<p><strong>ಸಂಡೂರು:</strong> ಗಣೇಶ ಚತುರ್ಥಿಗೆ ಪರಿಸರಸ್ನೇಹಿ ಮಣ್ಣಿನ ಗಣಪನ ಮೂರ್ತಿಗಳ ತಯಾರಿ ಒಂದು ತಿಂಗಳ ಮುಂಚೆಯೇ ಭರದಿಂದ ನಡೆದಿದೆ.</p>.<p>ಗಣೇಶನ ಮೂರ್ತಿಗಳು ಗಲ್ಲಿಗಳಲ್ಲಿ, ಮನೆ–ಮನೆಗಳಲ್ಲಿ ಪ್ರತಿಷ್ಠಾಪನೆಗೊಳ್ಳಲು ಇನ್ನೊಂದು ತಿಂಗಳು ಬಾಕಿ ಇದೆ. ಅದಕ್ಕಾಗಿಯೇಮ ಗಣೇಶ ಮೂರ್ತಿಗಳ ತಯಾರಕರು ತಮ್ಮ ಇತರೆ ಕೆಲಸಗಳನ್ನು ಬದಿಗೊತ್ತಿ ಮೂರ್ತಿ ತಯಾರಿಕೆಯಲ್ಲಿ ತೊಡಗಿಸಿಕೊಂಡಿದ್ದಾರೆ.</p>.<p>ಪಟ್ಟಣದ ಮೇನ್ ಬಜಾರಿನ ನಿವಾಸಿ ಸುಂದರಕೃಷ್ಣ ಅವರ ಮನೆಯ ಆವರಣಲ್ಲಿ ಈಗ ಗಣಪನ ಮೂರ್ತಿಗಳು ಮೈದಾಳುತ್ತಿವೆ. ಅವರು ಹಿಟ್ಟಿನ ಗಿರಣಿ ನಡೆಸುತ್ತಿದ್ದರೂ, ಅದನ್ನು ಬದಿಗಿಟ್ಟು, ನೂರಾರು ಮೂರ್ತಿಗಳನ್ನು ತಯಾರಿಸಲು ಆರಂಭಿಸಿದ್ದಾರೆ.</p>.<p>ಮಣ್ಣಿನ ಗಣಪ: ಪಿಒಪಿ ಮೂರ್ತಿಗಳ ತಯಾರಿ ಮತ್ತು ಮಾರಾಟ ನಿಷೇಧವಾಗಿರುವುದರಿಂದ ಮಣ್ಣಿನ ಮೂರ್ತಿಗಳ ತಯಾರಿಕೆಗೆ ಈ ಬಾರಿ ಹೆಚ್ಚಿನ ಒತ್ತಡವೂ ಉಂಟಾಗಿದೆ.</p>.<p>ಇತರೆಡೆಯಿಂದ ಪಿಓಪಿ ಮೂರ್ತಿಗಳನ್ನು ಖರೀದಿಸಿ ತಂದು ಮಾರುತ್ತಿದ್ದವರೂ ಮಣ್ಣಿನ ಮೂರ್ತಿಗಳತ್ತ ಮುಖ ಮಾಡಿದ್ದಾರೆ. ‘ಈ ವರ್ಷ ಪಿಒಪಿ ಗಣೇಶ ಮೂರ್ತಿಗಳ ನಿಷೇಧದಿಂದ ನಿಜವಾದ ಕಲಾವಿದರಿಗೆ ಬೆಲೆ ಬಂದಂತಾಗಿದೆ. ಮೂರ್ತಿಗಳನ್ನು ತಯಾರಿಸುವವರೇ ಮಾರಾಟ ಮಾಡಲು ಅನುಕೂಲವಾಗಿದೆ’ ಎಂಬುದು ಸುಂದರಕೃಷ್ಣ ಅವರ ಸಮಾಧಾನದ ನುಡಿ.</p>.<p>‘ಪಿಒಪಿ ಮೂರ್ತಿಗಳ ಮಾರಾಟಗಾರರ ಪೈಪೋಟಿಯಿಂದಾಗಿ ಮಣ್ಣಿನ ಮೂರ್ತಿಗಳ ಜೊತೆಗೆ ಪಿಒಪಿ ಮೂರ್ತಿಗಳನ್ನೂ ಮಾರುವುದು ಅನಿವಾರ್ಯವಾಗಿತ್ತು. ಈಗ ಅಂಥ ಸನ್ನಿವೇಶವಿಲ್ಲ’ ಎಂದು ಹರ್ಷ ವ್ಯಕ್ತಪಡಿಸಿದರು.</p>.<p>ಈಗಾಗಲೇ ನೂರಾರು ಮೂರ್ತಿಗಳನ್ನು ಸಿದ್ಧಗೊಳಿಸಿರುವ ಅವರು ಹಗಲಿರುಳೆನ್ನದೆ ಮೂರ್ತಿಗಳ ತಯಾರಿಯಲ್ಲಿ ತೊಡಗಿದ್ದಾರೆ. ಒಂದು ಅಡಿಯಿಂದ 7-8 ಅಡಿ ಎತ್ತರದವರೆಗಿನ ಮೂರ್ತಿಗಳನ್ನು ತಯಾರಿಸುತ್ತಿದ್ದಾರೆ.</p>.<p>‘ಮಣ್ಣಿನ ಮೂರ್ತಿಗಳು ಭಾರ ಇರುವುದರಿಂದ, 3-4 ಅಡಿಯ ಮೂರ್ತಿಗಳನ್ನೇ ಹೆಚ್ಚಾಗಿ ತಯಾರಿಸುತ್ತಿದ್ದೇವೆ’ ಎಂದರು.</p>.<p>ಮೂರ್ತಿ ತಯಾರಿಸುವುದನ್ನು ಅವರಿಗೆ ಹೇಳಿಕೊಟ್ಟ ತಾಯಿ ಮಂಜುಳಾದೇವಿ ಹಾಗೂ ಕುಟುಂಬದ ಸದಸ್ಯರು ಅವರೊಂದಿಗೆ ಇದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಂಡೂರು:</strong> ಗಣೇಶ ಚತುರ್ಥಿಗೆ ಪರಿಸರಸ್ನೇಹಿ ಮಣ್ಣಿನ ಗಣಪನ ಮೂರ್ತಿಗಳ ತಯಾರಿ ಒಂದು ತಿಂಗಳ ಮುಂಚೆಯೇ ಭರದಿಂದ ನಡೆದಿದೆ.</p>.<p>ಗಣೇಶನ ಮೂರ್ತಿಗಳು ಗಲ್ಲಿಗಳಲ್ಲಿ, ಮನೆ–ಮನೆಗಳಲ್ಲಿ ಪ್ರತಿಷ್ಠಾಪನೆಗೊಳ್ಳಲು ಇನ್ನೊಂದು ತಿಂಗಳು ಬಾಕಿ ಇದೆ. ಅದಕ್ಕಾಗಿಯೇಮ ಗಣೇಶ ಮೂರ್ತಿಗಳ ತಯಾರಕರು ತಮ್ಮ ಇತರೆ ಕೆಲಸಗಳನ್ನು ಬದಿಗೊತ್ತಿ ಮೂರ್ತಿ ತಯಾರಿಕೆಯಲ್ಲಿ ತೊಡಗಿಸಿಕೊಂಡಿದ್ದಾರೆ.</p>.<p>ಪಟ್ಟಣದ ಮೇನ್ ಬಜಾರಿನ ನಿವಾಸಿ ಸುಂದರಕೃಷ್ಣ ಅವರ ಮನೆಯ ಆವರಣಲ್ಲಿ ಈಗ ಗಣಪನ ಮೂರ್ತಿಗಳು ಮೈದಾಳುತ್ತಿವೆ. ಅವರು ಹಿಟ್ಟಿನ ಗಿರಣಿ ನಡೆಸುತ್ತಿದ್ದರೂ, ಅದನ್ನು ಬದಿಗಿಟ್ಟು, ನೂರಾರು ಮೂರ್ತಿಗಳನ್ನು ತಯಾರಿಸಲು ಆರಂಭಿಸಿದ್ದಾರೆ.</p>.<p>ಮಣ್ಣಿನ ಗಣಪ: ಪಿಒಪಿ ಮೂರ್ತಿಗಳ ತಯಾರಿ ಮತ್ತು ಮಾರಾಟ ನಿಷೇಧವಾಗಿರುವುದರಿಂದ ಮಣ್ಣಿನ ಮೂರ್ತಿಗಳ ತಯಾರಿಕೆಗೆ ಈ ಬಾರಿ ಹೆಚ್ಚಿನ ಒತ್ತಡವೂ ಉಂಟಾಗಿದೆ.</p>.<p>ಇತರೆಡೆಯಿಂದ ಪಿಓಪಿ ಮೂರ್ತಿಗಳನ್ನು ಖರೀದಿಸಿ ತಂದು ಮಾರುತ್ತಿದ್ದವರೂ ಮಣ್ಣಿನ ಮೂರ್ತಿಗಳತ್ತ ಮುಖ ಮಾಡಿದ್ದಾರೆ. ‘ಈ ವರ್ಷ ಪಿಒಪಿ ಗಣೇಶ ಮೂರ್ತಿಗಳ ನಿಷೇಧದಿಂದ ನಿಜವಾದ ಕಲಾವಿದರಿಗೆ ಬೆಲೆ ಬಂದಂತಾಗಿದೆ. ಮೂರ್ತಿಗಳನ್ನು ತಯಾರಿಸುವವರೇ ಮಾರಾಟ ಮಾಡಲು ಅನುಕೂಲವಾಗಿದೆ’ ಎಂಬುದು ಸುಂದರಕೃಷ್ಣ ಅವರ ಸಮಾಧಾನದ ನುಡಿ.</p>.<p>‘ಪಿಒಪಿ ಮೂರ್ತಿಗಳ ಮಾರಾಟಗಾರರ ಪೈಪೋಟಿಯಿಂದಾಗಿ ಮಣ್ಣಿನ ಮೂರ್ತಿಗಳ ಜೊತೆಗೆ ಪಿಒಪಿ ಮೂರ್ತಿಗಳನ್ನೂ ಮಾರುವುದು ಅನಿವಾರ್ಯವಾಗಿತ್ತು. ಈಗ ಅಂಥ ಸನ್ನಿವೇಶವಿಲ್ಲ’ ಎಂದು ಹರ್ಷ ವ್ಯಕ್ತಪಡಿಸಿದರು.</p>.<p>ಈಗಾಗಲೇ ನೂರಾರು ಮೂರ್ತಿಗಳನ್ನು ಸಿದ್ಧಗೊಳಿಸಿರುವ ಅವರು ಹಗಲಿರುಳೆನ್ನದೆ ಮೂರ್ತಿಗಳ ತಯಾರಿಯಲ್ಲಿ ತೊಡಗಿದ್ದಾರೆ. ಒಂದು ಅಡಿಯಿಂದ 7-8 ಅಡಿ ಎತ್ತರದವರೆಗಿನ ಮೂರ್ತಿಗಳನ್ನು ತಯಾರಿಸುತ್ತಿದ್ದಾರೆ.</p>.<p>‘ಮಣ್ಣಿನ ಮೂರ್ತಿಗಳು ಭಾರ ಇರುವುದರಿಂದ, 3-4 ಅಡಿಯ ಮೂರ್ತಿಗಳನ್ನೇ ಹೆಚ್ಚಾಗಿ ತಯಾರಿಸುತ್ತಿದ್ದೇವೆ’ ಎಂದರು.</p>.<p>ಮೂರ್ತಿ ತಯಾರಿಸುವುದನ್ನು ಅವರಿಗೆ ಹೇಳಿಕೊಟ್ಟ ತಾಯಿ ಮಂಜುಳಾದೇವಿ ಹಾಗೂ ಕುಟುಂಬದ ಸದಸ್ಯರು ಅವರೊಂದಿಗೆ ಇದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
