ದಿನದ ಸೂಕ್ತಿ | ಹಣಕ್ಕೆ ಮೂರು ಗತಿಗಳು

ದಾನಂ ಭೋಗೋ ನಾಶಸ್ತಿಸ್ರೋ ಗತಯೋ ಭವಂತಿ ವಿತ್ತಸ್ಯ । ಯೋ ನ ದದಾತಿ ನ ಭುಂಕ್ತೇ ತಸ್ಯ ತೃತೀಯಾ ಗತಿರ್ಭವತಿ ।।

. ಇದರ ತಾತ್ಪರ್ಯ ಹೀಗೆ

. ‘ದಾನ, ಭೋಗ ಮತ್ತು ನಾಶ – ಇವು ಮೂರು ಹಣಕ್ಕಿರುವ ಗತಿಗಳು; ಯಾರು ದಾನ ಮಾಡುವುದಿಲ್ಲವೋ ತಾವೂ ಅನುಭವಿಸುವುದಿಲ್ಲವೋ ಅಂಥವರ ಹಣಕ್ಕೆ ಮೂರನೆಯ ಗತಿಯೇ ಆಗುತ್ತದೆ.‘

. ಯಾವುದು ಮೂರನೇ ಗತಿ? ಅದೇ ನಾಶ.

. ಸದ್ಯದ ಪರಿಸ್ಥಿತಿಗೆ ಹೇಳಿಮಾಡಿಸಿದಂತಿದೆ ’ನೀತಿಶತಕ‘ದ ಈ ಪದ್ಯ. ಹಣವನ್ನು, ಸಂಪತ್ತನ್ನು ಯದ್ವಾ ತದ್ವಾ ಸಂಪಾದಿಸಿರುವ ಧನಿಕರೂ ರಾಜಕಾರಣಿಗಳೂ ತಪ್ಪದೆ ಈ ಶ್ಲೋಕದ ಕಡಗೆ ಗಮನವನ್ನು ಹರಿಸಲಿ ಎಂಬ ಆಶಯದೊಂದಿಗೆ ವಿವರಣೆಯ ಕಡೆಗೆ ತಿರುಗೋಣ.

. ಹಣಕ್ಕೆ ಮೂರು ಅವಸ್ಥೆಗಳಿವೆ; ಅದು ಈ ಮೂರು ಸ್ಥಿತಿಗಳಲ್ಲಿಯೇ ತನ್ನ ಗತಿಯನ್ನು ಕಾಣುತ್ತದೆ ಎಂಬ ನಿಲವು ಈ ಸುಭಾಷಿತದ್ದು. ಈ ಮೂರು ಅವಸ್ಥೆಗಳು ಯಾವುವೆಂದರೆ ಮೊದಲನೆಯದು ದಾನ, ಎರಡನೆಯದು ಭೋಗ ಮತ್ತು ಮೂರನೆಯದು ನಾಶ.

. ದಾನ ಎಂದರೆ ಇನ್ನೊಬ್ಬರಿಗೆ ಕೊಡುವುದು. ನಮ್ಮಲ್ಲಿರುವ ಸಂಗ್ರಹವನ್ನು ನಿರಂತರವಾಗಿ ಖಾಲಿ ಮಾಡಿಕೊಳ್ಳಬೇಕು; ಎಂದರೆ ನಮ್ಮ ಸಂಪತ್ತನ್ನು ಯೋಗ್ಯರಾದವರಿಗೆ ದಾನವಾಗಿ ನೀಡಬೇಕು. ದಾನ – ಎಂದರೆ ವಿತರಣಶೀಲತೆ; ಹಂಚುವುದು. ಈ ಹಂಚುವಿಕೆಯೇ ಸಮಾಜಚಕ್ರದ ತಿರುಗುವಿಕೆಗೆ ಮೂಲದ್ರವ್ಯ. ಹೀಗೆ ದಾನ ಮಾಡುವುದಕ್ಕಾಗಿಯೇ ನಾವು ಸಂಪಾದಿಸಬೇಕು ಎಂದು ನಮ್ಮ ಪರಂಪರೆ ಒತ್ತಿಹೇಳುತ್ತದೆ.ಅದತ್ತದಾನಾಚ್ಚ ಭವೇದ್ದರಿದ್ರಃ – ದಾನ ಕೊಡದವನು ಬಡವನಾಗುತ್ತಾನೆ ಎಂಬ ಮಾತು ಕೂಡ ಇದೆಯೆನ್ನಿ!

. ಹೌದು, ಸಮಾಜದಲ್ಲಿ ತುಂಬ ಧನವಂತರಿದ್ದಾರೆ; ಭ್ರಷ್ಟಾಚಾರದಿಂದ ಸಂಪಾದಿಸುವವ ಸಂಖ್ಯೆಯೇ ಹೆಚ್ಚು ಎಂಬ ಭಾವನೆಗೆ ಅವಕಾಶವಾಗುವಂಥ ರೀತಿಯಲ್ಲೇ ನಮ್ಮ ಪರಿಸರದ ವಾತಾವರಣ ಇದೆಯೆನ್ನಿ! ಇಂದು ಸಮಾಜ ದೊಡ್ಡ ಆತಂಕವನ್ನು ಎದುರಿಸುತ್ತಿದೆ. ಇಂಥ ಸಂಕಷ್ಟದ ಸಮಯದಲ್ಲಿಯಾದರೂ ರಾಜಕಾರಣಿಗಳು, ಧನಿಕರು ಅವರ ಅಕ್ರಮ ಸಂಪತ್ತನ್ನು ಸರಿಯಾದ ರೀತಿಯಲ್ಲಿ ಸಮಾಜಕ್ಕಾಗಿ ವಿನಿಯೋಗಿಸಲು ಮುಂದಾಗಬೇಕು.

. ಎಷ್ಟೋ ಅನಾಚಾರಗಳನ್ನು ಮಾಡಿ ಹಣವನ್ನು ಸಂಪಾದಿಸುವುದಾದರೂ ಏಕೆ? ಭೋಗಿಸಲು ತಾನೆ? ಮಜಾ ಮಾಡಲು! ಆದರೆ ಸದ್ಯದ ಪರಿಸ್ಥಿತಿಯಲ್ಲಿ ಅಂಥ ಭೋಗಕ್ಕೂ ಅವಕಾಶ ಇಲ್ಲವಾಗಿದೆ; ಮಾತ್ರವಲ್ಲ, ನಾವು ಗರಿಷ್ಠ, ಎಂದರೆ ಎಷ್ಟು ಭೋಗವನ್ನು ಅನುಭವಿಸಲು ಸಾಧ್ಯ? ನಮ್ಮ ಶರೀರ ಎಷ್ಟು ಭೋಗವನ್ನು ತಡೆದುಕೊಂಡೀತು.

. ಸುಭಾಷಿತ ಹೇಳುತ್ತಿದೆ, ದಾನವನ್ನೂ ಮಾಡದೆ, ತಾನೂ ಭೋಗಿಸದೆ ಉಳಿಸಿಕೊಂಡ ಹಣಕ್ಕೆ ಮೂರನೆಯ ಗತಿ, ಎಂದರೆ ನಾಶವೇ ಗಟ್ಟಿ; ನಾವು ಏನೇನೋ ತಿಪ್ಪರಲಾಗ ಹಾಕಿ ಸಂಪಾದಿಸಿದ ಸಂಪತ್ತು ಪರರ ಪಾಲಾಗುತ್ತದೆಯಷ್ಟೆ! ನಮ್ಮ ಮುಂದಿನ ಕ್ಷಣ ಏನಾಗುತ್ತದೆ – ಎಂದು ನಮಗೆ ಗೊತ್ತಿಲ್ಲ. ಹೀಗಿರುವಾಗ ನಾವು ಸಂಪಾದಿಸಿದ್ದನ್ನು ನಾವೇ ಮುಂದೆ ಅನುಭವಿಸುತ್ತೇವೆ ಎನ್ನುವುದಕ್ಕೆ ಸಾಕ್ಷ್ಯವಾದರೂ ಏನು?

. ಆದುದರಿಂದ ನಾವು ಕೂಡಿಟ್ಟಿರುವ ಹಣವನ್ನು ಸಮಾಜಕ್ಕೆ ದಾನ ಮಾಡೋಣ. ಏಕೆಂದರೆ ಹಣಕ್ಕಿರುವ ಮೂರು ಗತಿಗಳಲ್ಲಿ ಇದೇ ಶ್ರೇಷ್ಠವಾದದ್ದು; ಮೊದಲನೆಯ ದಾರಿ; ಋಜುಮಾರ್ಗ; ಸರಿಯಾದ ದಾರಿ. ಇಲ್ಲವಾದಲ್ಲಿ, ನಾಳೆ ಯಾರೋ ಅಪರಿಚಿತರು ಅದನ್ನು ಅನುಭವಿಸುತ್ತಾರೆ, ಅಷ್ಟೆ!

. ಪ್ರಜಾವಾಣಿ Podcast

. ದಿನದ ಸೂಕ್ತಿಯನ್ನು ಕೇಳಲು ಇಲ್ಲಿ ಕ್ಲಿಕ್ ಮಾಡಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ | ಹಣಕ್ಕೆ ಮೂರು ಗತಿಗಳು

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ಬೆಳಗಾವಿ: ಹರಗಾಪುರ ಬಳಿ ನಡೆದಿದ್ದ ದರೋಡೆ ಪ್ರಕರಣಕ್ಕೆ ಹೊಸ ತಿರುವು

ವಲಸೆ ನೀತಿ; ಸರ್ಕಾರಿಂದ ತಪ್ಪಾಗಿದೆ ಎಂದ ಕೆನಡಾ ಪ್ರಧಾನಿ‌

ಕ್ರಿಕೆಟ್‌ ತಂಡಕ್ಕೆ ಆಯ್ಕೆಯಾಗದ್ದಕ್ಕೆ ನೊಂದು ಪಿಯು ವಿದ್ಯಾರ್ಥಿ ಆತ್ಮಹತ್ಯೆ

ಗಾಯದ ನೋವು ಮರೆಯಲು ದೊಡ್ಡ ಸಾಧನೆಯೇ ಔಷಧ: ಬೌಲರ್ ಎಂ. ವೆಂಕಟೇಶ್ ಸಂದರ್ಶನ

ಪುರುಷರ ಐಟಿಎಫ್‌ ಟೆನಿಸ್‌: ಸಿದ್ಧಾಂತ್, ಕಬೀರ್ ಮುಖ್ಯಸುತ್ತಿಗೆ ಲಗ್ಗೆ

ಮಿನಿ ಒಲಿಂಪಿಕ್ಸ್‌: ಹರ್ಡಲ್ಸ್‌; ಅಥರ್ವ, ಶಾಶ್ವತಿ ಚಾಂಪಿಯನ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ಬೆಳಗಾವಿ: ಹರಗಾಪುರ ಬಳಿ ನಡೆದಿದ್ದ ದರೋಡೆ ಪ್ರಕರಣಕ್ಕೆ ಹೊಸ ತಿರುವು

ವಲಸೆ ನೀತಿ; ಸರ್ಕಾರಿಂದ ತಪ್ಪಾಗಿದೆ ಎಂದ ಕೆನಡಾ ಪ್ರಧಾನಿ‌