ಚರ್ಮ ಸಮಸ್ಯೆಯಿಂದ ಕರುಳ ಬೇನೆ!

ಬೆಂಗಳೂರು : ಮೊಡವೆ, ಸೋರಿಯಾಸಿಸ್ ಸೇರಿ ವಿವಿಧ ಚರ್ಮ ಸಂಬಂಧಿ ಸಮಸ್ಯೆ ಇರುವವರಿಗೆ ಕರುಳಿನ ಸಮಸ್ಯೆಯೂ ಕಾಣಿಸಿಕೊಳ್ಳಲಿದೆ. ಈ ಸಮಸ್ಯೆಗಳು ಒಂದಕ್ಕೊಂದು ಪೂರಕವಾಗಿವೆ ಎನ್ನುವುದು ಸಂಸ್ಥೆಯೊಂದರ ಅಧ್ಯಯನದಿಂದ ದೃಢಪಟ್ಟಿದೆ.

. ಇಲ್ಲಿನ ಹೇರ್ಲೈನ್ ಇಂಟರ್ನ್ಯಾಷನಲ್ ರಿಸರ್ಚ್ ಆ್ಯಂಡ್ ಟ್ರೀಟ್ಮೆಂಟ್ ಸೆಂಟರ್ ಈ ಬಗ್ಗೆ ಅಧ್ಯಯನ ನಡೆಸಿದೆ. 2021ರ ಜುಲೈ ತಿಂಗಳಿಂದ 2023ರ ಜೂನ್ ತಿಂಗಳ ಅವಧಿಯಲ್ಲಿ ಈ ಕೇಂದ್ರಕ್ಕೆ ಚರ್ಮ ಸಂಬಂಧಿ ಸಮಸ್ಯೆಗಳ ಚಿಕಿತ್ಸೆಗೆ ಭೇಟಿ ನೀಡಿದವರಲ್ಲಿ 2,235 ಮಂದಿಯನ್ನು ಅಧ್ಯಯನಕ್ಕೆ ಒಳಪಡಿಸಲಾಗಿದೆ. ಇವರ ಕರುಳಿನ ಆರೋಗ್ಯ ತಿಳಿಯಲು ‘ಎಚ್ ಪೈಲೋರಿ’ ಪರೀಕ್ಷೆ ನಡೆಸಲಾಗಿದೆ. ಅವರಲ್ಲಿ ಶೇ 72 ರಷ್ಟು ಮಂದಿಯಲ್ಲಿ ಕರುಳಿನ ಸಮಸ್ಯೆ ಪತ್ತೆಯಾಗಿದೆ. ಈ ಅಧ್ಯಯನದಿಂದ ‘ಅಟೊಪಿಕ್ ಡರ್ಮಟೈಟಿಸ್’ (ಚರ್ಮದ ದೀರ್ಘಕಾಲದ ಉರಿಯೂತ), ಮೊಡವೆ, ಸೋರಿಯಾಸಿಸ್ ಹಾಗೂ ‘ಎಸ್ಜಿಮಾ’ದಂತಹ (ಚರ್ಮದ ಉರಿಯೂತ) ಸಾಮಾನ್ಯ ಸಮಸ್ಯೆಗೂ ಕರುಳಿನ ಆರೋಗ್ಯಕ್ಕೂ ಸಂಬಂಧವಿದೆ ಎನ್ನುವುದು ತಿಳಿದುಬಂದಿದೆ.

. ಚರ್ಮ ಸಂಬಂಧಿ ಸಮಸ್ಯೆಗಳಿಗೆ ಕೇಂದ್ರದಲ್ಲಿ ಅಧ್ಯಯನಕ್ಕೆ ಒಳಪಟ್ಟವರಲ್ಲಿ ಶೇ 62ರಷ್ಟು ಮಂದಿ ಮಹಿಳೆಯರಾಗಿದ್ದರೆ, ಶೇ 38ರಷ್ಟು ಮಂದಿ ಪುರುಷರಾ ಗಿದ್ದಾರೆ. ಶೇ 80ರಷ್ಟು ಮಂದಿ ಸೋರಿಯಾಸಿಸ್ ಸೇರಿದಂತೆ ಇತರ ಸಾಮಾನ್ಯ ಚರ್ಮದ ಸಮಸ್ಯೆಗಳನ್ನು ಅನುಭವಿಸಿದವರಾಗಿದ್ದಾರೆ. ಇವರಲ್ಲಿ ಬಹುತೇಕರು ಅಜೀರ್ಣ, ಉದರ ಬೇನೆ ಸೇರಿ ಕರುಳಿಗೆ ಸಂಬಂಧಿಸಿದ ತೊಂದರೆ ಎದುರಿಸಿದ್ದಾರೆ.

. ಹೆಚ್ಚಿನವರು ಮಧ್ಯ ವಯಸ್ಕರ: ‘ಅಧ್ಯಯನಕ್ಕೆ ಒಳಪಟ್ಟವರಲ್ಲಿ ಶೇ 72ರಷ್ಟು ಮಂದಿ 40 ವರ್ಷದೊಳಗಿನವರಾಗಿದ್ದಾರೆ. ಚರ್ಮದ ಸಮಸ್ಯೆಯು ಅವರ ಜೀವನದ ಗುಣಮಟ್ಟ ಹದಗೆಡಲು ಕಾರಣವಾಗುತ್ತಿದೆ. ಮಹಿಳಾ ರೋಗಿಗಳಲ್ಲಿ ಶೇ 36ರಷ್ಟು ಮಂದಿ ಅನಿಯಮಿತ ಮುಟ್ಟಿನ ಸಮಸ್ಯೆ, ಹಾರ್ಮೋನುಗಳ ಅಸಮತೋಲನೆ ಸೇರಿ ವಿವಿಧ ಸಮಸ್ಯೆ ಹೊಂದಿದ್ದರು. ಇದು ಅನಾರೋಗ್ಯ ಸಮಸ್ಯೆಗಳ ಪರಸ್ಪರ ಸಂಬಂಧವನ್ನು ತೋರಿಸುತ್ತದೆ. ಗರ್ಭಿಣಿಯರು ಹಾಗೂ ಬಾಣಂತಿಯರು ‘ಪ್ರೊಬಯಾಟಿಕ್ ಆಹಾರ’ ಸೇವಿಸಿದಲ್ಲಿ ‘ಎಸ್ಜಿಮಾ’ದಂತಹ ಚರ್ಮ ಸಂಬಂಧಿ ಸಮಸ್ಯೆಯ ಅಪಾಯ ತಗ್ಗಿಸಲು ಸಾಧ್ಯ ಎನ್ನುವುದು ಅಧ್ಯಯನದಿಂದ ದೃಢಪಟ್ಟಿದೆ’ ಎಂದು ಕೇಂದ್ರದ ಚರ್ಮರೋಗ ತಜ್ಞೆ ಡಾ.ಕಲಾ ವಿಮಲ್ ತಿಳಿಸಿದರು.

. ‘ಈ ಅಧ್ಯಯನವು ಚರ್ಮ ಮತ್ತು ಕರುಳಿನ ನಡುವಿನ ಸಂಬಂಧ ಅರ್ಥ ಮಾಡಿಕೊಳ್ಳಲು ಸಹಕಾರಿಯಾಯಿತು. ಇದರಿಂದ ಸುಧಾರಿತ ಚಿಕಿತ್ಸಾ ವಿಧಾನ ಅಳವಡಿಕೆ ಸಾಧ್ಯವಾಗಲಿದೆ’ ಎಂದರು.

. ಪ್ರೊಬಯೋಟಿಕ್ಸ್ ಆಹಾರ

ಸಹಕಾರಿ ‘ಅಧ್ಯಯನಕ್ಕೆ ಒಳಗಾದವರನ್ನು ಎರಡು ಗುಂಪಾಗಿ ವಿಂಗಡಿಸಲಾಗಿತ್ತು. ಒಂದು ಗುಂಪಿಗೆ ಸಾಂಪ್ರದಾಯಿಕ ಜೌಷಧದ ಜತೆಗೆ ಪ್ರೊಬಯೋಟಿಕ್ಸ್ ಆಹಾರ ಒದಗಿಸಲಾಗಿತ್ತು. ಇನ್ನೊಂದು ವರ್ಗಕ್ಕೆ ಔಷಧವನ್ನು ಮಾತ್ರ ನೀಡಲಾಗಿತ್ತು. ಪ್ರೊಬಯೋಟಿಕ್ಸ್ ಆಹಾರ ಸೇವಿಸಿದರಲ್ಲಿ ಚರ್ಮದ ಉರಿಯೂತ ಮತ್ತು ಚರ್ಮ ಕೆಂಪಾಗುವಿಕೆ ಪ್ರಮಾಣ ಶೇ 90ರಷ್ಟು ಕಡಿತವಾಗಿದ್ದನ್ನು ಗಮನಿಸಿದ್ದೇವೆ. ಇದರಿಂದಾಗಿ ಚರ್ಮದ ಆರೋಗ್ಯ ವೃದ್ಧಿಗೆ ಪ್ರೊಬಯೋಟಿಕ್ಸ್ ಆಹಾರ ಸಹಕಾರಿ ಎನ್ನುವುದು ತಿಳಿದುಬಂದಿದೆ’ ಎಂದು ಡಾ.ಕಲಾ ವಿಮಲ್ ವಿವರಿಸಿದರು. ‘ಮೊಡವೆಯಂತಹ ಸಮಸ್ಯೆ ನಿವಾರಣೆಗೆ ಪ್ರೊಬಯೋಟಿಕ್ಸ್ ಆಹಾರ ಸಹಕಾರಿಯಾಗುತ್ತವೆ. ನೈಸರ್ಗಿಕವಾಗಿ ಉತ್ತಮ ಬ್ಯಾಕ್ಟಿರಿಯಾ ಹೊಂದಿರುವ ಆಹಾರಗಳೇ ಪ್ರೊಬಯೋಟಿಕ್ಸ್ ಆಹಾರ’ ಎಂದು ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚರ್ಮ ಸಮಸ್ಯೆಯಿಂದ ಕರುಳ ಬೇನೆ!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು