ಕೆರೆ ಒತ್ತುವರಿ: ಸರ್ವೆಗೆ ಮುಂದಾಗದ ತಹಶೀಲ್ದಾರ್‌ಗಳು

ಬೆಂಗಳೂರು : ಬಿಬಿಎಂಪಿ ಎಂಜಿನಿಯರ್ಗಳು ಕೆರೆಗಳ ಒತ್ತುವರಿ ತೆರವುಗೊಳಿಸುವಂತೆ ಸೆಪ್ಟೆಂಬರ್ ಮೊದಲ ವಾರದಲ್ಲಿ ವರದಿ ಸಲ್ಲಿಸಿದ್ದು, ಈವರೆಗೂ ತಹಶೀಲ್ದಾರ್ಗಳು ಈ ಬಗ್ಗೆ ಯಾವುದೇ ಕ್ರಮ ಕೈಗೊಂಡಿಲ್ಲ.

. ಹೈಕೋರ್ಟ್ ನಿರ್ದೇಶಿಸಿರುವಂತೆ 159 ಕೆರೆಗಳಲ್ಲಿರುವ ಒತ್ತುವರಿ ತೆರವಿಗೆ ಬಿಬಿಎಂಪಿ ಕ್ರಿಯಾಯೋಜನೆ ಅನುಷ್ಠಾನಗೊಳಿಸಿದೆ. ಆ ಪ್ರಕಾರ ಸೆಪ್ಟೆಂಬರ್ ಮೊದಲ ವಾರದಿಂದ ವಾರಕ್ಕೆ 10 ಕೆರೆಗಳಂತೆ ಈವರೆಗೂ 30 ಕೆರೆಗಳ ಪಟ್ಟಿ ಮಾಡಿ, ಆಯಾ ತಹಶೀಲ್ದಾರ್ಗಳಿಗೆ ರವಾನಿಸಲಾಗಿದೆ.

. ಕ್ರಿಯಾ ಯೋಜನೆಯಂತೆ 16 ವಾರಗಳಲ್ಲಿ 159 ಕೆರೆಗಳ ಒತ್ತುವರಿ ತೆರವು ಪ್ರಕ್ರಿಯೆ ಆರಂಭವಾಗಬೇಕು. ಒಂದು ಬಾರಿ ಪ್ರಕ್ರಿಯೆ ಆರಂಭವಾದ ಮೇಲೆ 70 ದಿನಗಳಲ್ಲಿ ಪೂರ್ಣಗೊಳ್ಳಬೇಕು. ಮೊದಲ ವಾರ (ಸೆ.5 ) 10 ಕೆರೆಗಳನ್ನು ಪಟ್ಟಿ ಮಾಡಿ ಪ್ರಕ್ರಿಯೆ ಆರಂಭಿಸಲಾಗಿತ್ತು. ಇದಾದ ಮೇಲೆ ಎರಡನೇ ಹಾಗೂ ಮೂರನೇ ವಾರದ ಕೆರೆಗಳ ಒತ್ತುವರಿಯನ್ನು ಪಟ್ಟಿ ಮಾಡಿ, ಬಿಬಿಎಂಪಿ ಕೆರೆಗಳ ವಿಭಾಗದ ಆಯಾ ಕಾರ್ಯಪಾಲಕ ಎಂಜಿನಿಯರ್ಗಳು ತಹಶೀಲ್ದಾರ್ ಅವರಿಗೆ ಸಲ್ಲಿಸಿದ್ದಾರೆ.

. ಮೊದಲ ವಾರದಂದು ಸಲ್ಲಿಸಿದ ಒತ್ತುವರಿ ಪಟ್ಟಿಯ ಪ್ರಕ್ರಿಯೆಯನ್ನೇ ತಹಶೀಲ್ದಾರ್ ಅವರು ಆರಂಭಿಸಿಲ್ಲ. ಈ ವರದಿಯಂತೆ ಒತ್ತುವರಿಯನ್ನು ಗುರುತಿಸಿ, ಸರ್ವೆ ನಡೆಸಲು ತಹಶೀಲ್ದಾರ್ ಅವರು ಏಳು ದಿನಗಳಲ್ಲಿ ಆದೇಶ ಹೊರಡಿಸಬೇಕಿತ್ತು. ಆದರೆ, ಈವರೆಗೆ ಎಂಟೂ ವಲಯದಲ್ಲಿರುವ ಯಾವ ಕೆರೆಗೂ ಇಂತಹ ಯಾವುದೇ ಆದೇಶ ಹೊರಬಿದ್ದಿಲ್ಲ ಎಂದು ಬಿಬಿಎಂಪಿ ಅಧಿಕಾರಿಗಳು ತಿಳಿಸಿದರು.

. ಕೆರೆಗಳ ಒತ್ತುವರಿ ತೆರವಿಗೆ ತಹಶೀಲ್ದಾರ್ಗಳು ಕ್ರಮ ಕೈಗೊಳ್ಳದಿರುವ ಬಗ್ಗೆ ಜಿಲ್ಲಾಧಿಕಾರಿ ದಯಾನಂದ ಅವರು ಪ್ರತಿಕ್ರಿಯಿಸಲಿಲ್ಲ.

. ವಾರದ ಪಟ್ಟಿಯಲ್ಲಿರುವ ಕೆರೆಗಳು

ಮೊದಲನೇ ವಾರ (ಸೆ.5): ವೀರಸಾಗರ ಕೆರೆ ಭಟ್ಟರಹಳ್ಳಿ ಕೆರೆ ವೆಂಗಯ್ಯನಕೆರೆ ಶ್ರೀಗಂಧದ ಕಾವಲ್ ಕೆರೆ ದಾಸರಹಳ್ಳಿ (ಚೊಕ್ಕಸಂದ್ರ) ಕೆರೆ ಮಂಗಮ್ಮನಪಾಳ್ಯ ಕೆರೆ ಪುಟ್ಟೇನಹಳ್ಳಿ ಕೆರೆ (ಬ್ರಿಗೇಡ್ ಮಿಲೇನಿಯಂ ಬಳಿ) ಬೈರಸಂದ್ರ ಕೆಳಗಿನ ಕೆರೆ ನಾಯಂಡಹಳ್ಳಿ ಕೆರೆ ಕೆಂಪಾಂಬುಧಿ ಕೆರೆ. ಎರಡನೇ ವಾರ (ಸೆ.12): ಕಟ್ಟಿಗೇನಹಳ್ಳಿ ಕೆರೆ ಅಮೃತಹಳ್ಳಿ ಕೆರೆ ರಾಮಪುರ ಕೆರೆ ಚಿಕ್ಕಬೆಳ್ಳಂದೂರು ಕೆರೆ ಹೊಸಕೆರೆಹಳ್ಳಿ ಕೆರೆ ಬೂಸೆಗೌಡನ ಕೆರೆ ಬಾಗಲಗುಂಟೆ ಕೆರೆ ದೊರೆಕೆರೆ ಕೂಡ್ಲು ಚಿಕ್ಕಕೆರೆ– ಆನೇಕಲ್ ಬೈರಸಂದ್ರ– ಚಿಕ್ಕಪೇಟೆ ಕೆರೆ. ಮೂರನೇ ವಾರ (ಸೆ.19): ಅಗ್ರಹಾರ ಕೆರೆ ಪಟ್ಟಂದೂರು ಅಗ್ರಹಾರ ಕೆರೆ ಪಟ್ಟಂದೂರು ಕೆರೆ ಹಲಗೆವಡೇರಹಳ್ಳಿ ಕೆರೆ ಹೇರೋಹಳ್ಳಿ ಕೆರೆ ಅಬ್ಬಿಗೆರೆ ಕೆರೆ ದೊಡ್ಡಬಿದರಕಲ್ಲು– ನಾಗಸಂದ್ರ ಕೆರೆ ಕೊಡಿಗೆ ಸಿಂಗಸಂದ್ರ ಕೆರೆ ಸ್ಯಾಂಕಿ ಕೆರೆ ಮೇಸ್ತ್ರಿಪಾಳ್ಯ ಕೆರೆ.

. ಕೆರೆ ನಿರ್ವಹಣೆ

ಆ್ಯಪ್ನಲ್ಲಿ ಮಾಹಿತಿ ಕೆರೆಗಳಲ್ಲಿ ಯಾವ ಕಾಮಗಾರಿಗಳು ನಡೆಯುತ್ತಿವೆ ನಿರ್ವಹಣೆ ಕೆಲಸಗಳು ಯಾವುವು ಸ್ವಚ್ಛತಾ ಕಾರ್ಯಗಳನ್ನು ಯಾವ ಸಮಯದಲ್ಲಿ ಕೈಗೊಳ್ಳಲಾಯಿತು... ಮುಂತಾದ ಮಾಹಿತಿಗಳನ್ನು ನಾಗರಿಕರಿಗೆ ಒದಗಿಸುವ ಆ್ಯಪ್ ಅನ್ನು ಬಿಬಿಎಂಪಿ ಸಿದ್ಧಪಡಿಸುತ್ತಿದೆ. ಈ ಆ್ಯಪ್ ತಯಾರಿ ಹಂತದಲ್ಲಿದ್ದು ದತ್ತಾಂಶವನ್ನು ಸಂಗ್ರಹಿಸಲಾಗುತ್ತಿದೆ. ಇನ್ನೊಂದು ತಿಂಗಳಲ್ಲಿ ಅಂತಿಮವಾಗಬಹುದು. ₹10 ಲಕ್ಷ ವೆಚ್ಚದಲ್ಲಿ ಆ್ಯಪ್ ಅಭಿವೃದ್ಧಿಪಡಿಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದರು. ಬಿಬಿಎಂಪಿ ವ್ಯಾಪ್ತಿಯ 174 ಕೆರೆಗಳಲ್ಲಿ 2023–24ನೇ ಸಾಲಿನಲ್ಲಿ ನಿರ್ವಹಣೆ ಕಾಮಗಾರಿಗಳಿಗೆ ₹35 ಕೋಟಿ ವೆಚ್ಚ ಮಾಡಲಾಗುತ್ತಿದೆ. ಬಜೆಟ್ನಲ್ಲಿ ಈ ಕಾಮಗಾರಿಗಳಿಗೆ ಅನುಮೋದನೆ ನೀಡಲಾಗಿದ್ದು ಟೆಂಡರ್ ಪ್ರಕ್ರಿಯೆ ಇದೀಗ ಆರಂಭವಾಗಿ ನವೆಂಬರ್ನಲ್ಲಿ ಮುಕ್ತಾಯವಾಗಲಿದೆ. 174 ಕೆರೆಗಳಲ್ಲಿ 109 ನಿರ್ವಹಣಾ ಕಾಮಗಾರಿಗಳನ್ನು ಕೈಗೊಳ್ಳಲು ನಿರ್ಧರಿಸಲಾಗಿದ್ದು ಇದರಲ್ಲಿ 96 ಕಾಮಗಾರಿಗಳಿಗೆ ಈಗಾಗಲೇ ಟೆಂಡರ್ ಆಹ್ವಾನಿಸಲಾಗಿದೆ. ಇದರ ಮೊತ್ತ ₹32.33 ಕೋಟಿಯಾಗಿದ್ದು ಉಳಿದ ₹2.66 ಕೋಟಿಗೆ 13 ಕಾಮಗಾರಿಗಳಿಗೆ ಟೆಂಡರ್ ಕರೆಯಲಾಗುತ್ತಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು. ಮಹದೇವಪುರ ವಲಯದಲ್ಲಿ 53 ಬೊಮ್ಮನಹಳ್ಳಿ– 42 ಆರ್.ಆರ್. ನಗರ– 33 ಯಲಹಂಕ–24 ದಾಸರಹಳ್ಳಿ–11 ದಕ್ಷಿಣ– 5 ಪೂರ್ವ– 4 ಪಶ್ಚಿಮ ವಲಯದಲ್ಲಿ 2 ಕೆರೆಗಳ ವಾರ್ಷಿಕ ನಿರ್ವಹಣಾ ಕಾಮಗಾರಿಗಳು ಇದಾಗಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೆರೆ ಒತ್ತುವರಿ: ಸರ್ವೆಗೆ ಮುಂದಾಗದ ತಹಶೀಲ್ದಾರ್‌ಗಳು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಕೂಚ್‌ ಬಿಹಾರ್ ಟ್ರೋಫಿ ಕ್ರಿಕೆಟ್‌: ಫಾಲೊಆನ್‌ಗೆ ಒಳಗಾಗಿದ್ದ ಕರ್ನಾಟಕಕ್ಕೆ ಜಯ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು