<p>ಉದ್ಯೋಗಃ ಖಲು ಕರ್ತವ್ಯಃ ಫಲಂ ಮಾರ್ಜಾರವದ್ಭವೇತ್ ।</p>.<p>ಜನ್ಮಪ್ರಭೃತಿ ಗೌರ್ನಾಸ್ತಿ ಪಯಃ ಪಿಬತಿ ನಿತ್ಯಶಃ ।।</p>.<p>ಇದರ ತಾತ್ಪರ್ಯ ಹೀಗೆ:</p>.<p>‘ಮನುಷ್ಯನು ಯಾವುದಾದರೊಂದು ಉದ್ಯೋಗವನ್ನು ಮಾಡಲೇಬೇಕು, ಬೆಕ್ಕಿನಂತೆ. ಅದೇನೂ ಹಸುವನ್ನು ಸಾಕುವುದಿಲ್ಲ; ಆದರೆ ನಿತ್ಯವೂ ಹಾಲನ್ನು ಕುಡಿಯುತ್ತದೆಯಷ್ಟೆ!’</p>.<p>ಇದೊಂದು ಸ್ವಾರಸ್ಯಕರವಾದ ಸುಭಾಷಿತ; ತಪ್ಪಾಗಿ ಅರ್ಥಮಾಡಿಕೊಳ್ಳುವ ಸಾಧ್ಯತೆಯೂ ಇಲ್ಲದಿಲ್ಲ.</p>.<p>ನಾವೆಲ್ಲರೂ ಯಾವುದಾದರೊಂದು ಉದ್ಯೋಗದಲ್ಲಿರಲೇ ಬೇಕು; ಜೀವನದಲ್ಲಿ ನಾವು ಸೋಮಾರಿಗಳಾಗಬಾರದು. ಇದನ್ನು ಮುಖ್ಯವಾಗಿ ಸುಭಾಷಿತ ಹೇಳುತ್ತಿರುವುದು.</p>.<p>ಜೀವನದಲ್ಲಿ ಸಾಧನೆಯನ್ನು ಮಾಡಲು ನಮಗೆ ಸಲಕರಣೆಗಳು ಸಾಲವು ಎಂದು ಕೊರಗುತ್ತಲೇ ಇರುತ್ತೇವೆ. ಇಲ್ಲದ ಅವಕಾಶಗಳನ್ನು ನೆಪ ಮಾಡಿಕೊಂಡು ಜಡರಾಗುತ್ತೇವೆ; ಅಥವಾ ಕೊರಗಿ ಕೊರಗಿ ಹತಾಶರಾಗುತ್ತೇವೆ. ಸುಭಾಷಿತ ಇಲ್ಲೊಂದು ಸುಂದರವಾದ ಉದಾಹರಣೆಯೊಂದನ್ನು ಕೊಟ್ಟಿದೆ.</p>.<p>ಬೆಕ್ಕು ಕುಡಿಯವುದೇ ಹಾಲನ್ನು. ಹೀಗೆಂದು ಅದು ಹಸುವನ್ನು ಸಾಕಿದೆಯೆ? ಇಲ್ಲವಲ್ಲ! ಅದು ಹೇಗಾದರೂ ಹಾಲನ್ನು ಸಂಪಾದಿಸಿಕೊಳ್ಳುತ್ತದೆ, ಅಲ್ಲವೆ? ಇಲ್ಲೊಂದು ಸಮಸ್ಯೆಯುಂಟು. ಬೆಕ್ಕಿನಂತೆ ನಾವು ಕೂಡ ನಮಗೆ ಬೇಕಾಗಿರುವ ವಸ್ತುವಿಗಾಗಿ ಅಲ್ಲಿ ಇಲ್ಲಿ ಹೊಂಚುಹಾಕಿ ಕಾಯುತ್ತ, ಸಮಯ ಸಿಕ್ಕಾಗ ಮೋಸದಿಂದ ಅದನ್ನು ಲಪಟಾಯಿಸಬೇಕೆ – ಎಂಬ ಪ್ರಶ್ನೆ ಎದುರಾಗಬಹುದು. ಆದರೆ ಇದು ಸುಭಾಷಿತವನ್ನು ವಿಪರೀತವಾಗಿ ಅರ್ಥಮಾಡಿಕೊಳ್ಳುವ ಬಗೆಯಷ್ಟೆ. ಇಲ್ಲಿ ತಾತ್ಪರ್ಯ ಇರುವುದು, ಕ್ರಿಯಾಶೀಲತೆಯ ಬಗ್ಗೆ.</p>.<p>ನಾವು ಜೀವನದಲ್ಲಿ ಯಶಸ್ಸನ್ನು ಸಂಪಾದಿಸಲು ನಮಗೆ ಬೇಕಿರುವುದು ಉತ್ಸಾಹ–ಕ್ರಿಯಾಶೀಲತೆಗಳೇ ಹೊರತು ಸಾಧನ–ಸಲಕರಣಗಳು ಅಲ್ಲ. ಅದಿಲ್ಲ, ಇದಿಲ್ಲ – ಎಂದು ಕೊರಗಿ, ಸೋಮಾರಿಗಳಾದುವುದರಲ್ಲಿ ಅರ್ಥವೇ ಇಲ್ಲ; ನಿರಂತರ ಪ್ರಯತ್ನ ಪಡುತ್ತಲೇ ಇರಬೇಕು; ಯಾವುದಾದರೊಂದು ಚಟುವಟಿಕೆಯಲ್ಲಿ ತೊಡಗಿಕೊಳ್ಳಬೇಕು. ಆಗ ನಾವು ಗುರಿಯನ್ನು ಮುಟ್ಟಲು ಸಾಧ್ಯ. ಇದು ಸುಭಾಷಿತದ ಸಂದೇಶ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಉದ್ಯೋಗಃ ಖಲು ಕರ್ತವ್ಯಃ ಫಲಂ ಮಾರ್ಜಾರವದ್ಭವೇತ್ ।</p>.<p>ಜನ್ಮಪ್ರಭೃತಿ ಗೌರ್ನಾಸ್ತಿ ಪಯಃ ಪಿಬತಿ ನಿತ್ಯಶಃ ।।</p>.<p>ಇದರ ತಾತ್ಪರ್ಯ ಹೀಗೆ:</p>.<p>‘ಮನುಷ್ಯನು ಯಾವುದಾದರೊಂದು ಉದ್ಯೋಗವನ್ನು ಮಾಡಲೇಬೇಕು, ಬೆಕ್ಕಿನಂತೆ. ಅದೇನೂ ಹಸುವನ್ನು ಸಾಕುವುದಿಲ್ಲ; ಆದರೆ ನಿತ್ಯವೂ ಹಾಲನ್ನು ಕುಡಿಯುತ್ತದೆಯಷ್ಟೆ!’</p>.<p>ಇದೊಂದು ಸ್ವಾರಸ್ಯಕರವಾದ ಸುಭಾಷಿತ; ತಪ್ಪಾಗಿ ಅರ್ಥಮಾಡಿಕೊಳ್ಳುವ ಸಾಧ್ಯತೆಯೂ ಇಲ್ಲದಿಲ್ಲ.</p>.<p>ನಾವೆಲ್ಲರೂ ಯಾವುದಾದರೊಂದು ಉದ್ಯೋಗದಲ್ಲಿರಲೇ ಬೇಕು; ಜೀವನದಲ್ಲಿ ನಾವು ಸೋಮಾರಿಗಳಾಗಬಾರದು. ಇದನ್ನು ಮುಖ್ಯವಾಗಿ ಸುಭಾಷಿತ ಹೇಳುತ್ತಿರುವುದು.</p>.<p>ಜೀವನದಲ್ಲಿ ಸಾಧನೆಯನ್ನು ಮಾಡಲು ನಮಗೆ ಸಲಕರಣೆಗಳು ಸಾಲವು ಎಂದು ಕೊರಗುತ್ತಲೇ ಇರುತ್ತೇವೆ. ಇಲ್ಲದ ಅವಕಾಶಗಳನ್ನು ನೆಪ ಮಾಡಿಕೊಂಡು ಜಡರಾಗುತ್ತೇವೆ; ಅಥವಾ ಕೊರಗಿ ಕೊರಗಿ ಹತಾಶರಾಗುತ್ತೇವೆ. ಸುಭಾಷಿತ ಇಲ್ಲೊಂದು ಸುಂದರವಾದ ಉದಾಹರಣೆಯೊಂದನ್ನು ಕೊಟ್ಟಿದೆ.</p>.<p>ಬೆಕ್ಕು ಕುಡಿಯವುದೇ ಹಾಲನ್ನು. ಹೀಗೆಂದು ಅದು ಹಸುವನ್ನು ಸಾಕಿದೆಯೆ? ಇಲ್ಲವಲ್ಲ! ಅದು ಹೇಗಾದರೂ ಹಾಲನ್ನು ಸಂಪಾದಿಸಿಕೊಳ್ಳುತ್ತದೆ, ಅಲ್ಲವೆ? ಇಲ್ಲೊಂದು ಸಮಸ್ಯೆಯುಂಟು. ಬೆಕ್ಕಿನಂತೆ ನಾವು ಕೂಡ ನಮಗೆ ಬೇಕಾಗಿರುವ ವಸ್ತುವಿಗಾಗಿ ಅಲ್ಲಿ ಇಲ್ಲಿ ಹೊಂಚುಹಾಕಿ ಕಾಯುತ್ತ, ಸಮಯ ಸಿಕ್ಕಾಗ ಮೋಸದಿಂದ ಅದನ್ನು ಲಪಟಾಯಿಸಬೇಕೆ – ಎಂಬ ಪ್ರಶ್ನೆ ಎದುರಾಗಬಹುದು. ಆದರೆ ಇದು ಸುಭಾಷಿತವನ್ನು ವಿಪರೀತವಾಗಿ ಅರ್ಥಮಾಡಿಕೊಳ್ಳುವ ಬಗೆಯಷ್ಟೆ. ಇಲ್ಲಿ ತಾತ್ಪರ್ಯ ಇರುವುದು, ಕ್ರಿಯಾಶೀಲತೆಯ ಬಗ್ಗೆ.</p>.<p>ನಾವು ಜೀವನದಲ್ಲಿ ಯಶಸ್ಸನ್ನು ಸಂಪಾದಿಸಲು ನಮಗೆ ಬೇಕಿರುವುದು ಉತ್ಸಾಹ–ಕ್ರಿಯಾಶೀಲತೆಗಳೇ ಹೊರತು ಸಾಧನ–ಸಲಕರಣಗಳು ಅಲ್ಲ. ಅದಿಲ್ಲ, ಇದಿಲ್ಲ – ಎಂದು ಕೊರಗಿ, ಸೋಮಾರಿಗಳಾದುವುದರಲ್ಲಿ ಅರ್ಥವೇ ಇಲ್ಲ; ನಿರಂತರ ಪ್ರಯತ್ನ ಪಡುತ್ತಲೇ ಇರಬೇಕು; ಯಾವುದಾದರೊಂದು ಚಟುವಟಿಕೆಯಲ್ಲಿ ತೊಡಗಿಕೊಳ್ಳಬೇಕು. ಆಗ ನಾವು ಗುರಿಯನ್ನು ಮುಟ್ಟಲು ಸಾಧ್ಯ. ಇದು ಸುಭಾಷಿತದ ಸಂದೇಶ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
