<p><strong>ಶ್ರೀನಿವಾಸಪುರ</strong>: ಸುಗ್ಗಿ ಮುಗಿಯು ಹಂತದಲ್ಲಿ ಮಾವಿನ ಕಾಯಿ ಬೆಲೆಯಲ್ಲಿ ಚೇತರಿಕೆ ಕಂಡುಬಂದಿದೆ. ಇದರಿಂದ ಒಳ್ಳೆಯ ಬೆಲೆ ನಿರೀಕ್ಷೆಯಲ್ಲಿ ಕಾಯಿ ಕಟಾವು ಮುಂದೂಡಿದ್ದ ರೈತರು ಖುಷಿಯಲ್ಲಿದ್ದಾರೆ. ಆದರೆ ಕಾಯಿ ಕಟಾವು ತಡವಾದ ಪರಿಣಾಮವಾಗಿ ಬಹಳಷ್ಟು ಕಾಯಿ ಕೊಳೆತು ನೆಲಕಚ್ಚಿದೆ.</p>.<p>ಈಗ ಇರುವ ಕಾಯಿಗೆ ಬೆಲೆ ಬಂದಿದೆಯಾದರೂ, ತಡವಾಗಿ ಕಿತ್ತ ಪರಿಣಾಮವಾಗಿ ಶೇ.70 ರಷ್ಟು ಕಾಯಿ ಕಪ್ಪು ಮಚ್ಚೆ ರೋಗದಿಂದ ಕೊಳೆತು ನೆಲಕಚ್ಚಿದೆ. ಈಗ ಬೆಲೆ ಬಂದಿದ್ದರೂ ಕೈಗೆ ಬರುವುದು ಅಷ್ಟಕ್ಕಷ್ಟೆ ಎಂಬುದು ಮಾವು ಬೆಳೆಗಾರ ರಾಮಕೃಷ್ಣ ಅವರ ಅಳಲು.</p>.<p>ಮಾವಿನ ಬೆಲೆಯಲ್ಲಿ ಹೆಚ್ಚಳ ಕಂಡುಬರುತ್ತಿದಂತೆ, ವ್ಯಾಪಾರಿಗಳು ರೈತರಿಂದ ನೇರವಾಗಿ ಕಾಯಿ ಖರೀದಿಸಲು ಮುಂದಾಗಿದ್ದಾರೆ. ರೈತರು, ಕಮೀಷನ್ ಹಾಗೂ ಸಾಗಾಣಿಕೆ ವೆಚ್ಚ ಉಳಿಯುವುದರಿಂದ ತೋಟದಲ್ಲಿಯೇ ಫಸಲು ಮಾರಾಟ ಮಾಡಲು ಮುಂದಾಗಿದ್ದಾರೆ.</p>.<p>ಈ ಬಾರಿ ಸುಗ್ಗಿ ಆರಂಭದಿಂದಲೂ ಮಾವಿನ ಕಾಯಿಗೆ ಒಳ್ಳೆ ಬೆಲೆ ಸಿಗಲಿಲ್ಲ. ಆರಕ್ಕೇರದ ಮೂರಕ್ಕಿಳಿಯದ ಬೆಲೆಯಲ್ಲಿ ಮಾರಾಟವಾಯಿತು.</p>.<p>ತಾಲ್ಲೂಕಿನಲ್ಲಿ ಜ್ಯೂಸ್ ತಯಾರಿಕೆಗಾಗಿಯೇ ಹೆಚ್ಚಿನ ವಿಸ್ತೀರ್ಣದಲ್ಲಿ ಬೆಳೆಯುವ ತೋತಾಪುರಿ ಮಾವು ಬೆಲೆಯಲ್ಲಿ ಹಿಂದೆಬಿದ್ದಿತ್ತು. ಸುಗ್ಗಿಯ ಆರಂಭದಲ್ಲಿ ಒಂದು ಟನ್ ₹10 ಸಾವಿರದ ಆಜೂಬಾಜು ಮಾರಾಟವಾಯಿತು. ಮಾರುಕಟ್ಟೆಗೆ ಆವಕದ ಪ್ರಮಾಣ ಹೆಚ್ಚಿದಂತೆ 1 ಟನ್ ಕಾಯಿ ಬೆಲೆ ₹7000ಕ್ಕೆ ಕುಸಿಯಿತು. ಕುಸಿದ ಬೆಲೆ ಚೇತರಿಸಿಕೊಳ್ಳಲಿಲ್ಲ.</p>.<p>ಈಗ ಸುಗ್ಗಿ ಕೊನೆ ಹಂತ ತಲುಪಿದೆ. ಎರಡು ದಿನಗಳಿಂದ ಮಾವಿನ ಕಾಯಿ ಬೆಲೆಯಲ್ಲಿ ಗಣನೀಯ ಜಿಗಿತ ಉಂಟಾಗಿದೆ. ತೋತಾಪುರಿ ಒಂದು ಟನ್ಗೆ ₹16 ರಿಂದ 18 ಸಾವಿರದಂತೆ ಮಾರಾಟವಾಗುತ್ತಿದೆ. ₹20 ಸಾವಿರದ ಗಡಿ ದಾಟುವ ನಿರೀಕ್ಷೆ ಇದೆ.</p>.<p>ಸುಗ್ಗಿಯ ಕೊನೆಯಲ್ಲಿ ಬರುವ ನೀಲಂ ಜಾತಿ ಮಾವು ಟನ್ ಒಂದಕ್ಕೆ ₹5000 ದಂತೆ ಮಾರಾಟವಾಗುತ್ತಿತ್ತು. ಆದರೆ ಈಗ ದಿಢೀರ್ ₹12 ಸಾವಿರಕ್ಕೆ ಜಿಗಿದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶ್ರೀನಿವಾಸಪುರ</strong>: ಸುಗ್ಗಿ ಮುಗಿಯು ಹಂತದಲ್ಲಿ ಮಾವಿನ ಕಾಯಿ ಬೆಲೆಯಲ್ಲಿ ಚೇತರಿಕೆ ಕಂಡುಬಂದಿದೆ. ಇದರಿಂದ ಒಳ್ಳೆಯ ಬೆಲೆ ನಿರೀಕ್ಷೆಯಲ್ಲಿ ಕಾಯಿ ಕಟಾವು ಮುಂದೂಡಿದ್ದ ರೈತರು ಖುಷಿಯಲ್ಲಿದ್ದಾರೆ. ಆದರೆ ಕಾಯಿ ಕಟಾವು ತಡವಾದ ಪರಿಣಾಮವಾಗಿ ಬಹಳಷ್ಟು ಕಾಯಿ ಕೊಳೆತು ನೆಲಕಚ್ಚಿದೆ.</p>.<p>ಈಗ ಇರುವ ಕಾಯಿಗೆ ಬೆಲೆ ಬಂದಿದೆಯಾದರೂ, ತಡವಾಗಿ ಕಿತ್ತ ಪರಿಣಾಮವಾಗಿ ಶೇ.70 ರಷ್ಟು ಕಾಯಿ ಕಪ್ಪು ಮಚ್ಚೆ ರೋಗದಿಂದ ಕೊಳೆತು ನೆಲಕಚ್ಚಿದೆ. ಈಗ ಬೆಲೆ ಬಂದಿದ್ದರೂ ಕೈಗೆ ಬರುವುದು ಅಷ್ಟಕ್ಕಷ್ಟೆ ಎಂಬುದು ಮಾವು ಬೆಳೆಗಾರ ರಾಮಕೃಷ್ಣ ಅವರ ಅಳಲು.</p>.<p>ಮಾವಿನ ಬೆಲೆಯಲ್ಲಿ ಹೆಚ್ಚಳ ಕಂಡುಬರುತ್ತಿದಂತೆ, ವ್ಯಾಪಾರಿಗಳು ರೈತರಿಂದ ನೇರವಾಗಿ ಕಾಯಿ ಖರೀದಿಸಲು ಮುಂದಾಗಿದ್ದಾರೆ. ರೈತರು, ಕಮೀಷನ್ ಹಾಗೂ ಸಾಗಾಣಿಕೆ ವೆಚ್ಚ ಉಳಿಯುವುದರಿಂದ ತೋಟದಲ್ಲಿಯೇ ಫಸಲು ಮಾರಾಟ ಮಾಡಲು ಮುಂದಾಗಿದ್ದಾರೆ.</p>.<p>ಈ ಬಾರಿ ಸುಗ್ಗಿ ಆರಂಭದಿಂದಲೂ ಮಾವಿನ ಕಾಯಿಗೆ ಒಳ್ಳೆ ಬೆಲೆ ಸಿಗಲಿಲ್ಲ. ಆರಕ್ಕೇರದ ಮೂರಕ್ಕಿಳಿಯದ ಬೆಲೆಯಲ್ಲಿ ಮಾರಾಟವಾಯಿತು.</p>.<p>ತಾಲ್ಲೂಕಿನಲ್ಲಿ ಜ್ಯೂಸ್ ತಯಾರಿಕೆಗಾಗಿಯೇ ಹೆಚ್ಚಿನ ವಿಸ್ತೀರ್ಣದಲ್ಲಿ ಬೆಳೆಯುವ ತೋತಾಪುರಿ ಮಾವು ಬೆಲೆಯಲ್ಲಿ ಹಿಂದೆಬಿದ್ದಿತ್ತು. ಸುಗ್ಗಿಯ ಆರಂಭದಲ್ಲಿ ಒಂದು ಟನ್ ₹10 ಸಾವಿರದ ಆಜೂಬಾಜು ಮಾರಾಟವಾಯಿತು. ಮಾರುಕಟ್ಟೆಗೆ ಆವಕದ ಪ್ರಮಾಣ ಹೆಚ್ಚಿದಂತೆ 1 ಟನ್ ಕಾಯಿ ಬೆಲೆ ₹7000ಕ್ಕೆ ಕುಸಿಯಿತು. ಕುಸಿದ ಬೆಲೆ ಚೇತರಿಸಿಕೊಳ್ಳಲಿಲ್ಲ.</p>.<p>ಈಗ ಸುಗ್ಗಿ ಕೊನೆ ಹಂತ ತಲುಪಿದೆ. ಎರಡು ದಿನಗಳಿಂದ ಮಾವಿನ ಕಾಯಿ ಬೆಲೆಯಲ್ಲಿ ಗಣನೀಯ ಜಿಗಿತ ಉಂಟಾಗಿದೆ. ತೋತಾಪುರಿ ಒಂದು ಟನ್ಗೆ ₹16 ರಿಂದ 18 ಸಾವಿರದಂತೆ ಮಾರಾಟವಾಗುತ್ತಿದೆ. ₹20 ಸಾವಿರದ ಗಡಿ ದಾಟುವ ನಿರೀಕ್ಷೆ ಇದೆ.</p>.<p>ಸುಗ್ಗಿಯ ಕೊನೆಯಲ್ಲಿ ಬರುವ ನೀಲಂ ಜಾತಿ ಮಾವು ಟನ್ ಒಂದಕ್ಕೆ ₹5000 ದಂತೆ ಮಾರಾಟವಾಗುತ್ತಿತ್ತು. ಆದರೆ ಈಗ ದಿಢೀರ್ ₹12 ಸಾವಿರಕ್ಕೆ ಜಿಗಿದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
