ಗೋವಿನಜೋಳ ಬೀಜದಲ್ಲಿ ಮಿಶ್ರಣ ಶಂಕೆ | ಒಂದೇ ದಂಟಿನಲ್ಲಿ 6 ತೆನೆ: ರೈತ ಕಂಗಾಲು

ರಾಂಪುರ: ಸಮೀಪದ ಬೇವೂರ ಗ್ರಾಮದ ರೈತರಿಬ್ಬರ ಹೊಲದಲ್ಲಿ ಬೆಳೆಯಲಾದ ಗೋವಿನಜೋಳದ ಒಂದೇ ದಂಟಿನಲ್ಲಿ 5-6 ತೆನೆಗಳು ಕಾಣಿಸಿಕೊಂಡಿದ್ದು ರೈತರನ್ನು ಚಿಂತೆಗೀಡು ಮಾಡಿದೆ.

. ಸಾಮಾನ್ಯವಾಗಿ ಒಂದು ದಂಟಿನಲ್ಲಿ 1 ಅಥವಾ 2 ತೆನೆ ಇರಬೇಕು. ಇದರಿಂದ ತೆನೆ ತುಂಬ ಕಾಳುಗಳಾಗಿ ಉತ್ತಮ ಫಸಲು ಬರುತ್ತದೆ. ಆದರೆ ಈಗ ಒಂದು ದಂಟಿನೊಳಗೆ 6 ತೆನೆಗಳು ಬಿಡುವುದರಿಂದ ಅದರಲ್ಲಿ ಕಾಳುಗಳೇ ಬೆಳೆಯದೇ ಫಸಲು ಸಹ ಬರುವುದಿಲ್ಲ.

. ಬೇವೂರಿನ ಪ್ರವೀಣ ವೆಂಕಪ್ಪ ಹಚ್ಚೊಳ್ಳಿ ಹಾಗೂ ಪುಂಡಲೀಕಪ್ಪ ಕೋಟಿ ಎಂಬಿಬ್ಬರು ರೈತರ ಹೊಲದಲ್ಲಿ ಬೆಳೆಯಲಾದ ಗೋವಿನಜೋಳದ ಬೆಳೆಯಲ್ಲಿ ಬಹುತೇಕ ದಂಟುಗಳಲ್ಲಿ 4, 5 ಹಾಗೂ 6 ತೆನೆಗಳು ಕಾಣಿಸಿಕೊಂಡಿದ್ದು, ಅವರೀಗ ಚಿಂತಾಕ್ರಾಂತರಾಗಿದ್ದಾರೆ.

. ಪುಂಡಲೀಕಪ್ಪ ಕೋಟಿ 10 ಎಕರೆಯಲ್ಲಿ ಗೋವಿನಜೋಳ ಬೆಳೆದಿದ್ದರೆ, ಪ್ರವೀಣ ಹಚ್ಚೊಳ್ಳಿ 5 ಎಕರೆಯಲ್ಲಿ ಬೆಳೆದಿದ್ದಾರೆ. ಇಬ್ಬರೂ ರೈತರು ಬಾಗಲಕೋಟೆಯ ರೈತ ಸಂಪರ್ಕ ಕೇಂದ್ರದಿಂದಲೇ ಪಯೋನಿಯರ್ -3436 ಕಂಪನಿಯ ಬೀಜಗಳನ್ನು ಖರೀದಿಸಿ ಬಿತ್ತನೆ ಮಾಡಿದ್ದರು. ಇಬ್ಬರೂ ರೈತರು ಈಗ ಕೃಷಿ ಇಲಾಖೆಗೆ ದೂರು ಸಲ್ಲಿಸಿದ್ದಾರೆ. ಕೃಷಿ ಇಲಾಖೆಯ ಅಧಿಕಾರಿಗಳು ರೈತರ ಜಮೀನಿಗೆ ಭೇಟಿ ನೀಡಿ ಬೆಳೆ ಪರಿಶೀಲಿಸಿದ್ದು, ಈ ಬಗ್ಗೆ ಧಾರವಾಡ ಕೃಷಿ ವಿಶ್ವವಿದ್ಯಾಲಯಕ್ಕೆ ಮಾಹಿತಿ ನೀಡಿ ತಜ್ಞ ವಿಜ್ಞಾನಿಗಳನ್ನು ಕಳುಹಿಸುವಂತೆ ಕೋರುವುದಾಗಿ ತಿಳಿಸಿದ್ದಾರೆ.

. ಕಳಪೆ ಅಥವಾ ಮಿಶ್ರಣ ಬೀಜದ ಕಾರಣದಿಂದ ಹೀಗೆ ಆಗುತ್ತದೆ. ಇದರಿಂದ ರೈತರಿಗೆ ನಷ್ಟವೇ ಆಗಲಿದೆ ಎನ್ನಲಾಗಿದೆ. ಹೀಗಾಗಿ ರೈತರು ತಮಗೆ ಪರಿಹಾರ ಕೊಡಬೇಕು ಇಲ್ಲದಿದ್ದರೆ ಕೋರ್ಟ್ ಅಥವಾ ಗ್ರಾಹಕರ ವೇದಿಕೆಗೆ ಮೊರೆ ಹೋಗಲಿದ್ದೇವೆ ಎಂದು ತಿಳಿಸಿದ್ದಾರೆ.

. ‘ರೈತ ಸಂಪರ್ಕ ಕೇಂದ್ರದಲ್ಲಿ ಪಯೋನಿಯರ್ ಕಂಪನಿಯ ಗೋವಿನ ಜೋಳ ಬೀಜಗಳನ್ನೇ ವಿತರಿಸಲಾಗಿದ್ದು, ಇದುವರೆಗೂ ಯಾರಿಂದಲೂ ದೂರು ಬಂದಿಲ್ಲ. ಆದರೆ ಬೇವೂರಿನ ಇಬ್ಬರು ರೈತರಿಗೆ ನೀಡಲಾದ ಬೀಜಗಳು ಯಾವ ಲಾಟ್ ನಂಬರಿನವುಗಳು ಎಂಬುದನ್ನು ಪರಿಶೀಲನೆ ಮಾಡಬೇಕಿದೆ. ಇದೇ ಲಾಟ್ನ ಬೀಜಗಳನ್ನು ಖರೀದಿಸಿದ ಬೇರೆ ರೈತರ ಬೆಳೆ ಸಹ ಪರೀಕ್ಷಿಸಿ ಮಾಹಿತಿ ಪಡೆಯಬೇಕಿದೆ’ ಎನ್ನುತ್ತಾರೆ ಕೃಷಿ ಅಧಿಕಾರಿಗಳು.

. ವಿಜ್ಞಾನಿಗಳಿಂದ ಪರಿಶೀಲನೆ ಬೇವೂರಿನ ಇಬ್ಬರೂ ರೈತರ ಹೊಲಗಳಿಗೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದು ಮಾಹಿತಿಯನ್ನು ಮೇಲಧಿಕಾರಿಗಳಿಗೆ ತಿಳಿಸಿ ಧಾರವಾಡ ಕೃಷಿ ವಿಶ್ವವಿದ್ಯಾಲಯದಿಂದ ವಿಜ್ಞಾನಿಗಳನ್ನು ಕರೆಸುವಂತೆ ಕೋರಲಾಗಿದೆ. ವರದಿ ನೀಡಿದ ನಂತರ ಮುಂದಿನ ಕ್ರಮ ಕೈಗೊಳ್ಳಲಾಗುವುದು

- ಮಂಜುನಾಥ್ ಸಹಾಯಕ ಕೃಷಿ ನಿರ್ದೇಶಕರು ಬಾಗಲಕೋಟೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗೋವಿನಜೋಳ ಬೀಜದಲ್ಲಿ ಮಿಶ್ರಣ ಶಂಕೆ | ಒಂದೇ ದಂಟಿನಲ್ಲಿ 6 ತೆನೆ: ರೈತ ಕಂಗಾಲು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಸೈಯದ್ ಮುಷ್ತಾಕ್ ಅಲಿ ಟಿ20 ಕ್ರಿಕೆಟ್ ಟೂರ್ನಿ ಇಂದಿನಿಂದ: ತಾರಾ ಆಟಗಾರರ ರಂಗು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು