<p><strong>ಬೆಳಗಾವಿ: ‘</strong>ಕಲೆ ಕಲಿತು ಅದರಲ್ಲಿ ಮಗ್ನರಾದರೆ ಪರಿಪೂರ್ಣ ಕಲಾವಿದರಾಗಲು ಸಾಧ್ಯವಾಗುತ್ತದೆ. ಕೌಶಲವಿದ್ದರೆ ಎಲ್ಲಿ ಬೇಕಾದರೂ ಅಭಿನಯ ಮಾಡಬಹುದಾಗಿದೆ’ ಎಂದು ಚಲನಚಿತ್ರ ನಟ ಎಂ.ಕೆ. ಮಠ ಅಭಿಪ್ರಾಯಪಟ್ಟರು.</p>.<p>ನಗರದಲ್ಲಿ ಯುವ ರಂಗ ಸಾಂಸ್ಕೃತಿಕ ಸಂಸ್ಥೆಯಿಂದ ಹಮ್ಮಿಕೊಂಡಿರುವ ಉಚಿತ ಅಭಿನಯ ತರಬೇತಿ ಶಿಬಿರಕ್ಕೆ ಭಾನುವಾರ ಚಾಲನೆ ನೀಡಿ ಅವರು ಮಾತನಾಡಿದರು.</p>.<p>‘ದೊಡ್ಡ ಅಥವಾ ಸಣ್ಣ ಕಲಾವಿದರು ಎಂಬುದು ಇಲ್ಲ. ನಾವೆಲ್ಲರೂ ಕಲೆಯ ಆರಾಧಾಕರು. ಆ ರೀತಿ ವ್ಯತ್ಯಾಸ ಮಾಡುವುದು ದೊಡ್ಡ ತಪ್ಪು. ರಂಗಭೂಮಿಯಿಂದ ಮನಸ್ಸು, ಭಾಷೆ ಹಾಗೂ ಆಂಗಿಕ ಶುದ್ಧಿ ಆಗುತ್ತದೆ. ಅದು ಕಲಿಸಿಕೊಡುವ ಜ್ಞಾನ ಮತ್ತೆಲ್ಲೂ ಸಿಗುವುದಿಲ್ಲ’ ಎಂದರು.</p>.<p>‘ಯಾವ ಕಲಾವಿದರೂ ಪರಿಪೂರ್ಣ ಆಗಿರುವುದಿಲ್ಲ. ನಾನು ಇನ್ನೂ ಕಲಿಯಬೇಕಿದೆ. ಸಿನಿಮಾ ರಂಗಕ್ಕೂ ರಂಗಭೂಮಿಗೂ ಬಹಳ ವ್ಯತ್ಯಾಸವಿದೆ. ಸಿನಿಮಾ ಲೋಕ ಭ್ರಮಾಲೋಕ. ರಂಗಭೂಮಿ ವಾಸ್ತವ. ಇಲ್ಲಿ ಅಭಿನಯ ಕಲಿತು ಸಿನಿಮಾ ನಟನಾಗುತ್ತೇನೆ ಎಂಬ ಭ್ರಮೆಯಲ್ಲಿ ಬರಬಾರದು’ ಎಂದು ಕಿವಿಮಾತು ಹೇಳಿದರು.</p>.<p>ಪತ್ರಕರ್ತ ಮುರುಗೇಶ ಶಿವಪೂಜಿ, ‘ಸಿನಿಮಾ ಲೋಕದಲ್ಲಿ ಬೆಳೆಯಬೇಕಾದರೆ ರಂಗಭೂಮಿ ಬುನಾದಿಯಾಗಿದೆ. ಇಲ್ಲಿ ಆಸಕ್ತಿಯಿಂದ ನಟನಾ ಕೌಶಲ ಕಲಿಯಯವುದು ಅಗತ್ಯವಿದೆ’ ಎಂದರು.</p>.<p>ರಂಗ ನಿರ್ದೇಶಕ ಬಾಬಾಸಾಹೇಬ ಕಾಂಬಳೆ, ‘ತಿಂಗಳವರೆಗೆ ನಡೆಯಲಿರುವ ಈ ಶಿಬಿರದಲ್ಲಿ 20 ಮಂದಿ ಭಾಗವಹಿಸಿದ್ದಾರೆ. ‘ಸಂತ ಶಿಶುನಾಳ ಷರೀಫ’ ನಾಟಕ ಪ್ರಸ್ತುತಪಡಿಸಲಾಗುತ್ತಿದೆ’ ಎಂದು ತಿಳಿಸಿದರು.</p>.<p>ಪತ್ರಕರ್ತ ಭೈರೋಬಾ ಕಾಂಬಳೆ, ‘ಅಭಿನಯವನ್ನು ಆಸಕ್ತಿಯಿಂದ ಕಲಿತು ಉತ್ತಮ ಕಲಾವಿದರಾಗಲು ಶಿಬಿರದ ಸದ್ಬಳಕೆ ಮಾಡಿಕೊಳ್ಳಬೇಕು. ಈ ನಿಟ್ಟಿನಲ್ಲಿ ಇದೊಂದು ಉತ್ತಮ ವೇದಿಕೆಯಾಗಿದೆ’ ಎಂದರು.</p>.<p>ರಂಗ ಸಂಘಟಕ ಬಸವರಾಜ ತಳವಾರ, ಜೀವನ್ಮುಖಿ ಪ್ರತಿಷ್ಠಾನದ ಕಿರಣಕುಮಾರ ಪಾಟೀಲ, ಸಂಗಮಿತ್ರಾ ಕಾಂಬಳೆ, ವಿಷ್ಣು ಕಾಮಕರ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಳಗಾವಿ: ‘</strong>ಕಲೆ ಕಲಿತು ಅದರಲ್ಲಿ ಮಗ್ನರಾದರೆ ಪರಿಪೂರ್ಣ ಕಲಾವಿದರಾಗಲು ಸಾಧ್ಯವಾಗುತ್ತದೆ. ಕೌಶಲವಿದ್ದರೆ ಎಲ್ಲಿ ಬೇಕಾದರೂ ಅಭಿನಯ ಮಾಡಬಹುದಾಗಿದೆ’ ಎಂದು ಚಲನಚಿತ್ರ ನಟ ಎಂ.ಕೆ. ಮಠ ಅಭಿಪ್ರಾಯಪಟ್ಟರು.</p>.<p>ನಗರದಲ್ಲಿ ಯುವ ರಂಗ ಸಾಂಸ್ಕೃತಿಕ ಸಂಸ್ಥೆಯಿಂದ ಹಮ್ಮಿಕೊಂಡಿರುವ ಉಚಿತ ಅಭಿನಯ ತರಬೇತಿ ಶಿಬಿರಕ್ಕೆ ಭಾನುವಾರ ಚಾಲನೆ ನೀಡಿ ಅವರು ಮಾತನಾಡಿದರು.</p>.<p>‘ದೊಡ್ಡ ಅಥವಾ ಸಣ್ಣ ಕಲಾವಿದರು ಎಂಬುದು ಇಲ್ಲ. ನಾವೆಲ್ಲರೂ ಕಲೆಯ ಆರಾಧಾಕರು. ಆ ರೀತಿ ವ್ಯತ್ಯಾಸ ಮಾಡುವುದು ದೊಡ್ಡ ತಪ್ಪು. ರಂಗಭೂಮಿಯಿಂದ ಮನಸ್ಸು, ಭಾಷೆ ಹಾಗೂ ಆಂಗಿಕ ಶುದ್ಧಿ ಆಗುತ್ತದೆ. ಅದು ಕಲಿಸಿಕೊಡುವ ಜ್ಞಾನ ಮತ್ತೆಲ್ಲೂ ಸಿಗುವುದಿಲ್ಲ’ ಎಂದರು.</p>.<p>‘ಯಾವ ಕಲಾವಿದರೂ ಪರಿಪೂರ್ಣ ಆಗಿರುವುದಿಲ್ಲ. ನಾನು ಇನ್ನೂ ಕಲಿಯಬೇಕಿದೆ. ಸಿನಿಮಾ ರಂಗಕ್ಕೂ ರಂಗಭೂಮಿಗೂ ಬಹಳ ವ್ಯತ್ಯಾಸವಿದೆ. ಸಿನಿಮಾ ಲೋಕ ಭ್ರಮಾಲೋಕ. ರಂಗಭೂಮಿ ವಾಸ್ತವ. ಇಲ್ಲಿ ಅಭಿನಯ ಕಲಿತು ಸಿನಿಮಾ ನಟನಾಗುತ್ತೇನೆ ಎಂಬ ಭ್ರಮೆಯಲ್ಲಿ ಬರಬಾರದು’ ಎಂದು ಕಿವಿಮಾತು ಹೇಳಿದರು.</p>.<p>ಪತ್ರಕರ್ತ ಮುರುಗೇಶ ಶಿವಪೂಜಿ, ‘ಸಿನಿಮಾ ಲೋಕದಲ್ಲಿ ಬೆಳೆಯಬೇಕಾದರೆ ರಂಗಭೂಮಿ ಬುನಾದಿಯಾಗಿದೆ. ಇಲ್ಲಿ ಆಸಕ್ತಿಯಿಂದ ನಟನಾ ಕೌಶಲ ಕಲಿಯಯವುದು ಅಗತ್ಯವಿದೆ’ ಎಂದರು.</p>.<p>ರಂಗ ನಿರ್ದೇಶಕ ಬಾಬಾಸಾಹೇಬ ಕಾಂಬಳೆ, ‘ತಿಂಗಳವರೆಗೆ ನಡೆಯಲಿರುವ ಈ ಶಿಬಿರದಲ್ಲಿ 20 ಮಂದಿ ಭಾಗವಹಿಸಿದ್ದಾರೆ. ‘ಸಂತ ಶಿಶುನಾಳ ಷರೀಫ’ ನಾಟಕ ಪ್ರಸ್ತುತಪಡಿಸಲಾಗುತ್ತಿದೆ’ ಎಂದು ತಿಳಿಸಿದರು.</p>.<p>ಪತ್ರಕರ್ತ ಭೈರೋಬಾ ಕಾಂಬಳೆ, ‘ಅಭಿನಯವನ್ನು ಆಸಕ್ತಿಯಿಂದ ಕಲಿತು ಉತ್ತಮ ಕಲಾವಿದರಾಗಲು ಶಿಬಿರದ ಸದ್ಬಳಕೆ ಮಾಡಿಕೊಳ್ಳಬೇಕು. ಈ ನಿಟ್ಟಿನಲ್ಲಿ ಇದೊಂದು ಉತ್ತಮ ವೇದಿಕೆಯಾಗಿದೆ’ ಎಂದರು.</p>.<p>ರಂಗ ಸಂಘಟಕ ಬಸವರಾಜ ತಳವಾರ, ಜೀವನ್ಮುಖಿ ಪ್ರತಿಷ್ಠಾನದ ಕಿರಣಕುಮಾರ ಪಾಟೀಲ, ಸಂಗಮಿತ್ರಾ ಕಾಂಬಳೆ, ವಿಷ್ಣು ಕಾಮಕರ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
