ಬೆಳಗಾವಿ: ಇತ್ತ ಮಳೆ ಭಾರಿ, ಅತ್ತ ಬೀಜಗಳೂ ದುಬಾರಿ

ಸದ್ಯ ಮಳೆ ಬಿಡುವು ನೀಡಿದೆ ಬಿತ್ತನೆ ಚಟುವಟಿಕೆಗಳು ಪ್ರಾಂಭವಾಗಿವೆ. ನವೆಂಬರ್‌ವರೆಗೂ ಬಿತ್ತನೆಗೆ ಅವಕಾಶವಿದೆ. ರೈತರು ಆತಂಕಪಡುವ ಅವಶ್ಯಕತೆ ಇಲ್ಲ

ಈ ಬಾರಿ ಎಲ್ಲ ಬೀಜದ ದರಗಳೂ ಹೆಚ್ಚಾಗಿವೆ. ರೈತರಿಗೆ ಬೇಸರ ತಂದಿದೆ. ಕೆಲವು ಕಂಪನಿಗಳು ಕಡಿಮೆ ದರದ ಬೀಜ ನೀಡುತ್ತವೆ. ಆದರೆ ಗುಣಮಟ್ಟದ ಸಮಸ್ಯೆ ಕಾಡುತ್ತದೆ. ಆ ಎಚ್ಚರಿಕೆಯಿಂದ ದರ ದುಬಾರಿಯಾದರೂ ಉತ್ತಮ ಬೀಜಗಳನ್ನೇ ಪಡೆಯುವುದು ಅನಿವಾರ್ಯವಾಗಿದೆ.

ಅಕಾಲಿಕ ಮಳೆಯಿಂದ ಬಿತ್ತನೆಗೆ ತೊಂದರೆಯಾಗಿದೆ. ನಾನು ನಾಲ್ಕು ಎಕರೆಯಲ್ಲಿ ಕಡಲೆ ಬಿತ್ತಬೇಕು ಎಂದುಕೊಂಡಿದ್ದೇನೆ. ಹೊಲದಲ್ಲಿ ಎತ್ತುಗಳು ಸಾಗಲು ಸಾಧ್ಯವಾಗುತ್ತಿಲ್ಲ. ವಿಳಂಬ ಮಾಡಿ ಬಿತ್ತಿದರೆ ಇಳುವರಿ ಕುಸಿಯುವ ಆತಂಕವಿದೆ.

ಈ ಮುಂಚೆ ಹಾಕಿದ್ದ ಗೋವಿನ ಜೋಳ ಅಕಾಲಿಕ ಮಳೆಯ ಕಾರಣ ಕೊಳೆಯಿತು. ಈಗ ಹಿಂಗಾರಿಗೂ ವಿಳಂಬವಾಗುತ್ತಿರುವುದು ಸಮಸ್ಯೆ ತಂದಿದೆ. ಕಡಲೆ ಬಿತ್ತನೆ ಮಾಡಬೇಕು ಎಂದುಕೊಂಡಿದ್ದೇನೆ. ಬೀಜಗಳ ದರ ದುಬಾರಿಯಾಗಿದ್ದೂ ಬೇಸರ ತಂದಿದೆ.