<p><strong>ಬೆಂಗಳೂರು:</strong> ಎರಡು ನಾಯಿಮರಿಗಳನ್ನು ಮೂವರು ಮಕ್ಕಳು ಸೇರಿಕೊಂಡು ಜೀವಂತವಾಗಿ ಸುಟ್ಟ ಘಟನೆ ಹೆಣ್ಣೂರು ಸಮೀಪದ ಕೊತ್ತನೂರಿನಲ್ಲಿ ಇತ್ತೀಚೆಗೆ ನಡೆದಿದೆ.</p>.<p>ಈ ಮಕ್ಕಳನ್ನು ಭೇಟಿಯಾದ ಶ್ವಾನಪ್ರಿಯರ ತಂಡ ಅವರು ನಡೆಸಿದ ಕೃತ್ಯ ಎಷ್ಟು ಹೇಯವಾದುದು ಎಂಬ ಬಗ್ಗೆ ತಿಳಿವಳಿಕೆ ಹೇಳುವ ಮೂಲಕ ಅವರ ಮನಪರಿವರ್ತನೆ ಮಾಡುವ ಪ್ರಯತ್ನ ನಡೆಸಿದೆ. ಅಲ್ಲದೇ ಮಕ್ಕಳ ಪೋಷಕರಿಗೆ ಪೊಲೀಸರಿಂದ ಬುದ್ಧಿಮಾತು ಹೇಳಿಸಿದೆ.</p>.<p>‘ಮೂವರು ಬಾಲಕರು ವಾರದ ಹಿಂದೆ ಶಾಲೆಯಿಂದ ಮನೆಗೆ ಬರುವಾಗ ಮೂರು ನಾಯಿಮರಿಗಳಿಗೆ ಹೊಡೆದು ಚಿತ್ರಹಿಂಸೆ ನೀಡುತ್ತಿದ್ದರು. ಅವುಗಳನ್ನು ಮೇಲಿನಿಂದ ಕೆಳಕ್ಕೆ ಬಿಸಾಡುತ್ತಿದ್ದರು. ಅಷ್ಟಕ್ಕೇ ಅವರ ಕೃತ್ಯ ನಿಂತಿರಲಿಲ್ಲ. ಆ ನಾಯಿಮರಿಗಳನ್ನು ಬೆಂಕಿಗೂ ಹಾಕಿದ್ದರು. ಎರಡು ನಾಯಿಮರಿಗಳು ಬೆಂಕಿಯ ತಾಪ ತಡೆಯದೇ ಸತ್ತಿವೆ. ಒಂದು ನಾಯಿ ಮರಿ ಹೇಗೋ ಬದುಕುಳಿದಿದೆ’ ಎಂದು ರಾಮ್ ಕುಮಾರ್ ಬಿ.ಕೆ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಗಾಯಗೊಂಡ ನಾಯಿಗಳ ರಕ್ಷಣೆಯಲ್ಲಿ ತೊಡಗಿರುವ ಕಾರ್ಯಕರ್ತರಾದ ಹರೀಶ್ ಕೆ.ಬಿ, ನೆವಿನಾ ಕಾಮತ್ ಹಾಗೂ ನಾನು ಸ್ಥಳಕ್ಕೆ ಹೋಗಿ ಮಕ್ಕಳ ತಪ್ಪು ಮನವರಿಕೆ ಮಾಡಿಕೊಡುವ ಪ್ರಯತ್ನ ಮಾಡಿದ್ದೇವೆ. ಮಕ್ಕಳಿಗೂ ಪಶ್ಚಾತ್ತಾಪ ಉಂಟಾಗಿದೆ’ ಎಂದರು.</p>.<p>‘ಮಕ್ಕಳಿಗೆ ಈಗಲೇ ಈ ಬಗ್ಗೆ ತಿಳಿಹೇಳದಿದ್ದರೆ ಭವಿಷ್ಯದಲ್ಲಿ ಅವರ ಮನಸ್ಸಿನಲ್ಲಿ ಮತ್ತಷ್ಟು ಹಿಂಸಾತ್ಮಕ ಪ್ರವೃತ್ತಿ ಬೆಳೆಯುವ ಸಾಧ್ಯತೆ ಇದೆ. ಈ ಕೃತ್ಯದಲ್ಲಿ ತೊಡಗಿರುವ ಮಕ್ಕಳಿಗೆ ತಜ್ಞರಿಂದ ಆಪ್ತ ಸಮಾಲೋಚನೆ ನಡೆಸುತ್ತೇವೆ’ ಎಂದರು.</p>.<p>‘ನಗರದಲ್ಲಿ ಅನೇಕ ಕಡೆ ಮಕ್ಕಳು ಅರಿವಿಲ್ಲದೇ ಬೀದಿನಾಯಿಮರಿಗಳಿಗೆ ಹಿಂಸೆ ಕೊಡುವ ಪ್ರಕರಣಗಳು ನಡೆಯುತ್ತಿವೆ. ಇಂತಹ ಕೃತ್ಯದಲ್ಲಿ ತೊಡಗದಂತೆ ಪೋಷಕರು ಮಕ್ಕಳಲ್ಲಿ ಜಾಗೃತಿ ಮೂಡಿಸಬೇಕು’ ಎಂದು ರಾಮ್ ಕುಮಾರ್ ಹೇಳಿದರು.</p>.<p>‘ಬೆಂಕಿಯಿಂದ ತಪ್ಪಿಸಿಕೊಂಡು ಬದುಕಿ ಉಳಿದಿರುವ ನಾಯಿಮರಿಗೆ ಚಿಕಿತ್ಸೆ ನೀಡಿದ್ದೇವೆ. ಗಾಯಗೊಂಡಿರುವ ಆ ನಾಯಿ ಮರಿ ಚೇತರಿಸಿಕೊಳ್ಳುತ್ತಿದೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಎರಡು ನಾಯಿಮರಿಗಳನ್ನು ಮೂವರು ಮಕ್ಕಳು ಸೇರಿಕೊಂಡು ಜೀವಂತವಾಗಿ ಸುಟ್ಟ ಘಟನೆ ಹೆಣ್ಣೂರು ಸಮೀಪದ ಕೊತ್ತನೂರಿನಲ್ಲಿ ಇತ್ತೀಚೆಗೆ ನಡೆದಿದೆ.</p>.<p>ಈ ಮಕ್ಕಳನ್ನು ಭೇಟಿಯಾದ ಶ್ವಾನಪ್ರಿಯರ ತಂಡ ಅವರು ನಡೆಸಿದ ಕೃತ್ಯ ಎಷ್ಟು ಹೇಯವಾದುದು ಎಂಬ ಬಗ್ಗೆ ತಿಳಿವಳಿಕೆ ಹೇಳುವ ಮೂಲಕ ಅವರ ಮನಪರಿವರ್ತನೆ ಮಾಡುವ ಪ್ರಯತ್ನ ನಡೆಸಿದೆ. ಅಲ್ಲದೇ ಮಕ್ಕಳ ಪೋಷಕರಿಗೆ ಪೊಲೀಸರಿಂದ ಬುದ್ಧಿಮಾತು ಹೇಳಿಸಿದೆ.</p>.<p>‘ಮೂವರು ಬಾಲಕರು ವಾರದ ಹಿಂದೆ ಶಾಲೆಯಿಂದ ಮನೆಗೆ ಬರುವಾಗ ಮೂರು ನಾಯಿಮರಿಗಳಿಗೆ ಹೊಡೆದು ಚಿತ್ರಹಿಂಸೆ ನೀಡುತ್ತಿದ್ದರು. ಅವುಗಳನ್ನು ಮೇಲಿನಿಂದ ಕೆಳಕ್ಕೆ ಬಿಸಾಡುತ್ತಿದ್ದರು. ಅಷ್ಟಕ್ಕೇ ಅವರ ಕೃತ್ಯ ನಿಂತಿರಲಿಲ್ಲ. ಆ ನಾಯಿಮರಿಗಳನ್ನು ಬೆಂಕಿಗೂ ಹಾಕಿದ್ದರು. ಎರಡು ನಾಯಿಮರಿಗಳು ಬೆಂಕಿಯ ತಾಪ ತಡೆಯದೇ ಸತ್ತಿವೆ. ಒಂದು ನಾಯಿ ಮರಿ ಹೇಗೋ ಬದುಕುಳಿದಿದೆ’ ಎಂದು ರಾಮ್ ಕುಮಾರ್ ಬಿ.ಕೆ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಗಾಯಗೊಂಡ ನಾಯಿಗಳ ರಕ್ಷಣೆಯಲ್ಲಿ ತೊಡಗಿರುವ ಕಾರ್ಯಕರ್ತರಾದ ಹರೀಶ್ ಕೆ.ಬಿ, ನೆವಿನಾ ಕಾಮತ್ ಹಾಗೂ ನಾನು ಸ್ಥಳಕ್ಕೆ ಹೋಗಿ ಮಕ್ಕಳ ತಪ್ಪು ಮನವರಿಕೆ ಮಾಡಿಕೊಡುವ ಪ್ರಯತ್ನ ಮಾಡಿದ್ದೇವೆ. ಮಕ್ಕಳಿಗೂ ಪಶ್ಚಾತ್ತಾಪ ಉಂಟಾಗಿದೆ’ ಎಂದರು.</p>.<p>‘ಮಕ್ಕಳಿಗೆ ಈಗಲೇ ಈ ಬಗ್ಗೆ ತಿಳಿಹೇಳದಿದ್ದರೆ ಭವಿಷ್ಯದಲ್ಲಿ ಅವರ ಮನಸ್ಸಿನಲ್ಲಿ ಮತ್ತಷ್ಟು ಹಿಂಸಾತ್ಮಕ ಪ್ರವೃತ್ತಿ ಬೆಳೆಯುವ ಸಾಧ್ಯತೆ ಇದೆ. ಈ ಕೃತ್ಯದಲ್ಲಿ ತೊಡಗಿರುವ ಮಕ್ಕಳಿಗೆ ತಜ್ಞರಿಂದ ಆಪ್ತ ಸಮಾಲೋಚನೆ ನಡೆಸುತ್ತೇವೆ’ ಎಂದರು.</p>.<p>‘ನಗರದಲ್ಲಿ ಅನೇಕ ಕಡೆ ಮಕ್ಕಳು ಅರಿವಿಲ್ಲದೇ ಬೀದಿನಾಯಿಮರಿಗಳಿಗೆ ಹಿಂಸೆ ಕೊಡುವ ಪ್ರಕರಣಗಳು ನಡೆಯುತ್ತಿವೆ. ಇಂತಹ ಕೃತ್ಯದಲ್ಲಿ ತೊಡಗದಂತೆ ಪೋಷಕರು ಮಕ್ಕಳಲ್ಲಿ ಜಾಗೃತಿ ಮೂಡಿಸಬೇಕು’ ಎಂದು ರಾಮ್ ಕುಮಾರ್ ಹೇಳಿದರು.</p>.<p>‘ಬೆಂಕಿಯಿಂದ ತಪ್ಪಿಸಿಕೊಂಡು ಬದುಕಿ ಉಳಿದಿರುವ ನಾಯಿಮರಿಗೆ ಚಿಕಿತ್ಸೆ ನೀಡಿದ್ದೇವೆ. ಗಾಯಗೊಂಡಿರುವ ಆ ನಾಯಿ ಮರಿ ಚೇತರಿಸಿಕೊಳ್ಳುತ್ತಿದೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
