ದಿನದ ಸೂಕ್ತಿ: ಮಾನುಷಪ್ರೀತಿ

ಪಂಚಭಿಃ ಸಹ ಗಂತವ್ಯಂ ಸ್ಥಾತವ್ಯಂ ಪಂಚಭಿಸ್ಸಹ ।

. ಪಂಚಭಿಃ ಸಹ ವಕ್ತವ್ಯಂ ನ ದುಃಖಂ ಪಂಚಭಿಸ್ಸಹ ।।

. ಇದರ ತಾತ್ಪರ್ಯ ಹೀಗೆ:

. ‘ಐದು ಜನರೊಡನೆ ನಡೆಯಬೇಕು; ಐವರೊಡನೆ ನಿಲ್ಲಬೇಕು; ಐವರೊಡನೆ ಮಾತನಾಡಬೇಕು. ಐವರೊಡನೆ ಇದ್ದಾಗ ದುಃಖವಿರದು.’

. ಕೂಡಿ ಬಾಳಿದರೆ ಸ್ವರ್ಗಸುಖ – ಎಂಬ ಮಾತಿದೆಯಲ್ಲವೆ? ಈ ಮಾತಿನ ತಾತ್ಪರ್ಯವನ್ನೇ ಈ ಸುಭಾಷಿತ ಹೇಳುತ್ತಿರುವುದು.

. ಮನುಷ್ಯ ಸಂಘಜೀವಿ; ಒಂಟಿಯಾಗಿರಲು ಅಸಾಧ್ಯ. ಹೀಗಾಗಿಯೇ ಅವನು ಕುಟುಂಬ, ಸಮಾಜ, ದೇಶ – ಇವೆಲ್ಲವನ್ನೂ ಸೃಷ್ಟಿಸಿಕೊಂಡಿದ್ದು ಎಂದೆನಿಸುತ್ತದೆ. ಅವನೊಂದಿಗೆ ಮಾತನಾಡಲು ಜನರು ಬೇಕು; ಸುಖ–ದುಃಖಗಳನ್ನು ಹಂಚಿಕೊಳ್ಳಲು ಜನರು ಬೇಕು; ಪ್ರೀತಿಗೂ ಅವನಿಗೆ ಜನರು ಬೇಕು, ದ್ವೇಷಕ್ಕೂ ಜನರು ಬೇಕು. ಒಟ್ಟಿನಲ್ಲಿ ಜನರ ಸಂಪರ್ಕ ಮತ್ತು ಸಾಮೀಪ್ಯ ಇಲ್ಲದೆಹೋದರೆ ನಾವು ಯಾರೂ ಆರೋಗ್ಯವಾಗಿರಲು ಸಾಧ್ಯವಾಗದು; ಮನುಷ್ಯರಾಗಿ ಬದುಕಲು ಸಾಧ್ಯವಾಗದು.

. ಕಾರಿರುಳೊಳಾಗಸದಿ ತಾರೆ ನೂರಿದ್ದೇನು?।

. ದಾರಿಗನ ಕಣ್ಗೆ ಬೇಕೊಂದು ಮನೆಬೆಳಕು ॥

. ದೂರದಾ ದೈವವಂತಿರಲಿ, ಮಾನುಷಸಖನ ।

. ಕೋರುವುದು ಬಡಜೀವ – ಮಂಕುತಿಮ್ಮ ॥

. ಕಗ್ಗದ ಈ ಪದ್ಯ ಮನುಷ್ಯನ ಮಾನುಷಪ್ರೇಮದ ಅನಿವಾರ್ಯತೆಯನ್ನು ಸೊಗಸಾಗಿ ನಿರೂಪಿಸಿದೆ.

. ಎಲ್ಲೋ ದೂರದಲ್ಲಿರುವ ನಕ್ಷತ್ರಗಳೋ ಗ್ರಹಗಳೋ ಮನುಷ್ಯನ ಸ್ನೇಹಾಭಿಲಾಷೆಯ ತೀವ್ರತೆಯನ್ನು ತಣಿಸದು. ದೇವರೊಂದಿಗಿನ ಸಾಮೀಪ್ಯ ಕೂಡ ಮನುಷ್ಯನ ಸಖ್ಯದ ಹಂಬಲಕ್ಕೆ ಪರ್ಯಾಯವಾಗಲಾರದು. ’ಮಾನುಷಸಖನ ಕೋರುವುದು ಬಡಜೀವ‘ ಎಂಬ ಮಾತು ಇಲ್ಲಿ ಮನನೀಯ. ತನ್ನಂತೆಯೇ ಇರುವ ಇನ್ನೊಂದು ಜೀವವನ್ನು ಮನುಷ್ಯ ಬಯಸುತ್ತಾನೆಯೇ ವಿನಾ ಮತ್ತೊಂದು ಜೀವಿಯನ್ನು ಅಲ್ಲ. ಮನುಷ್ಯನ ಈ ಆವಶ್ಯಕತೆಯನ್ನು ಅರಿತೇ ಸುಭಾಷಿತ ಹೇಳುತ್ತಿರುವುದು, ಜನರೊಂದಿಗೆ ಜನರು ಬಾಳಬೇಕು ಎಂದು.

. ಐದು ಜನರೊಡನೆ ನಡೆಯಬೇಕು; ಐವರೊಡನೆ ನಿಲ್ಲಬೇಕು; ಐವರೊಡನೆ ಮಾತನಾಡಬೇಕು. ಐವರೊಡನೆ ಇದ್ದಾಗ ದುಃಖವಿರದು.

. ಇಲ್ಲಿ ಐದು ಎಂದು ಹೇಳುತ್ತಿರುವುದು ಜನರೊಂದಿಗೆ ಎಂಬ ಅರ್ಥದಲ್ಲಿ, ಸಮೂಹ ಎಂಬ ಅರ್ಥದಲ್ಲಿ. ಸುಖವನ್ನಾಗಲೀ ದುಃಖವನ್ನಾಗಲೀ ಮನುಷ್ಯ ತಾನೊಬ್ಬನೇ ಅನುಭವಿಸಲಾರ. ಮನುಷ್ಯ ಒಂಟಿಯಾಗಿರಲಾರ; ಒಂಟಿಯಾಗಿದ್ದರೆ ಅವನು ಮನುಷ್ಯನಾಗಿರಲಾರ.

. ನಾವು ಆರೋಗ್ಯವಾಗಿ ಬದುಕಬೇಕಾದರೆ ನಮಗೆ ಸಹಮಾನವರ ಸ್ನೇಹ–ವಿಶ್ವಾಸ–ಪ್ರೀತಿ ಬೇಕು. ಈ ಸ್ನೇಹ–ವಿಶ್ವಾಸ–ಪ್ರೀತಿ ನಮಗೆ ಬೇಕಿರುವಂತೆಯೇ ನಮ್ಮ ಸಹಮಾನವರಿಗೂ ಬೇಕಿರುತ್ತದೆಯಲ್ಲವೆ? ನಾವು ಏನನ್ನು ಇತರರಿಗೆ ಕೊಡುತ್ತೇವೆಯೋ ಅದೇ ನಮಗೆ ದಕ್ಕುತ್ತದೆ ಎಂಬುದನ್ನು ನಾವು ಯಾರೂ ಮರೆಯಬಾರದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಮಾನುಷಪ್ರೀತಿ

ಚಿನಕುರುಳಿ | ಬುಧವಾರ, ನವೆಂಬರ್ 20 2024

ಚುರುಮುರಿ: ಖುಷಿ ಮೇಳ

ರಾಧಿಕಾ ಕುಮಾರಸ್ವಾಮಿ HDKಗೆ ಕರಿಯ ಅಂದಾಗ ತೊಂದರೆಯಾಗಿರಲಿಲ್ಲ: ತೇಜಸ್ವಿನಿ ಗೌಡ

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024

ಸೋಲಿನೊಂದಿಗೆ ಟೆನಿಸ್ ವೃತ್ತಿ ಜೀವನಕ್ಕೆ ರಫೆಲ್ ನಡಾಲ್ ಭಾವನಾತ್ಮಕ ವಿದಾಯ

ಫುಟ್ಬಾಲ್: ಅಮ್ಮತ್ತಿಯ ನಿಯೋನ್ ತಂಡಕ್ಕೆ ಪ್ರಶಸ್ತಿ

ಪಾಕಿಸ್ತಾನದಲ್ಲಿ ಅಂಧರ ಟಿ20 ವಿಶ್ವಕಪ್: ಭಾರತ ತಂಡಕ್ಕೆ ಸಿಗದ ಅನುಮತಿ

ಕೊಹ್ಲಿ ಸುತ್ತ ಹೇಳಿಕೆಗಳ ಬಾಣ ಬಿರುಸು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಬುಧವಾರ, ನವೆಂಬರ್ 20 2024

ಚುರುಮುರಿ: ಖುಷಿ ಮೇಳ

ರಾಧಿಕಾ ಕುಮಾರಸ್ವಾಮಿ HDKಗೆ ಕರಿಯ ಅಂದಾಗ ತೊಂದರೆಯಾಗಿರಲಿಲ್ಲ: ತೇಜಸ್ವಿನಿ ಗೌಡ

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024