ಮರಗಳ ಗಣತಿಗೆ ತಂತ್ರಜ್ಞಾನದ ಸ್ಪರ್ಶ

ಬೆಂಗಳೂರು: ಮರಗಳ ಕುರಿತು ಮಾಹಿತಿ ಒದಗಿಸುವ ಉದ್ದೇಶದಿಂದ ವೃಕ್ಷ ಫೌಂಡೇಷನ್ ಆರಂಭಿಸಿರುವ ‘ವೃಕ್ಷ ಯೋಜನೆ’ಯ ಭಾಗವಾಗಿ ತಂತ್ರಜ್ಞಾನ ಆಧರಿತ ಪ್ರಾಯೋಗಿಕ ಮರ ಗಣತಿಯನ್ನು ಜಯನಗರದಲ್ಲಿ ಭಾನುವಾರ ಆರಂಭಿಸಲಾಯಿತು.

. ಜಯನಗರದ ಶಾಸಕರ ಕಚೇರಿ ಮುಂಭಾಗದ ಮರವೊಂದರ ಮಾಹಿತಿಯನ್ನು ಅಪ್ಲೋಡ್ ಮಾಡುವ ಮೂಲಕನಿವೃತ್ತ ಅರಣ್ಯ ಅಧಿಕಾರಿ ಎಸ್.ಜಿ.ನೇಗಿನಹಾಳ್ ಅವರು ಗಣತಿಗೆ ಚಾಲನೆ ನೀಡಿದರು.

. ‘ದೇಶದಲ್ಲಿಯೇ ಮೊದಲ ಬಾರಿಗೆ ಮೊಬೈಲ್ ತಂತ್ರಾಂಶವನ್ನು ಬಳಸಿ ಮರ ಗಣತಿ ಮಾಡಲಾಗುತ್ತಿದೆ. ಈಗಾಗಲೇ ಮೂರು ವಾರ್ಡ್ಗಳಲ್ಲಿರುವ 5,500 ಮರಗಳನ್ನು ಗುರುತಿಸಲಾಗಿದೆ. ಮುಂದಿನ ದಿನಗಳಲ್ಲಿ ಈ ಮಾಹಿತಿಯನ್ನು ವೃಕ್ಷಾ ವೆಬ್ಸೈಟ್ನಲ್ಲಿ ಅಪ್ಲೋಡ್ ಮಾಡುವ ಆಲೋಚನೆ ಇದೆ. ಕಳೆದ ಎಂಟು ವರ್ಷಗಳಿಂದ ವೃಕ್ಷ ಯೋಜನೆ ಪ್ರಾಯೋಗಿಕವಾಗಿ ಜಾರಿಯಲ್ಲಿದೆ’ ಎಂದು ಈ ಯೋಜನೆಯ ರೂವಾರಿ ವಿಜಯ್ ನಿಶಾಂತ್ ತಿಳಿಸಿದರು.

. ‘ಮರಗಳ ಗಣತಿಯಿಂದ ನಗರದ ಜೀವವೈವಿಧ್ಯ ಕುರಿತು ನಿರ್ದಿಷ್ಟ ಮಾಹಿತಿ ಲಭಿಸುತ್ತದೆ. ಸರ್ಕಾರವೂ ಈ ದತ್ತಾಂಶವನ್ನು ಬಳಸಿಕೊಳ್ಳಬಹುದು. ಇದರಿಂದ ಸಂಶೋಧಕರಿಗೂ ಅನುಕೂಲವಾಗಲಿದೆ. ಬೇರೆ ನಗರಗಳಲ್ಲಿಯೂ ಯೋಜನೆಯನ್ನು ಅನುಷ್ಠಾನಗೊಳಿಸುವ ಯೋಚನೆ ಇದೆ’ ಎಂದರು.

. ‘ನಗರದಲ್ಲಿರುವ ಎಲ್ಲಾ ವಿಧದ ಮರಗಳ ಮಾಹಿತಿ ಜಾಲತಾಣದಲ್ಲಿ ಸಾರ್ವಜನಿಕರಿಗೆ ಲಭ್ಯವಾಗಲಿದೆ. ಮರಗಳ್ಳರ ಮೇಲೆ ಕಣ್ಣಿಡಲೂ ಇದು ನೆರವಾಗಲಿದೆ. ಮರ ಕಡಿದರೆ, ಅದರ ಮಾಹಿತಿಯೂ ಲಭ್ಯವಾಗಲಿದೆ. ಮರ ಏಕೆ ನಾಶವಾಯಿತು ಎಂದು ಜನರು ಸಂಬಂಧಿಸಿದ ಅಧಿಕಾರಿಗಳನ್ನು ಪ್ರಶ್ನೆ ಮಾಡಬಹುದು’ ಎಂದು ಅವರು ಹೇಳಿದರು.

. ಏನಿದು ವೃಕ್ಷ ಯೋಜನೆ?: ಅಭಿವೃದ್ಧಿ ಮತ್ತು ಆಧುನೀಕರಣದ ಹೆಸರಿನಲ್ಲಿ ಆಗುತ್ತಿರುವ ಮರಗಳ ಮಾರಣ ಹೋಮವನ್ನು ಗಮನಿಸಿದ ಸಸ್ಯ ವೈದ್ಯ ವಿಜಯ್ ನಿಶಾಂತ್, ನಗರದ ಮರಗಳ ಮಾಹಿತಿಯನ್ನು ಒಳಗೊಂಡ ದಾಖಲೆ ತಯಾರಿಸಬೇಕು ಎನ್ನುವ ಪಣತೊಟ್ಟು 2010ರಲ್ಲಿ ಸ್ನೇಹಿತರೊಂದಿಗೆ ಸೇರಿ ವೃಕ್ಷ ಯೋಜನೆಯನ್ನು ಆರಂಭಿಸಿದರು.

. ಜಯನಗರ, ಬೈರಸಂದ್ರ ಮತ್ತು ಪಟ್ಟಾಭಿರಾಮನಗರದಲ್ಲಿ ಪ್ರಾಯೋಗಿಕವಾಗಿ ಮರಗಳ ಗಣತಿ ಮಾಡಿ ಕಾಗದದಲ್ಲಿಯೇದತ್ತಾಂಶವನ್ನು ನಮೂದಿಸುತ್ತಿದ್ದರು. ತರುವಾಯ ವೆಬ್ಸೈಟ್ ಆರಂಭಿಸಲಾಯಿತು. ಅದಕ್ಕೆ ಮಾಹಿತಿಯನ್ನು ಅಪ್ಲೋಡ್ ಮಾಡಲಾಗುತ್ತಿತ್ತು. ಇದೀಗಮೊಬೈಲ್ ತಂತ್ರಾಂಶವನ್ನು ಅಭಿವೃದ್ಧಿಪಡಿಸಲಾಗಿದೆ.

. ಮೊಬೈಲ್ ಆ್ಯಪ್ ಶೀಘ್ರ

. ಮರಗಳ ಮಾಹಿತಿಗಾಗಿ ಮೊಬೈಲ್ ತಂತ್ರಾಂಶ ಅಭಿವೃದ್ಧಿಪಡಿಸಲಾಗಿದೆ. ಆ್ಯಪ್ಜಿ.ಪಿ.ಎಸ್ ಆಧರಿತ ನಿಖರ ದತ್ತಾಂಶವನ್ನು ನೀಡುತ್ತದೆ. ಆ್ಯಪ್ ಉಪಯೋಗಿಸಿಮರಗಳ ಹೆಸರು, ಪ್ರಬೇಧ, ಪ್ರಸ್ತುತ ಸ್ಥಿತಿ, ಪ್ರದೇಶ ಮತ್ತು ಮರಗಳಇತರ ಗುಣಲಕ್ಷಣಗಳನ್ನು ತಿಳಿದುಕೊಳ್ಳಬಹುದು. ಸಾರ್ವಜನಿಕರಿಗೆ ಈ ಆ್ಯಪ್ ಇದೇ ವರ್ಷದ ಜೂನ್ನಲ್ಲಿ ಲಭ್ಯವಾಗಲಿದೆ.

. ‘ಮೊದಲು ಕಾಗದದಲ್ಲಿ ಕೈಯಿಂದಲೇ ಮರಗಳ ವಿವರಗಳನ್ನು ನಮೂದಿಸುತ್ತಿದ್ದೆವು. ಬಳಿಕ ಟ್ಯಾಬ್ಗೆ ತಕ್ಕಂತೆ ವೆಬ್ಸೈಟ್ ರೂಪಿಸಿದೆವು. ಈಗ ಮೊಬೈಲ್ ಬಳಕೆ ಸಾಮಾನ್ಯವಾಗಿರುವುದರಿಂದ ಆ್ಯಪ್ ಅಭಿವೃದ್ಧಿಪಡಿಸಿದ್ದೇವೆ’ ಎಂದು ವೃಕ್ಷಫೌಂಡೇಷನ್ನ ಸಹ ಸಂಸ್ಥಾಪಕಆರ್.ರವಿಕುಮಾರ್ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮರಗಳ ಗಣತಿಗೆ ತಂತ್ರಜ್ಞಾನದ ಸ್ಪರ್ಶ

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ಹೊಂಬಾಳೆ ಫಿಲ್ಮ್ಸ್‌ ವತಿಯಿಂದ ಫ್ಯಾಂಟಸಿ ಸಿನಿಮಾ?

ವಾರಕ್ಕೆ 70 ಗಂಟೆ ಕೆಲಸ | ಉಸಿರಿರುವವರೆಗೂ ಅದನ್ನೇ ಹೇಳೋದು: ನಾರಾಯಣ ಮೂರ್ತಿ

ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಹಾಕಿ: ಚಾಂಪಿಯನ್ ಭಾರತಕ್ಕೆ ಚೀನಾ ಸವಾಲು ಇಂದು

ಮಿನಿ ಒಲಿಂಪಿಕ್ಸ್‌: ಸಮರ್ಥ್‌ಗೆ ಮೂರು ಚಿನ್ನ

14 ವರ್ಷದೊಳಗಿನ ರಾಜ್ಯಮಟ್ಟದ ಅಥ್ಲೆಟಿಕ್ಸ್: ಪೂಜಾ, ಪ್ರೀತಮ್ ವೇಗದ ಓಟಗಾರರು

ಪ್ರೊ ಕಬಡ್ಡಿ: ಪಟ್ನಾ ಪೈರೇಟ್ಸ್‌ಗೆ ಜಯ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ಹೊಂಬಾಳೆ ಫಿಲ್ಮ್ಸ್‌ ವತಿಯಿಂದ ಫ್ಯಾಂಟಸಿ ಸಿನಿಮಾ?

ವಾರಕ್ಕೆ 70 ಗಂಟೆ ಕೆಲಸ | ಉಸಿರಿರುವವರೆಗೂ ಅದನ್ನೇ ಹೇಳೋದು: ನಾರಾಯಣ ಮೂರ್ತಿ