<p>ವಿಜಯಪುರ(ದೇವನಹಳ್ಳಿ): ಮೂರು ದಿನಗಳಿಂದ ಮೋಡ ಮುಸುಕಿದ ವಾತಾವರಣ ಹಾಗೂ ಆಗಾಗ ಜಿಟಿ ಜಿಟಿ ಮಳೆಯಾಗುತ್ತಿದೆ. ಚಳಿಗಾಲ ವಾತಾವರಣದಲ್ಲಿ ಹೆಚ್ಚು ತೇವಾಂಶ ಇರಲಿದೆ. ಇದರಿಂದ ದ್ರಾಕ್ಷಿ ಬೆಳೆಗಳಲ್ಲಿ ಡೌನಿಮಿಲ್ಡ್ ರೋಗ ಕಾಣಿಸಿಕೊಳ್ಳುತ್ತಿದೆ. ಇದು ರೈತರ ಆತಂಕಕ್ಕೆ ಕಾರಣವಾಗಿದೆ.</p>.<p>ತಾಲ್ಲೂಕಿನ ಬಿಜ್ಜವಾರ, ಇರಿಗೇನಹಳ್ಳಿ, ವೆಂಕಟಗಿರಿಕೋಟೆ, ಬೀಡಿಗಾನಹಳ್ಳಿ, ದಿನ್ನೂರು, ಚನ್ನರಾಯಪಟ್ಟಣ, ಚೀಮಾಚನಹಳ್ಳಿ, ಬುಳ್ಳಹಳ್ಳಿ, ಗೊಡ್ಲುಮುದ್ದೇನಹಳ್ಳಿ, ರಂಗನಾಥಪುರ, ಕೊಮ್ಮಸಂದ್ರ, ಸಿಂಗವಾರ, ಹೊಸಹುಡ್ಯ ಮುಂತಾದ ಕಡೆ ದ್ರಾಕ್ಷಿ ಬೆಳೆಯುವ ರೈತರು ಹೆಚ್ಚಾಗಿದ್ದಾರೆ.</p>.<p>ಪ್ರೂನಿಂಗ್ (ಹೂವಿನಿಂದ ಕಾಯಿಯಾಗುವ ಹಂತ) ಮಾಡಿದ ನಂತರ ಚಿಗುರು ಬರುತ್ತಿರುವ ಬೆಳೆ ಹಾಗೂ ಪಾಲಿನೇಷನ್ ಆಗುತ್ತಿರುವ ಬೆಳೆಗೆ ರೋಗ ಕಾಣಿಸಿಕೊಳ್ಳುತ್ತಿದೆ. ರೋಗ ನಿಯಂತ್ರಣಕ್ಕಾಗಿ ರೈತರು ಹೆಚ್ಚು ಕ್ರಿಮಿನಾಶಕ ಸಿಂಪಡಣೆ ಮಾಡುವಂತಾಗಿದೆ.</p>.<p>ಸಂಜೆ 6ರ ನಂತರ ವಾತಾವರಣದಲ್ಲಿ ತೇವಾಂಶ ಹೆಚ್ಚಾಗುತ್ತಿದೆ. ಇದರ ಜತೆಗೆ ಮೋಡ ಕವಿದ ವಾತಾವರಣವಿದೆ. ಜಿಟಿ, ಜಿಟಿ ಮಳೆಯಾಗುತ್ತಿದೆ. ಇದರಿಂದ ಡೌನಿಮಿಲ್ಡ್ ರೋಗ ಹಾಗೂ ಪೌಡರಿಮಿಲ್ಡ್ ರೋಗ ಕಾಣಿಸಿಕೊಳ್ಳುತ್ತಿದೆ. ರೋಗ ನಿಯಂತ್ರಿಸಬೇಕಾದರೆ ದಿನವೊಂದಕ್ಕೆ ₹5-6 ಸಾವಿರ ಕ್ರಿಮಿನಾಶಕ ಸಿಂಪಡಣೆ ಮಾಡಬೇಕಾಗಿದೆ. ರೋಗ ನಿಯಂತ್ರಣಕ್ಕೆ ಬಾರದಿದ್ದರೆ ಬೆಳೆ ಕೈಗೆ ಸಿಗುವ ಅವಕಾಶ ಇರುವುದಿಲ್ಲ.</p>.<p>ರೈತರು, ತೀವ್ರ ನೀರಿನ ಅಭಾವದಲ್ಲೂ ಹನಿ ನೀರಾವರಿ ಪದ್ಧತಿ ಅಳವಡಿಸಿಕೊಂಡು ಬೆಳೆಯುತ್ತಿರುವ ವಾಣಿಜ್ಯ ಬೆಳೆ ದ್ರಾಕ್ಷಿಗೆ ಕಾಡುತ್ತಿರುವ ರೋಗದಿಂದ ರೈತರು ಹೈರಾಣಾಗಿದ್ದಾರೆ. ಬೆಳೆ ಚೆನ್ನಾಗಿ ಬಂದರೆ ಬೆಲೆ ಸಿಗಲ್ಲ; ಬೆಲೆ ಇರುವಾಗ ಬೆಳೆಗಳಿಗೆ ಆಪತ್ತು ಎದುರಾಗುತ್ತದೆ. ಪ್ರಾಕೃತಿಕ ವಿಕೋಪ ಸಂಭವಿಸಿದಾಗ ಮಾತ್ರ ವಿಮೆ ಪಡೆಯಬಹುದು. ಬೆಳೆ ರೋಗಕ್ಕೆ ತುತ್ತಾದರೆ ವಿಮೆ ಬರುವುದಿಲ್ಲ ಎಂದು ರೈತ ಹನುಮಪ್ಪ ಹೇಳುತ್ತಾರೆ.</p>.<p><strong>ಕಡಿಮೆ ಖರ್ಚಿನಲ್ಲಿ ರೋಗ ನಿಯಂತ್ರಣಕ್ಕೆ ಸಹಕಾರಿ </strong></p><p>ತಾಲ್ಲೂಕಿನಲ್ಲಿ 1200 ಹೆಕ್ಟೇರ್ ಪ್ರದೇಶದಲ್ಲಿ ರೈತರು ದ್ರಾಕ್ಷಿ ಬೆಳೆ ಬೆಳೆಯುತ್ತಿದ್ದಾರೆ. ಡೌನಿಮಿಲ್ಡ್ ರೋಗ ನಿಯಂತ್ರಣಕ್ಕೆ ಮೆಟಲಾಜಿಲ್ ಮತ್ತು ಮ್ಯಾಂಕೋಜೆಬ್ ಎರಡು ಮಿಶ್ರಣ ಮಾಡಿ 1ಲೀಟರ್ ನೀರಿಗೆ 2 ಗ್ರಾಂನಂತೆ ಬರೆಯಿಸಿಕೊಂಡು ಸಿಂಪಡಣೆ ಮಾಡಬಹುದು. ಬೋರ್ಡೋ ದ್ರಾವಣ ಕೂಡ ಸಿಂಪಡಣೆ ಮಾಡಬಹುದು. ಇದು ರೈತರಿಗೆ ಕಡಿಮೆ ಖರ್ಚಿನಲ್ಲಿ ರೋಗ ನಿಯಂತ್ರಣಕ್ಕೆ ತರಲು ಸಹಕಾರಿಯಾಗಲಿದೆ. ಆದರ್ಶ್ ಸಹಾಯಕ ತೋಟಗಾರಿಕೆ ಅಧಿಕಾರಿ ದೇವನಹಳ್ಳಿ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ವಿಜಯಪುರ(ದೇವನಹಳ್ಳಿ): ಮೂರು ದಿನಗಳಿಂದ ಮೋಡ ಮುಸುಕಿದ ವಾತಾವರಣ ಹಾಗೂ ಆಗಾಗ ಜಿಟಿ ಜಿಟಿ ಮಳೆಯಾಗುತ್ತಿದೆ. ಚಳಿಗಾಲ ವಾತಾವರಣದಲ್ಲಿ ಹೆಚ್ಚು ತೇವಾಂಶ ಇರಲಿದೆ. ಇದರಿಂದ ದ್ರಾಕ್ಷಿ ಬೆಳೆಗಳಲ್ಲಿ ಡೌನಿಮಿಲ್ಡ್ ರೋಗ ಕಾಣಿಸಿಕೊಳ್ಳುತ್ತಿದೆ. ಇದು ರೈತರ ಆತಂಕಕ್ಕೆ ಕಾರಣವಾಗಿದೆ.</p>.<p>ತಾಲ್ಲೂಕಿನ ಬಿಜ್ಜವಾರ, ಇರಿಗೇನಹಳ್ಳಿ, ವೆಂಕಟಗಿರಿಕೋಟೆ, ಬೀಡಿಗಾನಹಳ್ಳಿ, ದಿನ್ನೂರು, ಚನ್ನರಾಯಪಟ್ಟಣ, ಚೀಮಾಚನಹಳ್ಳಿ, ಬುಳ್ಳಹಳ್ಳಿ, ಗೊಡ್ಲುಮುದ್ದೇನಹಳ್ಳಿ, ರಂಗನಾಥಪುರ, ಕೊಮ್ಮಸಂದ್ರ, ಸಿಂಗವಾರ, ಹೊಸಹುಡ್ಯ ಮುಂತಾದ ಕಡೆ ದ್ರಾಕ್ಷಿ ಬೆಳೆಯುವ ರೈತರು ಹೆಚ್ಚಾಗಿದ್ದಾರೆ.</p>.<p>ಪ್ರೂನಿಂಗ್ (ಹೂವಿನಿಂದ ಕಾಯಿಯಾಗುವ ಹಂತ) ಮಾಡಿದ ನಂತರ ಚಿಗುರು ಬರುತ್ತಿರುವ ಬೆಳೆ ಹಾಗೂ ಪಾಲಿನೇಷನ್ ಆಗುತ್ತಿರುವ ಬೆಳೆಗೆ ರೋಗ ಕಾಣಿಸಿಕೊಳ್ಳುತ್ತಿದೆ. ರೋಗ ನಿಯಂತ್ರಣಕ್ಕಾಗಿ ರೈತರು ಹೆಚ್ಚು ಕ್ರಿಮಿನಾಶಕ ಸಿಂಪಡಣೆ ಮಾಡುವಂತಾಗಿದೆ.</p>.<p>ಸಂಜೆ 6ರ ನಂತರ ವಾತಾವರಣದಲ್ಲಿ ತೇವಾಂಶ ಹೆಚ್ಚಾಗುತ್ತಿದೆ. ಇದರ ಜತೆಗೆ ಮೋಡ ಕವಿದ ವಾತಾವರಣವಿದೆ. ಜಿಟಿ, ಜಿಟಿ ಮಳೆಯಾಗುತ್ತಿದೆ. ಇದರಿಂದ ಡೌನಿಮಿಲ್ಡ್ ರೋಗ ಹಾಗೂ ಪೌಡರಿಮಿಲ್ಡ್ ರೋಗ ಕಾಣಿಸಿಕೊಳ್ಳುತ್ತಿದೆ. ರೋಗ ನಿಯಂತ್ರಿಸಬೇಕಾದರೆ ದಿನವೊಂದಕ್ಕೆ ₹5-6 ಸಾವಿರ ಕ್ರಿಮಿನಾಶಕ ಸಿಂಪಡಣೆ ಮಾಡಬೇಕಾಗಿದೆ. ರೋಗ ನಿಯಂತ್ರಣಕ್ಕೆ ಬಾರದಿದ್ದರೆ ಬೆಳೆ ಕೈಗೆ ಸಿಗುವ ಅವಕಾಶ ಇರುವುದಿಲ್ಲ.</p>.<p>ರೈತರು, ತೀವ್ರ ನೀರಿನ ಅಭಾವದಲ್ಲೂ ಹನಿ ನೀರಾವರಿ ಪದ್ಧತಿ ಅಳವಡಿಸಿಕೊಂಡು ಬೆಳೆಯುತ್ತಿರುವ ವಾಣಿಜ್ಯ ಬೆಳೆ ದ್ರಾಕ್ಷಿಗೆ ಕಾಡುತ್ತಿರುವ ರೋಗದಿಂದ ರೈತರು ಹೈರಾಣಾಗಿದ್ದಾರೆ. ಬೆಳೆ ಚೆನ್ನಾಗಿ ಬಂದರೆ ಬೆಲೆ ಸಿಗಲ್ಲ; ಬೆಲೆ ಇರುವಾಗ ಬೆಳೆಗಳಿಗೆ ಆಪತ್ತು ಎದುರಾಗುತ್ತದೆ. ಪ್ರಾಕೃತಿಕ ವಿಕೋಪ ಸಂಭವಿಸಿದಾಗ ಮಾತ್ರ ವಿಮೆ ಪಡೆಯಬಹುದು. ಬೆಳೆ ರೋಗಕ್ಕೆ ತುತ್ತಾದರೆ ವಿಮೆ ಬರುವುದಿಲ್ಲ ಎಂದು ರೈತ ಹನುಮಪ್ಪ ಹೇಳುತ್ತಾರೆ.</p>.<p><strong>ಕಡಿಮೆ ಖರ್ಚಿನಲ್ಲಿ ರೋಗ ನಿಯಂತ್ರಣಕ್ಕೆ ಸಹಕಾರಿ </strong></p><p>ತಾಲ್ಲೂಕಿನಲ್ಲಿ 1200 ಹೆಕ್ಟೇರ್ ಪ್ರದೇಶದಲ್ಲಿ ರೈತರು ದ್ರಾಕ್ಷಿ ಬೆಳೆ ಬೆಳೆಯುತ್ತಿದ್ದಾರೆ. ಡೌನಿಮಿಲ್ಡ್ ರೋಗ ನಿಯಂತ್ರಣಕ್ಕೆ ಮೆಟಲಾಜಿಲ್ ಮತ್ತು ಮ್ಯಾಂಕೋಜೆಬ್ ಎರಡು ಮಿಶ್ರಣ ಮಾಡಿ 1ಲೀಟರ್ ನೀರಿಗೆ 2 ಗ್ರಾಂನಂತೆ ಬರೆಯಿಸಿಕೊಂಡು ಸಿಂಪಡಣೆ ಮಾಡಬಹುದು. ಬೋರ್ಡೋ ದ್ರಾವಣ ಕೂಡ ಸಿಂಪಡಣೆ ಮಾಡಬಹುದು. ಇದು ರೈತರಿಗೆ ಕಡಿಮೆ ಖರ್ಚಿನಲ್ಲಿ ರೋಗ ನಿಯಂತ್ರಣಕ್ಕೆ ತರಲು ಸಹಕಾರಿಯಾಗಲಿದೆ. ಆದರ್ಶ್ ಸಹಾಯಕ ತೋಟಗಾರಿಕೆ ಅಧಿಕಾರಿ ದೇವನಹಳ್ಳಿ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
