10 ಲಕ್ಷ ಚಿಂದಿ ಆಯುವವರ ಸಬಲೀಕರಣಕ್ಕೆ ಯೋಜನೆ: ಬೆಂಗಳೂರಿನಲ್ಲಿ ಪ್ರಯೋಗ

ಬೆಂಗಳೂರು: ಭಾರತದಾದ್ಯಂತ 10 ಲಕ್ಷ ಚಿಂದಿ ಆಯುವವರ ಸಬಲೀಕರಣಕ್ಕೆ ದೇಶದ ಮೊದಲ ಡಿಜಿಟಲ್ ಸೊಲ್ಯೂಷನ್ಸ್ ವೇಸ್ಟ್–ಕಾಮರ್ಸ್ (ಡಬ್ಲ್ಯು–ಕಾಮರ್ಸ್) ಕಂಪನಿ ‘ರಿಸೈಕಲ್’ ಮತ್ತು ಅಲ್ಯೂಮಿನಿಯಂ ಕ್ಯಾನ್, ಬಾಟಲ್ ಹಾಗೂ ಕಪ್ ತಯಾರಕ ಕಂಪನಿ ‘ಬಾಲ್ ಬಿವರೇಜ್ ಪ್ಯಾಕೇಜಿಂಗ್ ಇಂಡಿಯಾ’ಗಳು ಮುಂದಾಗಿವೆ.

. ಉಭಯ ಕಂಪನಿಗಳ ಸಹಭಾಗಿತ್ವದಲ್ಲಿ, ಬಳಸಿದ ಅಲ್ಯೂಮಿನಿಯಂ ಪಾನೀಯ ಕ್ಯಾನ್ಗಳ ಸಂಗ್ರಹ ಮತ್ತು ಮರುಬಳಕೆಯ ಪ್ರಾಯೋಗಿಕ ಯೋಜನೆಗೆ ಚಾಲನೆ ನೀಡಲಾಗಿದೆ.

. ಬೆಂಗಳೂರಿನ 5,000 ಚಿಂದಿ ಆಯುವವರಿಗೆ ನಿರಂತರ ಆದಾಯ ಗಳಿಸಲು ನೆರವಾಗುವುದರೊಂದಿಗೆ ಅವರ ಜೀವನದ ಮೇಲೆ ಪರಿಣಾಮ ಬೀರುವ ಗುರಿಯೊಂದಿಗೆ ಈ ಪ್ರಾಯೋಗಿಕ ಯೋಜನೆ ಹಮ್ಮಿಕೊಳ್ಳಲಾಗಿದೆ.

. ಈ ಯೋಜನೆಯಡಿ ಬಡಾವಣೆಗಳಿಂದ, ಅಪಾರ್ಟ್ಮೆಂಟ್ಗಳಿಂದ, ಉದ್ಯಮ ಪಾರ್ಕ್ಗಳಿಂದ, ಹೋಟೆಲ್ಗಳು ಹಾಗೂ ರೆಸ್ಟೋರೆಂಟ್ಗಳಿಂದ ‘ರಿಸೈಕಲ್’ ಕಂಪನಿಯು ತನ್ನ ಸಂಪರ್ಕದಲ್ಲಿರುವ ಚಿಂದಿ ಆಯುವವರ ಮೂಲಕ ಬಳಸಿದ ಅಲ್ಯೂಮಿನಿಯಂ ಪಾನೀಯ ಕ್ಯಾನ್ಗಳನ್ನು ಸಂಗ್ರಹಿಸಲಿದೆ. ಈ ಕ್ಯಾನ್ಗಳನ್ನು ಮರುಬಳಕೆಗಾಗಿ ‘ಬಾಲ್ ಬಿವರೇಜ್ ಪ್ಯಾಕೇಜಿಂಗ್ ಇಂಡಿಯಾ’ ಕಂಪನಿಗೆ ಕಳುಹಿಸಿಕೊಡಲಾಗುತ್ತದೆ.

. ಆರು ತಿಂಗಳ ಈ ಪ್ರಾಯೋಗಿಕ ಯೋಜನೆಯನ್ನು ವಿಸ್ತರಿಸಲಾಗವುದು. ತ್ಯಾಜ್ಯ ಸಂಗ್ರಹಣಾ ಕ್ಷೇತ್ರವನ್ನು ವ್ಯವಸ್ಥಿತಗೊಳಿಸುವುದು ಮತ್ತು ಚಿಂದಿ ಆಯುವವರ ಜೀವನ ಗುಣಮಟ್ಟ ಸುಧಾರಿಸುವ ಉದ್ದೇಶದೊಂದಿಗೆ ಈ ಯೋಜನೆ ಹಮ್ಮಿಕೊಳ್ಳಲಾಗಿದೆ ಎಂದು ಉಭಯ ಕಂಪನಿಗಳು ತಿಳಿಸಿವೆ.

. ‘ನಗರ ಪ್ರದೇಶಗಳ ಅನೌಪಚಾರಿಕ ಉದ್ಯೋಗಗಳ ಯಾದಿಯಲ್ಲಿ ಚಿಂದಿ ಆಯುವುದು ಅತ್ಯಂತ ಕೆಳಮಟ್ಟದಲ್ಲಿದೆ. ಇದರಲ್ಲಿ ಮಹಿಳೆಯರೇ ಹೆಚ್ಚು ತೊಡಗಿಸಿಕೊಂಡಿದ್ದಾರೆ. ದೇಶದಲ್ಲಿ ಸುಮಾರು 40 ಲಕ್ಷ ಚಿಂದಿ ಆಯವವರಿದ್ದು, ಅವರ ಜೀವನ ಮರುಬಳಕೆಯ ತ್ಯಾಜ್ಯದ ಮೇಲೆ ಅವಲಂಬಿತವಾಗಿದೆ. ಅಲ್ಯೂಮಿನಿಯಂ ಹೆಚ್ಚು ಮೌಲ್ಯವುಳ್ಳ ಲೋಹವಾಗಿದ್ದು, ಈ ಯೋಜನೆಯು ಚಿಂದಿ ಆಯುವವರ ಜೀವನದಲ್ಲಿ ದೊಡ್ಡ ಬದಲಾವಣೆ ತರಲಿದೆ’ ಎಂದು ‘ರಿಸೈಕಲ್’ನ ನಿರ್ದೇಶಕ ಅಫ್ಸರ್ ಅಹ್ಮದ್ ಮೊಹಮ್ಮದ್ ತಿಳಿಸಿದ್ದಾರೆ.

. ಈ ಸಹಭಾಗಿತ್ವದ ಬಗ್ಗೆ ನಾವು ಹರ್ಷಚಿತ್ತರಾಗಿದ್ದೇವೆ. ಏಕೆಂದರೆ ಇದು ಚಿಂದಿ ಆಯುವವರ ಜೀವನವನ್ನು ಸುಧಾರಿಸಲು ಸಹಾಯ ಮಾಡಲಿದೆ ಎಂದು ‘ಬಾಲ್ ಬಿವರೇಜ್ ಪ್ಯಾಕೇಜಿಂಗ್’, ವ್ಯವಸ್ಥಾಪಕ ನಿರ್ದೇಶಕ ಅಮಿತ್ ಲಹೋತಿ ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

10 ಲಕ್ಷ ಚಿಂದಿ ಆಯುವವರ ಸಬಲೀಕರಣಕ್ಕೆ ಯೋಜನೆ: ಬೆಂಗಳೂರಿನಲ್ಲಿ ಪ್ರಯೋಗ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಸರ್ಕಾರಿ ನೇಮಕಾತಿ: ಅಧಿಸೂಚನೆಯಲ್ಲಿ ತಿಳಿಸದೇ ನಡುವೆ ನಿಯಮ ಬದಲಿಸುವಂತಿಲ್ಲ ಎಂದ SC

ರಣಜಿ ಟ್ರೋಫಿ ಕ್ರಿಕೆಟ್: ಆತಂಕದಲ್ಲಿರುವ ಆತಿಥೇಯರಿಗೆ ಅಭಿನವ್ ಆಸರೆ

ಇಂಡಿಯನ್‌ ಸೂಪರ್‌ ಲೀಗ್‌: ಬಿಎಫ್‌ಸಿಗೆ ನಾರ್ತ್ ಈಸ್ಟ್‌ ಸವಾಲು ಇಂದು

ಬ್ಯಾಡ್ಮಿಂಟನ್ ಟೂರ್ನಿ: ಎಂಟರ ಘಟ್ಟಕ್ಕೆ ಕಿರಣ್ ಜಾರ್ಜ್

WPL: ಆರ್‌ಸಿಬಿಯಲ್ಲಿ ಉಳಿದ ಸ್ಮೃತಿ, ಶ್ರೇಯಾಂಕಾ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಸರ್ಕಾರಿ ನೇಮಕಾತಿ: ಅಧಿಸೂಚನೆಯಲ್ಲಿ ತಿಳಿಸದೇ ನಡುವೆ ನಿಯಮ ಬದಲಿಸುವಂತಿಲ್ಲ ಎಂದ SC