ಬದುಕಿನ ದಿಕ್ಕು ಬದಲಿಸಿ ಕೊಬ್ಬರಿ ಎಣ್ಣೆ

ಹಗರಿಬೊಮ್ಮನಹಳ್ಳಿ: ಕೊಬ್ಬರಿ ಎಣ್ಣೆ ತಯಾರಿಸುವ ಘಟಕ ಸ್ಥಾಪಿಸಿ ಅದರಿಂದ ಬದುಕು ರೂಪಿಸಿಕೊಂಡಿದ್ದಾರೆ ಪಟ್ಟಣದ ನಿವಾಸಿ ಜಿ. ಶಿವಕುಮಾರ.

. ಡಿ. ಫಾರ್ಮಸಿ ಓದಿರುವ ಶಿವಕುಮಾರ ಕೆಲಕಾಲ ಸರ್ಕಾರಿ ಆಸ್ಪತ್ರೆಯಲ್ಲಿ ಗುತ್ತಿಗೆ ಆಧಾರದ ಮೇಲೆ ಕೆಲಸ ಮಾಡಿದರು. ಒಮ್ಮೆ ತಿಪಟೂರಿಗೆ ಹೋಗಿದ್ದ ಅವರು ಕೊಬ್ಬರಿ ಎಣ್ಣೆ ತಯಾರಿಸುವ ಘಟಕಕ್ಕೆ ಭೇಟಿ ಕೊಡುವ ಅವಕಾಶ ಸಿಕ್ಕಿತ್ತು. ಅದರ ಬಗ್ಗೆ ವಿವರವಾಗಿ ತಿಳಿದುಕೊಂಡ ಅವರು, ನಂತರ ₹6 ಲಕ್ಷ ಹೂಡಿಕೆ ಮಾಡಿ ಕೆಲಸ ಆರಂಭಿಸಿಯೇ ಬಿಟ್ಟರು. ಎಲ್ಲವೂ ಅವರು ಅಂದುಕೊಂಡಂತೆ ನಡೆದಿದ್ದರಿಂದ ಒಂದೇ ವರ್ಷದಲ್ಲಿ ಸಾಲ ಮರು ಪಾವತಿಸಿದರು.

. 1998ರಲ್ಲಿ ಆರಂಭಿಸಿದ ಘಟಕ ಇಂದಿಗೂ ನಡೆಸಿಕೊಂಡು ಹೋಗುತ್ತಿದ್ದಾರೆ. ಎಂದೂ ನಷ್ಟ ಅನುಭವಿಸಿಲ್ಲ. ಅವರ ಘಟಕ ಎಲ್ಲರ ಮನೆ ಮಾತಾಗಿದೆ. ಶಿವಕುಮಾರ ಅವರಿಗೆ ಜನ, ’ಕೊಬ್ಬರಿ ಎಣ್ಣಿ ಶಿವು‘ ಎಂಬ ಹೆಸರಿನಿಂದ ಕರೆಯುತ್ತಾರೆ. ಅವರ ಪ್ರಸಿದ್ಧಿಗೆ ಇದು ನಿದರ್ಶನ.

. ಒಂದು ಲೀಟರ್ ಎಣ್ಣೆ ತಯಾರಿಸಲು 2 ಕೆ.ಜಿ.ಕೊಬ್ಬರಿ ಬೇಕಾಗುತ್ತದೆ. ಕಚ್ಚಾ ವಸ್ತು, ದುಡಿಯುವವರಿಗೆ ಕೂಲಿ, ಪ್ಯಾಕಿಂಗ್ ಖರ್ಚು ಸೇರಿದಂತೆ ಒಟ್ಟು ₹224 ವೆಚ್ಚ ತಗಲುತ್ತದೆ. ಮಾರುಕಟ್ಟೆಯಲ್ಲಿ ಪ್ರತಿ ಲೀಟರ್ ಎಣ್ಣೆ ₹300ಕ್ಕೆ ಮಾರಾಟವಾಗುತ್ತದೆ. ಕೂದಲಿಗೆ ಬಳಸುವ ಎಣ್ಣೆ ಪ್ರತಿ ಲೀಟರ್ಗೆ ₹200, ದೀಪ ಹಚ್ಚಲು ಬಳಸುವ ಎಣ್ಣೆಗೆ ₹110 ಸಗಟಿನಲ್ಲಿ ಮಾರಾಟ ಮಾಡುತ್ತಾರೆ. ನಾಲ್ಕು ಜನರನ್ನು ಕೆಲಸಕ್ಕೆ ಇಟ್ಟುಕೊಂಡಿದ್ದಾರೆ. ತಿಂಗಳಿಗೆ ಒಬ್ಬರಿಗೆ ತಲಾ ₹6 ಸಾವಿರ ಪಾವತಿಸುತ್ತಾರೆ. ದಿನಕ್ಕೆ 90 ಲೀಟರ್ ಎಣ್ಣೆ ತಯಾರಿಸುತ್ತಾರೆ. ತಿಂಗಳಿಗೆ ₹25 ಸಾವಿರ ನಿವ್ವಳ ಲಾಭ ಗಳಿಸುತ್ತಾರೆ.

. ’ಫಿಲ್ಟರ್ ಆದ ಎಣ್ಣೆಯನ್ನು ಖಾದ್ಯ ತಯಾರಿಕೆಗೆ ಬಳಸಲಾಗುತ್ತದೆ. ನರ ಸಂಬಂಧಿತ ಕಾಯಿಲೆ, ಪಾರ್ಶ್ವವಾಯು ಪೀಡಿತರಿಗೆ ಕೊಬ್ಬರಿ ಎಣ್ಣೆ ಅತ್ಯುತ್ತಮ ಟಾನಿಕ್ನಂತೆ ಕೆಲಸ ಮಾಡುತ್ತದೆ. ದೇಹಕ ತೂಕ ಇಳಿಕೆಗೂ ಇದೇ ಎಣ್ಣೆಯನ್ನು ಬಹಳ ಜನ ಉಪಯೋಗಿಸುತ್ತಾರೆ. ಯಾವುದೇ ರೀತಿಯ ಸುಗಂಧ ದ್ರವ್ಯ, ರಾಸಾಯನಿಕ ಬಳಸುವುದಿಲ್ಲ. ಹೀಗಾಗಿ ನಮ್ಮಲ್ಲಿ ತಯಾರಾಗುವ ಎಣ್ಣೆಗೆ ಬಹಳ ಬೇಡಿಕೆ ಇದೆ. ಬರುವ ದಿನಗಳಲ್ಲಿ ಈ ಘಟಕವನ್ನು ವಿಸ್ತರಿಸುವ ಆಲೋಚನೆ ಹೊಂದಿದ್ದೇನೆ‘ ಎಂದು ಶಿವಕುಮಾರ ತಿಳಿಸಿದರು.

. ಶಿವಕುಮಾರ ಅವರ ಕೆಲಸ ಅವರಿಗಷ್ಟೇ ಸೀಮಿತವಾಗಿಲ್ಲ. ಅವರು ಯುವಕರಿಗೆ ಎಣ್ಣೆ ತಯಾರಿಸುವುದರ ಕುರಿತು ತರಬೇತಿ ನೀಡುವ ಕೆಲಸವೂ ಮಾಡುತ್ತಿದ್ದಾರೆ. ಈಗಾಗಲೇ 20 ಯುವಕರು ಅದರ ಬಗ್ಗೆ ತಿಳಿದುಕೊಂಡಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬದುಕಿನ ದಿಕ್ಕು ಬದಲಿಸಿ ಕೊಬ್ಬರಿ ಎಣ್ಣೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಸಂಕಷ್ಟದಲ್ಲಿ ಆಸ್ಟ್ರೇಲಿಯಾ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು