<p><strong>ಬೆಳಗಾವಿ:</strong> ಕಳೆದ ವಾರವಷ್ಟೇ ರೈಲ್ವೆ ಖಾತೆಯ ರಾಜ್ಯ ಸಚಿವ ಸುರೇಶ ಅಂಗಡಿ ಅವರು ಚಾಲನೆ ನೀಡಿದ್ದ ಬೆಳಗಾವಿ– ಬೆಂಗಳೂರು ಸೂಪರ್ಫಾಸ್ಟ್ ರೈಲಿಗೆ ಪ್ರಯಾಣಿಕರಿಂದ ಉತ್ತಮ ಸ್ಪಂದನೆ ದೊರೆತಿದೆ. ಪ್ರತಿದಿನ ಶೇ 95ಕ್ಕಿಂತಲೂ ಹೆಚ್ಚು ಆಸನಗಳು ಭರ್ತಿಯಾಗಿವೆ. ಇದರಿಂದ ಸಂತುಷ್ಟಗೊಂಡ ರೈಲ್ವೆ ಇಲಾಖೆಯು, ಈ ರೈಲಿನ ಪ್ರಾಯೋಗಿಕ ಸಂಚಾರವನ್ನು ಮೂರು ತಿಂಗಳವರೆಗೆ ವಿಸ್ತರಿಸಿದೆ.</p>.<p>ಈ ಭಾಗದ ಬಹುದಿನಗಳ ಬೇಡಿಕೆಯಾಗಿದ್ದ ಈ ರೈಲು ಸಂಚಾರ ಕಳೆದ ತಿಂಗಳ ಅಂತ್ಯಕ್ಕೆ ಆರಂಭಗೊಂಡಿತ್ತು. ಬೆಳಗಾವಿಯಿಂದ ಪ್ರತಿದಿನ ರಾತ್ರಿ 9 ಗಂಟೆಗೆ ಹೊರಟು, ಧಾರವಾಡ– ಹುಬ್ಬಳ್ಳಿ– ದಾವಣಗೆರೆ– ಅರಸೀಕೆರೆ– ತುಮಕೂರು– ಯಶವಂತಪುರ ಮಾರ್ಗವಾಗಿ ಬೆಂಗಳೂರಿಗೆ ಮರುದಿನ ಬೆಳಿಗ್ಗೆ 7 ಗಂಟೆಗೆ ತಲುಪುತ್ತದೆ. ಅದೇ ರೀತಿ ಬೆಂಗಳೂರಿನಿಂದ ಪ್ರತಿದಿನ ರಾತ್ರಿ 9 ಗಂಟೆಗೆ ಹೊರಟು, ಬೆಳಗಾವಿಗೆ ಮರುದಿನ ಬೆಳಿಗ್ಗೆ 7 ಗಂಟೆಗೆ ತಲುಪುತ್ತದೆ.</p>.<p>ಸುಮಾರು 600 ಕಿ.ಮೀ ದೂರದ ಈ ಪ್ರಯಾಣವನ್ನು ಕೇವಲ 10 ಗಂಟೆಗಳಲ್ಲಿ ಪೂರ್ಣಗೊಳಿಸುತ್ತಿದೆ. ಇದು ಬಸ್ಸಿಗಿಂತಲೂ ಬೇಗ ತಲುಪುವುದರಿಂದ ಹಾಗೂ ಕಡಿಮೆ ದರವಿರುವುದರಿಂದ ಪ್ರಯಾಣಿಕರು ರೈಲಿನತ್ತ ವಾಲಿದ್ದಾರೆ.</p>.<p>ಆರಂಭದಲ್ಲಿ ಕಡಿಮೆ ಇದ್ದ ಪ್ರಯಾಣಿಕರ ಸಂಖ್ಯೆ ದಿನ ಕಳೆದಂತೆ ಹೆಚ್ಚಾಯಿತು. ಈಗ ಶೇ 95ಕ್ಕಿಂತಲೂ ಹೆಚ್ಚು ಜನರು ಪ್ರಯಾಣಿಸುತ್ತಿದ್ದಾರೆ. ರೈಲಿನಲ್ಲಿ ಎಸಿ 2 ಟೈರ್ (48 ಆಸನ), ಎಸಿ 3 ಟೈರ್ (192 ಆಸನ), ಸ್ಲೀಪರ್ ಕ್ಲಾಸ್ (432 ಆಸನ) ಹಾಗೂ ಜನರಲ್ ಬೋಗಿ (180 ಆಸನ) ಸೇರಿದಂತೆ ಒಟ್ಟು 8 ಬೋಗಿಗಳಿವೆ. 852 ಜನರಿಗೆ ಪ್ರಯಾಣಿಸಲು ಅವಕಾಶವಿದೆ. ಜುಲೈ 1ರಂದು ಬೆಳಗಾವಿ– ಬೆಂಗಳೂರು ರೈಲಿನಲ್ಲಿ ಒಟ್ಟು 732 (ಶೇ 85) ಪ್ರಯಾಣಿಕರು ಪ್ರಯಾಣಿಸಿದ್ದರು. ನಂತರದ ದಿನಗಳಲ್ಲಿ ಇದು ಹೆಚ್ಚಾಗಿ, ಜುಲೈ 7ರಂದು ಈ ಸಂಖ್ಯೆ 845ಕ್ಕೆ (ಶೇ 99) ತಲುಪಿತ್ತು.</p>.<p>ಇದೇ ರೀತಿ, ಬೆಂಗಳೂರಿನಿಂದ ಬೆಳಗಾವಿಗೆ ಬರುವ ರೈಲು ಕೂಡ ಬಹುತೇಕ ಭರ್ತಿಯಾಗಿ ಸಂಚರಿಸುತ್ತಿದೆ. ಜುಲೈ 1ರಂದು 852 ಜನರು ಸಂಚರಿಸಿದ್ದರು. ಇದೇ ರೀತಿ ವಾರದುದ್ದಕ್ಕೂ ಭರ್ತಿಯಾಗಿಯೇ ಕಂಡುಬಂದಿದೆ.</p>.<p><strong>ಬೆಳಗಾವಿ, ಹುಬ್ಬಳ್ಳಿಯವರೇ ಹೆಚ್ಚು:</strong></p>.<p>ಈ ರೈಲಿನಲ್ಲಿ ಬೆಳಗಾವಿ ಹಾಗೂ ಹುಬ್ಬಳ್ಳಿಯ ಜನರೇ ಹೆಚ್ಚು ಪ್ರಯಾಣಿಸುತ್ತಿದ್ದಾರೆ. ಬೆಂಗಳೂರಿಗೆ ತೆರಳಲು ಹಾಗೂ ವಾಪಸ್ ಬರಲು ಅವರಿಗೆ ಬಹಳಷ್ಟು ಅನುಕೂಲವಾಗಿದೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದರು.</p>.<p><strong>ವಾರಾಂತ್ಯದಲ್ಲಿ ನೂಕುನುಗ್ಗಲು:</strong></p>.<p>ಶನಿವಾರ ಹಾಗೂ ಭಾನುವಾರ ಸಾರಿಗೆ ಸಂಸ್ಥೆ ಹಾಗೂ ಖಾಸಗಿ ಬಸ್ಗಳು ಸಿಕ್ಕಾಪಟ್ಟೆ ದರ ಹೆಚ್ಚಿಸುತ್ತವೆ. ಬೆಳಗಾವಿ– ಬೆಂಗಳೂರಿಗೆ ₹ 1,500ದಿಂದ ₹ 2,000 ವರೆಗೆ ದರ ಹೆಚ್ಚಿಸುತ್ತವೆ. ಅದಕ್ಕೆ ಪ್ರಯಾಣಿಕರು, ರೈಲಿಗೆ ಮೊದಲ ಆದ್ಯತೆ ನೀಡುತ್ತಿದ್ದಾರೆ. ರೈಲಿನಲ್ಲಿ ಎಲ್ಲ ದಿನವೂ ಒಂದೇ ರೀತಿಯ ಪ್ರಯಾಣ ದರವಿದೆ. 2 ಟೈರ್ ಎಸಿ ₹ 1,755, 3 ಟೈರ್ ಎಸಿ– ₹ 1,235 ಸ್ಲೀಪರ್ ಕ್ಲಾಸ್ಗೆ ಕೇವಲ ₹ 465 ಇದೆ.</p>.<p><strong>ಬಸ್ಗಳಿಗೆ ಹೊಡೆತ:</strong></p>.<p>ಸೂಪರ್ಫಾಸ್ಟ್ ರೈಲು ಆರಂಭವಾಗಿರುವುದರಿಂದ ಬೆಳಗಾವಿಯಿಂದ ಬೆಂಗಳೂರಿಗೆ ಹೊರಡುವ ಎ.ಸಿ, ಸ್ಲೀಪರ್ ಬಸ್ಗಳಲ್ಲಿ ಪ್ರಯಾಣಿಕರ ಸಂಖ್ಯೆ ಗಣನೀಯವಾಗಿ ಇಳಿಕೆ ಕಂಡಿದೆ.</p>.<p>‘ಕಡಿಮೆ ಟಿಕೆಟ್ ದರ ಇರುವುದರಿಂದ ಹಾಗೂ ಬಸ್ಕ್ಕಿಂತ ಕಡಿಮೆ ಅವಧಿಯಲ್ಲಿ ಬೆಂಗಳೂರಿಗೆ ತಲುಪುವುದರಿಂದ ಸಹಜವಾಗಿ ಪ್ರಯಾಣಿಕರು ರೈಲಿನತ್ತ ವಾಲುತ್ತಿರಬಹುದು. ಸಾಮಾನ್ಯವಾಗಿ ಮಳೆಗಾಲದಲ್ಲಿ ಬಸ್ನಲ್ಲಿ ಪ್ರಯಾಣಿಸುವವರ ಸಂಖ್ಯೆ ಕಡಿಮೆಯಾಗುತ್ತದೆ. ಈ ಸಲವೂ ಶೇ 10ರಿಂದ 20ರಷ್ಟು ಕಡಿಮೆಯಾಗಿದೆ. ಇದು ಮಳೆಗಾಲದ ಕಾರಣದಿಂದೋ, ರೈಲಿನಿಂದೋ ಎನ್ನುವುದನ್ನು ನೋಡಬೇಕಾಗಿದೆ’ ಎಂದು ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ವಿಭಾಗೀಯ ನಿಯಂತ್ರಣಾಧಿಕಾರಿ ಎಂ.ಆರ್. ಮುಂಜಿ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಳಗಾವಿ:</strong> ಕಳೆದ ವಾರವಷ್ಟೇ ರೈಲ್ವೆ ಖಾತೆಯ ರಾಜ್ಯ ಸಚಿವ ಸುರೇಶ ಅಂಗಡಿ ಅವರು ಚಾಲನೆ ನೀಡಿದ್ದ ಬೆಳಗಾವಿ– ಬೆಂಗಳೂರು ಸೂಪರ್ಫಾಸ್ಟ್ ರೈಲಿಗೆ ಪ್ರಯಾಣಿಕರಿಂದ ಉತ್ತಮ ಸ್ಪಂದನೆ ದೊರೆತಿದೆ. ಪ್ರತಿದಿನ ಶೇ 95ಕ್ಕಿಂತಲೂ ಹೆಚ್ಚು ಆಸನಗಳು ಭರ್ತಿಯಾಗಿವೆ. ಇದರಿಂದ ಸಂತುಷ್ಟಗೊಂಡ ರೈಲ್ವೆ ಇಲಾಖೆಯು, ಈ ರೈಲಿನ ಪ್ರಾಯೋಗಿಕ ಸಂಚಾರವನ್ನು ಮೂರು ತಿಂಗಳವರೆಗೆ ವಿಸ್ತರಿಸಿದೆ.</p>.<p>ಈ ಭಾಗದ ಬಹುದಿನಗಳ ಬೇಡಿಕೆಯಾಗಿದ್ದ ಈ ರೈಲು ಸಂಚಾರ ಕಳೆದ ತಿಂಗಳ ಅಂತ್ಯಕ್ಕೆ ಆರಂಭಗೊಂಡಿತ್ತು. ಬೆಳಗಾವಿಯಿಂದ ಪ್ರತಿದಿನ ರಾತ್ರಿ 9 ಗಂಟೆಗೆ ಹೊರಟು, ಧಾರವಾಡ– ಹುಬ್ಬಳ್ಳಿ– ದಾವಣಗೆರೆ– ಅರಸೀಕೆರೆ– ತುಮಕೂರು– ಯಶವಂತಪುರ ಮಾರ್ಗವಾಗಿ ಬೆಂಗಳೂರಿಗೆ ಮರುದಿನ ಬೆಳಿಗ್ಗೆ 7 ಗಂಟೆಗೆ ತಲುಪುತ್ತದೆ. ಅದೇ ರೀತಿ ಬೆಂಗಳೂರಿನಿಂದ ಪ್ರತಿದಿನ ರಾತ್ರಿ 9 ಗಂಟೆಗೆ ಹೊರಟು, ಬೆಳಗಾವಿಗೆ ಮರುದಿನ ಬೆಳಿಗ್ಗೆ 7 ಗಂಟೆಗೆ ತಲುಪುತ್ತದೆ.</p>.<p>ಸುಮಾರು 600 ಕಿ.ಮೀ ದೂರದ ಈ ಪ್ರಯಾಣವನ್ನು ಕೇವಲ 10 ಗಂಟೆಗಳಲ್ಲಿ ಪೂರ್ಣಗೊಳಿಸುತ್ತಿದೆ. ಇದು ಬಸ್ಸಿಗಿಂತಲೂ ಬೇಗ ತಲುಪುವುದರಿಂದ ಹಾಗೂ ಕಡಿಮೆ ದರವಿರುವುದರಿಂದ ಪ್ರಯಾಣಿಕರು ರೈಲಿನತ್ತ ವಾಲಿದ್ದಾರೆ.</p>.<p>ಆರಂಭದಲ್ಲಿ ಕಡಿಮೆ ಇದ್ದ ಪ್ರಯಾಣಿಕರ ಸಂಖ್ಯೆ ದಿನ ಕಳೆದಂತೆ ಹೆಚ್ಚಾಯಿತು. ಈಗ ಶೇ 95ಕ್ಕಿಂತಲೂ ಹೆಚ್ಚು ಜನರು ಪ್ರಯಾಣಿಸುತ್ತಿದ್ದಾರೆ. ರೈಲಿನಲ್ಲಿ ಎಸಿ 2 ಟೈರ್ (48 ಆಸನ), ಎಸಿ 3 ಟೈರ್ (192 ಆಸನ), ಸ್ಲೀಪರ್ ಕ್ಲಾಸ್ (432 ಆಸನ) ಹಾಗೂ ಜನರಲ್ ಬೋಗಿ (180 ಆಸನ) ಸೇರಿದಂತೆ ಒಟ್ಟು 8 ಬೋಗಿಗಳಿವೆ. 852 ಜನರಿಗೆ ಪ್ರಯಾಣಿಸಲು ಅವಕಾಶವಿದೆ. ಜುಲೈ 1ರಂದು ಬೆಳಗಾವಿ– ಬೆಂಗಳೂರು ರೈಲಿನಲ್ಲಿ ಒಟ್ಟು 732 (ಶೇ 85) ಪ್ರಯಾಣಿಕರು ಪ್ರಯಾಣಿಸಿದ್ದರು. ನಂತರದ ದಿನಗಳಲ್ಲಿ ಇದು ಹೆಚ್ಚಾಗಿ, ಜುಲೈ 7ರಂದು ಈ ಸಂಖ್ಯೆ 845ಕ್ಕೆ (ಶೇ 99) ತಲುಪಿತ್ತು.</p>.<p>ಇದೇ ರೀತಿ, ಬೆಂಗಳೂರಿನಿಂದ ಬೆಳಗಾವಿಗೆ ಬರುವ ರೈಲು ಕೂಡ ಬಹುತೇಕ ಭರ್ತಿಯಾಗಿ ಸಂಚರಿಸುತ್ತಿದೆ. ಜುಲೈ 1ರಂದು 852 ಜನರು ಸಂಚರಿಸಿದ್ದರು. ಇದೇ ರೀತಿ ವಾರದುದ್ದಕ್ಕೂ ಭರ್ತಿಯಾಗಿಯೇ ಕಂಡುಬಂದಿದೆ.</p>.<p><strong>ಬೆಳಗಾವಿ, ಹುಬ್ಬಳ್ಳಿಯವರೇ ಹೆಚ್ಚು:</strong></p>.<p>ಈ ರೈಲಿನಲ್ಲಿ ಬೆಳಗಾವಿ ಹಾಗೂ ಹುಬ್ಬಳ್ಳಿಯ ಜನರೇ ಹೆಚ್ಚು ಪ್ರಯಾಣಿಸುತ್ತಿದ್ದಾರೆ. ಬೆಂಗಳೂರಿಗೆ ತೆರಳಲು ಹಾಗೂ ವಾಪಸ್ ಬರಲು ಅವರಿಗೆ ಬಹಳಷ್ಟು ಅನುಕೂಲವಾಗಿದೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದರು.</p>.<p><strong>ವಾರಾಂತ್ಯದಲ್ಲಿ ನೂಕುನುಗ್ಗಲು:</strong></p>.<p>ಶನಿವಾರ ಹಾಗೂ ಭಾನುವಾರ ಸಾರಿಗೆ ಸಂಸ್ಥೆ ಹಾಗೂ ಖಾಸಗಿ ಬಸ್ಗಳು ಸಿಕ್ಕಾಪಟ್ಟೆ ದರ ಹೆಚ್ಚಿಸುತ್ತವೆ. ಬೆಳಗಾವಿ– ಬೆಂಗಳೂರಿಗೆ ₹ 1,500ದಿಂದ ₹ 2,000 ವರೆಗೆ ದರ ಹೆಚ್ಚಿಸುತ್ತವೆ. ಅದಕ್ಕೆ ಪ್ರಯಾಣಿಕರು, ರೈಲಿಗೆ ಮೊದಲ ಆದ್ಯತೆ ನೀಡುತ್ತಿದ್ದಾರೆ. ರೈಲಿನಲ್ಲಿ ಎಲ್ಲ ದಿನವೂ ಒಂದೇ ರೀತಿಯ ಪ್ರಯಾಣ ದರವಿದೆ. 2 ಟೈರ್ ಎಸಿ ₹ 1,755, 3 ಟೈರ್ ಎಸಿ– ₹ 1,235 ಸ್ಲೀಪರ್ ಕ್ಲಾಸ್ಗೆ ಕೇವಲ ₹ 465 ಇದೆ.</p>.<p><strong>ಬಸ್ಗಳಿಗೆ ಹೊಡೆತ:</strong></p>.<p>ಸೂಪರ್ಫಾಸ್ಟ್ ರೈಲು ಆರಂಭವಾಗಿರುವುದರಿಂದ ಬೆಳಗಾವಿಯಿಂದ ಬೆಂಗಳೂರಿಗೆ ಹೊರಡುವ ಎ.ಸಿ, ಸ್ಲೀಪರ್ ಬಸ್ಗಳಲ್ಲಿ ಪ್ರಯಾಣಿಕರ ಸಂಖ್ಯೆ ಗಣನೀಯವಾಗಿ ಇಳಿಕೆ ಕಂಡಿದೆ.</p>.<p>‘ಕಡಿಮೆ ಟಿಕೆಟ್ ದರ ಇರುವುದರಿಂದ ಹಾಗೂ ಬಸ್ಕ್ಕಿಂತ ಕಡಿಮೆ ಅವಧಿಯಲ್ಲಿ ಬೆಂಗಳೂರಿಗೆ ತಲುಪುವುದರಿಂದ ಸಹಜವಾಗಿ ಪ್ರಯಾಣಿಕರು ರೈಲಿನತ್ತ ವಾಲುತ್ತಿರಬಹುದು. ಸಾಮಾನ್ಯವಾಗಿ ಮಳೆಗಾಲದಲ್ಲಿ ಬಸ್ನಲ್ಲಿ ಪ್ರಯಾಣಿಸುವವರ ಸಂಖ್ಯೆ ಕಡಿಮೆಯಾಗುತ್ತದೆ. ಈ ಸಲವೂ ಶೇ 10ರಿಂದ 20ರಷ್ಟು ಕಡಿಮೆಯಾಗಿದೆ. ಇದು ಮಳೆಗಾಲದ ಕಾರಣದಿಂದೋ, ರೈಲಿನಿಂದೋ ಎನ್ನುವುದನ್ನು ನೋಡಬೇಕಾಗಿದೆ’ ಎಂದು ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ವಿಭಾಗೀಯ ನಿಯಂತ್ರಣಾಧಿಕಾರಿ ಎಂ.ಆರ್. ಮುಂಜಿ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
