ವೇದವ್ಯಾಸರ ಶಿವಪುರಾಣಸಾರ: ದೇವತಾಸ್ತ್ರೀಯರಿಂದ ವಿನೋದಾವಳಿ

ಶಿವ–ಪಾರ್ವತಿಯರು ಸಿಂಹಾಸನದ ಮೇಲೆ ಕುಳಿತ ಮೇಲೆ ದೇವತಾಸ್ತ್ರೀಯರೆಲ್ಲ ವಿನೋದದ ಮಾತಾಡಿ, ನವದಂಪತಿ ಮುಖ ರಂಗೇರುವಂತೆ ಮಾಡುತ್ತಾರೆ. ಮೊದಲಿಗೆ ಮಾತನಾಡಿದ ಬ್ರಹ್ಮನ ಪತ್ನಿಸರಸ್ವತಿ ‘ಮಹಾದೇವ, ನಿನ್ನ ಪ್ರಾಣಪ್ರಿಯಳಾದ ಸತಿದೇವಿಯು ಮತ್ತೆ ನಿನಗೆ ಲಭಿಸಿರುವಳು. ನಿನ್ನ ಹಿಂದಿನ ವಿರಹತಾಪವನ್ನು ಬಿಡು’ ಎಂದಳು. ನಂತರ ವಿಷ್ಣುವಲ್ಲಭೆ ಲಕ್ಷ್ಮಿಯು ‘ಪರಮೇಶ್ವರ, ಲಜ್ಜೆಯನ್ನು ಬಿಟ್ಟು, ಗಿರಿಜೆಯನ್ನು ನಿನ್ನ ಎದೆಯಲ್ಲಿ ಆಲಂಗಿಸು; ಇವಳಿಲ್ಲದಿದ್ದರೆ ನಿನ್ನ ಪ್ರಾಣವೇ ಉಳಿಯಲಾರದು’ ಎಂದರೆ, ಸತ್ಯವಾನ್ ಸಾವಿತ್ರಿಯು ‘ಶಂಕರ, ವ್ಯಥೆಯನ್ನು ಬಿಡು. ಗಿರಿಜೆಗೆ ಭೋಜನವನ್ನು ಮಾಡಿಸಿ, ನೀನೂ ಭೋಜನ ಮಾಡು. ಆಮೇಲೆ ಆಚಮನಮಾಡಿ ಪಾರ್ವತಿಗೆ ಪ್ರೀತಿಯಿಂದ ಪಚ್ಚಕರ್ಪೂರಮಿಶ್ರಿತವಾದ ತಾಂಬೂಲವನ್ನು ಕೊಡು’ ಎನ್ನುತ್ತಾಳೆ, ನಗುತ್ತಾ.

. ಕಶ್ಯಪಬ್ರಹ್ಮನ ಪತ್ನಿ ಅದಿತಿ ‘ಮಹೇಶ್ವರ, ಭೋಜನವಾದಮೇಲೆ ಗಿರಿಜೆಗೆ ಮುಖಶುದ್ಧಿಗಾಗಿ ಪ್ರೀತಿಯಿಂದ ಜಲವನ್ನು ಕೊಡು’ ಎಂದರೆ, ಇಂದ್ರನ ಪತ್ನಿ ಶಚಿದೇವಿ, ‘ಪಾರ್ವತಿಯನ್ನು ಚೆನ್ನಾಗಿ ನೋಡಿಕೋ’ ಎಂದು ಶಿವನನ್ನು ಹುರಿದುಂಬಿಸುತ್ತಾಳೆ. ಅರುಂಧತಿ, ‘ಶಂಕರ, ಮೇನಾದೇವಿ-ಹಿಮವಂತರು ಗಿರಿಜೆಯನ್ನು ನಿನಗೆ ಕೊಡಲು ಇಷ್ಟವಿರಲಿಲ್ಲ. ನಾನು ಪ್ರಯತ್ನಪಟ್ಟು ನಿನಗೆ ಕೊಡಿಸಿರುವೆ. ಇವಳನ್ನು ಚೆನ್ನಾಗಿ ನೋಡಿಕೊ’ ಎಂದಳು.

. ಗೌತಮಮುನಿಯ ಪತ್ನಿ ಅಹಲ್ಯೆ, ‘ಶಂಕರ, ನೀನು ವೃದ್ಧಾವಸ್ಥೆಯನ್ನು ಬಿಟ್ಟು ನವತರುಣನಾಗು. ಅದರಿಂದ ಮಗಳ ಹಿತದಲ್ಲಿಯೇ ಆಸಕ್ತಳಾದ ಮೇನಾದೇವಿಗೆ ಸಂತೋಷವಾಗುವುದು’ ಎಂದರೆ, ಜಲಂಧರನ ಪತ್ನಿ ತುಳಸಿದೇವಿ ‘ಶಂಕರ, ಮೊದಲು ನೀನು ವೈರಾಗ್ಯದಿಂದ ಗಿರಿಜೆಯನ್ನು ಪರಿತ್ಯಜಿಸಿದೆ. ಮನ್ಮಥನನ್ನು ಸುಟ್ಟುಹಾಕಿದೆ. ಆದರೆ ಈಗ ಮತ್ತೆ ಗಿರಿಜೆಯನ್ನೇ ಮದುವೆಯಾಗಲು ವಸಿಷ್ಠನನ್ನು ಕಳುಹಿದೆ ಏಕೆ?’ ಎಂದು ಮಾರ್ಮಿಕವಾಗಿ ಪ್ರಶ್ನಿಸುತ್ತಾಳೆ.

. ಬೃಹಸ್ಪತಿಯ ಮಗಳು ಮತ್ತು ಅಗ್ನಿಯ ಪತ್ನಿಯಾದ ಸ್ವಾಹಾದೇವಿ ‘ಮಹಾದೇವ, ಈಗ ನೀನು ಸ್ತ್ರೀಯರು ಹೇಳಿದಂತೆ ಕೇಳಬೇಕು. ಅವರಿಗೆ ಅಧಿಕಾರವು ಹೆಚ್ಚಾಗಿರುತ್ತೆ. ಸಾಧ್ವಿಯಾದವಳು ತನ್ನ ಪತಿಯನ್ನಲ್ಲದೇ ಈಶ್ವರಮಾರ್ಗವನ್ನೂ ರಕ್ಷಿಸುತ್ತಾಳೆ’ ಎಂದು ಶಿವನಿಗೆ ಕಿವಿಮಾತು ಹೇಳಿದರೆ, ಅದೃಷ್ಟದ ಭಾಗ್ಯದೇವತೆ ಜಂಭಲನ ಪತ್ನಿ ವಸುಂಧರೆ, ‘ಶಂಭು, ಭಾವಜ್ಞನಾದ ನೀನು ಸ್ತ್ರೀಯರ ಭಾವವನ್ನು ಚೆನ್ನಾಗಿ ತಿಳಿದಿರುವೆ’ ಎಂದು ಹೇಳುತ್ತಾಳೆ.

. ಸೂರ್ಯನ ಪತ್ನಿ ಹಾಗೂ ಯಮ, ಅಶ್ವಿನಿ ದೇವತೆ, ರೇವಂತನ ತಾಯಿ ಸಂಜ್ಞಾದೇವಿ, ‘ಎಲೈ ಗೆಳತಿಯರೇ, ನಿಮ್ಮ ಮಾತುಗಳು ಇನ್ನು ಸಾಕು’ ಎಂದು ಸೂಚಿಸುತ್ತಾಳೆ.

. ಕೊನೆಯಲ್ಲಿ ದೇವತಾಸ್ತ್ರೀಯರ ಮಾತಿಗೆ ಉತ್ತರಿಸಿದ ಮಹಾಶಿವ, ‘ಎಲೈ ದೇವತಾಸ್ತ್ರೀಯರೇ, ನೀವೆಲ್ಲರೂ ಜಗನ್ಮಾತೆಯರು, ಮಹಾಪತಿವ್ರತೆಯರು. ನೀವೂ ಸಾಮಾನ್ಯ ಹುಡುಗಿಯರಂತೆ ಮಾತಾಡುವುದು ಸರಿಯೇ’ ಎಂದಾಗ ದೇವತಾಸ್ತ್ರೀಯರು ಲಜ್ಜೆಗೊಳ್ಳುತ್ತಾರೆ. ನಂತರ ಶಿವನು ಮೃಷ್ಟಾನ್ನ ಭೋಜನ ಮತ್ತು ಆಚಮನವನ್ನು ಮಾಡಿ, ಸಂತೋಷದಿಂದ ಗಿರಿಜೆಯೊಡನೆ ಕರ್ಪೂರಮಿಶ್ರಿತವಾದ ತಾಂಬೂಲವನ್ನು ಸೇವಿಸಿದ.

. ಇಲ್ಲಿಗೆ ಶ್ರೀಶಿವಮಹಾಪುರಾಣದಲ್ಲಿ ಪಾರ್ವತೀಖಂಡದ ಐವತ್ತನೆಯ ಅಧ್ಯಾಯ ಮುಗಿಯಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವೇದವ್ಯಾಸರ ಶಿವಪುರಾಣಸಾರ: ದೇವತಾಸ್ತ್ರೀಯರಿಂದ ವಿನೋದಾವಳಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಹೀನಾಯ ಬ್ಯಾಟಿಂಗ್ ಬಳಿಕ ಪುಟಿದೆದ್ದ ಭಾರತ; ಆತಿಥೇಯ ಆಸಿಸ್‌ಗೆ ವೇಗಿಗಳ ತಿರುಗೇಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ