ನಿವೃತ್ತ ಜೀವನ ಸುಖವಾಗಿರಲು ಮಾರ್ಗದರ್ಶನ ನೀಡಿ

ನಾನು ಇತ್ತೀಚೆಗೆ ಸರ್ಕಾರಿ ನೌಕರಿಯಿಂದ ನಿವೃತ್ತನಾಗಿರುವೆ. ನನ್ನ ಹತ್ತಿರ 10 ಎಕರೆ ಖುಷ್ಕಿ ಜಮೀನಿದ್ದು, ಅದರಲ್ಲಿ ಮಾವಿನ ಗಿಡಗಳನ್ನು ಬೆಳೆಸಿದ್ದೇನೆ. ನನ್ನೊಡನೆ ಈಆಗಲೇ ₹ 45 ಲಕ್ಷ ನಗದು ಇದೆ. ನಿವೃತ್ತಿಯಿಂದ ಸುಮಾರು ₹ 25 ಲಕ್ಷ ಬರಬಹುದು. ನಾನು ಮನೆ ಕಟ್ಟಬೇಕೆಂದಿದ್ದೇನೆ. ಹಣದ ನಿರ್ವಹಣೆ ವಿಚಾರದಲ್ಲಿ ಮಾರ್ಗದರ್ಶನ ಮಾಡಿರಿ.

. ಊರು, ಹೆಸರು ಬೇಡ

. ಉತ್ತರ: ನೀವು ಸ್ವಂತ ಮನೆ ಹೊಂದದಿರುವಲ್ಲಿ ಒಂದು ಮನೆ ಕಟ್ಟಿಸಿಕೊಳ್ಳಿ. ನಿಮ್ಮೊಡನಿರುವ₹ 70 ಲಕ್ಷದಲ್ಲಿ ಗರಿಷ್ಠ 40 ಲಕ್ಷದೊಳಗೆ ಮನೆ ಕಟ್ಟಿಸಿಕೊಳ್ಳಿ. ಉಳಿದ₹ 30 ಲಕ್ಷ ಒಮ್ಮೆಲೇ ಬಡ್ಡಿ ಬರುವ (Reinvestment Deposit) ಬ್ಯಾಂಕ್ ಠೇವಣಿಯಲ್ಲಿ ಇರಿಸಿ, ನಿಶ್ಚಿಂತೆಯಿಂದ ಬಾಳಿರಿ. ಈ ಯೋಜನೆಯಲ್ಲಿ ನಿಮ್ಮ ಹಣ ಚಕ್ರಬಡ್ಡಿಯಲ್ಲಿ ಬೆಳೆಯುತ್ತಿರುತ್ತದೆ. ವಾರ್ಷಿಕವಾಗಿ ಬರುವ ಕೃಷಿ ಆದಾಯ ಹಾಗೂ ಪಿಂಚಣಿಯಲ್ಲಿ ಜೀವನ ಸಾಗಿಸಿರಿ.

. ನಾನು ನಿಮ್ಮ ಅಂಕಣದಿಂದ ಪ್ರೇರಿತನಾಗಿ ಉತ್ತಮ ಜೀವನ ಶೈಲಿಗೆ ಕಾಲಿಟ್ಟ ಓರ್ವ ವ್ಯಕ್ತಿ. ನನ್ನ ವಯಸ್ಸು 43. ಒಟ್ಟು ಸಂಬಳ₹ 82,014. ಎಲ್ಲಾ ಕಡಿತದ ನಂತರ₹ 46,550 ಕೈಗೆ ಬರುತ್ತದೆ. ನಿಮ್ಮ ಸಲಹೆಯಂತೆ ಆರ್.ಡಿ. ಉಳಿತಾಯ ಹಾಗೂ ಗೃಹಸಾಲದಿಂದ ಮನೆಕಟ್ಟಿಸಿಕೊಂಡೆ. ನಿಮಗೆ ಹೃತ್ಪೂರ್ವಕ ಅಭಿನಂದನೆಗಳು. ನನಗೆ 15 ಹಾಗೂ 12 ವರ್ಷದ ಇಬ್ಬರು ಮಕ್ಕಳಿದ್ದಾರೆ. ನನ್ನ ನಿವೃತ್ತ ಜೀವನ ಸುಖಮಯವಾಗಲು ಸರಿಯಾದ ಮಾರ್ಗದರ್ಶನ ಮಾಡಿರಿ.

. ಸಿ. ಆಂಜನೇಯ, ಚಿತ್ರದುರ್ಗ

. ಉತ್ತರ: ನೀವು ನಿಜವಾಗಿ ಭಾಗ್ಯವಂತರು. ನಾನು ಪ್ರತೀ ವಾರ ಕೊಡುವ ಸಲಹೆ ಬಹಳ ಜನರಿಗೆ ಉತ್ತರವಾಗುವುದು ಸಹಜ. ಆದರೆ, ಎಷ್ಟು ಜನ ನಿಮ್ಮಂತಹ ವ್ಯಕ್ತಿಗಳು ಪರಿವರ್ತನೆಯಾಗಿ ಆದರ್ಶ ವ್ಯಕ್ತಿಯಾಗುತ್ತಾರೆ ಎನ್ನುವುದು ಮುಖ್ಯ. ನಿಮ್ಮ ಇಬ್ಬರು ಗಂಡುಮಕ್ಕಳ ಸಲುವಾಗಿ ತಲಾ₹ 10,000 ಗಳನ್ನು 10 ವರ್ಷಗಳ ಆರ್.ಡಿ. ಮಾಡಿರಿ. 10 ವರ್ಷಗಳಲ್ಲಿ ಶೇ 7 ಬಡ್ಡಿ ದರದಲ್ಲಿ ಉತ್ತಮ ಮೊತ್ತ ಪಡೆಯುವಿರಿ. ನಿಮಗೂ ನಿಮ್ಮ ಕುಟುಂಬಕ್ಕೂ ಉತ್ತಮ ಭವಿಷ್ಯ ಹಾರೈಸುತ್ತೇನೆ.

. ನಾನು ನಿಮ್ಮ ಅಂಕಣದಿಂದ ಪ್ರೇರಿತನಾಗಿ ಮದುವೆಗೆ ಮೊದಲು ಆರ್.ಡಿ. ಮಾಡಿ ಮದುವೆಯಾಗಿ ಆರಾಮವಾಗಿದ್ದೇನೆ. ನನ್ನ ಸಂಬಳ₹ 36,631. ಕಡಿತ₹ 12,245. ನಾನು ಇಲ್ಲಿ 30X40 ನಿವೇಶನ ಹೊಂದಿದ್ದು, ಈ ನಿವೇಶನದಲ್ಲಿ ಮನೆಕಟ್ಟಲು ಬ್ಯಾಂಕ್ ಸಾಲ ಅಥವಾ PMAY ಅಡಿ ನಿಮ್ಮ ಸಲಹೆ ಬೇಕಾಗಿದೆ.

. ಬಸವರಾಜು ಜಿ. ಕುಷ್ಟಗಿ

. ಉತ್ತರ: ಸಂಬಳ ಪಡೆಯುವ ಬ್ಯಾಂಕಿನಲ್ಲಿ PMAY ಯೋಜನೆಯಲ್ಲಿ ನೀವು ಬ್ಯಾಂಕಿನಿಂದ ಪಡೆಯುವ ಗೃಹಸಾಲದಲ್ಲಿ₹ 9 ಲಕ್ಷಗಳ ತನಕ ಶೇ 4 ಅನುದಾನಿತ ಬಡ್ಡಿ ಸೌಲತ್ತು ಇದೆ. ಮನೆಯ ಗಾತ್ರ 90 ಚದರ ಮೀಟರ್ ಒಳಗಿರಬೇಕು. ಸಾಲ ಮರುಪಾವತಿಗೆ ಗರಿಷ್ಠ ಅವಧಿ 20 ವರ್ಷ. ಇದರಿಂದ EMI ಗಣನೀಯವಾಗಿ ಕಡಿಮೆಯಾಗುತ್ತದೆ. ನಿಮಗೆ ಉತ್ತಮ ಭವಿಷ್ಯ ಹಾರೈಸುತ್ತೇನೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿವೃತ್ತ ಜೀವನ ಸುಖವಾಗಿರಲು ಮಾರ್ಗದರ್ಶನ ನೀಡಿ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

CBI ತನಿಖೆ ಹಿಂಪಡೆದ ಪ್ರಕರಣ: ಕರ್ನಾಟಕ ಸರ್ಕಾರ, DCM ಡಿಕೆಶಿಗೆ SC ನೋಟಿಸ್

ಶ್ರೀರಂಗಪಟ್ಟಣ: ದೇವರ ಅಭಿಷೇಕಕ್ಕೂ ಸಲ್ಲದ ಕಾವೇರಿ ನೀರು!

ನೆಟ್ಟಕಲ್ಲಪ್ಪ ಈಜು ಕೂಟ: ಅಂತರರಾಷ್ಟ್ರೀಯ ಈಜುಪಟುಗಳ ಪೈಪೋಟಿಗೆ ವೇದಿಕೆ ಸಿದ್ಧ

ರಣಜಿ ಟ್ರೋಫಿ ಕ್ರಿಕೆಟ್: ಸೋಲು ತಪ್ಪಿಸಲು ಕರ್ನಾಟಕ ಹೋರಾಟ

2ನೇ ‘ಟೆಸ್ಟ್‌’: ಮತ್ತೆ ಎಡವಿದ ಅಗ್ರ ಬ್ಯಾಟರ್‌ಗಳು

ಮುಂದಿನ ಒಲಿಂಪಿಕ್ಸ್‌ನಲ್ಲಿ ಸ್ಪರ್ಧೆ: ಪಿ.ವಿ. ಸಿಂಧು

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

CBI ತನಿಖೆ ಹಿಂಪಡೆದ ಪ್ರಕರಣ: ಕರ್ನಾಟಕ ಸರ್ಕಾರ, DCM ಡಿಕೆಶಿಗೆ SC ನೋಟಿಸ್

ಶ್ರೀರಂಗಪಟ್ಟಣ: ದೇವರ ಅಭಿಷೇಕಕ್ಕೂ ಸಲ್ಲದ ಕಾವೇರಿ ನೀರು!