕ್ಷ ಇಡಬಹುದು. ಉಳಿದ ಹಣ ಬ್ಯಾಂಕ್ನಲ್ಲಿ ಒಮ್ಮೆಲೇ ಬಡ್ಡಿ ಬರುವ ಠೇವಣಿಯಲ್ಲಿ ಐದು ವರ್ಷಗಳ ಅವಧಿಗೆ ಇರಿಸುತ್ತಾ ಬನ್ನಿ. ಇದರಿಂದ ನಿಮ್ಮ ಠೇವಣಿ ಚಕ್ರಬಡ್ಡಿಯಲ್ಲಿ ಬೆಳೆಯುತ್ತದೆ. ಇದೇ ವೇಳೆ ಹೀಗೆ ಹಣ ಕೂಡಿಟ್ಟು ಮುಂದೆ ಇನ್ನೂ ಹೆಚ್ಚಿನ ಜಮೀನು ಕೊಳ್ಳಿರಿ. ಸ್ಥಿರ ಆಸ್ತಿ ಮಾತ್ರ ಸ್ಥಿರ, ಉಳಿದುದೆಲ್ಲ ಚರ ಎನ್ನುವುದು ಸಾರ್ವಕಾಲಿಕ ಸತ್ಯ. ನನ್ನ ಅಂಕಣದಿಂದ ಪ್ರಭಾವಿತರಾಗಿ ಎರಡು ಎಕರೆ ಜಮೀನು ಕೊಂಡಿರುವುದು ಉತ್ತಮ ನಿರ್ಧಾರ.

. ಪ್ರಶ್ನೆ: ಇತ್ತೀಚಿನ ದಿನಗಳಲ್ಲಿ ಸ್ಥಿರ ಆಸ್ತಿ ಮಾರಾಟ ಮಾಡುವವರು ಹಾಗೂ ಕೊಳ್ಳುವವರು ಹೆಚ್ಚಾಗುತ್ತಿದ್ದಾರೆ. ತೆರಿಗೆ ಉಳಿಸಲು ಕಾನೂನಿನಲ್ಲಿ ಇರುವ ಅವಕಾಶ, ತೆರಿಗೆ ದರ, ಲಾಭಾಂಶ ತೊಡಗಿಸಲು ಇರುವ ಅವಧಿ ವಿವರವಾಗಿ ತಿಳಿಸಿ.

. –ನಾಗೇಗೌಡ, ಊರುಬೇಡ

. ಉತ್ತರ: ಸ್ಥಿರ ಆಸ್ತಿ ಕೊಂಡ ಮೊತ್ತ ಹಾಗೂ ಅದನ್ನು ಮತ್ತೆ ಮಾರಾಟ ಮಾಡಿ ಬರುವ ಮೊತ್ತದ ನಡುವಿನ ವ್ಯತ್ಯಾಸವನ್ನು ಬಂಡವಾಳ ವೃದ್ಧಿ ಎನ್ನಬಹುದು. ಬಂಡವಾಳ ವೃದ್ಧಿಗೆ ಬರುವ ತೆರಿಗೆಯು ‘ಬಂಡವಾಳ ವೃದ್ಧಿ ತೆರಿಗೆ’. ಇಂದಿನ ಬಂಡವಾಳ ವೃದ್ಧಿ ತೆರಿಗೆ ಪ್ರಮಾಣ ಶೇಕಡ 20ರಷ್ಟು. ಇದೇ ವೇಳೆ, ಖರೀದಿಸಿದ ವರ್ಷದಿಂದ ಮಾರಾಟ ಮಾಡುವ ವರ್ಷದವರೆಗಿನ ಹಣದುಬ್ಬರವನ್ನು ಸರ್ಕಾರ ಸಿದ್ಧಪಡಿಸಿದ ಕೋಷ್ಠಕದಂತೆ ಲೆಕ್ಕ ಹಾಕಿದಾಗ ಬರುವ ಮೊತ್ತಕ್ಕೆ ತೆರಿಗೆ ಇರುವುದಿಲ್ಲ.

. ಹಣಕಾಸು, ತೆರಿಗೆ ಸಮಸ್ಯೆಗೆ ಪರಿಹಾರ ಹಣಕಾಸಿಗೆ ಸಂಬಂಧಿಸಿದ ಪ್ರಶ್ನೆಗಳನ್ನು ಪತ್ರದಲ್ಲಿ (ದೂರವಾಣಿ ಸಂಖ್ಯೆ ಸಹಿತ) ಬರೆದು ಕಳುಹಿಸಿ.

. ವಿಳಾಸ: ಪ್ರಶ್ನೋತ್ತರ, ವಾಣಿಜ್ಯ ವಿಭಾಗ, ಪ್ರಜಾವಾಣಿ, ನಂ.75, ಮಹಾತ್ಮ ಗಾಂಧಿ ರಸ್ತೆ, ಬೆಂಗಳೂರು–560001.

. ಇ–ಮೇಲ್: businessdesk@prajavani.co.in

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರಶ್ನೊತ್ತರ: ಕೃಷಿ ಆದಾಯಕ್ಕೆ ಎಷ್ಟರ ತನಕ ತೆರಿಗೆ ವಿನಾಯಿತಿ ಇದೆ?

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಕೂಚ್‌ ಬಿಹಾರ್ ಟ್ರೋಫಿ ಕ್ರಿಕೆಟ್‌: ಫಾಲೊಆನ್‌ಗೆ ಒಳಗಾಗಿದ್ದ ಕರ್ನಾಟಕಕ್ಕೆ ಜಯ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು