ಹೊಸ ತಲೆಮಾರು ಚಿತ್ತಾಲರನ್ನು ಓದಬೇಕು

ಬೆಂಗಳೂರು: ‘ನಾವು ಮನುಷ್ಯರಾಗಲು ಹುಟ್ಟಿದ್ದೇವೆ. ನಾನು ತಿಳಿದದ್ದನ್ನು ಬರೆಯುವುದಿಲ್ಲ, ತಿಳಿಯುವುದಕ್ಕೇ ಬರೆಯುತ್ತೇನೆ ಎಂದು ಹೇಳಿದಂತೆ ಬದುಕಿದ ಕತೆಗಾರ ಯಶವಂತ ಚಿತ್ತಾಲರ ಬರಹಗಳನ್ನು ಹೊಸ ತಲೆಮಾರಿಗೆ ಓದಲು ಹಚ್ಚಬೇಕು’ ಎಂದು ಕತೆಗಾರ ಜಯಂತ ಕಾಯ್ಕಿಣಿ ಅಭಿಪ್ರಾಯಪಟ್ಟರು.

ಆಕಾಶವಾಣಿ ಕೇಂದ್ರ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಯೋಗದಲ್ಲಿ ಬುಧವಾರ ಭಾರತೀಯ ವಿದ್ಯಾಭವನದಲ್ಲಿ ಆಯೋಜಿಸಿದ್ದ ‘ಚಿತ್ತಾಲ – ಚಿಂತನೆ’ ಎಂಬ ಯಶವಂತ ಚಿತ್ತಾಲರ ಬದುಕು– ಸಾಹಿತ್ಯ ಕುರಿತ ವಿಚಾರ ಸಂಕಿರಣದಲ್ಲಿ ಚಿತ್ತಾಲರೊಂದಿಗಿನ ಒಡನಾಟ ಕುರಿತು ಅವರು ಮಾತನಾಡಿದರು.

‘ತುಂಬ ಶಿಸ್ತು, ವಾತ್ಸಲ್ಯ, ಮಮತೆ ಹೊಂದಿದ್ದ ಚಿತ್ತಾಲರು ಸಾಗರ ಪ್ರತಿಭೆಯ ಲೇಖಕರರಾಗಿದ್ದರು. ತಮ್ಮ ಬರವಣಿಗೆಯಿಂದಲೇ ರಕ್ತದೊತ್ತಡವನ್ನು ಗ್ರಹಿಸುವಂತಹ ಸೂಕ್ಷ್ಮ ಸಂವೇದನೆ ಅವರದಾಗಿತ್ತು. ಬರವಣಿಗೆಯಲ್ಲಿ ಗಂಭೀರತೆ ತುಂಬಿರುತ್ತಿದ್ದರೂ, ಅದನ್ನು ಮೀರಿದ ಹಾಸ್ಯಪ್ರಜ್ಞೆ ಅವರಲ್ಲಿತ್ತು. ಶ್ರೇಷ್ಠತೆಯ ವ್ಯಸನ ಅವರ ಬಳಿಗೆ ಎಂದಿಗೂ ಸುಳಿಯಲಿಲ್ಲ’ ಎಂದರು.

ಚಿತ್ತಾಲರ ಸಣ್ಣಕಥಾಲೋಕ ಕುರಿತು ಮಾತನಾಡಿದ ಕತೆಗಾರ ಎಸ್.ದಿವಾಕರ್, ‘ಕನ್ನಡದ ಶಿಷ್ಟ ಕತೆಗಾರರಲ್ಲಿ ಒಬ್ಬರಾಗಿದ್ದ ಚಿತ್ತಾಲರು ಮಾಸ್ತಿ ಅವರ ಕಥನ ಪರಂಪರೆಗೆಗೆ ತೀರ ನಿಕಟವಾಗಿದ್ದರು. ಅವರಷ್ಟು ತೀವ್ರವಾಗಿ ನಮ್ಮ ಸಾಮಾಜಿಕ ಮತ್ತು ಸಾಹಿತ್ಯಿಕ ಚಳವಳಿಗಳಿಗೆ ಪ್ರತಿಕ್ರಿಯಿಸಿದವರು ಯಾರೂ ಇಲ್ಲ’ ಎಂದು ಅನಿಸಿಕೆ ವ್ಯಕ್ತಪಡಿಸಿದರು.

‘ಮನುಷ್ಯ ಸ್ವಭಾವ ವೈಚಿತ್ರ್ಯಗಳಲ್ಲಿ ಆಸಕ್ತಿ, ನೈತಿಕ ಮೌಲ್ಯಗಳ ಶೋಧನೆ, ಇವೆಲ್ಲವನ್ನೂ ಹೊಂದಿರುವ ಸಮುದಾಯಗಳ ಗಾಢವಾದ ಅರಿವು, ಆತ್ಮಶೋಧ, ಮನೋವಿಶ್ಲೇಷಣೆ, ಬದುಕು ಸಾವುಗಳ ನಿಗೂಢ ಸಂಬಂಧ, ಪ್ರತಿಮೆಗಳ ಸೃಷ್ಟಿ ಕಾರ್ಯ ಅವರ ಒಟ್ಟಾರೆ ಬರಹಗಳಲ್ಲಿ ಕಂಡುಬರುತ್ತವೆ’ ಎಂದರು.

ಚಿತ್ತಾಲರ ಕಾದಂಬರಿ ಪ್ರಪಂಚದ ಕುರಿತು ವಿಮರ್ಶಕಿ ಡಾ.ಬಿ.ಎನ್.ಸುಮಿತ್ರಾಬಾಯಿ ಅವರು ಮಾತನಾಡಿ, ‘ಎಲ್ಲ ಹಣದ ಮೂಲಕ ನಿಯಂತ್ರವಾಗುವ ವ್ಯವಸ್ಥೆಯಲ್ಲಿ ಮನುಷ್ಯರೊಳಗಿನ ಸಂಬಂಧಗಳು, ಭೂ ಮಾಫಿಯಾ, ಜೋಪಡಪಟ್ಟಿ, ಕೊಳಚೆ ಕೊಂಪೆಗಳ ಕರಾಳ ಜಗತ್ತಿನ ರಾಜಕೀಯ ಮತ್ತು ಮಾಧ್ಯಮಗಳ ದುರಂತ ಚಿತ್ರಣ ಚಿತ್ತಾಲರ ಕತೆಯ ಹೂರಣಗಳಾಗಿವೆ’ ಎಂದು ಹೇಳಿದರು.

ಚಿತ್ತಾಲರು ಸಮಗ್ರ ದರ್ಶನ ಕುರಿತು ಡಾ.ರಾಜೇಂದ್ರ ಚೆನ್ನಿ ಮಾತನಾಡಿ, ‘ಇಂದು ಎಲ್ಲರನ್ನೂ ಕಂಗೆಡಿಸಿರುವ ತಲ್ಲಣಗಳನ್ನು ಬಹು ಹಿಂದೆಯೇ ಚಿತ್ತಾಲರ ಕಾದಂಬರಿಯಲ್ಲಿ ಓದಿದಾಗ ಅತಿಶಯೋಕ್ತಿಯಲ್ಲಿ ರಂಜಿತವಾದ ಪ್ರತಿಮೆ ಎಂದು ಭಾವಿಸಿಕೊಂಡಿದ್ದವರೆ ಹೆಚ್ಚು. ಕಳೆದ ಒಂದು ದಶಕವರೆಗೆ ಜಾಗತಿಕರಣವನ್ನು ಅರ್ಥಮಾಡಿಕೊಳ್ಳುತ್ತ ಬಂದಿರುವ ನಮಗೆ ಚಿತ್ತಾಲರ ಸಾಹಿತ್ಯ ಜತೆಗೆ ಮರು ಸಂವಾದ ಮಾಡುವ ತುರ್ತಿದೆ’ ಎಂದರು.

ಕಾರ್ಯಕ್ರಮದಲ್ಲಿ ಬಿ.ವಿ.ರಾಜಾರಾಂ ಮತ್ತು ತಂಡದವರು ಚಿತ್ತಾಲರ ಸಣ್ಣಕಥೆಗಳ ಬಾನುಲಿ ರೂಪಗಳನ್ನು ಪ್ರದರ್ಶಿಸಿದರು. ಆಕಾಶವಾಣಿ ಪ್ರಾದೇಶಿಕ ಕೇಂದ್ರದ ನಿರ್ದೇಶಕ ಡಾ.ಬಸವರಾಜ ಸಾದರ ಉಪಸ್ಥಿತರಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೊಸ ತಲೆಮಾರು ಚಿತ್ತಾಲರನ್ನು ಓದಬೇಕು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ದಿನ ಭವಿಷ್ಯ | ಈ ರಾಶಿಯವರು ರಾಹುಕಾಲದ ನಂತರ ಪ್ರಯಾಣ ಆರಂಭಿಸಿ

ವಾರಕ್ಕೆ 70 ಗಂಟೆ ಕೆಲಸ | ಉಸಿರಿರುವವರೆಗೂ ಅದನ್ನೇ ಹೇಳೋದು: ನಾರಾಯಣ ಮೂರ್ತಿ

IND vs SA 4th T20: ತಿಲಕ್, ಸಂಜು ಸಿಡಿಲಬ್ಬರಕ್ಕೆ ಬೆಚ್ಚಿಬಿದ್ದ ದ.ಆಫ್ರಿಕಾ

ಸಯ್ಯದ್‌ ಮುಷ್ತಾಕ್‌ ಅಲಿ ಟಿ20 ಕ್ರಿಕೆಟ್ ಟೂರ್ನಿ: ವೈಶಾಕ್‌ಗೆ ಸ್ಥಾನ

ಚೆಸ್ ಇಂಡಿಯಾ ರ‍್ಯಾಪಿಡ್ ಟೂರ್ನಿ: ಕಾರ್ಲಸನ್‌ಗೆ ಜಯ; ಪ್ರಜ್ಞಾನಂದ ರನ್ನರ್ ಅಪ್

ಕ್ರಿಕೆಟ್: ಬಾಲಕಿಯರ ತಂಡಕ್ಕೆ ನೇಸರ ನಾಯಕಿ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ಬೊಂಬೆ ಆಡ್ಸೋನು...

ದಿನ ಭವಿಷ್ಯ | ಈ ರಾಶಿಯವರು ರಾಹುಕಾಲದ ನಂತರ ಪ್ರಯಾಣ ಆರಂಭಿಸಿ

ವಾರಕ್ಕೆ 70 ಗಂಟೆ ಕೆಲಸ | ಉಸಿರಿರುವವರೆಗೂ ಅದನ್ನೇ ಹೇಳೋದು: ನಾರಾಯಣ ಮೂರ್ತಿ