ಬಸವಕಲ್ಯಾಣದಲ್ಲಿ ಎರಡನೇ ಸ್ವಾಭಿಮಾನಿ ಕಲ್ಯಾಣ ಪರ್ವ: ಚನ್ನಬಸವಾನಂದ ಸ್ವಾಮೀಜಿ

ಬೀದರ್‌ ಬಸವ ಮಂಟಪದ ಮಾತೆ ಸತ್ಯಾದೇವಿ ಮಾತನಾಡಿ, ಬಸವ ಧರ್ಮ ಪೀಠ ಬಿಟ್ಟು ನಾವು ಎಂದೂ ಹೊರಗೆ ಹೋಗಿಲ್ಲ. ಆದರೆ, ಗಂಗಾದೇವಿಯವರು ನಮ್ಮನ್ನು ದೂರ ಮಾಡುತ್ತಿದ್ದಾರೆ. ಅವರ ಉದ್ದೇಶವೇನಿದೆ ನಮಗೆ ಗೊತ್ತಿಲ್ಲ. ಅವರ ಆಹ್ವಾನದ ಮೇರೆಗೆ ಸೆ. 19ರಂದು ಕಲ್ಯಾಣ ಪರ್ವದ ಪೂರ್ವಸಿದ್ದತಾ ಸಭೆಗೆ ಬೀದರ್‌ನಿಂದ ಸುಮಾರು 25 ಜನರು ಹಾಗೂ ಬೇರೆ ಬೇರೆ ಕಡೆಗಳಿಂದ ಸುಮಾರು 60ಕ್ಕೂ ಹೆಚ್ಚು ಜನರು ಬಸವಕಲ್ಯಾಣದ ಬಸವ ಮಹಾಮನೆಗೆ ಹೋಗಿದ್ದೆವು. ಆದರೆ, ಆಶ್ರಮದಲ್ಲಿರುವ ಸಿದ್ಧರಾಮೇಶ್ವರ ಸ್ವಾಮೀಜಿ ತಮ್ಮ ತಪ್ಪುಗಳನ್ನು ಮುಚ್ಚಿಕೊಳ್ಳಲು ನೂರಾರು ಜನ ಪೊಲೀಸರನ್ನು ಕರೆಸಿ ನಮ್ಮನ್ನು ಒಳಗೆ ಹೋಗದಂತೆ ತಡೆದರು. ಬಂಧಿಸಿ ಬಿಡುಗಡೆ ಮಾಡಿದರು. ನಾವೇನು ಭಯೋತ್ಪಾದಕರಾ? ಮೂರು ದಶಕಗಳಿಂದ ನಾವೇ ಕಟ್ಟಿ ಬೆಳೆಸಿದ ಆಶ್ರಮದೊಳಗೆ ನಾವೇ ಹೋಗಬಾರದೆ?  ಎಂದು ಪ್ರಶ್ನಿಸಿದರು.