ಇನ್‌ಸ್ಪೆಕ್ಟರ್ ಆದ ಅಂಧ ಯುವತಿ: ಪೊಲೀಸರ ನಡೆಗೆ ಮೆಚ್ಚುಗೆ

ಬೆಂಗಳೂರು: ‘ತ್ರಿಬಲ್ ಸ್ಟಾರ್’ ಪೊಲೀಸ್ ಸಮವಸ್ತ್ರ ಧರಿಸಿ ಯುವತಿಯೊಬ್ಬರು ಜೀಪಿನಿಂದ ಇಳಿಯುತ್ತಿದ್ದಂತೆ, ಠಾಣೆಯ ಸಿಬ್ಬಂದಿಯೆಲ್ಲ ಸಾಲಾಗಿ ನಿಂತು ಸೆಲ್ಯೂಟ್ ಹೊಡೆದರು. ಇನ್ಸ್ಪೆಕ್ಟರ್ ಸಹ ಉತ್ಸಾಹದಿಂದಲೇ ಯುವತಿಯನ್ನು ಠಾಣೆಯೊಳಗೆ ಬರಮಾಡಿಕೊಂಡರು. ತಮ್ಮ ‘ಠಾಣಾಧಿಕಾರಿ’ ಕುರ್ಚಿಯನ್ನು ಬಿಟ್ಟುಕೊಟ್ಟು ಯುವತಿಗೆ ಹೂಗುಚ್ಛ ನೀಡಿ ಬ್ಯಾಟನ್ ಹಸ್ತಾಂತರಿಸಿದರು.

. ಇದು ಬಾಣಸವಾಡಿ ಠಾಣೆಯಲ್ಲಿ ಭಾನುವಾರ ಕಂಡುಬಂದ ದೃಶ್ಯ. ಸೇಂಟ್ ಜೋಸೆಫ್ಸ್ ಕಾಲೇಜಿನ ವಿದ್ಯಾರ್ಥಿನಿಯಾಗಿರುವ ಅಂಧ ಯುವತಿ ಟಿ.ಎಂ. ಸಫ್ನಾ ಅವರ ಇನ್ಸ್ಪೆಕ್ಟರ್ ಆಗಬೇಕೆಂಬ ಆಸೆಯನ್ನು ಬಾಣಸವಾಡಿ ಪೊಲೀಸರು ಅಂತರರಾಷ್ಟ್ರೀಯ ಮಹಿಳಾ ದಿನದಂದು ಈಡೇರಿಸಿದರು.

. ಕೇರಳದ ಮೊಹಮ್ಮದ್ ಬಷೀರ್ ಹಾಗೂ ಮುಮ್ತಾಜ್ ದಂಪತಿಯ ಇಬ್ಬರು ಹೆಣ್ಣು ಮಕ್ಕಳಲ್ಲಿ ಸಫ್ನಾ ಹಿರಿಯವರು. ಸಫ್ನಾ ಅವರು ನಾಗಾವರದ ಸತ್ಯಸೇವಾ ಶಾಲೆಯಲ್ಲಿ ಶೇ 91ರಷ್ಟು ಅಂಕಗಳೊಂದಿಗೆ ಎಸ್ಸೆಸ್ಸೆಲ್ಸಿ ಪರೀಕ್ಷೆ ಉತ್ತೀರ್ಣರಾಗಿದ್ದಾರೆ. ಜ್ಯೋತಿ ಪಿ.ಯು ಕಾಲೇಜಿನ ವಿದ್ಯಾರ್ಥಿಯಾಗಿದ್ದ ಆಕೆ ಪಿಯು ಪರೀಕ್ಷೆಯಲ್ಲಿ ಶೇ 89ರಷ್ಟು ಅಂಕ ಗಳಿಸಿದ್ದಾರೆ. ಸದ್ಯ ರಿಚ್ಮಂಡ್ ರಸ್ತೆಯಸೇಂಟ್ ಜೋಸೆಫ್ಸ್ ಕಾಲೇಜಿನಲ್ಲಿ ಬಿ.ಎ ವ್ಯಾಸಂಗ ಮಾಡುತ್ತಿದ್ದಾರೆ.

. ಬೆಳಿಗ್ಗೆ ಠಾಣೆಗೆ ಬಂದ ಸಫ್ನಾ ಅವರನ್ನು ಸ್ವಾಗತಿಸಿದ ಇನ್ಸ್ಪೆಕ್ಟರ್ ಎಚ್. ಜಯರಾಜ್, ತಮ್ಮ ಬ್ಯಾಟನ್ ನೀಡಿದರು. ಪಿಎಸ್ಐಗಳಾದ ಎನ್. ಮುರುಳಿ, ಬಿ.ಎಸ್. ರಮಾದೇವಿ, ಸಂಗೀತಾ ಹಾಗೂ ಧನಂಜಯ್ ಅವರೂ ಹಾಜರಿದ್ದರು.

. ಇನ್ಸ್ಪೆಕ್ಟರ್ ಕುರ್ಚಿಯಲ್ಲಿ ಕುಳಿತ ಯುವತಿ, ಠಾಣೆ ಸಿಬ್ಬಂದಿಯನ್ನು ಮಾತನಾಡಿಸಿದರು. ಠಾಣೆ ಕೆಲಸಗಳ ಬಗ್ಗೆ ಮಾಹಿತಿ ಪಡೆದುಕೊಂಡರು. ತನ್ನ ಆಸೆ ಈಡೇರಿಸಿದ ಪೊಲೀಸರಿಗೂ ಕೃತಜ್ಞತೆ ಸಲ್ಲಿಸಿದರು.

. ಈ ಬಗ್ಗೆ ಸುದ್ದಿಗಾರರ ಜೊತೆ ಮಾತನಾಡಿದ ಜಯರಾಜ್, ‘ಮೊಹಮ್ಮದ್ ಬಷೀರ್ ಸಣ್ಣ ಅಂಗಡಿ ಇಟ್ಟುಕೊಂಡು ಜೀವನ ಸಾಗಿಸುತ್ತಿದ್ದಾರೆ. ಸಂಪೂರ್ಣ ಅಂಧೆಯಾದ ಸಫ್ನಾ, ಬಡತನವನ್ನು ಮೆಟ್ಟಿ ಸಾಧನೆ ಮಾಡಿದ್ದಾರೆ. ಡಿಸಿಪಿ ಎಸ್.ಡಿ. ಶರಣಪ್ಪ ಮಾರ್ಗದರ್ಶನದಲ್ಲಿ ಯುವತಿಯ ಕನಸು ಈಡೇರಿಸುವ ಅವಕಾಶ ಸಿಕ್ಕಿತ್ತು. ಇದು ಖುಷಿ ಸಂಗತಿ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಇನ್‌ಸ್ಪೆಕ್ಟರ್ ಆದ ಅಂಧ ಯುವತಿ: ಪೊಲೀಸರ ನಡೆಗೆ ಮೆಚ್ಚುಗೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ