<p><strong>ಬೆಂಗಳೂರು:</strong> ಆಟೊ ಚಾಲಕರೇ ಒಗ್ಗೂಡಿ ರಚಿಸಿಕೊಂಡಿರುವ ಆ್ಯಪ್ ಆಧಾರಿತ ‘ನಮ್ಮ ಯಾತ್ರಿ’ಯು ಮುಂದಿನ ವಾರದಿಂದ ಪ್ರಾಯೋಗಿಕವಾಗಿ ಬೆಂಗಳೂರಿನಲ್ಲಿ ಕ್ಯಾಬ್ ಸೇವೆ ಆರಂಭಿಸಲಿದೆ.</p><p><br>ಈಗಾಗಲೇ, ಸೀಮಿತ ಬಳಕೆದಾರರಿಗೆ ‘ನಮ್ಮ ಯಾತ್ರಿ’ ಅಪ್ಲಿಕೇಶನ್ನಲ್ಲಿ ಕ್ಯಾಬ್ ಸೇವೆಯು ದೊರೆಯುತ್ತಿದೆ. ಅಪ್ಲಿಕೇಶನ್ ತೆರೆದ ತಕ್ಷಣವೇ ಮುಖಪುಟದಲ್ಲಿ ಟ್ಯಾಕ್ಸಿ ಸೇವೆಯ ಲಭ್ಯತೆ ಬಗ್ಗೆ ವಿವರಗಳು ಕಾಣಿಸಲಿವೆ. ಬೆಂಗಳೂರಿನಲ್ಲಿ ಪ್ರಯಾಣಿಕರಿಂದ ಉತ್ತಮ ಸ್ಪಂದನೆ ಸಿಕ್ಕಿದರೆ ಇತರೆ ನಗರಗಳಿಗೂ ಈ ಸೇವೆ ವಿಸ್ತರಿಸುವ ಸಾಧ್ಯತೆಯಿದೆ. </p><p><br>‘ಸದ್ಯ ಶೂನ್ಯ ಶುಲ್ಕ ಆಧಾರಿತ ಆಟೊ ಸೇವೆ ಒದಗಿಸಲಾಗುತ್ತಿದೆ. ಮಂಗಳವಾರದಿಂದ ಅಧಿಕೃತವಾಗಿ ಕ್ಯಾಬ್ ಸೇವೆ ಆರಂಭಗೊಳ್ಳುವ ನಿರೀಕ್ಷೆಯಿದೆ. ಆ್ಯಪ್ನಲ್ಲಿ ಈ ಸೇವೆಯ ಸ್ಥಿರತೆ ಹಾಗೂ ಕ್ಯಾಬ್ ಸೇವೆಯ ಬೇಡಿಕೆ ಬಗ್ಗೆ ಪರೀಕ್ಷೆ ನಡೆಸಲಾಗುತ್ತಿದೆ. ಈಗಾಗಲೇ ಹಲವು ಗ್ರಾಹಕರು ಇದರ ಪ್ರಯೋಜನ ಪಡೆದಿದ್ದಾರೆ’ ಎಂದು ‘ಪ್ರಜಾವಾಣಿ’ಗೆ ಮೂಲಗಳು ತಿಳಿಸಿವೆ. </p><p><br>‘ಶೂನ್ಯ ಶುಲ್ಕ ಮಾದರಿಯಡಿಯೇ ಕ್ಯಾಬ್ ಸೇವೆ ಆರಂಭಿಸಲಾಗುತ್ತಿದೆ. ಮಾರುಕಟ್ಟೆಯಲ್ಲಿರುವ ಇತರೇ ಕಂಪನಿಗಳ ಸೇವೆಗಿಂತ ಇದು ಭಿನ್ನವಾಗಿದೆ. ಈ ಕಂಪನಿಗಳಿಗೆ ‘ನಮ್ಮ ಯಾತ್ರಿ’ ಸೇವೆಯು ತೀವ್ರ ಸವಾಲೊಡ್ಡಲಿದೆ’ ಎಂದು ತಿಳಿಸಿವೆ. </p><p><br>‘ಕ್ಯಾಬ್ ಸೇವೆ ಆರಂಭಿಸುತ್ತಿರುವ ಬಗ್ಗೆ ಆಟೊ ರಿಕ್ಷಾ ಚಾಲಕರಿಂದ ಯಾವುದೇ ವಿರೋಧ ವ್ಯಕ್ತವಾಗಿಲ್ಲ. ಕ್ಯಾಬ್ ಚಾಲಕರೊಟ್ಟಿಗೆ ಗ್ರಾಹಕರಿಗೆ ಸೇವೆ ಒದಗಿಸಲು ಉತ್ಸುಕರಾಗಿದ್ದಾರೆ’ ಎಂದು ಹೇಳಿವೆ.<br>ನಾನ್ ಎಸಿ ಹ್ಯಾಚ್ಬ್ಯಾಕ್ ಕಾರು, ಎಸಿ ಸೆಡಾನ್ ಕಾರು ಮತ್ತು ಎಸಿ ಎಸ್ಯುವಿ ಕಾರಿನ ಸೌಲಭ್ಯವಿದೆ. ಇತರೆ ಕ್ಯಾಬ್ ಸೇವೆಗೆ ಹೋಲಿಸಿದರೆ ‘ನಮ್ಮ ಯಾತ್ರಿ’ ಕ್ಯಾಬ್ ದರವು ₹10ರಿಂದ ₹13 ಕಡಿಮೆ ಇರಲಿದೆ ಎಂದು ಹೇಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಆಟೊ ಚಾಲಕರೇ ಒಗ್ಗೂಡಿ ರಚಿಸಿಕೊಂಡಿರುವ ಆ್ಯಪ್ ಆಧಾರಿತ ‘ನಮ್ಮ ಯಾತ್ರಿ’ಯು ಮುಂದಿನ ವಾರದಿಂದ ಪ್ರಾಯೋಗಿಕವಾಗಿ ಬೆಂಗಳೂರಿನಲ್ಲಿ ಕ್ಯಾಬ್ ಸೇವೆ ಆರಂಭಿಸಲಿದೆ.</p><p><br>ಈಗಾಗಲೇ, ಸೀಮಿತ ಬಳಕೆದಾರರಿಗೆ ‘ನಮ್ಮ ಯಾತ್ರಿ’ ಅಪ್ಲಿಕೇಶನ್ನಲ್ಲಿ ಕ್ಯಾಬ್ ಸೇವೆಯು ದೊರೆಯುತ್ತಿದೆ. ಅಪ್ಲಿಕೇಶನ್ ತೆರೆದ ತಕ್ಷಣವೇ ಮುಖಪುಟದಲ್ಲಿ ಟ್ಯಾಕ್ಸಿ ಸೇವೆಯ ಲಭ್ಯತೆ ಬಗ್ಗೆ ವಿವರಗಳು ಕಾಣಿಸಲಿವೆ. ಬೆಂಗಳೂರಿನಲ್ಲಿ ಪ್ರಯಾಣಿಕರಿಂದ ಉತ್ತಮ ಸ್ಪಂದನೆ ಸಿಕ್ಕಿದರೆ ಇತರೆ ನಗರಗಳಿಗೂ ಈ ಸೇವೆ ವಿಸ್ತರಿಸುವ ಸಾಧ್ಯತೆಯಿದೆ. </p><p><br>‘ಸದ್ಯ ಶೂನ್ಯ ಶುಲ್ಕ ಆಧಾರಿತ ಆಟೊ ಸೇವೆ ಒದಗಿಸಲಾಗುತ್ತಿದೆ. ಮಂಗಳವಾರದಿಂದ ಅಧಿಕೃತವಾಗಿ ಕ್ಯಾಬ್ ಸೇವೆ ಆರಂಭಗೊಳ್ಳುವ ನಿರೀಕ್ಷೆಯಿದೆ. ಆ್ಯಪ್ನಲ್ಲಿ ಈ ಸೇವೆಯ ಸ್ಥಿರತೆ ಹಾಗೂ ಕ್ಯಾಬ್ ಸೇವೆಯ ಬೇಡಿಕೆ ಬಗ್ಗೆ ಪರೀಕ್ಷೆ ನಡೆಸಲಾಗುತ್ತಿದೆ. ಈಗಾಗಲೇ ಹಲವು ಗ್ರಾಹಕರು ಇದರ ಪ್ರಯೋಜನ ಪಡೆದಿದ್ದಾರೆ’ ಎಂದು ‘ಪ್ರಜಾವಾಣಿ’ಗೆ ಮೂಲಗಳು ತಿಳಿಸಿವೆ. </p><p><br>‘ಶೂನ್ಯ ಶುಲ್ಕ ಮಾದರಿಯಡಿಯೇ ಕ್ಯಾಬ್ ಸೇವೆ ಆರಂಭಿಸಲಾಗುತ್ತಿದೆ. ಮಾರುಕಟ್ಟೆಯಲ್ಲಿರುವ ಇತರೇ ಕಂಪನಿಗಳ ಸೇವೆಗಿಂತ ಇದು ಭಿನ್ನವಾಗಿದೆ. ಈ ಕಂಪನಿಗಳಿಗೆ ‘ನಮ್ಮ ಯಾತ್ರಿ’ ಸೇವೆಯು ತೀವ್ರ ಸವಾಲೊಡ್ಡಲಿದೆ’ ಎಂದು ತಿಳಿಸಿವೆ. </p><p><br>‘ಕ್ಯಾಬ್ ಸೇವೆ ಆರಂಭಿಸುತ್ತಿರುವ ಬಗ್ಗೆ ಆಟೊ ರಿಕ್ಷಾ ಚಾಲಕರಿಂದ ಯಾವುದೇ ವಿರೋಧ ವ್ಯಕ್ತವಾಗಿಲ್ಲ. ಕ್ಯಾಬ್ ಚಾಲಕರೊಟ್ಟಿಗೆ ಗ್ರಾಹಕರಿಗೆ ಸೇವೆ ಒದಗಿಸಲು ಉತ್ಸುಕರಾಗಿದ್ದಾರೆ’ ಎಂದು ಹೇಳಿವೆ.<br>ನಾನ್ ಎಸಿ ಹ್ಯಾಚ್ಬ್ಯಾಕ್ ಕಾರು, ಎಸಿ ಸೆಡಾನ್ ಕಾರು ಮತ್ತು ಎಸಿ ಎಸ್ಯುವಿ ಕಾರಿನ ಸೌಲಭ್ಯವಿದೆ. ಇತರೆ ಕ್ಯಾಬ್ ಸೇವೆಗೆ ಹೋಲಿಸಿದರೆ ‘ನಮ್ಮ ಯಾತ್ರಿ’ ಕ್ಯಾಬ್ ದರವು ₹10ರಿಂದ ₹13 ಕಡಿಮೆ ಇರಲಿದೆ ಎಂದು ಹೇಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
