<p>ನಮ್ಮ ಪ್ರಪಂಚವು ಯುದ್ಧ, ಭಯೋತ್ಪಾದನೆ, ಹಿಂಸೆ, ನಿರಾಶ್ರಿತರ ಸಮಸ್ಯೆ, ನಿರುದ್ಯೋಗ ಮುಂತಾದ ಸಮಸ್ಯೆಗಳಿಂದ ಬಳಲುತ್ತಿದೆ. ಶಾಂತಿ ಸಮಾಧಾನಕ್ಕಾಗಿ ಮಾನವ ಜೀವ ತುಡಿಯುತ್ತಿರುವ ಈ ದಿನಗಳಲ್ಲಿ ಯೇಸು ಕ್ರಿಸ್ತರ ಜನನದ ಕ್ರಿಸ್ಮಸ್ ಹಬ್ಬ ಮಾನವನ ಬಳಲಿದ ತನುಮನಕ್ಕೆ ಅಮೃತ ಸಿಂಚನ ನೀಡಬಲ್ಲ ಮಾಂತ್ರಿಕ ಶಕ್ತಿಯನ್ನೊಳಗೊಂಡಿದೆ.</p>.<p>ಯೆಹೂದ್ಯ ಜನರು ಪರಕೀಯರಾದ ರೋಮನ್ನರ ದಾಸ್ಯದಿಂದ ತಮ್ಮನ್ನು ಬಿಡುಗಡೆಗೊಳಿಸಲಿರುವ ವಿಮೋಚಕನ ಆಗಮನವನ್ನು ಎದುರು ನೋಡುತ್ತಿದ್ದರು.</p>.<p>ಬರಲಿರುವ ವಿಮೋಚಕನು ಮತ್ತೊಮ್ಮೆ ದೇವರ ರಾಜ್ಯದ ಶಾಂತಿಯನ್ನು ಈ ಲೋಕದಲ್ಲಿ ಸ್ಥಾಪಿಸುವನು ಎಂಬುದಾಗಿ ಅವರು ನಂಬಿದ್ದರು. ‘ಆತನ ದಿನಗಳಲ್ಲಿ ನೀತಿವಂತನು ವೃದ್ಧಿಯಾಗುವನು. ಸಮೃದ್ಧಿಯಾದ ಶಾಂತಿ-ಸಮಾಧಾನವು ಚಂದ್ರನಿರುವವರೆಗೂ ಇರುವುದು’ ಎಂದು ಪ್ರವಾದಿಗಳು ಆತನ ಹುಟ್ಟಿನ ಸುಮಾರು ಏಳುನೂರು ವರ್ಷಗಳಿಗೆ ಮುಂಚಿತವಾಗಿಯೇ ನುಡಿದಿದ್ದರು.</p>.<p>ಈ ಲೋಕದ ದೊಡ್ಡ ವ್ಯಕ್ತಿಗಳಿಗೆ ಆತನ ಆಗಮನದ ಅರಿವೇ ಆಗಲಿಲ್ಲ. ಕಾರಣ, ಆತನ ಹುಟ್ಟು ಅರಮನೆಯಲ್ಲಲ್ಲ, ದನದ ಹಟ್ಟಿಯಲ್ಲಿ ಆಯಿತು; ಮಹಲುಗಳ ಮೆತ್ತನೆಯ ತೊಟ್ಟಿಲಲ್ಲಲ್ಲ, ಹುಲ್ಲಿನ ಗೋದಲಿಯಲ್ಲಿ ಆಯಿತು; ಸುಗಂಧ ದ್ರವ್ಯಗಳು ಅವರನ್ನು ಆವರಿಸಿದ್ದಿರಲಿಲ್ಲ, ಪ್ರಾಣಿಗಳ ತ್ಯಾಜ್ಯದ ದುರ್ವಾಸನೆಯಿತ್ತು; ಆರೈಕೆಗೆ ದಾಸಿ-ದಾದಿಯರಿರಲಿಲ್ಲ, ಮೂಕ ಪ್ರಾಣಿಗಳಿದ್ದವು; ಬೆಲೆಬಾಳುವ ಕಾಣಿಕೆಗಳನ್ನೀಯುವ ರಾಜ ಸಾಮಂತರಿರಲಿಲ್ಲ, ದೀನಮೂರ್ತಿಗಳಾದ ಕುರಿಗಾಹಿಗಳಿದ್ದರು. ‘ದೊಡ್ಡಸ್ತಿಕೆ’ಯ ಅಮಲಿನಲ್ಲಿದ್ದ ಜಗಕ್ಕೆ ಆತನ ‘ಅಸಹಾಯಕತೆ’, ‘ದೀನತೆ’ಯ ಪರಿ ಅರ್ಥವಾಗಲೇ ಇಲ್ಲ.</p>.<p>ಆದರೆ, ಶಾಂತಿಯನ್ನು ಸ್ಥಾಪಿಸಿ ಪಸರಿಸಲು ಆತನು ಆರಿಸಿದ ರೀತಿ ಇದೇ ಆಗಿತ್ತು. ರಾಜ ಮಹಾರಾಜರು, ಚಕ್ರವರ್ತಿಗಳು ತಮ್ಮ ಸೈನ್ಯಗಳಿಂದ ಸ್ಥಾಪಿಸಲಾಗದ ಶಾಂತಿಯ ಸ್ಥಾಪನೆ ಅವನ ಗುರಿಯಾಗಿತ್ತು. </p>.<p>‘ಖಡ್ಗವನ್ನು ಹಿಡಿದವನು ಖಡ್ಗದಿಂದಲೇ ಹತನಾಗುವನು’ ಎಂಬ ಯೇಸು ಕ್ರಿಸ್ತರ ಮಾತುಗಳು ಈ ದಿನದ ಪ್ರಪಂಚಕ್ಕೆ ಬಹು ಪ್ರಸ್ತುತ. ಮಾರಕ ಯುದ್ಧೋಪಕರಣಗಳನ್ನು ತಯಾರಿಸುವ ಬಲಿಷ್ಠ ದೇಶಗಳು ಪ್ರಪಂಚದಲ್ಲಿ ಯುದ್ಧಗಳು ನಡೆಯುತ್ತಿರಲೇ ಬೇಕು ಎಂದು ಬಯಸುತ್ತವೆ. ಈ ಯುದ್ಧೋಪಕರಣಗಳನ್ನು ದುಬಾರಿ ಬೆಲೆ ಕೊಟ್ಟು ಖರೀದಿಸಿ, ಅವುಗಳನ್ನು ಬಳಸುವವರು ಬಡದೇಶದವರು. ಅವುಗಳಿಂದಲೇ ಹತವಾಗುವವರು ಬಡ ದೇಶಗಳ ಅಮಾಯಕ ಜನರು. ಮಾರಕ ಆಯುಧಗಳಿಂದ ಶಾಂತಿ ಸ್ಥಾಪನೆಗೆ ಹೊರಟವರೆಲ್ಲರೂ ಆ ಆಯುಧಗಳಿಗೇ ಬಲಿಯಾಗಿದ್ದಾರೆ.</p>.<p>ಶಾಂತಿ ಸ್ಥಾಪನೆಯ ಆಯುಧಗಳನ್ನು ಬದಲಾಯಿಸುವ ತುರ್ತು ಅಗತ್ಯವಿದೆ. `ಶಾಲೋಮ್’ ಎಂದರೆ ಹಿಬ್ರೂ ಭಾಷೆಯಲ್ಲಿ ಶಾಂತಿ ಎಂದರ್ಥ – ಅಂದರೆ ನೀತಿ, ಸಮಾನತೆ ಹಾಗೂ ರಕ್ಷಣೆ. ಅದೊಂದು ಸಮಗ್ರ ಚಿಂತನೆ.</p>.<p>ಪ್ರೀತಿ ಎಂಬ ಪದದ ವ್ಯಾಖ್ಯಾನ ನೀಡುವುದು ಸುಲಭವಲ್ಲ. ಪರರಿಗಾಗಿ ತನ್ನ ಸರ್ವಸ್ವವನ್ನೂ ತ್ಯಾಗ ಮಾಡುವುದು ಎಂದು ಸರಳವಾಗಿ ಹೇಳಬಹುದು. ಈ ಅಸೀಮ ಪ್ರೀತಿಯ ಸಂಭ್ರಮವೇ ಕ್ರಿಸ್ಮಸ್. ಪ್ರತಿಯೊಬ್ಬರೂ ಪರರ ಒಳಿತಿಗಾಗಿ ತಮ್ಮನ್ನೇ ಕೊಡುಗೆಯಾಗಿ ಸಮರ್ಪಿಸಲು ಕ್ರಿಸ್ಮಸ್ ಹಬ್ಬ ಕರೆಕೊಡುತ್ತದೆ.</p>.<p>ಅಸುರಕ್ಷತೆ, ಅಶಾಂತಿ ಹಾಗೂ ಹಿಂಸೆಯಿಂದ ನೊಂದಿರುವ ಈ ಲೋಕದ ಎಲ್ಲ ಮಾನವರಿಗೂ ಈ ವರ್ಷದ ಕ್ರಿಸ್ಮಸ್ ಆಚರಣೆಯು ಸಾಂತ್ವನವನ್ನು ನೀಡಲಿ. ಈ ಲೋಕವು ಎಲ್ಲರಿಗೂ ಸಂಪೂರ್ಣ ಸುರಕ್ಷತೆಯನ್ನು ನೀಡುವ ಸುಂದರ ಗೋದಲಿಯಾಗಲಿ ಎಂದು ಹಂಬಲಿಸೋಣವೇ? ಶಾಂತಿಯ ಅರಸ ಯೇಸುಕ್ರಿಸ್ತ ನೊಂದ ಹೃದಯಗಳಿಗೆ ಸಾಂತ್ವನವನ್ನು ನೀಡಿ, ನಮ್ಮ ಮನಗಳನ್ನು ಶಾಂತಿಯಿಂದ ತುಂಬಲಿ.</p>.<p>ಯೇಸು ಕ್ರಿಸ್ತ ಜಯಂತಿ ಹಾಗೂ 2025 ಮಹೋತ್ಸವಕ್ಕೆ ಕ್ಷಣಗಣನೆ ಈಗಾಗಲೇ ಆರಂಭಗೊಂಡಿದೆ. ಯೇಸು ಕಂದ ಈ ಧರೆಯಲ್ಲಿ ಹುಟ್ಟಿ 2025 ವರ್ಷಗಳು ಪೂರ್ಣಗೊಳ್ಳುವ ಉತ್ಸವವದು. ಆ ಉತ್ಸವಕ್ಕೆ ಸಿದ್ಧತೆಯಾಗಿ 2024 ಪ್ರಾರ್ಥನಾ ವರ್ಷವಾಗಿ ಆಚರಿಸಬೇಕೆಂದು ಪೋಪ್ ಫ್ರಾನ್ಸಿಸ್ರವರ ಆಶಯ. ಇದಕ್ಕೆ ಈ ವರ್ಷ ನವಂಬರ್ 26 ರಂದು ಚಾಲನೆಯನ್ನು ನೀಡಲಾಯಿತು. ‘ಭರವಸೆಯ ಯಾತ್ರಿಕರು’ ಎಂಬ ಧ್ಯೇಯದೊಂದಿಗೆ ಮುನ್ನಡೆದು ಮಹೋತ್ಸವ ವರ್ಷದಲ್ಲಿ ಯೇಸುಸ್ವಾಮಿಯನ್ನು ಸಂಧಿಸುವ ಉತ್ಸುಕತೆಯಿಂದ ಆಧ್ಯಾತ್ಮಿಕ ಯಾತ್ರೆಯನ್ನು ಆರಂಭಿಸುವ ಶುಭ ಗಳಿಗೆಯಿದು. ಈ ಯಾತ್ರೆಯು ವಿಶ್ವಶಾಂತಿಗೆ ನಾಂದಿಯಾಗಲಿ ಎಂದು ಹಾರೈಸೋಣ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಮ್ಮ ಪ್ರಪಂಚವು ಯುದ್ಧ, ಭಯೋತ್ಪಾದನೆ, ಹಿಂಸೆ, ನಿರಾಶ್ರಿತರ ಸಮಸ್ಯೆ, ನಿರುದ್ಯೋಗ ಮುಂತಾದ ಸಮಸ್ಯೆಗಳಿಂದ ಬಳಲುತ್ತಿದೆ. ಶಾಂತಿ ಸಮಾಧಾನಕ್ಕಾಗಿ ಮಾನವ ಜೀವ ತುಡಿಯುತ್ತಿರುವ ಈ ದಿನಗಳಲ್ಲಿ ಯೇಸು ಕ್ರಿಸ್ತರ ಜನನದ ಕ್ರಿಸ್ಮಸ್ ಹಬ್ಬ ಮಾನವನ ಬಳಲಿದ ತನುಮನಕ್ಕೆ ಅಮೃತ ಸಿಂಚನ ನೀಡಬಲ್ಲ ಮಾಂತ್ರಿಕ ಶಕ್ತಿಯನ್ನೊಳಗೊಂಡಿದೆ.</p>.<p>ಯೆಹೂದ್ಯ ಜನರು ಪರಕೀಯರಾದ ರೋಮನ್ನರ ದಾಸ್ಯದಿಂದ ತಮ್ಮನ್ನು ಬಿಡುಗಡೆಗೊಳಿಸಲಿರುವ ವಿಮೋಚಕನ ಆಗಮನವನ್ನು ಎದುರು ನೋಡುತ್ತಿದ್ದರು.</p>.<p>ಬರಲಿರುವ ವಿಮೋಚಕನು ಮತ್ತೊಮ್ಮೆ ದೇವರ ರಾಜ್ಯದ ಶಾಂತಿಯನ್ನು ಈ ಲೋಕದಲ್ಲಿ ಸ್ಥಾಪಿಸುವನು ಎಂಬುದಾಗಿ ಅವರು ನಂಬಿದ್ದರು. ‘ಆತನ ದಿನಗಳಲ್ಲಿ ನೀತಿವಂತನು ವೃದ್ಧಿಯಾಗುವನು. ಸಮೃದ್ಧಿಯಾದ ಶಾಂತಿ-ಸಮಾಧಾನವು ಚಂದ್ರನಿರುವವರೆಗೂ ಇರುವುದು’ ಎಂದು ಪ್ರವಾದಿಗಳು ಆತನ ಹುಟ್ಟಿನ ಸುಮಾರು ಏಳುನೂರು ವರ್ಷಗಳಿಗೆ ಮುಂಚಿತವಾಗಿಯೇ ನುಡಿದಿದ್ದರು.</p>.<p>ಈ ಲೋಕದ ದೊಡ್ಡ ವ್ಯಕ್ತಿಗಳಿಗೆ ಆತನ ಆಗಮನದ ಅರಿವೇ ಆಗಲಿಲ್ಲ. ಕಾರಣ, ಆತನ ಹುಟ್ಟು ಅರಮನೆಯಲ್ಲಲ್ಲ, ದನದ ಹಟ್ಟಿಯಲ್ಲಿ ಆಯಿತು; ಮಹಲುಗಳ ಮೆತ್ತನೆಯ ತೊಟ್ಟಿಲಲ್ಲಲ್ಲ, ಹುಲ್ಲಿನ ಗೋದಲಿಯಲ್ಲಿ ಆಯಿತು; ಸುಗಂಧ ದ್ರವ್ಯಗಳು ಅವರನ್ನು ಆವರಿಸಿದ್ದಿರಲಿಲ್ಲ, ಪ್ರಾಣಿಗಳ ತ್ಯಾಜ್ಯದ ದುರ್ವಾಸನೆಯಿತ್ತು; ಆರೈಕೆಗೆ ದಾಸಿ-ದಾದಿಯರಿರಲಿಲ್ಲ, ಮೂಕ ಪ್ರಾಣಿಗಳಿದ್ದವು; ಬೆಲೆಬಾಳುವ ಕಾಣಿಕೆಗಳನ್ನೀಯುವ ರಾಜ ಸಾಮಂತರಿರಲಿಲ್ಲ, ದೀನಮೂರ್ತಿಗಳಾದ ಕುರಿಗಾಹಿಗಳಿದ್ದರು. ‘ದೊಡ್ಡಸ್ತಿಕೆ’ಯ ಅಮಲಿನಲ್ಲಿದ್ದ ಜಗಕ್ಕೆ ಆತನ ‘ಅಸಹಾಯಕತೆ’, ‘ದೀನತೆ’ಯ ಪರಿ ಅರ್ಥವಾಗಲೇ ಇಲ್ಲ.</p>.<p>ಆದರೆ, ಶಾಂತಿಯನ್ನು ಸ್ಥಾಪಿಸಿ ಪಸರಿಸಲು ಆತನು ಆರಿಸಿದ ರೀತಿ ಇದೇ ಆಗಿತ್ತು. ರಾಜ ಮಹಾರಾಜರು, ಚಕ್ರವರ್ತಿಗಳು ತಮ್ಮ ಸೈನ್ಯಗಳಿಂದ ಸ್ಥಾಪಿಸಲಾಗದ ಶಾಂತಿಯ ಸ್ಥಾಪನೆ ಅವನ ಗುರಿಯಾಗಿತ್ತು. </p>.<p>‘ಖಡ್ಗವನ್ನು ಹಿಡಿದವನು ಖಡ್ಗದಿಂದಲೇ ಹತನಾಗುವನು’ ಎಂಬ ಯೇಸು ಕ್ರಿಸ್ತರ ಮಾತುಗಳು ಈ ದಿನದ ಪ್ರಪಂಚಕ್ಕೆ ಬಹು ಪ್ರಸ್ತುತ. ಮಾರಕ ಯುದ್ಧೋಪಕರಣಗಳನ್ನು ತಯಾರಿಸುವ ಬಲಿಷ್ಠ ದೇಶಗಳು ಪ್ರಪಂಚದಲ್ಲಿ ಯುದ್ಧಗಳು ನಡೆಯುತ್ತಿರಲೇ ಬೇಕು ಎಂದು ಬಯಸುತ್ತವೆ. ಈ ಯುದ್ಧೋಪಕರಣಗಳನ್ನು ದುಬಾರಿ ಬೆಲೆ ಕೊಟ್ಟು ಖರೀದಿಸಿ, ಅವುಗಳನ್ನು ಬಳಸುವವರು ಬಡದೇಶದವರು. ಅವುಗಳಿಂದಲೇ ಹತವಾಗುವವರು ಬಡ ದೇಶಗಳ ಅಮಾಯಕ ಜನರು. ಮಾರಕ ಆಯುಧಗಳಿಂದ ಶಾಂತಿ ಸ್ಥಾಪನೆಗೆ ಹೊರಟವರೆಲ್ಲರೂ ಆ ಆಯುಧಗಳಿಗೇ ಬಲಿಯಾಗಿದ್ದಾರೆ.</p>.<p>ಶಾಂತಿ ಸ್ಥಾಪನೆಯ ಆಯುಧಗಳನ್ನು ಬದಲಾಯಿಸುವ ತುರ್ತು ಅಗತ್ಯವಿದೆ. `ಶಾಲೋಮ್’ ಎಂದರೆ ಹಿಬ್ರೂ ಭಾಷೆಯಲ್ಲಿ ಶಾಂತಿ ಎಂದರ್ಥ – ಅಂದರೆ ನೀತಿ, ಸಮಾನತೆ ಹಾಗೂ ರಕ್ಷಣೆ. ಅದೊಂದು ಸಮಗ್ರ ಚಿಂತನೆ.</p>.<p>ಪ್ರೀತಿ ಎಂಬ ಪದದ ವ್ಯಾಖ್ಯಾನ ನೀಡುವುದು ಸುಲಭವಲ್ಲ. ಪರರಿಗಾಗಿ ತನ್ನ ಸರ್ವಸ್ವವನ್ನೂ ತ್ಯಾಗ ಮಾಡುವುದು ಎಂದು ಸರಳವಾಗಿ ಹೇಳಬಹುದು. ಈ ಅಸೀಮ ಪ್ರೀತಿಯ ಸಂಭ್ರಮವೇ ಕ್ರಿಸ್ಮಸ್. ಪ್ರತಿಯೊಬ್ಬರೂ ಪರರ ಒಳಿತಿಗಾಗಿ ತಮ್ಮನ್ನೇ ಕೊಡುಗೆಯಾಗಿ ಸಮರ್ಪಿಸಲು ಕ್ರಿಸ್ಮಸ್ ಹಬ್ಬ ಕರೆಕೊಡುತ್ತದೆ.</p>.<p>ಅಸುರಕ್ಷತೆ, ಅಶಾಂತಿ ಹಾಗೂ ಹಿಂಸೆಯಿಂದ ನೊಂದಿರುವ ಈ ಲೋಕದ ಎಲ್ಲ ಮಾನವರಿಗೂ ಈ ವರ್ಷದ ಕ್ರಿಸ್ಮಸ್ ಆಚರಣೆಯು ಸಾಂತ್ವನವನ್ನು ನೀಡಲಿ. ಈ ಲೋಕವು ಎಲ್ಲರಿಗೂ ಸಂಪೂರ್ಣ ಸುರಕ್ಷತೆಯನ್ನು ನೀಡುವ ಸುಂದರ ಗೋದಲಿಯಾಗಲಿ ಎಂದು ಹಂಬಲಿಸೋಣವೇ? ಶಾಂತಿಯ ಅರಸ ಯೇಸುಕ್ರಿಸ್ತ ನೊಂದ ಹೃದಯಗಳಿಗೆ ಸಾಂತ್ವನವನ್ನು ನೀಡಿ, ನಮ್ಮ ಮನಗಳನ್ನು ಶಾಂತಿಯಿಂದ ತುಂಬಲಿ.</p>.<p>ಯೇಸು ಕ್ರಿಸ್ತ ಜಯಂತಿ ಹಾಗೂ 2025 ಮಹೋತ್ಸವಕ್ಕೆ ಕ್ಷಣಗಣನೆ ಈಗಾಗಲೇ ಆರಂಭಗೊಂಡಿದೆ. ಯೇಸು ಕಂದ ಈ ಧರೆಯಲ್ಲಿ ಹುಟ್ಟಿ 2025 ವರ್ಷಗಳು ಪೂರ್ಣಗೊಳ್ಳುವ ಉತ್ಸವವದು. ಆ ಉತ್ಸವಕ್ಕೆ ಸಿದ್ಧತೆಯಾಗಿ 2024 ಪ್ರಾರ್ಥನಾ ವರ್ಷವಾಗಿ ಆಚರಿಸಬೇಕೆಂದು ಪೋಪ್ ಫ್ರಾನ್ಸಿಸ್ರವರ ಆಶಯ. ಇದಕ್ಕೆ ಈ ವರ್ಷ ನವಂಬರ್ 26 ರಂದು ಚಾಲನೆಯನ್ನು ನೀಡಲಾಯಿತು. ‘ಭರವಸೆಯ ಯಾತ್ರಿಕರು’ ಎಂಬ ಧ್ಯೇಯದೊಂದಿಗೆ ಮುನ್ನಡೆದು ಮಹೋತ್ಸವ ವರ್ಷದಲ್ಲಿ ಯೇಸುಸ್ವಾಮಿಯನ್ನು ಸಂಧಿಸುವ ಉತ್ಸುಕತೆಯಿಂದ ಆಧ್ಯಾತ್ಮಿಕ ಯಾತ್ರೆಯನ್ನು ಆರಂಭಿಸುವ ಶುಭ ಗಳಿಗೆಯಿದು. ಈ ಯಾತ್ರೆಯು ವಿಶ್ವಶಾಂತಿಗೆ ನಾಂದಿಯಾಗಲಿ ಎಂದು ಹಾರೈಸೋಣ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
