ಪಾವ್‌ಭಾಜಿ ಖ್ಯಾತಿಯ ಶೆಟ್ಟಿ ಸ್ನ್ಯಾಕ್ಸ್‌

ಬೆಳಗಾವಿ: ಬಹುಭಾಷೆ ಹಾಗೂ ಬಹುಸಂಸ್ಕೃತಿಯ ನಾಡಾಗಿರುವ ಬೆಳಗಾವಿಯಲ್ಲಿ ಆಹಾರ ಪದ್ಧತಿಯಲ್ಲೂ ಸಾಕಷ್ಟು ವೈವಿಧ್ಯತೆ ಇದೆ. ಸ್ಥಳೀಯ ಆಹಾರ ಶೈಲಿಯ ಜೊತೆಗೆ ಮಹಾರಾಷ್ಟ್ರ ಶೈಲಿಯ ತಿಂಡಿ– ತಿನಿಸುಗಳು ಇಲ್ಲಿ ಲಭ್ಯ ಇವೆ. ಪಾವ್ಭಾಜಿ, ಮಸಾಲ ಪಾವ್, ವಡಾಪಾವ್, ದಾಬೇಲಿ, ಶೇವ್ ಪುರಿ, ಪಾನಿ ಪುರಿ ಸೇರಿದಂತೆ ಹಲವು ತಿಂಗಳು ಇಲ್ಲಿಯೂ ಜನಪ್ರಿಯವಾಗಿವೆ.

. ನಗರದ ಬೋಗಾರ್ವೇಸ್ ಬಳಿಯಿರುವ ಶ್ರೀ ಶೆಟ್ಟಿ ಸ್ನ್ಯಾಕ್ಸ್ ಪಾವ್ಭಾಜಿಗಾಗಿ ತುಂಬಾ ಜನಪ್ರಿಯವಾಗಿದೆ. ಸಂಜೆ ವೇಳೆ ಸಾಕಷ್ಟು ಜನರು ಇಲ್ಲಿ ಬಂದು, ಪಾವ್ಭಾಜಿಯನ್ನು ಸವಿಯುತ್ತಾರೆ. 33 ವರ್ಷಗಳಿಂದ ಇದೇ ಸ್ಥಳದಲ್ಲಿ ತಿಂಡಿಪೋತರಿಗೆ ಪಾವ್ಭಾಜಿ ರುಚಿಯನ್ನು ಶೆಟ್ಟಿ ಸಹೋದರರು ಉಣಬಡಿಸುತ್ತಿದ್ದಾರೆ. ಹೋಟೆಲ್ ಆರಂಭವಾದಾಗ ಇದ್ದಂತಹ ರುಚಿಯನ್ನೇ ಇವತ್ತಿಗೂ ಕಾಪಾಡಿಕೊಂಡು ಬಂದಿರುವುದು ಹೋಟೆಲ್ನ ಹೆಗ್ಗಳಿಕೆ.

. ಪಾವ್ಭಾಜಿ ನಂಟು;

. ಉತ್ತರ ಕನ್ನಡದ ಕುಂದಾಪುರದವರಾದ ಭುಜಂಗ ಶೆಟ್ಟಿ 1980ರ ದಶಕದಲ್ಲಿ ಬೆಳಗಾವಿಯಲ್ಲಿ ವಾಸವಾಗಿದ್ದರು. ಪಕ್ಕದ ಮುಂಬೈ ಹಾಗೂ ಪುಣೆಗೆ ವ್ಯಾಪಾರಕ್ಕೆಂದು ಹೋದಾಗ ಪಾವ್ಭಾಜಿ ರುಚಿ ನೋಡಿದ್ದರು. ಇಂತಹದೊಂದು ತಿಂಡಿಯನ್ನು ಬೆಳಗಾವಿಯಲ್ಲೇಕೆ ಆರಂಭಿಸಬಾರದು ಎಂದು ಯೋಚಿಸಿದರು.

. 1985ರಲ್ಲಿ ನಗರದ ಬೋಗಾರ್ವೇಸ್ ಬಳಿ ಚಿಕ್ಕದಾಗಿ ಹೋಟೆಲ್ ಶೆಟ್ಟಿ ಸ್ನ್ಯಾಕ್ಸ್ ಆರಂಭಿಸಿದರು. ಪಾವ್ಭಾಜಿ ತಯಾರಿಸಲು ಮುಂಬೈ ಹಾಗೂ ಉತ್ತರ ಪ್ರದೇಶದವರನ್ನು ಕರೆತಂದರು. ದಿನಬೆಳಗಾಗುವುದರೊಳಗೆ ಹೋಟೆಲ್ ಪ್ರಸಿದ್ಧವಾಯಿತು. ಮಕ್ಕಳು, ಯುವಕರು, ವೃದ್ಧರು ಎನ್ನದೇ ಎಲ್ಲರೂ ಪಾವ್ಭಾಜಿ ಸವಿದರು.

. ವಿಶೇಷತೆ:

. ‘ಪಾವ್ಭಾಜಿಯ ಮುಖ್ಯ ಆಕರ್ಷಣೆಯಂದರೆ ಅದರ ಭಾಜಿ. ಈ ಭಾಜಿಯನ್ನು ನಾವೇ ತಯಾರಿಸುತ್ತೇವೆ. ಬ್ಯಾಡಗಿ ಮೆಣಸಿನಕಾಯಿ ಹಾಗೂ ಇತರ ಮಸಾಲ ಪದಾರ್ಥಗಳನ್ನು ಬಳಸಿಕೊಂಡು ಮನೆಯಲ್ಲಿಯೇ ತಯಾರಿಸುತ್ತೇವೆ. ಹೋಟೆಲ್ ಆರಂಭವಾದಾಗ ಇದ್ದಂತಹ ರುಚಿಯನ್ನೇ ಇವತ್ತಿಗೂ ಕಾಪಾಡಿಕೊಂಡು ಬಂದಿದ್ದೇವೆ. ಇದೇ ನಮ್ಮ ವ್ಯಾಪಾರದ ರಹಸ್ಯ’ ಎಂದು ಹೋಟೆಲ್ ಮಾಲೀಕರಾದ ನಾಗರಾಜ ಶೆಟ್ಟಿ ಹೇಳಿದರು. ಇವರು ಭುಜಂಗ ಶೆಟ್ಟಿಯವರ ಸಹೋದರರಾಗಿದ್ದಾರೆ.

. ‘ಪಾವ್ ಹಾಗೂ ಭಾಜಿಯನ್ನು ಅಮುಲ್ ಬೆಣ್ಣೆಯಲ್ಲಿ ಪ್ರೈ ಮಾಡಿಕೊಡುತ್ತೇವೆ. ಇದರಿಂದಾಗಿ ರುಚಿ ಇನ್ನಷ್ಟು ಹೆಚ್ಚಾಗುತ್ತದೆ. ಪ್ರತಿದಿನ 1,000ದಿಂದ 2,000 ವರೆಗೆ ಜನರು ಭೇಟಿ ನೀಡುತ್ತಾರೆ. ಪಾವ್ಭಾಜಿಯ ಜೊತೆ ಇತರ ಕೆಲವು ಸ್ನ್ಯಾಕ್ಸ್ಗಳನ್ನು ಕೂಡ ನೀಡುತ್ತೇವೆ. ಮಸಾಲ ಪಾವ್, ಶೇವಪುರಿ, ಪಾನಿ ಪುರಿ, ಭೇಲ್ ಪುರಿ, ದಾಬೇಲಿ, ದಾವಣಗೆರೆ ಬೆಣ್ಣೆದೋಸೆ ಹಾಗೂ ಟೀ– ಕಾಫಿ ನೀಡುತ್ತೇವೆ’ ಎಂದು ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಾವ್‌ಭಾಜಿ ಖ್ಯಾತಿಯ ಶೆಟ್ಟಿ ಸ್ನ್ಯಾಕ್ಸ್‌

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಹೀನಾಯ ಬ್ಯಾಟಿಂಗ್ ಬಳಿಕ ಪುಟಿದೆದ್ದ ಭಾರತ; ಆತಿಥೇಯ ಆಸಿಸ್‌ಗೆ ವೇಗಿಗಳ ತಿರುಗೇಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ