ಹೈಬ್ರಿಡ್ ಟೊಮೆಟೊ ಬೆಳೆದು ಕಷ್ಟಕ್ಕೆ ಸಿಲುಕಿದ ರೈತ: ಜನರಿಗೆ ಉಚಿತವಾಗಿ ವಿತರಣೆ

ರಾಜರಾಜೇಶ್ವರಿನಗರ: ದೇಶ ವಿದೇಶಗಳಿಗೆ ರಫ್ತಾಗುತ್ತಿದ್ದ ಹೈಬ್ರಿಡ್(4262) ಟೊಮೆಟೊ ಹಣ್ಣನ್ನು ಕೇಳುವವರೇ ದಿಕ್ಕಿಲ್ಲ. ಇದರಿಂದ ಕಂಗಾಲಾಗಿರುವ ತಾವರೆಕೆರೆ ಹೋಬಳಿ ರೈತರೊಬ್ಬರು ಟೊಮೊಟೊ ಹಣ್ಣನ್ನು ಸಾರ್ವಜನಿಕರಿಗೆ ಉಚಿತವಾಗಿ ಹಂಚುತ್ತಿದ್ದಾರೆ.

. ಬೆಂಗಳೂರು ದಕ್ಷಿಣ ತಾಲ್ಲೂಕಿನ ತಾವರೆಕೆರೆ ಹೋಬಳಿಯ ದೊಡ್ಡೇರಿ ಬಳಿಯ ರಾಮನಾಯಕನ ತಾಂಡ್ಯದ ಗಿಲ್ಕಾನಾಯ್ಕ ಅವರು ತಮ್ಮ 5 ಎಕರೆ ಜಮೀನಿನಲ್ಲಿ ಹೈಬ್ರಿಡ್ ಟೊಮೊಟೊ ಬೆಳೆದಿದ್ದಾರೆ. ಫಸಲು ಉತ್ತಮವಾಗಿದ್ದರೂ, ಲಾಕ್ಡೌನ್ ಕಾರಣಕ್ಕೆ ಮಾರಾಟ ಮಾಡಲು ಸಾಧ್ಯವಾಗುತ್ತಿಲ್ಲ.

. ಕೋಲಾರದ ಎಪಿಎಂಸಿಯಿಂದ ಅಸ್ಸಾಂ, ಪಶ್ಚಿಮ ಬಂಗಾಳ, ಬಾಂಗ್ಲಾದೇಶ, ಶ್ರೀಲಂಕಾಕ್ಕೆ ಈ ಹೈಬ್ರಿಡ್ ಟೊಮೆಟೊ ಕಳುಹಿಸಲಾಗುತ್ತದೆ. ಪ್ರತಿ ಬಾಕ್ಸ್ಗೆ 17 ಕೆ.ಜಿ ಹಣ್ಣು ತುಂಬಿಸಿ ಕೋಲಾರ ಮಾರುಕಟ್ಟೆ ತನಕ ತೆಗೆದುಕೊಂಡು ಹೋಗುವುದು ರೈತರ ಜವಾಬ್ದಾರಿ. ಲಾಕ್ಡೌನ್ ಇರುವ ಕಾರಣ ಈಗ ಟೊಮೆಟೊ ರಫ್ತಾಗುತ್ತಿಲ್ಲ. ಹೀಗಾಗಿ, ಒಂದು ಬಾಕ್ಸ್ ಟೊಮೆಟೊಗೆ ₹10 ದರ ಸಿಗುತ್ತಿದೆ. ಜೊತೆಗೆ ಸಾಗಣೆ ವೆಚ್ವವೂ ಈಗ ಮೂರ್ನಾಲ್ಕು ಪಟ್ಟು ಅಧಿಕವಾಗಿದೆ. ಎಪಿಎಂಸಿ ಸುಂಕ(ಶೇ 10) ಮತ್ತು ಗೂಡ್ಸ್ ವಾಹನದಿಂದ ಇಳಿಸುವ ಕೂಲಿ ಸೇರಿದರೆ ರೈತ ಬರಿಗೈನಲ್ಲಿ ವಾಪಸ್ ಬರಬೇಕಾದ ಸ್ಥಿತಿ ಇದೆ.

. ಇದರಿಂದ ಬೇಸತ್ತಿರುವ ಗಿಲ್ಕಾನಾಯ್ಕ ಅವರು ರಸ್ತೆ ಬದಿಯಲ್ಲಿ ಟಾರ್ಪಲ್ ಹಾಸಿ ಟೊಮೆಟೊ ಸುರಿದ ಸಾರ್ವಜನಿಕರಿಗೆ ಉಚಿತವಾಗಿ ಹಂಚುತ್ತಿದ್ದಾರೆ.

. ‘ಈ ಬೆಳೆ ಬೆಳೆಯಲು ಸಹಕಾರ ಬ್ಯಾಂಕ್ನಲ್ಲಿ ₹75 ಸಾವಿರ ಮತ್ತು ಖಾಸಗಿಯವರಿಂದ ₹6 ಲಕ್ಷ ಸಾಲ ಮಾಡಿದ್ದೇನೆ. ಒಟ್ಟಾರೆ ₹10 ಲಕ್ಷಕ್ಕೂ ಹೆಚ್ಚು ಖರ್ಚಾಗಿದೆ. ಈಗ ಟೊಮೆಟೊ ಕೇಳುವವರೇ ಇಲ್ಲವಾಗಿದ್ದು, ನಮ್ಮ ಬದುಕು ಮೂರಾಬಟ್ಟೆಯಾಗಿದೆ’ ಎಂದು ಗಿಲ್ಕಾನಾಯ್ಕ ಅಳಲು ತೋಡಿಕೊಂಡರು.

. ‘ಪಂಪ್ ಸೆಟ್ಗೆ ರಾತ್ರಿ ವೇಳೆ ನಾಲ್ಕು ಗಂಟೆ ಮಾತ್ರ ವಿದ್ಯುತ್ ಪೂರೈಸಲಾಗುತ್ತಿದೆ. ಹಗಲು –ರಾತ್ರಿ ಎನ್ನದೆ ನಿದ್ರೆಗೆಟ್ಟು ಕೆಲಸ ಮಾಡಿದ್ದೇವೆ. ಕೃಷಿ ಕೂಲಿ ಕಾರ್ಮಿಕರ ಕೊರತೆ ನಡುವೆ ಬೆಳೆದಿದ್ದ ಬೆಳೆಯನ್ನು ಬೀದಿಯಲ್ಲಿ ಸುರಿಯುವ ಸ್ಥಿತಿ ಬಂದಿದೆ’ ಎಂದು ಅವರು ಬೇಸರ ವ್ಯಕ್ತಪಡಿಸಿದರು.

. ‘ಒಂದು ಬಾಕ್ಸ್ ಟೊಮೆಟೊಗೆ ಕನಿಷ್ಠ ₹100 ಸಿಗಬೇಕು. ಈಗ ₹10ಕ್ಕೂ ಕೇಳುವವರಿಲ್ಲ. ಸಾಲು ತೀರಿಸಲು ಬೇರೆ ದಾರಿ ಇಲ್ಲದೆ ವಿಷ ಕುಡಿಯಬೇಕಾದ ಸಂದರ್ಭ ಬಂದಿದೆ’ ಎಂದು ಕಣ್ಣೀರಿಟ್ಟರು.

. ‘ದಾಸನಪುರ, ಯಶವಂತಪುರ ಎಪಿಎಂಸಿಗೆ ತೆಗೆದುಕೊಂಡು ಹೋದರೆ ಒಂದು ಬಾಕ್ಸ್ಗೆ ₹15 ದರದಲ್ಲಿ ಕೇಳುತ್ತಾರೆ. ಅದೇ ಟೊಮೆಟೊ ಅಂಗಡಿಗಳಲ್ಲಿ ಕೆ.ಜಿಗೆ ₹10 ದರದಲ್ಲಿ ಮಾರಾಟವಾಗುತ್ತಿದೆ. ರೈತ ಮತ್ತು ಗ್ರಾಹಕ ಇಬ್ಬರಿಗೆ ಹೊರೆಯಾಗಿದ್ದು, ಮಧ್ಯವರ್ತಿಗಳು ಲಾಕ್ಡೌನ್ ಲಾಭ ಪಡೆಯುತ್ತಿದ್ದಾರೆ. ಸರ್ಕಾರ ಸೂಕ್ತ ವ್ಯವಸ್ಥೆ ಕಲ್ಪಿಸಿ ರೈತರಿಗೆ ಆಗುವ ಅನ್ಯಾಯ ತಡೆಯಬೇಕು’ ಎಂದು ಮನವಿ ಮಾಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೈಬ್ರಿಡ್ ಟೊಮೆಟೊ ಬೆಳೆದು ಕಷ್ಟಕ್ಕೆ ಸಿಲುಕಿದ ರೈತ: ಜನರಿಗೆ ಉಚಿತವಾಗಿ ವಿತರಣೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ