ದಿನದ ಸೂಕ್ತಿ: ನಿಜವಾದ ಸ್ನೇಹಿತ

ಪಾಪನ್ನಿವಾರಯತಿ ಯೋಜಯತೇ ಹಿತಾಯ

. ಗುಹ್ಯಂ ನಿಗೂಹೂತಿ ಗುಣಾನ್ ಪ್ರಕಟೀಕರೋತಿ ।

. ಆಪದ್ಗತಂ ಚ ನ ಜಹಾತಿ ದದಾತಿ ಕಾಲೇ

. ಸನ್ಮಿತ್ರಲಕ್ಷಣಮಿದಂ ಪ್ರವದಂತಿ ಸಂತಃ ।।

. ಇದರ ತಾತ್ಪರ್ಯ ಹೀಗೆ: ನಿಜವಾದ ಸ್ನೇಹಿತ

. ‘ಪಾಪದ ಕೆಲಸ ಮಾಡುವುದನ್ನು ತಪ್ಪಿಸುತ್ತಾನೆ; ಒಳ್ಳೆಯ ದಾರಿಯಲ್ಲಿಯೇ ನಮ್ಮನ್ನು ನಡೆಸುತ್ತಾನೆ; ನಮ್ಮ ಗುಟ್ಟನ್ನು ಬಚ್ಚಿಡುತ್ತಾನೆ; ಗುಣಗಳನ್ನೇ ಪ್ರಕಟಪಡಿಸುತ್ತಾನೆ; ಕಷ್ಟದಲ್ಲಿರುವಾಗ ನಮ್ಮನ್ನು ಬಿಟ್ಟುಹೋಗುವುದಿಲ್ಲ; ಕಷ್ಟದ ಸಮಯದಲ್ಲಿ ನಮಗೆ ಹಣ ಮುಂತಾದ ಆವಶ್ಯಕತೆಗಳನ್ನು ಒದಗಿಸುತ್ತಾನೆ – ಈ ಗುಣಗಳೇ ಸನ್ಮಿತ್ರನ ಲಕ್ಷಣ.‘

. ದಿನದ ಸೂಕ್ತಿ ಕೇಳಿ:

. ಮಿತ್ರ ಎಂದರೆ ಯಾರು ಎನ್ನುವುದನ್ನು ಸುಭಾಷಿತ ತುಂಬ ಸೊಗಸಾಗಿ ನಿರೂಪಿಸಿದೆ.

. ಸ್ನೇಹ ಎನ್ನುವುದು ಹೊಣೆಗಾರಿಕೆಯೆ ಹೊರತು ಅವಕಾಶವಾದ ಅಲ್ಲ – ಎಂಬ ಮಾತಿದೆ. ಈ ಮಾತನ್ನು ಸುಭಾಷಿತ ಎತ್ತಿಹಿಡಿದಿದೆ.

. ಜೀವನದಲ್ಲಿ ನಾವು ಎಡವುತ್ತಲೇ ಇರುತ್ತೇವೆ. ಹೀಗೆ ನಾವು ಎಡವದಂತೆ ನೋಡಿಕೊಳ್ಳುವವನೂ, ಎಡವಿದಾಗ ಬೀಳದಂತೆಯೂ, ಬಿದ್ದಾಗ ಸಂತೈಸುವವನೂ ಯಾರೊ ಅವನೇ ಸ್ನೇಹಿತ. ಇದು ಸುಭಾಷಿತ ಇಲ್ಲಿ ನೀಡಿರುವ ಸೂತ್ರ.

. ಪಾಪದ ಕೆಲಸಗಳನ್ನು ಮಾಡಿದಾಗ ನಮ್ಮನ್ನು ಹಾಗೆ ಮಾಡದಂತೆ ತಡೆಯುತ್ತಾನೆ ದಿಟವಾದ ಸ್ನೇಹಿತ. ನಮಗೆ ಯಾರು ಬುದ್ಧಿ ಹೇಳಬಲ್ಲರೋ ಅವರೇ ನಿಜವಾದ ಹಿತೈಷಿಗಳು, ಸ್ನೇಹಿತರು. ಸ್ನೇಹಿತರಲ್ಲದವರು, ಹಿತೈಷಿಗಳಲ್ಲದವರು ನಮಗೆ ಬುದ್ಧಿ ಹೇಳುವುದಿಲ್ಲ. ನಮಗೆ ಯಾರಾದರೂ ಬುದ್ಧಿ ಹೇಳಿದರೆ ಅದನ್ನು ನಾವು ಸುಲಭವಾಗಿ ಸ್ವೀಕರಿಸುವುದಿಲ್ಲ; ಮಾತ್ರವಲ್ಲ, ಅಂಥವರನ್ನು ನಾವು ದೂರಮಾಡುವುದೂ ಉಂಟು. ಹೀಗಾಗಿ ಬುದ್ಧಿ ಹೇಳುವ ಕೆಲಸವನ್ನು ನಮ್ಮ ನಿಜವಾದ ಸ್ನೇಹಿತರು ಮಾತ್ರವೇ ಮಾಡಬಲ್ಲವರು.

. ತಪ್ಪು ಮಾಡಬೇಡ ಎಂದು ಹೇಳಿದರಷ್ಟೆ ಸಾಲದು; ಒಳ್ಳೆಯ ದಾರಿ ಯಾವುದೆಂಬುದನ್ನೂ ತೋರಿಸಬೇಕು. ಸ್ನೇಹಿತ ಈ ಕೆಲಸವನ್ನೂ ಮಾಡುತ್ತಾನೆ.

. ನಾವು ನಮ್ಮ ಗುಟ್ಟುಗಳನ್ನು ಸ್ನೇಹಿತರೊಂದಿಗೆ ಹಂಚಿಕೊಳ್ಳುತ್ತಿರುತ್ತೇವೆ. ಅಥವಾ ನಮ್ಮೊಂದಿಗೆ ಅವರು ಹೆಚ್ಚಿನ ಸಮಯದಲ್ಲಿ ಇರುತ್ತಾರೆ; ಹೀಗಾಗಿ ಅವರಿಗೆ ನಮ್ಮ ಹಲವು ವಿಷಯಗಳು ಗೊತ್ತಿರುತ್ತವೆ. ಈ ಗುಟ್ಟುಗಳನ್ನು ಯಾರೊಂದಿಗೂ ಹಂಚಿಕೊಳ್ಳದಿರುವುದೇ ಸ್ನೇಹಿತನ ನಿಜವಾದ ಲಕ್ಷಣ. ನಮ್ಮ ಗುಟ್ಟುಗಳನ್ನು ಬಳಸಿಕೊಂಡು ಅವನು ನಮಗೆ ದ್ರೋಹವನ್ನು ಉಂಟುಮಾಡಲಾರ.

. ಸ್ನೇಹಿತನಾದವನು ನಮ್ಮ ಒಳ್ಳೆಯ ಗುಣಗಳನ್ನು ಮಾತ್ರವೇ ಲೋಕದ ಮುಂದೆ ಪ್ರಕಟಪಡಿಸುತ್ತಾನೆ. ಏಕೆಂದರೆ ಅವನು ಸದಾ ನಮ್ಮ ಏಳಿಗೆಯನ್ನೇ ಬಯಸುತ್ತಾನೆ.

. ಸ್ನೇಹಿತನ ಇನ್ನೊಂದು ಮುಖ್ಯ ಲಕ್ಷಣ ಎಂದರೆ ನಾವು ಕಷ್ಟದಲ್ಲಿದ್ದಾಗ ಅವನು ನಮ್ಮನ್ನು ಬಿಟ್ಟುಹೋಗುವುದಿಲ್ಲ. ಅಷ್ಟೇ ಅಲ್ಲ, ಆ ಸಮಯದಲ್ಲಿ ನಮಗೆ ಬೇಕಾದ ಸಹಾಯವನ್ನೂ ಮಾಡುತ್ತಾನೆ.

. ಸ್ನೇಹಿತನಾದವನು ಹೀಗೆ ಸದಾ ನಮಗೆ ಒಳಿತನ್ನೇ ಬಯಸುವವನೂ ಮಾಡುವವನೂ ಆಗಿರುತ್ತಾನೆ. ಇನ್ನೊಂದು ಸುಭಾಷಿತ ಸ್ನೇಹಿತನ ಬಗ್ಗೆ ಹೀಗೆಂದಿದೆ:

. ಕೇನಾಮೃತಮಿದಂ ಸೃಷ್ಟಂ ಮಿತ್ರಮಿತ್ಯಕ್ಷರದ್ವಯಮ್ ।

. ಆಪದಾಂ ಚ ಪರಿತ್ರಾಣಂ ಶೋಕಸಂತಾಪಭೇಷಜಮ್ ।।

. ಇದರ ತಾತ್ಪರ್ಯ:

. ‘ಅಮೃತಪ್ರಾಯವಾದುದೂ, ಕಷ್ಟಗಳಿಂದ ಕಾಪಾಡುವುದೂ, ದುಃಖ–ಸಂತಾಪಗಳಿಗೆ ಔಷಧದಂತೆ ಒದಗುವಂಥದ್ದೂ ಆದ ‘ಮಿತ್ರ‘ ಎಂಬ ಎರಡು ಅಕ್ಷರವನ್ನು ಯಾರು ಸೃಷ್ಟಿಮಾಡಿದರೋ?‘

. ಇಂಥ ಆದರ್ಶ ಮಿತ್ರ ನಮಗೆ ಸಿಕ್ಕರೆ ಜೀವನದಲ್ಲಿ ಬೇರೆ ಯಾವ ಸಂಪತ್ತು ತಾನೆ ಬೇಕಾದೀತು, ಅಲ್ಲವೆ?

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ನಿಜವಾದ ಸ್ನೇಹಿತ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

Perth Test: ಬ್ಯಾಟರ್‌ಗಳ ವೈಫಲ್ಯ; ಭಾರತ 150ಕ್ಕೆ ಆಲೌಟ್

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ