<p><strong>ಬೆಂಗಳೂರು:</strong> ‘ಹಾಸ್ಯ ಸಾಹಿತ್ಯವನ್ನು ಲಘುವಾಗಿ ಪರಿಗಣಿಸಿ, ಗಂಭೀರವಾಗಿ ಅಲಕ್ಷಿಸಲಾಗುತ್ತಿದೆ. ನಗಿಸುವ ಸಾಹಿತ್ಯಕ್ಕೆ ಬೆಲೆ ಇಲ್ಲದಿರುವುದನ್ನು ಕಂಡು ನೋವಾಗುತ್ತದೆ’ ಎಂದು ಲೇಖಕಿ ಭುವನೇಶ್ವರಿ ಹೆಗಡೆ ಹೇಳಿದರು.</p>.<p>ಹಿತೈಷಿಣಿ ಮಹಿಳಾ ಅಧ್ಯಯನ ಕೇಂದ್ರ ಹಾಗೂ ಗಣೇಶ ಚಾರಿಟಬಲ್ ಟ್ರಸ್ಟ್ ನಗರದಲ್ಲಿ ಭಾನುವಾರ ಆಯೋಜಿಸಿದ್ದ ಲೇಖಕಿ, ದಿವಂಗತ ಟಿ.ಸುನಂದಮ್ಮ ಸ್ಮರಣೆ ಮತ್ತು ಸಾಹಿತ್ಯ ಸಂಪುಟ–1ರ ಬಿಡುಗಡೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>‘ಈಗಿನ ವಿಮರ್ಶಕರು ಎಲ್ಲವನ್ನೂ ಅಸಹಿಷ್ಣುತೆಯಿಂದಲೇ ನೋಡುತ್ತಾರೆ. ಮೊದಲು ಹೀಗೆ ಇರಲಿಲ್ಲ. ಬರೆದವರನ್ನು ಬೆನ್ನು ತಟ್ಟುವಂತೆ ವಿಮರ್ಶೆ ಮಾಡುತ್ತಿದ್ದರು. ಕಾಲೆಳೆಯೋದು ಅನ್ನುವ ಪದವೇ ಬಳಕೆಯಲ್ಲಿ ಇರಲಿಲ್ಲ’ ಎಂದರು.</p>.<p>‘ಸುನಂದಮ್ಮ ಅವರದ್ದು ಕೌಟುಂಬಿಕ ಹಾಸ್ಯ ಎನ್ನುವಂತೆ ಅಪಹಾಸ್ಯ ಮಾಡಲಾಗಿತ್ತು. ಅವರು ಬರೆಯುತ್ತಿದ್ದ ಕಾಲದಲ್ಲಿ, ನಾವು ಆಧುನಿಕತೆಗೆ ಆಗಷ್ಟೇ ತೆರೆದುಕೊಳ್ಳುತ್ತಿದ್ದೆವು. ಅದನ್ನೆಲ್ಲಾ ಗಮನಿಸಿ ಅವರು ಹಾಸ್ಯ ಪ್ರಸಂಗಗಳನ್ನು ಕಟ್ಟಿದ್ದಾರೆ’ ಎಂದು ನೆನಪು ಮಾಡಿಕೊಂಡರು.</p>.<p>ಸಾಹಿತಿ ಅ.ರಾ.ಮಿತ್ರ, ‘ಸುನಂದಮ್ಮ ಅವರು ಬಿಡುವಿಲ್ಲದೆ ಬರಹದ ಕೃಷಿ ಮಾಡುತ್ತಿದ್ದರು. ಹಾಸ್ಯ ಪ್ರಕಾರಕ್ಕೆ ಸಿಗದ ಮನ್ನಣೆ ಕುರಿತು ಕೆಲವೊಮ್ಮೆ ಬೇಸರದಿಂದ ಮಾತನಾಡಿದ್ದಾರೆ. ಆದರೆ ಅವರ ಅಂತರಂಗದ ಬರಹ ನಮ್ಮನ್ನೆಲ್ಲಾ ಸುಲಭವಾಗಿ ತಟ್ಟಿತ್ತು’ ಎಂದರು.</p>.<p>ಕನ್ನಡ ಪುಸ್ತಕ ಪ್ರಾಧಿಕಾರದ ಅಧ್ಯಕ್ಷೆ ವಸುಂಧರಾ ಭೂಪತಿ, ‘ಸುನಂದಮ್ಮ ಅವರ ಹಾಸ್ಯ ನಮ್ಮ ಸಂಭ್ರಮವನ್ನು ಹೆಚ್ಚಿಸುತ್ತದೆ. ಸಮ್ಮೇಳನಗಳಲ್ಲೂ ಹಾಸ್ಯ ಸಾಹಿತ್ಯದ ಗೋಷ್ಠಿಗಳು ಇರಬೇಕು ಎಂದು ಅವರು ಬಯಸಿದ್ದರು’ ಎಂದರು.</p>.<p>ಪತ್ರಕರ್ತೆ ಆರ್.ಪೂರ್ಣಿಮಾ, ‘ಅಂದಿನ ಸಾಮಾಜಿಕ ವ್ಯವಸ್ಥೆಯಲ್ಲಿ ಹೆಣ್ಣುಮಕ್ಕಳು ನಗುವುದೇ ಕಷ್ಟ ಇತ್ತು. ನಗಿಸೋದು ಇನ್ನೂ ಕಷ್ಟ. ಅಂತಹದ್ದರಲ್ಲಿ ಸುನಂದಮ್ಮ ಸಮಾಜವನ್ನು ತಿದ್ದುವ ಪ್ರಯತ್ನ ಮಾಡಿದರು. ಕಿರಿಯರಿಗೂ ಪ್ರೋತ್ಸಾಹ ನೀಡಿದರು’ ಎಂದು ಸ್ಮರಿಸಿದರು.</p>.<p>*<br />ಈ ವರ್ಷ ಪುಸ್ತಕ ದೀಪಾವಳಿಯನ್ನು ಆಚರಿಸೋಣ. ಮನೆಗೆ ಬಂದವರಿಗೆ ಪುಸ್ತಕಗಳನ್ನು ಉಡುಗೊರೆಯಾಗಿ ಕೊಡೋಣ.<br /><em><strong>-ವಸುಂಧರಾ ಭೂಪತಿ, ಕನ್ನಡ ಪುಸ್ತಕ ಪ್ರಾಧಿಕಾರದ ಅಧ್ಯಕ್ಷೆ</strong></em></p>.<p><em><strong>**</strong></em></p>.<p><strong>ಪುಸ್ತಕ ಮಾಹಿತಿ<br />ಪುಸ್ತಕ: ಟಿ.ಸುನಂದಮ್ಮ ಸಾಹಿತ್ಯ ಸಂಪುಟ–1<br />ಸಂಪಾದಕರು: ವಸುಂಧರಾ ಭೂಪತಿ<br />ಪ್ರಕಾಶನ: ಅನುಗ್ರಹ<br />ಬೆಲೆ: ₹250<br />ಪುಟಗಳು: 256</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ‘ಹಾಸ್ಯ ಸಾಹಿತ್ಯವನ್ನು ಲಘುವಾಗಿ ಪರಿಗಣಿಸಿ, ಗಂಭೀರವಾಗಿ ಅಲಕ್ಷಿಸಲಾಗುತ್ತಿದೆ. ನಗಿಸುವ ಸಾಹಿತ್ಯಕ್ಕೆ ಬೆಲೆ ಇಲ್ಲದಿರುವುದನ್ನು ಕಂಡು ನೋವಾಗುತ್ತದೆ’ ಎಂದು ಲೇಖಕಿ ಭುವನೇಶ್ವರಿ ಹೆಗಡೆ ಹೇಳಿದರು.</p>.<p>ಹಿತೈಷಿಣಿ ಮಹಿಳಾ ಅಧ್ಯಯನ ಕೇಂದ್ರ ಹಾಗೂ ಗಣೇಶ ಚಾರಿಟಬಲ್ ಟ್ರಸ್ಟ್ ನಗರದಲ್ಲಿ ಭಾನುವಾರ ಆಯೋಜಿಸಿದ್ದ ಲೇಖಕಿ, ದಿವಂಗತ ಟಿ.ಸುನಂದಮ್ಮ ಸ್ಮರಣೆ ಮತ್ತು ಸಾಹಿತ್ಯ ಸಂಪುಟ–1ರ ಬಿಡುಗಡೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>‘ಈಗಿನ ವಿಮರ್ಶಕರು ಎಲ್ಲವನ್ನೂ ಅಸಹಿಷ್ಣುತೆಯಿಂದಲೇ ನೋಡುತ್ತಾರೆ. ಮೊದಲು ಹೀಗೆ ಇರಲಿಲ್ಲ. ಬರೆದವರನ್ನು ಬೆನ್ನು ತಟ್ಟುವಂತೆ ವಿಮರ್ಶೆ ಮಾಡುತ್ತಿದ್ದರು. ಕಾಲೆಳೆಯೋದು ಅನ್ನುವ ಪದವೇ ಬಳಕೆಯಲ್ಲಿ ಇರಲಿಲ್ಲ’ ಎಂದರು.</p>.<p>‘ಸುನಂದಮ್ಮ ಅವರದ್ದು ಕೌಟುಂಬಿಕ ಹಾಸ್ಯ ಎನ್ನುವಂತೆ ಅಪಹಾಸ್ಯ ಮಾಡಲಾಗಿತ್ತು. ಅವರು ಬರೆಯುತ್ತಿದ್ದ ಕಾಲದಲ್ಲಿ, ನಾವು ಆಧುನಿಕತೆಗೆ ಆಗಷ್ಟೇ ತೆರೆದುಕೊಳ್ಳುತ್ತಿದ್ದೆವು. ಅದನ್ನೆಲ್ಲಾ ಗಮನಿಸಿ ಅವರು ಹಾಸ್ಯ ಪ್ರಸಂಗಗಳನ್ನು ಕಟ್ಟಿದ್ದಾರೆ’ ಎಂದು ನೆನಪು ಮಾಡಿಕೊಂಡರು.</p>.<p>ಸಾಹಿತಿ ಅ.ರಾ.ಮಿತ್ರ, ‘ಸುನಂದಮ್ಮ ಅವರು ಬಿಡುವಿಲ್ಲದೆ ಬರಹದ ಕೃಷಿ ಮಾಡುತ್ತಿದ್ದರು. ಹಾಸ್ಯ ಪ್ರಕಾರಕ್ಕೆ ಸಿಗದ ಮನ್ನಣೆ ಕುರಿತು ಕೆಲವೊಮ್ಮೆ ಬೇಸರದಿಂದ ಮಾತನಾಡಿದ್ದಾರೆ. ಆದರೆ ಅವರ ಅಂತರಂಗದ ಬರಹ ನಮ್ಮನ್ನೆಲ್ಲಾ ಸುಲಭವಾಗಿ ತಟ್ಟಿತ್ತು’ ಎಂದರು.</p>.<p>ಕನ್ನಡ ಪುಸ್ತಕ ಪ್ರಾಧಿಕಾರದ ಅಧ್ಯಕ್ಷೆ ವಸುಂಧರಾ ಭೂಪತಿ, ‘ಸುನಂದಮ್ಮ ಅವರ ಹಾಸ್ಯ ನಮ್ಮ ಸಂಭ್ರಮವನ್ನು ಹೆಚ್ಚಿಸುತ್ತದೆ. ಸಮ್ಮೇಳನಗಳಲ್ಲೂ ಹಾಸ್ಯ ಸಾಹಿತ್ಯದ ಗೋಷ್ಠಿಗಳು ಇರಬೇಕು ಎಂದು ಅವರು ಬಯಸಿದ್ದರು’ ಎಂದರು.</p>.<p>ಪತ್ರಕರ್ತೆ ಆರ್.ಪೂರ್ಣಿಮಾ, ‘ಅಂದಿನ ಸಾಮಾಜಿಕ ವ್ಯವಸ್ಥೆಯಲ್ಲಿ ಹೆಣ್ಣುಮಕ್ಕಳು ನಗುವುದೇ ಕಷ್ಟ ಇತ್ತು. ನಗಿಸೋದು ಇನ್ನೂ ಕಷ್ಟ. ಅಂತಹದ್ದರಲ್ಲಿ ಸುನಂದಮ್ಮ ಸಮಾಜವನ್ನು ತಿದ್ದುವ ಪ್ರಯತ್ನ ಮಾಡಿದರು. ಕಿರಿಯರಿಗೂ ಪ್ರೋತ್ಸಾಹ ನೀಡಿದರು’ ಎಂದು ಸ್ಮರಿಸಿದರು.</p>.<p>*<br />ಈ ವರ್ಷ ಪುಸ್ತಕ ದೀಪಾವಳಿಯನ್ನು ಆಚರಿಸೋಣ. ಮನೆಗೆ ಬಂದವರಿಗೆ ಪುಸ್ತಕಗಳನ್ನು ಉಡುಗೊರೆಯಾಗಿ ಕೊಡೋಣ.<br /><em><strong>-ವಸುಂಧರಾ ಭೂಪತಿ, ಕನ್ನಡ ಪುಸ್ತಕ ಪ್ರಾಧಿಕಾರದ ಅಧ್ಯಕ್ಷೆ</strong></em></p>.<p><em><strong>**</strong></em></p>.<p><strong>ಪುಸ್ತಕ ಮಾಹಿತಿ<br />ಪುಸ್ತಕ: ಟಿ.ಸುನಂದಮ್ಮ ಸಾಹಿತ್ಯ ಸಂಪುಟ–1<br />ಸಂಪಾದಕರು: ವಸುಂಧರಾ ಭೂಪತಿ<br />ಪ್ರಕಾಶನ: ಅನುಗ್ರಹ<br />ಬೆಲೆ: ₹250<br />ಪುಟಗಳು: 256</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
