<p><strong>ಬೆಂಗಳೂರು:</strong> ‘ದಲಿತ ಸಾಹಿತ್ಯವನ್ನು ಅನುಭವ ಕಥನಕ್ಕೆ ಮಿತಿಗೊಳಿಸುವ ಹುನ್ನಾರ ನಡೆದಿದೆ. ಅದನ್ನು, ಸೃಜನಶೀಲ ಸಾಹಿತ್ಯದ ಬಿತ್ತಿಯಲ್ಲಿ ಅರ್ಥ ಮಾಡಿಕೊಳ್ಳುವ ಅಗತ್ಯವಿದೆ’ ಎಂದು ಲೇಖಕಿ ದಯಾ ಗಂಗನಘಟ್ಟ ಅಭಿಪ್ರಾಯ ವ್ಯಕ್ತಪಡಿಸಿದರು.</p>.<p>ತಮಟೆ ಮೀಡಿಯಾ, ಜಂಗಮ ಕಲೆಕ್ಟೀವ್ ಮತ್ತು ಬೀ ಕಲ್ಚರ್ ಸಹಯೋಗದಲ್ಲಿ ಸೋಮವಾರ ನಡೆದ ದು. ಸರಸ್ವತಿ ಅವರು ಅನುವಾದಿಸಿದ ‘ಬೀದಿಹೆಣ್ಣು’ ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>‘ದಲಿತ ಸಾಹಿತ್ಯವನ್ನು ಓದಬೇಕಾದ ಹೊಸ ದಾರಿಗಳನ್ನು ಸಮಾಜ ಕಂಡುಕೊಳ್ಳುವ ಅಗತ್ಯವಿದೆ. ಇಲ್ಲಿನ ಕಥೆಗಳು ರಟ್ಟೆಯ ಕಸುವಿಗೆ, ಹೊಟ್ಟೆಯ ಹಸಿವಿಗೆ ಗೌರವದ ಹೊತ್ತಿಗಾಗಿ ಜನ್ಮತಾಳಿವೆ. ದಲಿತರು ಮತ್ತು ದಲಿತ ಮಹಿಳೆಯರಿಗೆ ಬದುಕುವುದೇ ಒಂದು ಹೋರಾಟವಾಗಿದೆ. ಅವರಿಗೆ ದಕ್ಕಬೇಕಾದ್ದುದ್ದು ಮಾನವೀಯತೆ. ಆದರೆ, ಅದು ಈ ವ್ಯವಸ್ಥೆಯಲ್ಲಿ ಸಿಗುತ್ತಿಲ್ಲ’ ಎಂದರು.</p>.<p>‘ಮರಾಠಿ ಲೇಖಕ ಬಾಬುರಾವ್ ಬಾಗುಲ್ ಅವರ ‘ವೆನ್ ಐ ಹೈಡ್ ಮೈ ಕಾಸ್ಟ್’ ಎಂಬ ಪುಸ್ತಕದಲ್ಲಿ ದಲಿತೇತರರು ದಲಿತರ ನೋವಿನೊಳಗೆ ಇಳಿದು ಓದಬೇಕಾದ ಕಥೆಗಳನ್ನು ನಿರೂಪಿಸಿದ್ದಾರೆ. ದು. ಸರಸ್ವತಿ ಅವರು ಆ ಕಥೆಗಳನ್ನು ಪರಿಣಾಮಕಾರಿಯಾಗಿ ಕನ್ನಡಿಗರಿಗೆ ದಾಟಿಸುವಲ್ಲಿ ಯಶಸ್ವಿಯಾಗಿದ್ದಾರೆ’ ಎಂದು ಹೇಳಿದರು.</p>.<p>ಲೇಖಕಿ ದು. ಸರಸ್ವತಿ ಅವರು ಮಾತನಾಡಿ, ಏಸುಕ್ರಿಸ್ತನ ಜನ್ಮದಿನ ಮತ್ತು ಮಹಾಡ್ ಸತ್ಯಾಗ್ರಹದ ಭಾಗವಾಗಿ ಬಾಬಾಸಾಹೇಬ ಅಂಬೇಡ್ಕರ್ ಅವರು ಮನುಸ್ಮೃತಿಯನ್ನು ಸುಟ್ಟ ದಿನವೇ ಪುಸ್ತಕ ಬಿಡುಗಡೆ ಮಾಡಿದ ಔಚಿತ್ಯವನ್ನು ವಿವರಿಸಿದರು.</p>.<p>ನಿರ್ದೇಶಕಿ ಜ್ಯೋತಿ ನಿಶಾ ಅವರು ಪುಸ್ತಕವನ್ನು ಬಿಡುಗಡೆಗೊಳಿಸಿದರು. ಕವಿ ದಾದಾಪಿರ್ ಜೈಮನ್, ರೂಮಿ ಹರೀಶ್, ಪ್ರತಿಭಾ, ಅಶ್ವಿನಿ ಬೋಧ್, ಶ್ರೇಯಸ್ ಶ್ರೀನಾಥ್, ಪೂರ್ಣ ರವಿಶಂಕರ್, ಭರತ್ ರಾಜ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ‘ದಲಿತ ಸಾಹಿತ್ಯವನ್ನು ಅನುಭವ ಕಥನಕ್ಕೆ ಮಿತಿಗೊಳಿಸುವ ಹುನ್ನಾರ ನಡೆದಿದೆ. ಅದನ್ನು, ಸೃಜನಶೀಲ ಸಾಹಿತ್ಯದ ಬಿತ್ತಿಯಲ್ಲಿ ಅರ್ಥ ಮಾಡಿಕೊಳ್ಳುವ ಅಗತ್ಯವಿದೆ’ ಎಂದು ಲೇಖಕಿ ದಯಾ ಗಂಗನಘಟ್ಟ ಅಭಿಪ್ರಾಯ ವ್ಯಕ್ತಪಡಿಸಿದರು.</p>.<p>ತಮಟೆ ಮೀಡಿಯಾ, ಜಂಗಮ ಕಲೆಕ್ಟೀವ್ ಮತ್ತು ಬೀ ಕಲ್ಚರ್ ಸಹಯೋಗದಲ್ಲಿ ಸೋಮವಾರ ನಡೆದ ದು. ಸರಸ್ವತಿ ಅವರು ಅನುವಾದಿಸಿದ ‘ಬೀದಿಹೆಣ್ಣು’ ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>‘ದಲಿತ ಸಾಹಿತ್ಯವನ್ನು ಓದಬೇಕಾದ ಹೊಸ ದಾರಿಗಳನ್ನು ಸಮಾಜ ಕಂಡುಕೊಳ್ಳುವ ಅಗತ್ಯವಿದೆ. ಇಲ್ಲಿನ ಕಥೆಗಳು ರಟ್ಟೆಯ ಕಸುವಿಗೆ, ಹೊಟ್ಟೆಯ ಹಸಿವಿಗೆ ಗೌರವದ ಹೊತ್ತಿಗಾಗಿ ಜನ್ಮತಾಳಿವೆ. ದಲಿತರು ಮತ್ತು ದಲಿತ ಮಹಿಳೆಯರಿಗೆ ಬದುಕುವುದೇ ಒಂದು ಹೋರಾಟವಾಗಿದೆ. ಅವರಿಗೆ ದಕ್ಕಬೇಕಾದ್ದುದ್ದು ಮಾನವೀಯತೆ. ಆದರೆ, ಅದು ಈ ವ್ಯವಸ್ಥೆಯಲ್ಲಿ ಸಿಗುತ್ತಿಲ್ಲ’ ಎಂದರು.</p>.<p>‘ಮರಾಠಿ ಲೇಖಕ ಬಾಬುರಾವ್ ಬಾಗುಲ್ ಅವರ ‘ವೆನ್ ಐ ಹೈಡ್ ಮೈ ಕಾಸ್ಟ್’ ಎಂಬ ಪುಸ್ತಕದಲ್ಲಿ ದಲಿತೇತರರು ದಲಿತರ ನೋವಿನೊಳಗೆ ಇಳಿದು ಓದಬೇಕಾದ ಕಥೆಗಳನ್ನು ನಿರೂಪಿಸಿದ್ದಾರೆ. ದು. ಸರಸ್ವತಿ ಅವರು ಆ ಕಥೆಗಳನ್ನು ಪರಿಣಾಮಕಾರಿಯಾಗಿ ಕನ್ನಡಿಗರಿಗೆ ದಾಟಿಸುವಲ್ಲಿ ಯಶಸ್ವಿಯಾಗಿದ್ದಾರೆ’ ಎಂದು ಹೇಳಿದರು.</p>.<p>ಲೇಖಕಿ ದು. ಸರಸ್ವತಿ ಅವರು ಮಾತನಾಡಿ, ಏಸುಕ್ರಿಸ್ತನ ಜನ್ಮದಿನ ಮತ್ತು ಮಹಾಡ್ ಸತ್ಯಾಗ್ರಹದ ಭಾಗವಾಗಿ ಬಾಬಾಸಾಹೇಬ ಅಂಬೇಡ್ಕರ್ ಅವರು ಮನುಸ್ಮೃತಿಯನ್ನು ಸುಟ್ಟ ದಿನವೇ ಪುಸ್ತಕ ಬಿಡುಗಡೆ ಮಾಡಿದ ಔಚಿತ್ಯವನ್ನು ವಿವರಿಸಿದರು.</p>.<p>ನಿರ್ದೇಶಕಿ ಜ್ಯೋತಿ ನಿಶಾ ಅವರು ಪುಸ್ತಕವನ್ನು ಬಿಡುಗಡೆಗೊಳಿಸಿದರು. ಕವಿ ದಾದಾಪಿರ್ ಜೈಮನ್, ರೂಮಿ ಹರೀಶ್, ಪ್ರತಿಭಾ, ಅಶ್ವಿನಿ ಬೋಧ್, ಶ್ರೇಯಸ್ ಶ್ರೀನಾಥ್, ಪೂರ್ಣ ರವಿಶಂಕರ್, ಭರತ್ ರಾಜ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
